` ವಿಷ್ಣು ಅಭಿಮಾನದ ಉತ್ಸವದಲ್ಲಿ ಏನಿದು ವಿವಾದ..? - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
what is vishnuvardhan's birthday controversy
Bharathi Vishnuvardhan, Srinivas Image

ಇದೇ ಸೆಪ್ಟೆಂಬರ್ 18ಕ್ಕೆ ವಿಷ್ಣುವರ್ಧನ್ ಅವರ 68ನೇ ಹುಟ್ಟುಹಬ್ಬವಿದೆ. ವಿಷ್ಣುವರ್ಧನ್ ಅವರ ಹುಟ್ಟುಹಬ್ಬವನ್ನ ವಿಷ್ಣು ಅಭಿಮಾನಿಗಳ ಸಂಘ ವಿಷ್ಣು ಸೇನಾ ಸಮಿತಿ ಅದ್ಧೂರಿಯಾಗಿ ಆಚರಿಸುತ್ತಿದೆ. ಇದರ ನಡುವೆಯೇ ಭಾರತಿ ವಿಷ್ಣುವರ್ಧನ್ ನೀಡಿರುವ ಹೇಳಿಕೆ ಆರೋಪ ಪ್ರತ್ಯಾರೋಪಕ್ಕೆ ಕಾರಣವಾಗಿದೆ.

ಯಜಮಾನರು ಆಡಂಬರದ ಕಾರ್ಯಕ್ರಮ ಇಷ್ಟಪಡುತ್ತಿರಲಿಲ್ಲ. ಕೆಲವರು ಅವರ ಹೆಸರಿನಲ್ಲಿ ಉತ್ಸವ, ಕಾರ್ಯಕ್ರಮ ಮಾಡಿ ಹೊಟ್ಟೆ ತುಂಬಿಸಿಕೊಳ್ಳುತ್ತಿದ್ದಾರೆ ಎಂದು ಆರೋಪಿಸಿದ್ದರು ಭಾರತಿ ವಿಷ್ಣುವರ್ಧನ್.

ಈ ಕುರಿತು ಪ್ರತಿಕ್ರಿಯೆ ನೀಡಿರುವು ವಿಷ್ಣು ಸೇನಾ ಸಮಿತಿ ಅಧ್ಯಕ್ಷ ವೀರಕಪುತ್ರ ಶ್ರೀನಿವಾಸ್, ವಿಷ್ಣುವರ್ಧನ್ ಹುಟ್ಟುಹಬ್ಬವನ್ನು ಆಚರಿಸಲು ಯಾರಿಂದಲೂ ಹಣ ಸ್ವೀಕರಿಸಿಲ್ಲ. ನಮ್ಮ ಸ್ವಂತ ಹಣದಿಂದ, ಕೇವಲ ಅಭಿಮಾನದಿಂದ ಖರ್ಚು ಮಾಡುತ್ತಿದ್ದೇವೆ. ಅಷ್ಟೇ ಅಲ್ಲ, ವಿಷ್ಣು ಅವರ ಹುಟ್ಟುಹಬ್ಬವನ್ನು ಅದ್ಧೂರಿತನಕ್ಕಿಂತ ಹೆಚ್ಚಾಗಿ ಸಮಾಜಮುಖಿ ಕಾರ್ಯಕ್ರಮಗಳ ಮೂಲಕ ಆಚರಿಸುತ್ತಿದ್ದೇವೆ ಎಂದಿದ್ದಾರೆ.

ಇದರ ನಡುವೆ ಸ್ಮಾರಕ ವಿವಾದವೂ ಮತ್ತೊಮ್ಮೆ ಕೇಳಿಸಿದೆ. ವಿಷ್ಣು ಸ್ಮಾರಕ ಕುರಿತಂತೆ ಇದುವರೆಗೆ 6 ಸಿಎಂಗಳನ್ನು ಭೇಟಿ ಮಾಡಿದ್ದರೂ ಯಾವುದೇ ಪ್ರಯೋಜನವಾಗಿಲ್ಲ. ಕಾಣದ ಕೈಗಳು ಅಡ್ಡಿಪಡಿಸುತ್ತಿವೆ ಎಂದು ದೂರಿದ್ದಾರೆ ಭಾರತಿ.

ಈ ಕುರಿತು ಅಭಿಮಾನಿ ಸಂಘದ ಅಧ್ಯಕ್ಷ ವೀರಕಪುತ್ರ ಶ್ರೀನಿವಾಸ್ ಹೇಳುವುದು ಇಷ್ಟು. ಸ್ಮಾರಕ ಮೈಸೂರಿನಲ್ಲಿ ಆಗುವುದಕ್ಕೆ ನಮ್ಮ ವಿರೋಧವಿದೆ. ಅವರ ಸಂಸ್ಕಾರ ನಡೆದ ಸ್ಥಳದಲ್ಲೇ ಸ್ಮಾರಕವೂ ಆಗಲಿ ಎನ್ನುವುದು ನಮ್ಮ ಬಯಕೆ. ಅಷ್ಟೇ ಹೊರತು ಮತ್ತೇನಿಲ್ಲ. ಇನ್ನು ವಿಷ್ಣು ಅವರ ಹುಟ್ಟುಹಬ್ಬವನ್ನು ನಮ್ಮ ಉಸಿರು ಇರುವವರೆಗೂ ಆಚರಿಸುತ್ತೇವೆ. ನಮ್ಮ ಅಭಿಮಾನ ಎಂಥದ್ದು ಎಂದು ಯಾರಿಗೂ ಹೇಳಬೇಕಿಲ್ಲ. ಭಾರತಿ ಅವರ ಮಾತು ನೋವು ತಂದಿದೆ ಎಂದಿದ್ದಾರೆ.

The Terrorist Movie Gallery

Thayige Thakka Maga Movie Gallery