Print 
shivarajkumar, shivarajkumar fan,

User Rating: 0 / 5

Star inactiveStar inactiveStar inactiveStar inactiveStar inactive
 
meet shivvanna's die hard fan phakirappa
Shivarajkumar's fan

ಇಲ್ಲೊಬ್ಬ ಅಭಿಮಾನಿ ಇದ್ದಾನೆ. ಹೆಸರು ಫಕೀರಪ್ಪ. ಶಿವರಾಜ್‍ಕುಮಾರ್ ಅಪ್ಪಟ ಅಭಿಮಾನಿ. ನಿನ್ನೆ ನಡೆದ ಶಿವರಾಜ್‍ಕುಮಾರ್ ಹುಟ್ಟುಹಬ್ಬಕ್ಕೆ ಈತ ಬೆಳಗಾವಿಯಿಂದ ಸೈಕಲ್‍ನಲ್ಲೇ ಬಂದಿದ್ದಾನೆ. 500 ಕಿ.ಮೀ.ಗೂ ಹೆಚ್ಚು ಸೈಕಲ್ ತುಳಿದುಕೊಂಡೇ ಬಂದು ಶಿವರಾಜ್ ಕುಮಾರ್‍ಗೆ ಶುಭ ಕೋರಿದ್ದಾನೆ.

ಈತನಿಗೆ ತಂದೆ ತಾಯಿ ಇಲ್ಲ. ಚಿಕ್ಕವನಿದ್ದಾಗ ಆನಂದ್ ಸಿನಿಮಾ ನೋಡಿ, ಇಷ್ಟಪಟ್ಟ. ಅಂದಿನಿಂದ ಇಂದಿನವರೆಗೆ ಶಿವರಾಜ್‍ಕುಮಾರ್‍ರ ಯಾವುದೇ ಸಿನಿಮಾ ಬಿಟ್ಟಿಲ್ಲ. ಹೀಗೆ 500+ ಕಿ.ಮೀ. ಸೈಕಲ್ ತುಳಿದುಕೊಂಡು ಬರುತ್ತಿರುವುದು ಇದು ಮೊದಲ ಬಾರಿಯೇನೂ ಅಲ್ಲ. ಈ ಹಿಂದೆಯೂ ಹಲವು ಬಾರಿ ಬಂದಿದ್ದಾನೆ.

ಎದೆಯ ಶಿವರಾಜ್‍ಕುಮಾರ್ ಹಚ್ಚೆ ಹಾಕಿಸಿಕೊಂಡಿರೋ ಈತ, ಸೈಕಲ್ ತುಂಬೆಲ್ಲ ಶಿವರಾಜ್‍ಕುಮಾರ್ ಚಿತ್ರಗಳ ಹೆಸರು ಬರೆಸಿದ್ದಾನೆ. ವೃತ್ತಿಯಲ್ಲಿ ಗಾರೆ ಕೆಲಸಗಾರ. ಬರುವಾಗ ಹುಬ್ಬಳ್ಳಿಯ ಮಠ ಹಾಗೂ ತುಮಕೂರಿನ ಸಿದ್ಧಗಂಗಾ ಮಠದಲ್ಲಿ ಪೂಜೆ ಮಾಡಿಸಿಕೊಂಡು ಬರುವ ಈತ, ಶಿವಣ್ಣನಿಗೆ ಪ್ರಸಾದ ಕೊಟ್ಟು ಶುಭಾಶಯ ಹೇಳಿ ಊರಿಗೆ ವಾಪಸ್ ಹೋಗುತ್ತಾನೆ.