` ಬಿಚ್ಚುಗತ್ತಿ ಭರಮಣ್ಣನ ಕಥೆ ಸಿನಿಮಾ ಆಗಲು ಕಾರಣ ಇವರೇ..! - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
hamsalekha is the force behind bicchugaati baramanna movie
Hamsalekha

ದರ್ಶನ್ ನಾಯಕತ್ವದಲ್ಲಿ ಮದಕರಿ ನಾಯಕ ಸೆಟ್ಟೇರಿದೆ. ಇನ್ನೊಂದೆಡೆ ಅದೇ ಚಿತ್ರದುರ್ಗದ ಮದಕರಿ ನಾಯಕನ ನಂಬುಗೆಯ ಬಂಟ ಬಿಚ್ಚುಗತ್ತಿ ಭರಮಣ್ಣನ ಕಥೆ ಸಿನಿಮಾ ಆಗಿ ಸಿದ್ಧವಾಗಿದೆ. ಮದಕರಿಯ ಬೆಂಗಾವಲು ಬಂಟನಾಗಿದ್ದ ಬಿಚ್ಚುಗತ್ತಿ ಭರಮಣ್ಣ ನಾಯಕ ಕಥೆಯೂ ಅಷ್ಟೇ ಅದ್ಭುತ ಮತ್ತು ಸ್ವಾರಸ್ಯಗಳಿಂದ ಕೂಡಿದೆ.

ಹೌದು, ಚಿತ್ರದುರ್ಗದ ಓಂ ಸಾಯಿ ಕೃಷ್ಣ ಪ್ರೊಡಕ್ಷನ್ಸ್‌ ಈ ಬಿಚ್ಚುಗತ್ತಿ ಚಿತ್ರವನ್ನು ನಿರ್ಮಿಸಿದೆ. ಒಂದೊಳ್ಳೆಯ ಸಿನಿಮಾ ನಿರ್ಮಾಣ ಮಾಡಬೇಕು, ಅದು ನೆನಪಲ್ಲಿ ಉಳಿಯುವಂತಾಗಬೇಕು ಎಂಬ ಆಸೆ ಹೊತ್ತ ನಿರ್ಮಾಣ ಸಂಸ್ಥೆ, ಹಂಸಲೇಖ ಅವರ ಬಳಿ ಚರ್ಚಿಸಿದಾಗ, ಚಿತ್ರದುರ್ಗ ಜಿಲ್ಲೆ ಐತಿಹಾಸಿಕ ಹಿನ್ನೆಲೆ ಹೊಂದಿದೆ. ಹಾಗಾಗಿ ಒಂದೊಳ್ಳೆಯ ಐತಿಹಾಸಿಕ ಸಿನಿಮಾ ಮಾಡುವ ಕುರಿತು ಸೂಚಿಸಿದ್ದಾರೆ.

ರಾಜವರ್ಧನ್ ಇಲ್ಲಿ ಬಿಚ್ಚುಗತ್ತಿ ಭರಮಣ್ಣನಾಗಿ ನಟಿಸಿದ್ದಾರೆ. ಹರಿಪ್ರಿಯಾ ಕೂಡಾ ಅತ್ಯಂತ ಪ್ರಮುಖ ಪಾತ್ರದಲ್ಲಿದ್ದಾರೆ. ಈ ಚಿತ್ರಕ್ಕೂ ಬಿ.ಎಲ್. ವೇಣು ಅವರ ಕಥೆಯೇ ಸ್ಫೂರ್ತಿ. ಆದರೆ, ವೇಣು ಅವರ ಕಥೆಯನ್ನು ಸಿನಿಮಾ ಮಾಡಿಸಲು ಕಾರಣರಾದವರು ಮಾತ್ರ ಹಂಸಲೇಖ.

ಹರಿ ಸಂತೋಷ್ ನಿರ್ದೇಶನದ ಚಿತ್ರಕ್ಕೆ  ಚಿತ್ರದುರ್ಗದ ಓಂ ಸಾಯಿ ಕೃಷ್ಣ ಪ್ರೊಡಕ್ಷನ್ಸ್‌ ನಿರ್ಮಾಪಕರು. ಇವರು ಹಂಸಲೇಖ ಅವರನ್ನು ಸಂಪರ್ಕಿಸಿ ‘ಒಂದೊಳ್ಳೆಯ ಸಿನಿಮಾ ಮಾಡಬೇಕು, ಅದು ನೆನಪಲ್ಲಿ ಉಳಿಯುವಂತಿರಬೇಕು’ ಎಂದು ಚರ್ಚಿಸಿದ್ದರಂತೆ. ಆಘ ಹಂಸಲೇಖ ಚಿತ್ರದುರ್ಗದ ಪಾಳೆಯಗಾರರು ಹಾಗೂ ಅವರ ಪರಾಕ್ರಮ, ಶೌರ್ಯ ಕುರಿತು ಮಾತನಾಡಿ ಡಾ.ಬಿ.ಎಲ್‌ವೇಣು ಅವರ ‘ರಾಜ ಬಿಚ್ಚುಗತ್ತಿ ಭರಮಣ್ಣ ನಾಯಕ’ ಕಾದಂಬರಿಯನ್ನು ನಿರ್ಮಾಪಕರಿಗೆ ಕೊಟ್ಟಿದ್ದಾರೆ. ಭರಮಣ್ಣ ನಾಯಕ ಎಂಬ ವೀರನ ಕಥೆ ಸಿನಿಮಾ ಆಗಲು ಕಾರಣರಾಗಿದ್ದಾರೆ. ಈಗಾಗಲೇ ಚಿತ್ರೀಕರಣ ಮುಗಿಸಿರುವ ಚಿತ್ರ, ರಿಲೀಸ್ ಆಗಲು ಕಾಯುತ್ತಿದೆ.