` ಹೀರೋ ನಾನಲ್ಲ, ನಮ್ ಟೀಮೂ ಅಲ್ಲ - ರಿಷಬ್ ಶೆಟ್ಟಿ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ಹೀರೋ ನಾನಲ್ಲ, ನಮ್ ಟೀಮೂ ಅಲ್ಲ - ರಿಷಬ್ ಶೆಟ್ಟಿ
Hero Movie Image

ಹೀರೋ ಶೂಟಿಂಗ್ ಆಗಿದ್ದು ಲಾಕ್ ಡೌನ್ ರೂಲ್ಸ್ ಸ್ವಲ್ಪ ರಿಲ್ಯಾಕ್ಸ್ ಆದ ಟೈಮ್ನಲ್ಲಿ. ಶೂಟಿಂಗ್ ಸ್ಪಾಟ್ನಲ್ಲಿ ಕಡಿಮೆ ಜನ ಇರಬೇಕು, ಸ್ಯಾನಿಟೈಸೇಷನ್, ಸಾಮಾಜಿಕ ಅಂತರ ಎಲ್ಲವನ್ನೂ ಕಡ್ಡಾಯವಾಗಿ ಪಾಲಿಸುತ್ತಿದ್ದ ಟೈಂನಲ್ಲಿ ಶೂಟಿಂಗ್ ಆದ ಸಿನಿಮಾ ಹೀರೋ.

ಒಂದು ರಾತ್ರಿಯ ಕಥೆ ಓಕೆ ಆಗಿದ್ದು ಒಂದೇ ದಿನದಲ್ಲಾದರೂ ಚಿತ್ರೀಕರಣವನ್ನೂ ಒಂದೇ ದಿನ ಮಾಡೋದು ಸಾಧ್ಯವಿಲ್ಲವಲ್ಲ. ಹೀಗಾಗಿ ಬೇಲೂರು ಸಮೀಪದಲ್ಲಿ ನಡೆದ ಚಿತ್ರೀಕರಣ ಸತತವಾಗಿ ನಡೆದದ್ದು 43 ದಿನ. ಆ 43 ದಿನದಲ್ಲಿ ಚಿತ್ರೀಕರಣದಲ್ಲಿದ್ದ ಯಾರೊಬ್ಬರೂ ಹೊರಗೆ ಹೋಗಲಿಲ್ಲ. ಟೀಂಗೆ ಆಗಾಗ್ಗೆ ಚೇಂಜ್ ಮಾಡಬೇಕಿದ್ದ ಕೇಬಲ್ಸ್, ಲೈಟಿಂಗ್ಸ್ ವಸ್ತುಗಳನ್ನು ನೋಡಿಕೊಂಡು ತರಿಸಿಕೊಳ್ಳಲಾಗ್ತಿತ್ತು. ಉಳಿದಂತೆ ಊಟ, ತಿಂಡಿ ವ್ಯವಸ್ಥೆಗೆ ಹೋಗಿ ಬರುತ್ತಿದ್ದವರು ಒಬ್ಬರು ಮಾತ್ರ. ಊರಿನಿಂದ ಸುಮಾರು 6 ಕಿ.ಮೀ.ಒಳಗಿನ ಕಾಡಿನಲ್ಲಿ ನಡೆದ ಚಿತ್ರೀಕರಣ ಅದು. ಉಳಿದಂತೆ ಇಡೀ ಟೀಂ ಜೊತೆ ಹೊರಗಿನಿಂದ ಸಂಪರ್ಕದಲ್ಲಿದ್ದವರು ಶೈನ್ ಶೆಟ್ಟಿ ಮಾತ್ರ.

ನಾನಲ್ಲ.. ಡೈರೆಕ್ಟರ್ ಅಲ್ಲ.. 24 ಜನರ ಟೀಮೂ ಅಲ್ಲ. ರಿಯಲ್ ಹೀರೋಗಳು ನಾವ್ಯಾರೂ ಅಲ್ಲ. ನಾವು ಕಾಡಿನಲ್ಲಿರುವಾಗ ಅಷ್ಟೂ ದಿನ ಆತಂಕದಲ್ಲಿಯೇ ಇದ್ದರೂ, ಅದನ್ನು ನಮಗೆ ತಿಳಿಸದೆ ಕಾಯ್ದ ನಮ್ಮ ಕುಟುಂಬ ಸದಸ್ಯರು. ನಮ್ಮ ಕುಟುಂಬದವರೇ ರಿಯಲ್ ಹೀರೋಗಳು ಎಂಬರ್ಥದಲ್ಲಿ ಹೇಳಿದ್ದಾರೆ ರಿಷಬ್ ಶೆಟ್ಟಿ.

ಹೆಚ್ಚೂ ಕಡಿಮೆ 150 ಜನರ ಕೆಲಸವನ್ನು ಕೇವಲ 24 ಜನ ಮಾಡಿದ್ದೇವೆ. ಎಲ್ಲರೂ ತಂತ್ರಜ್ಞರೇ. ಅಗತ್ಯ ಬಿದ್ದಾಗ ಕೂಲಿಗಳೂ ಆಗಿದ್ದೇವೆ. ಹೀಗಾಗಿ ನಮ್ಮ ತಂಡದ ಎಲ್ಲರೂ ಈ ಚಿತ್ರದಲ್ಲಿ ಹೀರೋಗಳೇ ಎಂದು ಹೆಮ್ಮೆಯಿಂದ ಎದೆಯುಬ್ಬಿಸಿ ಹೇಳ್ತಾರೆ ರಿಷಬ್ ಶೆಟ್ಟಿ. ಅವರ ಹೆಮ್ಮೆಯ ಚಿತ್ರವೀಗ ಚಿತ್ರಮಂದಿರಗಳಲ್ಲಿದೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery