` ವಿಜಯ್ ಕುಸ್ತಿಗೆ ದಂಗಲ್, ಸುಲ್ತಾನ್ ಸ್ಫೂರ್ತಿ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
duniya vikay's kusthi is an ispiration from dangal and sultan
Duniya Vijay, Dangal, Sultan image

ಕುಸ್ತಿ, ದುನಿಯಾ ವಿಜಯ್ ನಿರ್ಮಿಸಿ ನಟಿಸುತ್ತಿರುವ ಸಿನಿಮಾ. ದೇಸೀ ಕುಸ್ತಿಯನ್ನೇ ಮೂಲಕಥೆಯಲ್ಲಿ ಹೊಂದಿರುವ ಚಿತ್ರದ ಟೀಸರ್ ಬಿಡಗಡೆಯಾಗಿದೆ. ಕ್ರೀಡೆಯನ್ನು ಕ್ರೀಡೆಯಾಗಿ, ಸ್ಪರ್ಧೆಯಾಗಿ ನೋಡಬೇಕೇ ಹೊರತು, ಪ್ರತಿಷ್ಟೆಯಾಗಿಸಿಕೊಳ್ಳಬಾರದು ಅನ್ನೋದು ಚಿತ್ರದ ಸಂದೇಶ ಮತ್ತು ಕತೆಯ ಸಾರ. ದುನಿಯಾ ವಿಜಯ್ ಮಗ ಸಾಮ್ರಾಟ್ ಬೆಳ್ಳಿತೆರೆಗೆ ಪರಿಚಯವಾಗುತ್ತಿರುವ ಚಿತ್ರ ಕುಸ್ತಿ.

ಈ ಚಿತ್ರಕ್ಕೆ ಸ್ಫೂರ್ತಿ ದಂಗಲ್ ಹಾಗೂ ಸುಲ್ತಾನ್ ಚಿತ್ರಗಳು ಎಂದರೆ ಅಚ್ಚರಿಯಾಗಬಹುದು. ಸಲ್ಮಾನ್ ಅಭಿನಯದ ಸುಲ್ತಾನ್, ಕುಸ್ತಿಪಟುವೊಬ್ಬನ ಕ್ರೀಡೆ ಹಾಗೂ ಪ್ರೀತಿಯ ಬದುಕಿನ ಏರಿಳಿತದ ಕಥೆ ಹೊಂದಿತ್ತು. ಅಮೀರ್ ಖಾನ್ ನಾಯಕತ್ವದ ದಂಗಲ್, ಮಕ್ಕಳನ್ನು ಕುಸ್ತಿಪಟುಗಳನ್ನಾಗಿ ರೂಪಿಸುವ ಕಥೆ ಹೊಂದಿತ್ತು. ಈ ಚಿತ್ರಗಳ ಯಶಸ್ಸು ನೋಡಿ, ಕನ್ನಡದಲ್ಲೇಕೆ ಕುಸ್ತಿಯ ಕಥೆ ಮಾಡಬಾರದು ಎಂದುಕೊಂಡರಂತೆ ವಿಜಯ್. ಕುಸ್ತಿಗೆ ಕರ್ನಾಟಕದಲ್ಲಿ ತನ್ನದೇ ಆದ ಗರಡಿ ಮನೆಯ ಇತಿಹಾಸವೇ ಇದೆ. ಆಗ ರೂಪುಗೊಂಡಿದ್ದೇ ಕುಸ್ತಿ ಸಿನಿಮಾ.

ಶಿವಮೊಗ್ಗ ರಘು ನಿರ್ದೇಶನದ ಚಿತ್ರಕ್ಕೆ ಕನಕ ಖ್ಯಾತಿಯ ನವೀನ್ ಸಜ್ಜು ಸಂಗೀತವಿದೆ. ಚಿತ್ರದಲ್ಲಿ ಇಬ್ಬರು ನಾಯಕಿಯರಿದ್ದು, ನಾಯಕಿಯರ ಆಯ್ಕೆ ಇನ್ನಷ್ಟೇ ಆಗಬೇಕಿದೆ.

Padarasa Movie Gallery

Kumari 21 Movie Gallery