ಒಳ್ಳೆ ಹುಡ್ಗ ಪ್ರಥಮ್, ಬಿಗ್ ಬಾಸ್ ಪ್ರಥಮ್.. ಇನ್ನು ಮುಂದೆ ನಟಭಯಂಕರ ಪ್ರಥಮ್ ಆಗಲಿದ್ದಾರೆ. ಅವರದ್ದೇ ನಟನೆ ಹಾಗೂ ನಿರ್ದೇಶನದ ನಟಭಯಂಕರ ಇದೇ ಶುಕ್ರವಾರ ರಿಲೀಸ್ ಆಗುತ್ತಿದೆ. ಚಿತ್ರದ ಒಂದು ಹಾಡನ್ನು ಅಶ್ವಿನಿ ಪುನೀತ್ ರಾಜ್ ಕುಮಾರ್ ಬಿಡುಗಡೆ ಮಾಡಿದ್ದು ವಿಶೇಷ. ಚಿತ್ರದ ಪ್ರಚಾರವನ್ನೂ ಎಂದಿನಂತೆ ವಿಭಿನ್ನವಾಗಿಯೇ ಮಾಡಿರುವ ಪ್ರಥಮ್ ಚಿತ್ರದಲ್ಲಿ ಹಾರರ್ ಕಾಮಿಡಿ ಸಬ್ಜೆಕ್ಟ್ ಕಥೆ ಹೇಳಿದ್ದಾರೆ.
ಅಶ್ವಿನಿ ಎಂದಿನಂತೆ ಆಲ್ ದಿ ಬೆಸ್ಟ್ ಎಂದಷ್ಟೇ ಹೇಳಿದರಾದರೂ, ವೇದಿಕೆಯಲ್ಲಿದ್ದ ಅವರನ್ನೂ ತುಸುಹೊತ್ತು ನಗಿಸಿದ್ದು ಪ್ರಥಮ್ ಸಾಧನೆ. ಟ್ರೇಲರ್ ನೋಡಿ ಮೆಚ್ಚಿದ್ದಾರಂತೆ ಅಶ್ವಿನಿ ಪುನೀತ್ ರಾಜ್ ಕುಮಾರ್. ಚಿತ್ರದ ಹಾಡುಗಳನ್ನು ಲಹರಿ ಸಂಸ್ಥೆ ಖರೀದಿಸಿದೆ. ಪ್ರಥಮ್ ಎದುರು ಚಂದನ, ನಿಹಾರಿಕಾ, ಸುಶ್ಮಿತಾ ಜೋಷಿ ನಾಯಕಿಯರಾಗಿ ನಟಿಸಿದ್ದಾರೆ.
