` ಕಿಚ್ಚನಿಗಿಂತ ಮೊದಲ ಪೈಲ್ವಾನ್ ಡಾ.ರಾಜ್ - chitraloka.com | Kannada Movie News, Reviews | Image

User Rating: 1 / 5

Star activeStar inactiveStar inactiveStar inactiveStar inactive
 
sudeep's pailwan reminds dr rajkumar's roles
Pailwan Movie Image

ಕಿಚ್ಚ ಸುದೀಪ್ ಇದೇ ಮೊದಲ ಬಾರಿಗೆ ಪೈಲ್ವಾನ್ ಆಗಿ ನಟಿಸಿದ್ದಾರೆ. ಸಿನಿಮಾ ರಿಲೀಸ್ ಆಗಿದೆ. ಭರ್ಜರಿ ಹಿಟ್ ಆಗುವತ್ತ ದೊಡ್ಡ ಹೆಜ್ಜೆಯಿಟ್ಟಿದೆ. ಕನ್ನಡದಲ್ಲಿ ಕ್ರೀಡೆಯನ್ನೇ ಆಧರಿಸಿದ ಸಿನಿಮಾಗಳು ಅಪರೂಪದಲ್ಲಿ ಅಪರೂಪ. ಅದರಲ್ಲೂ ಕುಸ್ತಿ ಇದೆಯಲ್ಲ. ಈ ಆಟಕ್ಕೆ ಕೈ ಹಾಕಿದವರ ಸಂಖ್ಯೆ ಬಹಳ ಕಡಿಮೆ.

ಆದರೆ ಆಡು ಮುಟ್ಟದ ಸೊಪ್ಪಿಲ್ಲ.. ರಾಜ್ ಮಾಡದ ಪಾತ್ರವಿಲ್ಲ ಎಂಬ ಹಾಗೆ, ಪೈಲ್ವಾನನಾಗಿಯೂ ಕಂಗೊಳಿಸಿರುವ ಹಿರಿಮೆ ಅಣ್ಣಾವ್ರಿಗಿದೆ.

ಡಾ.ರಾಜ್ ಹಲವು ಚಿತ್ರಗಳಲ್ಲಿ ಕುಸ್ತಿ ಪಟುವಾಗಿ, ಜಟ್ಟಿಯಾಗಿ ನಟಿಸಿದ್ದಾರೆ. ಕನ್ನಡ ಚಿತ್ರರಂಗವನ್ನು ಕರ್ನಾಟಕಕ್ಕೆ ತರುವ ಸಲುವಾಗಿ ಅತಿ ದೊಡ್ಡ ಸಾಹಸಕ್ಕೆ ಕೈ ಹಾಕಿ ನಿರ್ಮಿಸಿದ್ದ ರಣಧೀರ ಕಂಠೀರವ ಚಿತ್ರದಲ್ಲಿಯೇ ಡಾ.ರಾಜ್ ಕುಸ್ತಿ ಮಾಡಿ ಗೆಲ್ಲುತ್ತಾರೆ. ಮಯೂರ ಚಿತ್ರದಲ್ಲಿ ರಾಜ್ ಎಂಟ್ರಿಯೇ ಕುಸ್ತಿ ಅಖಾಡದಲ್ಲಿ. ರಾಜ್ ಎದುರು ಲಂಗೋಟಿಯಲ್ಲಿ ಕುಸ್ತಿ ಆಡುವುದು ಟೈಗರ್ ಪ್ರಭಾಕರ್. ಶ್ರೀಕೃಷ್ಣದೇವರಾಯ ಚಿತ್ರದಲ್ಲೂ ಕುಸ್ತಿ ಪಟುವಾಗಿ ಗಮನ ಸೆಳೆಯುವ ರಾಜ್‍ಕುಮಾರ್ ಪೈಲ್ವಾನನಂತೆಯೇ ದೇಹದಾಢ್ರ್ಯ ಹೊಂದಿದ್ದರು. ಅದರಲ್ಲಿಯೂ ರಣಧೀರ ಕಂಠೀರವ ಚಿತ್ರದಲ್ಲಿ ರಾಜ್ ಅವರ ದೇಹ ಸೌಷ್ಟವ ಅದ್ಭುತವಾಗಿತ್ತು.

ಈಗ ಪೈಲ್ವಾನ್ ರೂಪದಲ್ಲಿ ಸುದೀಪ್ ಕುಸ್ತಿ ಪಟುವಾಗಿ, ಬಾಕ್ಸರ್ ಆಗಿ ಎಂಟ್ರಿ ಕೊಟ್ಟಿದ್ದಾರೆ. ಅಭಿಮಾನಿಗಳು ಅಣ್ಣಾವ್ರ ಆ ಕುಸ್ತಿ ಪಟ್ಟುಗಳನ್ನು ನೆನಪಿಸಿಕೊಂಡೇ ಕಿಚ್ಚನಿಗೆ ಜೈಜೈಜೈ ಎಂದಿದ್ದಾರೆ. ಪೈಲ್ವಾನ್ ಸೃಷ್ಟಿಕರ್ತ ಕೃಷ್ಣಗೆ ಮತ್ತೊಮ್ಮೆ ಗೆದ್ದ ಖುಷಿ. ಸ್ವಪ್ನಾ ಕೃಷ್ಣ ಅವರಿಗೆ ಮೊದಲ ಪ್ರಯತ್ನದಲ್ಲೇ ದಿಗ್ವಿಜಯ ಸಾಧಿಸಿದ ಸಂಭ್ರಮ.

Geetha Movie Gallery

Ombattane Dikku Launch Meet Gallery