ತ್ರಿವಿಕ್ರಮ ಚಿತ್ರದ ಹಾಡು ನೋಡಿದವರು ಬೆರಗಾಗುತ್ತಿರುವುದು ವಿಕ್ರಂ ಮತ್ತು ಆಕಾಂಕ್ಷಾ ಶರ್ಮಾ ಡ್ಯಾನ್ಸ್ಗೆ. ಹಾಡಿನಲ್ಲಿ ಇಬ್ಬರೂ ಸಖತ್ ಸ್ಟೆಪ್ ಹಾಕಿದ್ದಾರೆ. ವಿಕ್ರಂ ಅವರೇನೋ ಕನ್ನಡಿಗರಿಗೆ ಪರಿಚಿತ ಮುಖ. ಮೊದಲನೇ ಸಿನಿಮಾವಾದರೂ, ರವಿಚಂದ್ರನ್ ಅವರ 2ನೇ ಮಗ ಅನ್ನೋ ಪ್ರೀತಿ ಕನ್ನಡಿಗರದ್ದು. ಅಷ್ಟೇ ಕುತೂಹಲ ಮೂಡಿಸಿರುವುದು ಆಕಾಂಕ್ಷಾ ಶರ್ಮಾ.

ಈ ಆಕಾಂಕ್ಷಾ ಶರ್ಮಾ ಯಾರೆಂದು ಹುಡುಕಿದರೆ ಉತ್ತರ ಜುಗ್ನು ವಿತ್ ಬಾದ್ಷಾ ಮತ್ತು ಟೈಗರ್ ಶ್ರಾಫ್ ಜೊತೆಗಿನ ಎರಡು ಹಾಡುಗಳಲ್ಲಿದೆ. ಅದ್ಭುತ ನೃತ್ಯಗಾರ್ತಿಯಾಗಿರೋ ಆಕಾಂಕ್ಷಾ ಟೈಗರ್ ಶ್ರಾಫ್ ಜೊತೆಗೆ ಸರಿಸಮನಾಗಿ ಹೆಜ್ಜೆ ಹಾಕಿದವರು. ಜಾಹೀರಾತುಗಳಲ್ಲಿ ನಟಿಸುತ್ತಿದ್ದ ಆಕಾಂಕ್ಷಾ ಶರ್ಮಾಗೆ ಇದು ಮೊದಲ ಸಿನಿಮಾ.

ನಿರ್ದೇಶಕರು ನನ್ನನ್ನು ಆಯ್ಕೆ ಮಾಡಿದ್ದೇ ನನ್ನ ನೃತ್ಯ ನೋಡಿ. ಚಿತ್ರದಲ್ಲಿ ಹೀರೋ ವಿಕ್ರಂ ಅವರಷ್ಟೇ ಅಲ್ಲದೆ, ನನಗೂ ಒಳ್ಳೆಯ ಅವಕಾಶವಿದೆ. ನಟನೆಗೆ ಸ್ಕೋಪ್ ಇದೆ. ಚಿತ್ರದಲ್ಲಿ ನನ್ನ ಅಭಿನಯ ಮತ್ತು ನೃತ್ಯ ಎರಡನ್ನೂ ಪ್ರದರ್ಶಿಸಲು ಅವಕಾಶ ಸಿಕ್ಕಿದೆ ಎಂದಿದ್ದಾರೆ ಆಕಾಂಕ್ಷಾ ಶರ್ಮ. ಸಹನಾ ಮೂರ್ತಿ ನಿರ್ದೇಶನದ ಸಿನಿಮಾ ವಿಕ್ರಂ, ಇದೇ ವಾರ ರಿಲೀಸ್ ಆಗುತ್ತಿದೆ.