` ಕಿವಿಯಲ್ಲಷ್ಟೇ ನೋಡಿ.. 100 ಮೂವಿಯ ಇನ್ನೊಬ್ಬ ಹೀರೋ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ಕಿವಿಯಲ್ಲಷ್ಟೇ ನೋಡಿ.. 100 ಮೂವಿಯ ಇನ್ನೊಬ್ಬ ಹೀರೋ
100 Movie Image

100 ರಿಲೀಸ್ ಆಗುತ್ತಿದೆ. ಇದು ಈಗಾಗಲೇ 100 ಚಿತ್ರಗಳನ್ನು ಪೂರೈಸಿ ಮುನ್ನುಗ್ಗುತ್ತಿರೋ ರಮೇಶ್ ಸಿನಿಮಾ. ಚಿತ್ರದ ತೆರೆಯ ಮೇಲಿನ ಹೀರೋ ಅವರೇ. ತೆರೆಯ ಹಿಂದಿನ ಡೈರೆಕ್ಟರ್ ಕೂಡಾ ಅವರೇ. ರಚಿತಾ ರಾಮ್, ಪೂರ್ಣ ನಾಯಕಿಯರು. ಭರ್ಜರಿ ಆ್ಯಕ್ಷನ್ ಸೀಕ್ವೆನ್ಸ್ ಇರೋ ಚಿತ್ರದಲ್ಲಿ ಇನ್ನೊಬ್ಬ ಹೀರೋ ಇದ್ದಾರೆ. ಅವರೇ ರವಿ ಬಸ್ರೂರು.

ಉಗ್ರಂ, ಕೆಜಿಎಫ್, ಮಫ್ತಿ, ಅಂಜನೀಪುತ್ರ, ಕಟಕ, ಕರ್ವ.. ಹೀಗೆ ರವಿ ಬಸ್ರೂರ್ ಹಿಟ್ ಸಿನಿಮಾಗಳ ಲಿಸ್ಟು ದೊಡ್ಡದು. 100 ಚಿತ್ರಕ್ಕೆ ಅವರದ್ದೇ ಬ್ಯಾಕ್ ಗ್ರೌಂಡ್ ಮ್ಯೂಸಿಕ್. ಅವರದ್ದೇ ಹಾಡು.

ನನಗೆ ಫ್ಯಾಮಿಲಿ ಸ್ಟೋರಿಯಿರೋ ಥ್ರಿಲ್ಲರ್ ಸಿನಿಮಾ ಹೊಸದು. ಹೀಗಾಗಿ ನಾನು ಸ್ವಲ್ಪ ಹೊಸದಾಗಿಯೇ ಟ್ರೈ ಮಾಡಿದೆ. ನಾನು ನಮ್ಮ ಕರಾವಳಿ ಭಾಗದ ಒಂದು ಹಬ್ಬಕ್ಕಾಗಿ ಹಾಡು ಮಾಡಿದ್ದೆ. ಆ ಹಾಡು ರಮೇಶ್ ಸರ್‍ಗೆ ಇಷ್ಟವಾಯಿತು. ಅದನ್ನು ಸಿನಿಮಾಗೆ ಅಳವಡಿಸಿಕೊಂಡರು. ಅದು ಚಿತ್ರದುದ್ದಕ್ಕೂ ಬರುವಂತೆ ಮಾಡಿದ್ದಾರೆ ಎನ್ನುತ್ತಾರೆ ರವಿ ಬಸ್ರೂರ್.

ನಾವು ಈ ಚಿತ್ರಕ್ಕೆ ರವಿ ಅವರಿಗೆ ಹೇಳಿ ಮೀಟ್ ಮಾಡಲು ಹೋಗುವ ಹೊತ್ತಿಗೆ ಅವರು ಟ್ರ್ಯಾಕ್ ರೆಡಿ ಮಾಡಿದ್ದರು. ಅದು ಇಡೀ ಸಿನಿಮಾ ಸ್ಟೋರಿಯ ಥೀಮ್ ಹೇಳುವಂತಿತ್ತು ಎನ್ನುವ ರಮೇಶ್ ಅರವಿಂದ್, ರವಿ ಬಸ್ರೂರ್ ಅವರ ಪ್ರತಿಭೆಗೆ 100 ಮಾಕ್ರ್ಸ್ ಕೊಟ್ಟಿದ್ದಾರೆ. ಚಿತ್ರದ ತೆರೆಯ ಹಿಂದಿನ ಇನ್ನೊಬ್ಬ ಹೀರೋ ರವಿ ಬಸ್ರೂರ್ ಅನ್ನೋದು ಚಿತ್ರತಂಡದ ಒನ್ ಲೈನ್ ಮಾತು.