` ಅಂಡರ್‍ವಲ್ರ್ಡ್ ಕನೆಕ್ಷನ್.. ಸಾಧು ಕೋಕಿಲಾ ಹೇಳಿದ್ದೇನು..? - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
sadhu kokila clarifies about his underworld link
Sadhu Kokila Image

ಕನ್ನಡ ಚಿತ್ರರಂಗದ ಕಾಮಿಡಿ ನಟ, ಸಂಗೀತ ನಿರ್ದೇಶಕ, ನಿರ್ದೇಶಕ, ನಿರ್ಮಾಪಕ ಸಾಧುಕೋಕಿಲಾಗೆ ಅಂಡರ್‍ವಲ್ರ್ಡ್ ಕನೆಕ್ಷನ್ ಇದೆಯಾ..? ಇತ್ತೀಚೆಗೆ ಅರೆಸ್ಟ್ ಆಗಿರುವ ಸೈಕಲ್ ರವಿ ಎಂಬ ಭೂಗತ ಪಾತಕಿಯ ಜೊತೆ ಸಾಧು ಕೋಕಿಲಾ ಸಂಬಂಧ ಇಟ್ಟುಕೊಂಡಿದ್ದಾರಾ..? ಸಾಧು ಅವರಿಗೆ ಹಲವಾರು ಬೇನಾಮಿ ಆಸ್ತಿಗಳನ್ನು ಸೈಕಲ್ ರವಿ ಮಾಡಿಸಿಕೊಂಡಿದ್ದಾನಂತೆ  ಎಂಬಂತಹ ಸುದ್ದಿಗಳು ಇತ್ತೀಚೆಗೆ ದೊಡ್ಡ ಮಟ್ಟದಲ್ಲಿ ಹರಿದಾಡಿದ್ದವು. ಸುದ್ದಿ ಹೊರಬಿದ್ದ ತಕ್ಷಣ ಸಾಧು ಕೋಕಿಲ, ತಾವೇ ನೇರವಾಗಿ ಸಿಸಿಬಿ ಪೊಲೀಸರ ಬಳಿ ಹೋದರು. ಪೊಲೀಸರು ಕರೆಯುವ ಮುನ್ನವೇ ಪೊಲೀಸರನ್ನು ಭೇಟಿ ಮಾಡಿ, ವಿಷಯ ತಿಳಿದುಕೊಂಡು ಈಗ ಅಭಿಮಾನಿಗಳಿಗೆ ಸಂದೇಶ ಕೊಟ್ಟಿದ್ದಾರೆ. 

ನಾನು ಪೊಲೀಸರ ಬಳಿಯೂ ಕೇಳಿದ್ದೇನೆ. ನನಗೂ ಸೈಕಲ್ ರವಿಗೂ ಯಾವ ಸಂಬಂಧವೂ ಇಲ್ಲ. ಅವನಷ್ಟೇ ಅಲ್ಲ, ಭೂಗತ ಜಗತ್ತಿನ ಯಾರೊಬ್ಬರ ಬಳಿಯೂ ನಾನು ಸಂಬಂಧ ಇಟ್ಟುಕೊಂಡಿಲ್ಲ. ನನಗೆ ಬೇನಾಮಿ ಆಸ್ತಿಗಳೂ ಇಲ್ಲ. ಸೈಕಲ್ ರವಿ ಯಾರೆಂದು ಗೊತ್ತಿಲ್ಲ. ಪೊಲೀಸರ ಬಳಿಯೂ ನನ್ನ ಹೆಸರು ಪ್ರಸ್ತಾಪವಾಗಿಲ್ಲ. ಹೀಗಿರುವಾಗ ಈ ಸುದ್ದಿ ಹೇಗೆ ಹುಟ್ಟಿಕೊಂಡಿತೋ ಗೊತ್ತಿಲ್ಲ. ನಾನು ತಪ್ಪು ಮಾಡಿಲ್ಲ. ಮಾಡುವುದೂ ಇಲ್ಲ ಎಂದಿದ್ದಾರೆ ಸಾಧು.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery