` ರಚಿತಾ ಕಣ್ಣೀರು - ಉಪೇಂದ್ರ ಹೇಳಿದ್ದೇನು..? - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
rachita ram cries, upendra replies
Rachita Ram, Upendra

ಇನ್ನು ಮುಂದೆ ಹೀಗೆಲ್ಲ ಮಾಡಲ್ಲ ಎನ್ನುತ್ತಲೇ ರಚಿತಾ ರಾಮ್, ನ್ಯೂಸ್ ಚಾನೆಲ್ಲೊಂದರಲ್ಲಿ ಕಣ್ಣೀರಿಟ್ಟಿದ್ದು ದೊಡ್ಡ ಸುದ್ದಿಯಾಗಿದೆ. ಐ ಲವ್ ಯೂ ಚಿತ್ರ ಸಕ್ಸಸ್ ಆಗಿರುವ ವೇಳೆಯಲ್ಲಿ ಚಿತ್ರದ ನಾಯಕಿ ಕಣ್ಣೀರಿಟ್ಟಿರುವುದು ಸಹಜವಾಗಿಯೇ ಚಿತ್ರತಂಡದವರಲ್ಲಿ ಸ್ವಲ್ಪ ಟೆನ್ಷನ್ ಸೃಷ್ಟಿಸಿದೆ. ಅದರಲ್ಲೂ ಚಿತ್ರದ ನಾಯಕ ಉಪೇಂದ್ರ ಅವರಿಗೆ. ಇದಕ್ಕೆ ಅವರು ನೀಡಿರುವ ಪ್ರತಿಕ್ರಿಯೆ ಇಷ್ಟು.

``ಹಾಗೇನಿಲ್ಲ, ತಪ್ಪು ಮಾಡಿದೆ ಎನ್ನುವಂತಹ ಯಾವುದೇ ಅಭಾಸ ಜರುಗಿಲ್ಲ. ಪ್ರಚೋದನಾತ್ಮಕವಾಗಿ ಪ್ರಶ್ನೆ ಕೇಳಿದಾಗ ಎಮೋಷನಲ್ ಆಗಿ ಹಾಗೆ ಹೇಳಿರಬಹುದು. ರಚಿತಾ ತುಂಬಾ ಎಮೋಷನಲ್ ಹುಡುಗಿ. ಅವರ ತಾಯಿಯೇ ಸಿನಿಮಾ ನೋಡಿ ಮೆಚ್ಚಿಕೊಂಡಿದ್ದಾರೆ. ಸಿನಿಮಾ ನೋಡಿ, ಇಡೀ ಸಿನಿಮಾ ಬಗ್ಗೆ ಕೇಳದೆ ಅದೊಂದು ದೃಶ್ಯದ ಬಗ್ಗೆಯೇ ಕೇಳುತ್ತಾ ಹೋಗಿದ್ದಕ್ಕೆ ಹೀಗೆಲ್ಲ ಆಗಿದೆ'' ಎಂದಿದ್ದಾರೆ ಉಪೇಂದ್ರ.

ಇಡೀ ಸಿನಿಮಾದಲ್ಲಿ ರಚಿತಾ ರಾಮ್ ಅವರ ಪಾತ್ರ ಚೆನ್ನಾಗಿದೆ. ತೂಕದಿಂದ ಕೂಡಿದೆ. ಆದರೆ, ಅವರ ಇಡೀ ಪಾತ್ರವನ್ನು ಬಿಟ್ಟು ಅದೊಂದು ಹಾಡಿನ ಬಗ್ಗೆಯೇ ಕೇಳುತ್ತಾ ಹೋದಾಗ ರಚಿತಾ ಸ್ವಲ್ಪ ಕನ್‍ಫ್ಯೂಸ್ ಆಗಿರಬಹುದು ಎಂದಿದ್ದಾರೆ ಉಪೇಂದ್ರ.

Ayushmanbhava Movie Gallery

Ellidhe Illitanaka Movie Gallery