` ಹಳೆ ಸಂಪ್ರದಾಯಕ್ಕೆ ಮತ್ತೆ ಓಂಕಾರ ಬರೆದರಾ ಡಿಕೆ..? - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
dk shivakumar's surprise visit to shivanna's house
DK Shivakumar at Shivarajkumar's House

ಹ್ಯಾಟ್ರಿಕ್ ಹೀರೋ, ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಮನೆಗೆ ಕೆಪಿಸಿಸಿ ನೂತನ ಸಾರಥಿ ಡಿ.ಕೆ.ಶಿವಕುಮಾರ್ ದಿಢೀರನೆ ಭೇಟಿ ಕೊಟ್ಟಿದ್ದಾರೆ. ಪತ್ನಿ ಗೀತಾ ಚುನಾವಣೆಗೆ ನಿಂತಾಗ ಪ್ರಚಾರ ಮಾಡಿದ್ದು ಬಿಟ್ಟರೆ, ರಾಜಕೀಯದಿಂದ ಶಿವಣ್ಣ ದೂರ ದೂರ. ಪತ್ನಿಯ ಪರವಾಗಿ ಮಾಡಿದ ಪ್ರಚಾರವೂ ತಪ್ಪಾಯ್ತೇನೋ ಎಂಬ ಭಾವನೆ ಕಾಡ್ತಿದೆ ಎಂದು ಬಹಿರಂಗವಾಗಿ ಹೇಳಿಕೊಂಡಿರೋ ಶಿವರಾಜ್ ಕುಮಾರ್ ಅವರಿಗೆ ಎಲ್ಲ ಪಕ್ಷಗಳಲ್ಲೂ ಆತ್ಮೀಯ ಮಿತ್ರರಿದ್ದಾರೆ. ಹೀಗಾಗಿಯೇ ಮೈದುನ ಮಧು ಬಂಗಾರಪ್ಪ ಪರವಾಗಲೀ, ಸುಮಲತಾ ಅಂಬರೀಷ್ ಪರವಾಗಲೀ ಪ್ರಚಾರಕ್ಕೆ ಹೋಗಲಿಲ್ಲ.

ಹೀಗಿರುವಾಗ ಇದ್ದಕ್ಕಿದ್ದಂತೆ ಡಿ.ಕೆ.ಶಿವಕುಮಾರ್ ಶಿವಣ್ಣನ ಮನೆಗೆ ಭೇಟಿ ಕೊಟ್ಟಿರುವುದು ಕುತೂಹಲ ಕೆರಳಿಸಿರುವುದು ನಿಜ. ಮೊದಲೆಲ್ಲ ರಾಜ್ಯದಲ್ಲಿ ಯಾರೇ ಸಿಎಂ ಆಗಲೀ, ಮಂತ್ರಿಯಾಗಲೀ, ಪಕ್ಷದ ನೇತೃತ್ವ ವಹಿಸಲಿ.. ಅಧಿಕಾರ ವಹಿಸಿದವರೆಲ್ಲ ಭೇಟಿ ಕೊಡುವ ಜಾಗಗಳಲ್ಲಿ ರಾಜ್ ಮನೆಯೂ ಇತ್ತು. ರಾಜ್ ಮರೆಯಾಗುವುದರೊಂದಿಗೆ ಆ ಸಂಪ್ರದಾಯಕ್ಕೆ ಬ್ರೇಕ್ ಬಿತ್ತು. ಆ ಹಳೆಯ ಸಂಪ್ರದಾಯಕ್ಕೆ ಡಿಕೆ ಮತ್ತೆ ನಾಂದಿ ಹಾಡುತ್ತಿದ್ದಾರಾ..? ಕುತೂಹಲದ ವಿಷಯ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery