` ಅರ್ಜುನ್ ಜನ್ಯ ಬಗ್ಗೆ ಸುಳ್ಳು ಸುದ್ದಿ ಹಬ್ಬಿಸಿದ ಯೂಟ್ಯೂಬ್ ಚಾನೆಲ್ಸ್ - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
ಅರ್ಜುನ್ ಜನ್ಯ ಬಗ್ಗೆ ಸುಳ್ಳು ಸುದ್ದಿ ಹಬ್ಬಿಸಿದ ಯೂಟ್ಯೂಬ್ ಚಾನೆಲ್ಸ್
Arjun Janya

ಅರ್ಜುನ್ ಜನ್ಯ ಅವರ ಆರೋಗ್ಯ, ಅವರ ಕುಟುಂಬದ ಬಗ್ಗೆ ಯೂಟ್ಯೂಬ್‍ನಲ್ಲಿ ಸರ್ಚ್ ಮಾಡಿದರೆ ಸಿಗುವುದು ಒಂದಷ್ಟು ಕಪೋಲಕಲ್ಪಿತ ವಿಡಿಯೋಗಳು ಪ್ರತ್ಯಕ್ಷವಾಗುತ್ತವೆ. ಆ ಯೂಟ್ಯೂಬ್ ಚಾನೆಲ್ ಯಾರದು..? ವರದಿ ಮಾಡಿದವರು ಯಾರು..? ಇಷ್ಟಕ್ಕೂ ಅವರಿಗೆ ಅರ್ಜುನ್ ಜನ್ಯ ಅವರು ಗೊತ್ತಿದ್ದಾರಾ..? ಆ ಚಾನೆಲ್ಲಿನವರ ಬಳಿ ಅಟ್‍ಲೀಸ್ಟ್ ಜನ್ಯ ನಂಬರ್ ಆದರೂ ಇದೆಯಾ..? ಹುಡುಕಿದರೆ ಪ್ರತಿಯೊಂದಕ್ಕೂ ಸಿಗುವ ಉತ್ತರ ನೋ.

ಆರಂಭದಲ್ಲಿ  ಇದನ್ನು ನಿರ್ಲಕ್ಷಿಸಿದ್ದ ಅರ್ಜುನ್ ಜನ್ಯ, ಈಗ ಕಾನೂನು ಹೋರಾಟಕ್ಕೆ ಕೈ ಹಾಕಿದ್ದಾರೆ. ಸೈಬರ್ ಕ್ರೈಂ ಪೊಲೀಸರಿಗೆ ದೂರು ಕೊಟ್ಟಿದ್ದಾರೆ. ಕಾರಣ, ಇಂತಹ ವಿಡಿಯೋಗಳಿಂದಾಗಿ ಅವರ ಪತ್ನಿ ಹಾಗೂ ಕುಟುಂಬದವರು ಕಣ್ಣೀರಿಡುವಂತಾಗಿದೆ. ಅದರಲ್ಲೂ ಕೊರೊನಾ ಪಾಸಿಟಿವ್ ಬಂದ ನಂತರ ಐಸೋಲೇಷನ್‍ನಲ್ಲಿರುವ ಅರ್ಜುನ್ ಜನ್ಯ ಇನ್ನು ಕೆಲವೇ ದಿನಗಳಲ್ಲಿ ಎಂದಿನಂತೆ ಕೆಲಸಕ್ಕೆ ಹಾಜರಾಗಲಿದ್ದಾರೆ.

ಪೊಲೀಸರಿಗೆ ದೂರು ಕೊಟ್ಟು ಕ್ರಮ ತೆಗೆದುಕೊಳ್ಳುವಂತೆ ಹೇಳಿರುವ ಅರ್ಜುನ್ ಜನ್ಯ, ಈಗಲೂ ಕೂಡಾ ವಿಡಿಯೋಗಳನ್ನು ರಿಮೂವ್ ಮಾಡಿ ಎಂದು ಚಾನೆಲ್ಲಿನವರಿಗೆ ಮನವಿ ಮಾಡಿದ್ದಾರೆ. ಅದನ್ನು ಮೀರಿಯೂ ಆ ವಿಡಿಯೋಗಳು ಹಾಗೆಯೇ ಇದ್ದರೆ.. ಅಂತಹವರನ್ನು ಹುಡುಕಿ ಪೊಲೀಸರೇ ಅವರ ಮನೆ ಬಾಗಿಲು ತಟ್ಟಲಿದ್ದಾರೆ.

 

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery