ಕರ್ನಾಟಕದಲ್ಲಿ ಕನ್ನಡ ಸಿನಿಮಾಗಳಿಗೇ ನೆಲೆ ಇಲ್ಲದಂತಾಗಿದೆ. ಡಬ್ಬಿಂಗ್ ಹೆಸರು ಹೇಳಿಕೊಂಡು ಪರಭಾಷೆಯ ಚಿತ್ರಗಳು ನೂರಾರು ಚಿತ್ರ ಮಂದಿರಗಳಲ್ಲಿ ರಿಲೀಸ್ ಆಗುತ್ತಿವೆ. ಕರ್ನಾಟಕದಲ್ಲಿಯೇ ಕನ್ನಡ ಚಿತ್ರಗಳಿಗಾಗಿ ಚಿತ್ರಮಂದಿರಗಳನ್ನು ಬೂದುಗನ್ನಡಿ ಹಾಕಿಕೊಂಡು ಹುಡುಕಬೇಕು. ನಮ್ಮದು ಅಚ್ಚ ಕನ್ನಡ ಸಿನಿಮಾ. ನಿಜವಾದ ಕನ್ನಡ ಸಿನಿಮಾಗಳನ್ನು ನೋಡಿ.. ಬೆಂಬಲಿಸಿ..

ರಚಿತಾ ರಾಮ್ ಗುಡುಗಿದ ಈ ಮಾತು ಈಗ ಎಲ್ಲೆಡೆ ವೈರಲ್ ಆಗುತ್ತಿದೆ. ರಚಿತಾ ರಾಮ್ ಇಷ್ಟೆಲ್ಲ ರೊಚ್ಚಿಗೆದ್ದು ಮಾತನಾಡಿದ್ದು ತಮ್ಮದೇ ನಟನೆಯ ಲವ್ ಯೂ ರಚ್ಚು ಚಿತ್ರದ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದಲ್ಲಿ. ಆ ಸಿನಿಮಾ ಡಿಸೆಂಬರ್ 31ರಂದು ರಿಲೀಸ್ ಆಗುತ್ತಿದೆ.

ರಚಿತಾ ರಾಮ್ ಹೇಳಿಕೆಯನ್ನು ರಶ್ಮಿಕಾ ಮಂದಣ್ಣಗೆ ಕೊಟ್ಟ ಟಾಂಗ್ ಎಂದು ಸಂತಸ ಪಡುತ್ತಿರುವವರೂ ಇದ್ದಾರೆ. ಹೆಣ್ಣು ಮಗಳೊಬ್ಬಳಾದರೂ ಸಿಡಿದು ನಿಂತಳಲ್ಲ ಎನ್ನುವವರೂ ಇದ್ದಾರೆ. ಆದರೆ.. ಸಮಸ್ಯೆ..?

ಸದ್ಯಕ್ಕಂತೂ ಪರಿಸ್ಥಿತಿ ಬದಲಾಗಿಲ್ಲ. ಬೇರೆ ಬೇರೆ ಭಾಷೆಗಳ ಚಿತ್ರಗಳ ಎದುರು ಕನ್ನಡ ಚಿತ್ರಗಳು ಡಲ್ಲು ಹೊಡೆಯುತ್ತಿವೆ ಅನ್ನೋದು ಒಪ್ಪಿಕೊಳ್ಳಲು ಇಷ್ಟವಾಗದ ಸತ್ಯ