` ಅಭಿಮಾನಿಗಳ ಆಕ್ರೋಶಕ್ಕೆ ಪ್ರೇಮ್ ಉತ್ತರ - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
The Villian Director Prem Image
The Villian Director Prem

ದಿ ವಿಲನ್ ಚಿತ್ರದ ಕ್ಲೈಮಾಕ್ಸ್ ಕೆಲವರ ಕಣ್ಣಲ್ಲಿ ನೀರು ತರಿಸಿದ್ದರೆ, ಇನ್ನೂ ಕೆಲವರ ಕಣ್ಣಲ್ಲಿ ಆಕ್ರೋಶದ ಬೆಂಕಿ ಹುಟ್ಟಿಸಿದೆ. ಸಿನಿಮಾ ಕ್ಲೈಮಾಕ್ಸ್ ಸೀನ್‍ನಲ್ಲಿ ಸುದೀಪ್, ಶಿವರಾಜ್‍ಕುಮಾರ್‍ಗೆ ಹೊಡೆಯುವ ದೃಶ್ಯವಿರುವುದನ್ನು ಶಿವಣ್ಣ ಅಭಿಮಾನಿಗಳು ಅರಗಿಸಿಕೊಳ್ಳೋಕೆ ಸಿದ್ಧರಾಗಿಲ್ಲ. ಅದರಲ್ಲಿಯೂ ಶಿವರಾಜ್‍ಕುಮಾರ್, ತಿರುಗಿ ಸುದೀಪ್‍ಗೆ ಒಂದೇ ಒಂದು ಏಟು ಹೊಡೆಯುವುದಿಲ್ಲ ಎನ್ನುವುದು ಅಭಿಮಾನಿಗಳನ್ನು ಕೆರಳಿಸಿದೆ. ಹಾಗೆ ಕೆರಳಿರುವ ಅಭಿಮಾನಿಗಳು ನಿರ್ದೇಶಕ ಪ್ರೇಮ್ ವಿರುದ್ಧ ಕೆಂಡಕಾರಿದ್ದಾರೆ. ಈ ಕುರಿತು ಸುದೀಪ್ ಕೂಡಾ ಪ್ರತಿಕ್ರಿಯೆ ನೀಡಿದ್ದರು. ಪ್ರೇಮ್ ಕೂಡಾ ಮಾತನಾಡಿದ್ದಾರೆ.

ಚಿತ್ರದ ಕ್ಲೈಮಾಕ್ಸ್‍ನಲ್ಲಿ ಶಿವರಾಜ್‍ಕುಮಾರ್, ಸುದೀಪ್‍ಗೆ ಹೊಡೆಯಲ್ಲ. ಹಾಗೇನಾದರೂ ಶಿವಣ್ಣ, ಸುದೀಪ್‍ಗೆ ತಿರುಗಿ ಹೊಡೆದರೆ, ಆ ಪಾತ್ರವೇ ಬಿದ್ದು ಹೋಗುತ್ತೆ. ಆ ಪಾತ್ರದ ಶಕ್ತಿಯೇ ಅದು. ತಮ್ಮನ ಮೇಲೆ ಕೈ ಮಾಡಲ್ಲ ಎಂದು ಶಿವಣ್ಣ ತಾಯಿಗೆ ಮಾತು ಕೊಟ್ಟಿರುತ್ತಾರೆ. ತಾಯಿಯ ಮಾತಿಗೆ ಕಟ್ಟು ಬಿದ್ದು ಶಿವಣ್ಣನ ಪಾತ್ರ ಸುದೀಪ್ ಮೇಲೆ ಕೈ ಮಾಡಲ್ಲ. ಸಿನಿಮಾದ ಆ ದೃಶ್ಯದ ತೂಕವೇ ಅದು. ದಯವಿಟ್ಟು ಅರ್ಥ ಮಾಡಿಕೊಳ್ಳಿ. ಇಷ್ಟು ದಿನ ಚಿತ್ರರಂಗವನ್ನು ಪ್ರೀತಿಯಿಂದ ಬೆಳೆಸಿದವರೇ ನೀವು. ಈಗ ನೀವೇ ಅದಕ್ಕೆ ಕಲ್ಲು  ಹಾಕಬೇಡಿ ಎಂದು ಅಭಿಮಾನಿಗಳಿಗೆ ಮನವಿ ಮಾಡಿಕೊಂಡಿದ್ದಾರೆ ಪ್ರೇಮ್.

ಚಿತ್ರದಲ್ಲೊಂದು ಡೈಲಾಗ್ ಇದೆ. ನೀನು ನನಗೆ ಒಡಹುಟ್ಟಿದವನಲ್ಲದೇ ಹೋದರೂ ತಮ್ಮನೇ ಅಂಥಾ ಶಿವಣ್ಣ ಹೇಳೊ ಡೈಲಾಗ್ ಅದು. ಆ ಡೈಲಾಗ್‍ನ್ನು ಅರ್ಥ ಮಾಡಿಕೊಂಡರೆ, ಈ ವಿವಾದಗಳು ತಪ್ಪುತ್ತವೇನೋ.. ಈ ಎಲ್ಲ ಆಕ್ರೋಶಗಳ ನಡುವೆಯೂ ದಿ ವಿಲನ್ ಬಾಕ್ಸಾಫೀಸ್‍ನಲ್ಲಿ ಭರ್ಜರಿಯಾಗಿ ಸದ್ದು ಮಾಡುತ್ತಿದೆ. ಚಿತ್ರಮಂದಿರಗಳ ಸಂಖ್ಯೆ ಇನ್ನಷ್ಟು ಹೆಚ್ಚಿದೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery