Print 
chikkanna suman ranganath, double engine,

User Rating: 0 / 5

Star inactiveStar inactiveStar inactiveStar inactiveStar inactive
 
who is double engine real hero
Double Engine Movie Image

ಡಬಲ್ ಎಂಜಿನ್ ಚಿತ್ರದ ನಾಯಕ ಯಾರು..? ಚಿಕ್ಕಣ್ಣ. ಆದರೆ, ಚಿಕ್ಕಣ್ಣ ಹೀರೋ ಅಲ್ವಂತೆ. ಚಿತ್ರದಲ್ಲಿ ಚಿಕ್ಕಣ್ಣ ಜೊತೆ ಇನ್ನೂ ಇಬ್ಬರಿದ್ದಾರೆ ಪ್ರಭು ಮತ್ತು ಅಶೋಕ್. ಚಿಕ್ಕಣ್ಣಂಗೆ ಹೀರೋಯಿನ್ ಆಗಿರೋದು ಅವರ ಅಂದಕಾಲತ್ತಿಲ್ ಕನಸಿನ ರಾಣಿ ಸುಮನ್ ರಂಗನಾಥ್. ಆದರೆ, ಅವರು ಚಿಕ್ಕಣ್ಣಂಗೆ ಹೀರೋಯಿನ್ ಅಲ್ಲ. ಕನ್‍ಫ್ಯೂಸ್ ಆಗಬೇಡಿ. ಸಿನಿಮಾ ರಿಲೀಸ್ ಆಗೋಕೂ ಮುಂಚೆ ಸಿನಿಮಾ ಕಥೆ ಹೇಳೊಕಾಗುತ್ತಾ..?

ಹಳ್ಳಿಯ ರೈತರ ಮಕ್ಕಳು ದುಡ್ಡು ಮಾಡೋಕೆ ಅಂತಾ ಹೊರಟಾಗ, ಅವರಿಗೇ ಗೊತ್ತಿಲ್ಲದೆ ಆಗುವ ಅವಾಂತರಗಳು, ಸೃಷ್ಟಿಯಾಗುವ ಸಮಸ್ಯೆಗಳು ಚಿತ್ರದ ಕಥೆ. ಹಳ್ಳಿಯಲ್ಲಿ ಲೈಟಾಗಿ ಶುರುವಾಗುವ ಕಥೆ, ಹೋಗ್ತಾ ಹೋಗ್ತಾ ಸೀರಿಯಸ್ ಆಗುತ್ತೆ. ಚಿತ್ರದ ಡಬಲ್ ಮೀನಿಂಗ್ ಡೈಲಾಗುಗಳ ಟ್ರೇಲರ್ರು, ಸುಮನ್ ರಂಗನಾಥ್ ಗ್ಲ್ಯಾಮರ್ರು.. ಎಲ್ಲವೂ ಪ್ರೇಕ್ಷಕರನ್ನು ಚಿತ್ರಮಂದಿರಕ್ಕೆ ಕರೆತರೋಕೆ. ಚಿತ್ರದ ಕಥೆ, ಪ್ರತಿಯೊಬ್ಬರಿಗೂ ಇಷ್ಟವಾಗುವಂತಿದೆ ಎನ್ನುವ ಭರವಸೆ ಕೊಟ್ಟಿರೋದು ಚಿಕ್ಕಣ್ಣ.

ಚಿಕ್ಕಣ್ಣ ಸ್ಟಾರ್ ವ್ಯಾಲ್ಯೂ ಜಾಸ್ತಿ ಆಗಿದೆ. ನಿಜ. ಆದರೆ, ಅವರು ಹೀರೋ ಆಗೋಕೆ ರೆಡಿ ಇಲ್ಲ. ಹೀರೋ ಆಗೋದು ಅಂದ್ರೆ, ಅದೊಂದು ದೊಡ್ಡ ಜವಾಬ್ದಾರಿ. ನನಗೆ ಆ ಶಕ್ತಿ ಇಲ್ಲ. ನನ್ನ ಕೆಲಸ ನಗಿಸೋದು. ನಗಿಸ್ತೀನಿ. ಅದೇ ನನ್ನ ಶಕ್ತಿ ಅಂತಾರೆ ಚಿಕ್ಕಣ್ಣ.

ಬಾಂಬೆ ಮಿಠಾಯಿ ನಿರ್ದೇಶಕರ 2ನೇ ಪ್ರಯತ್ನವಾಗಿರೋ ಡಬಲ್ ಎಂಜಿನ್ ಚಿತ್ರದಲ್ಲಿ, ಮನರಂಜನೆಯನ್ನೂ ಮೀರಿದ ಸಂದೇಶವೂ ಇದೆಯಂತೆ.