` ಎಂತ ಎಂಥಾ ವೇಷಾನೋ ಭಜರಂಗಿ..? - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ಎಂತ ಎಂಥಾ ವೇಷಾನೋ ಭಜರಂಗಿ..?
Bhajarangi 2 Movie Image

ಇಳಿಬಿಟ್ಟ ಕೂದಲು.. ಜಟೆ ಕಟ್ಟಿದಂತಾ ತಲೆ.. ಕೂದಲಿನಲ್ಲೇ ಮಾಡಿದ್ದಾರೇನೋ ಎನ್ನುವಂತಾ ಕಿರೀಟ.. ವಿಚಿತ್ರ ಮೀಸೆ.. ಶೃತಿಯಂತಾ ಶೃತಿ ಕೈಲೊಂದು ಚುಟ್ಟಾ.. ನಗುವಿಗೇ ಫೇಮಸ್ ಆಗಿರೋ ಜಾಕಿ ಭಾವನಾ ಕಣ್ಣಲ್ಲಿ ಕೆಂಡ ಕೆಂಡ.. ಒಂದಾ ಎರಡಾ.. ಒಬ್ಬೊಬ್ಬರದ್ದೂ ಒಂದೊಂದು ಅವತಾರ. ಅದನ್ನೆಲ್ಲ ನೋಡಿದಾಗ ನೆನಪಾಗುವುದೇ ಶಿವಣ್ಣ ಅಭಿನಯದ ಹಗಲುವೇಷ ಚಿತ್ರದ ಎಂತಾ ಎಂತಾ ವೇಷಾನೋ.. ಹಾಡು.

ಸ್ಕ್ರಿಪ್ಟ್ ಮಾಡುವಾಗಲೇ ನನಗೆ ಪ್ರತಿಯೊಬ್ಬರ ಲುಕ್ ಬಗ್ಗೆ ಸ್ಪಷ್ಟತೆಯಿತ್ತು. ಹೇರ್ ಸ್ಟೈಲ್, ಕಣ್ಣಿನ ಕಲರ್ ಸೇರಿದಂತೆ ಸಣ್ಣ ಸಣ್ಣ ವಿಚಾರಗಳಲ್ಲೂ ಪರ್ಟಿಕ್ಯುಲರ್ ಆಗಿದ್ದೆ.  ಒಬ್ಬೊಬ್ಬ ವಿಲನ್ ಕೈಲೂ ಒಂದೊಂದು ಡಿಸೈನ್ ಆಯುಧ. ಆ ಆಯುಧಗಳೂ ಕೂಡಾ ಫ್ಯಾನ್ಸಿ ಅಲ್ಲ. ಆ ಆಯುಧಗಳಿಗೂ ಕಥೆ ಇದೆ. ರೀಸನ್ ಇದೆ. ಅವೆಲ್ಲವನ್ನೂ ಸಿದ್ಧ ಮಾಡಿಕೊಂಡ ನಂತರ ಸೃಷ್ಟಿಯಾಗಿದ್ದೇ ಭಜರಂಗಿ 2 ಎಂದು ಮಾಹಿತಿ ಕೊಟ್ಟಿದ್ದಾರೆ ಹರ್ಷ.

ಎಲ್ಲ ಕಲ್ಪನೆಯನ್ನೂ ನಾನು ವಿವರಿಸಿದ್ದು ಆರ್ಟ್ ಡೈರೆಕ್ಟರ್ ರವಿ ಹಾಗೂ ಕಾಸ್ಟ್ಯೂಮ್ ಡಿಸೈನರ್ ಯೋಗಿಗೆ. ಅವರು ನಾನು ಹೇಳಿದ್ದೆಲ್ಲವನ್ನೂ ನಾನು ಹೇಳಿದ್ದಕ್ಕಿಂತ ಅದ್ಭುತವಾಗಿ ತೆರೆಯ ಮೇಲೆ ಬರುವಂತೆ ಮಾಡಿದರು. ಮೇಕಪ್‍ಗೇ ತುಂಬಾ ಸಮಯ ಹಿಡಿಯುತ್ತಿತ್ತು. ಒಂದೊಂದು ಕ್ಯಾರೆಕ್ಟರ್‍ಗೂ ಒಂದೊಂದು ಸ್ಟೈಲ್ ಮೇಕಪ್. ಅದನ್ನು ಹೇಗೆ ಮಾಡಬೇಕು ಎಂಬುದಕ್ಕೇ ಸಾಕಷ್ಟು ರಿಸರ್ಚ್ ಮಾಡಿದ್ದೇವೆ. ಪ್ರಕಾಶ್ ಅದನ್ನು ಅದ್ಭುತವಾಗಿ ನಿಭಾಯಿಸಿದರು ಎನ್ನುವ ಹರ್ಷ, ಹೀರೋ ಶಿವಣ್ಣ ಮೇಕಪ್‍ಗೆ ಎಷ್ಟು ಪ್ರಾಮುಖ್ಯತೆ ಇದೆಯೋ.. ಚಿತ್ರದಲ್ಲಿ ಬರೋ ಜೂನಿಯರ್ ಆರ್ಟಿಸ್ಟುಗಳಿಗೂ ಅಷ್ಟೇ ಇಂಪಾರ್ಟೆನ್ಸ್ ಇದೆ ಎಂದಿದ್ದಾರೆ.

ಚಿತ್ರದ ಕೊರಿಯೋಗ್ರಾಫರ್ ಸ್ವತಃ ಹರ್ಷ. ಸಿನಿಮಾಟೋಗ್ರಫಿ ಸ್ವಾಮಿ ಅವರದ್ದು. ಚಿತ್ರದ ಬೆನ್ನೆಲುಬೇ ಅವರು ಎನ್ನುವ ಹರ್ಷ, ಚಿತ್ರದ ಮೇಕಿಂಗ್‍ನಲ್ಲಿ ಎಲ್ಲಿಯೂ ರಾಜಿ ಮಾಡಿಕೊಂಡಿಲ್ಲ. ಅವರೀಗ ಕಾಯ್ತಿರೋದು ಚಿತ್ರ ನೋಡುವ ಪ್ರೇಕ್ಷಕರು ಕೊಡೋ ಜೈಕಾರಕ್ಕೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery