` ಫಿಲಂ ಸಿಟಿಗೆ 500 ಕೋಟಿ. ಈ ಬಾರಿ ಬೆಂಗಳೂರಲ್ಲಂತೆ..! - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
though cm announced 200 crore
CM Yediyurappa, HD Kumaraswamy, Siddaramaiah

ಚಿತ್ರರಂಗದ ಬಹು ದಿನಗಳೇ ಏನು.. ಹಲವು ವರ್ಷಗಳ.. ದಶಕಗಳ ಬೇಡಿಕೆ ಫಿಲಂ ಸಿಟಿ ನಿರ್ಮಾಣ. ವಿ.ರವಿಚಂದ್ರನ್ ಅವರಿಂದ ಪ್ರಬಲವಾಗಿ ಶುರುವಾದ ಬೇಡಿಕೆ ಇದು. ಅಫ್ಕೋರ್ಸ್.. ಅದಕ್ಕೂ ಮೊದಲು ಹಲವರು ಪ್ರಸ್ತಾಪಿಸಿದ್ದರೂ.. ಅದಕ್ಕೊಂದು ಕಲ್ಪನೆ ಸಿಕ್ಕಿದ್ದು ರವಿಚಂದ್ರನ್ ಅವರ ನಂತರವೇ. ನಂತರ ಎಸ್.ವಿ.ರಾಜೇಂದ್ರ ಸಿಂಗ್ ಬಾಬು ಸೇರಿದಂತೆ ಹಲವರು ಈ ವಿಷಯ ಪ್ರಸ್ತಾಪಿಸಿದ್ದಾರೆ. ಇತ್ತೀಚೆಗೆ ನಟ ಯಶ್ ಕೂಡಾ ಸಿಎಂ ಯಡಿಯೂರಪ್ಪನವರಿಗೆ ವೇದಿಕೆಯಲ್ಲೇ ಬೇಡಿಕೆಯಿಟ್ಟಿದ್ದರು. ಇಷ್ಟೆಲ್ಲ ಬೇಡಿಕೆ ಇಟ್ಟ ಮೇಲೆ.. ಫಿಲಂ ಸಿಟಿ ಬರೋದು ಪಕ್ಕಾ ಎನ್ನುವ ಭಾವನೆಯೇನೋ ಇತ್ತು. ಆ ಭಾವನೆಗೆ ಈಗ 500 ಕೋಟಿ ಅನುದಾನ ಘೋಷಿಸಿದ್ದಾರೆ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ.

ಭಾವನೆಗೆ 500 ಕೋಟಿ ಎನ್ನುವುದಕ್ಕೆ ಕಾರಣವೂ ಇದೆ. ಏಕೆಂದರೆ ಈ ಬಾರಿ ಫಿಲಂ ಸಿಟಿ ಪ್ರಸ್ತಾಪವಾಗಿರೋದು ಬೆಂಗಳೂರಿನಲ್ಲಿ. ಆದರೆ, ಬೆಂಗಳೂರಿನಲ್ಲಿ ಫಿಲಂ ಸಿಟಿ ಎಲ್ಲಿ ತಲೆ ಎತ್ತಲಿದೆ ಎನ್ನುವುದು ಬಜೆಟ್ ಘೋಷಣೆ ನಂತರವೂ ಸ್ಪಷ್ಟವಿಲ್ಲ. ಅಲ್ಲಿಂದ ಇಲ್ಲಿಗೆ, ಇಲ್ಲಿಂದ ಅಲ್ಲಿಗೆ ಓಡಾಡುತ್ತಲೇ ಇದೆ ಫಿಲಂ ಸಿಟಿ.

ಸಿದ್ದರಾಮಯ್ಯ ಸರ್ಕಾರ ಮೈಸೂರಿನಲ್ಲಿ ಫಿಲಂ ಸಿಟಿ ನಿರ್ಮಿಸುವುದಾಗಿ ಹೇಳಿ ಅನುದಾನವನ್ನೂ ಘೋಷಿಸಿತ್ತು. ಆದರೆ.. ಫಲಿತಾಂಶ ಸಿಗಲಿಲ್ಲ. ನಂತರ ಎಚ್‌.ಡಿ ಕುಮಾರಸ್ವಾಮಿ ಮೈಸೂರಿನಿಂದ ರಾಮನಗರಕ್ಕೆ ಫಿಲಂ ಸಿಟಿ ಸ್ಥಳಾಂತರಿಸಿದ್ದರು. ಒನ್ಸ್ ಎಗೇಯ್ನ್ ಏನೂ ಆಗಲಿಲ್ಲ. ಈಗ ಯಡಿಯೂರಪ್ಪ ಸರ್ಕಾರ ರಾಮನಗರದಿಂದ ಬೆಂಗಳೂರಿಗೆ ಫಿಲಂ ಸಿಟಿಯನ್ನು ತಂದಿದೆ.

ಸದ್ಯಕ್ಕೆ ಫಿಲಂ ಸಿಟಿಗೆ 500 ಕೋಟಿ ಎಂದು ಘೋಷಿಸಲಾಗಿದೆಯಾದರೂ.. ಎಲ್ಲಿ ಮಾಡಬೇಕು.. ಎಷ್ಟು ಎಕರೆ ಜಾಗ.. ಯಾವಾಗ ಕಾರ್ಯಾರಂಭ.. ಯಾವುದೂ ಸ್ಪಷ್ಟವಿಲ್ಲ. ಎಲ್ಲಿ ಎನ್ನುವುದೇ ಸ್ಪಷ್ಟತೆಯಿಲ್ಲದಿರುವಾಗ ಭೂಮಿ ಪರಿಶೀಲನೆಯ ಪ್ರಸ್ತಾಪವೇ ಬರೋದಿಲ್ಲ. ಅಲ್ಲಿಗೆ 500 ಕೋಟಿ ಕೇವಲ ಘೋಷಣೆಯಲ್ಲಷ್ಟೇ ಉಳಿಯಲಿದೆ. ಮುಂದಿನ ವರ್ಷ.. ಅದರ ಮುಂದಿನ ವರ್ಷ.. ಮತ್ತದರ ಮುಂದಿನ ವರ್ಷ.. ಫಿಲಂ ಸಿಟಿ ಎನ್ನುವುದು ಕನ್ನಡ ಚಿತ್ರರಂಗಕ್ಕೆ ಇಷ್ಟು ದಶಕಗಳ ನಂತರವೂ ಕನಸು ಮಾತ್ರ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery