` ಕೊನೆಯ ಹಂತದಲ್ಲಿ ಕೆಜಿಎಫ್ 2 - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
kgf chapter 2 shooting in final stages
KGF Chapter 2

ಕೆಜಿಎಫ್ ಚಾಪ್ಟರ್ 2 ಚಿತ್ರದ ಚಿತ್ರೀಕರಣ ಅಂತಿಮ ಹಂತಕ್ಕೆ ಬಂದಿದೆ. ಇತ್ತೀಚೆಗಷ್ಟೇ ರವೀನಾ ಟಂಡನ್ ನಟಿಸಬೇಕಿದ್ದ ದೃಶ್ಯಗಳ ಶೂಟಿಂಗ್ ಮುಗಿದಿದೆ. ರವೀನಾ ಮುಂಬೈಗೆ ವಾಪಸ್ ಆಗಿದ್ದಾರೆ. ಸಂಜಯ್ ದತ್ ದೃಶ್ಯಗಳೂ ಮುಗಿದಿವೆ. ಹೀರೋಯಿನ್ ಜೊತೆಗಿನ ದೃಶ್ಯಗಳೂ ಕಂಪ್ಲೀಟ್ ಆಗಿವೆ. ಶ್ರೀನಿಧಿ ಶೆಟ್ಟಿ ತಮಿಳು ಚಿತ್ರದಲ್ಲಿ ಬ್ಯುಸಿ. ಹೀಗಿರುವಾಗಲೇ ಚಿತ್ರೀಕರಣ ಕಡೆಯ ಹಂತಕ್ಕೆ ಬಂದಿದೆ ಎನ್ನುವ ಅಪ್‍ಡೇಟ್ ಕೊಟ್ಟಿದ್ದಾರೆ ಡೈರೆಕ್ಟರ್ ಪ್ರಶಾಂತ್ ನೀಲ್.

ಚಿತ್ರೀಕರಣದ ಕೊನೆಯ ಹಂತದಲ್ಲಿದ್ದೇವೆ ಎಂಬ ಸಂದೇಶ ಕೊಟ್ಟಿರೋ ಪ್ರಶಾಂತ್ ನೀಲ್ ಜೊತೆಗೊಂದು ಶಾಕ್‍ನ್ನೂ ಕೊಟ್ಟಿದ್ದಾರೆ. ಇನ್ನು ಮುಂದೆ ಚಿತ್ರದ ಅಪ್‍ಡೇಟ್ಸ್ ಸಿಗುವುದು ಕಷ್ಟ ಕಷ್ಟ ಎನ್ನುವ ಶಾಕ್ ಕೊಟ್ಟಿದ್ದಾರೆ ಪ್ರಶಾಂತ್ ನೀಲ್. ಏಕೆಂದರೆ ಶೂಟಿಂಗ್ ಮುಗಿದ ನಂತರ ಪ್ರಶಾಂತ್ ನೀಲ್ ಪೋಸ್ಟ್ ಪ್ರೊಡಕ್ಷನ್‍ನಲ್ಲಿ ಬ್ಯುಸಿಯಾಗುತ್ತಾರೆ.

ನಟ ಯಶ್ ಸೇರಿದಂತೆ ನಿರ್ಮಾಪಕ ವಿಜಯ್ ಕಿರಗಂದೂರು ಕೂಡಾ ಪ್ರಶಾಂತ್ ನೀಲ್ ಅನುಮತಿಯಿಲ್ಲದೆ, ತಿಳಿಸದೆ ಚಿತ್ರದ ಬಗ್ಗೆ ಮಾತನಾಡುವಂತಿಲ್ಲ. ಹೀಗಿರುವಾಗ ಅಪ್‍ಡೇಟ್ ಬೇಕೆಂದರೆ ನಿರ್ದೇಶಕರೇ ಬಾಯ್ಬಿಡಬೇಕು. ನಿರ್ದೇಶಕರೋ.. ಈಗಲೇ ಇನ್ನು ಮುಂದೆ ಅಪ್‍ಡೇಟ್ ಮಿಸ್ ಮಾಡಿಕೊಳ್ತೀರಿ ಅನ್ನೋ ಮೆಸೇಜ್ ಇಟ್ಟಿದ್ದಾರೆ.