` ಫಸ್ಟ್ ಲುಕ್ ತೋರಿಸಿ ಮತ್ತೆ ಹುಳ ಬಿಟ್ಟ ಪ್ರೇಮ್ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
the villain first look
Sudeep In The Villain

ನಿರ್ದೇಶಕ ಪ್ರೇಮ್ ಪ್ರೇಕ್ಷಕರ ತಲೆಗೆ ಹುಳ ಬಿಟ್ಟು, ಕುತೂಹಲ ಹುಟ್ಟಿಸೋದ್ರಲ್ಲಿ ನಂಬರ್ ಒನ್. ಅದು ದಿ ವಿಲನ್ ಚಿತ್ರದಲ್ಲೂ ಕಂಟಿನ್ಯೂ ಆಗಿದೆ. ಚಿತ್ರದ ಟೀಸರ್ ಬಿಟ್ಟಾಗಲೂ ಶಿವರಾಜ್ ಕುಮಾರ್ ಮತ್ತು ಸುದೀಪ್, ಹೀರೋಗಳಾ..? ವಿಲನ್ನಾ ಎಂಬ ಕುತೂಹಲ ಸೃಷ್ಟಿಸಿದ್ದ ಪ್ರೇಮ್, ಈ ಬಾರಿ ಸುದೀಪ್ & ಶಿವರಾಜ್‍ಕುಮಾರ್ ಅವರ ಇನ್ನೊಂದು ಲುಕ್ ಬಹಿರಂಗಪಡಿಸಿದ್ದಾರೆ.

ಶಿವರಾಜ್‍ಕುಮಾರ್ ನಿರೂಪಣೆಯ ಯಾರೀ ವಿತ್ ಶಿವಣ್ಣ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಪ್ರೇಮ್, ಅಲ್ಲಿಯೇ ದಿ ವಿಲನ್ ಚಿತ್ರದ ಇನ್ನೊಂದು ಪೋಸ್ಟರ್ ತೋರಿಸಿದ್ದಾರೆ. ಇವುಗಳನ್ನು ನೋಡಿದರೆ, ಒನ್ಸ್ ಎಗೇಯ್ನ್ ಅದೇ ಕುತೂಹಲ. ಅದೇ ಪ್ರಶ್ನೆ. 

ಸಿನಿಮಾ ಮತ್ತು ಪಾತ್ರದ ಬಗ್ಗೆ ಏನನ್ನೂ ಹೇಳಲ್ಲ. ಮೇಕಿಂಗ್ ವಿಡಿಯೋ ಮತ್ತು ಚಿತ್ರದ ಸ್ಟಿಲ್‍ಗಳೇ ಪಾತ್ರದ ಪರಿಚಯ ಮಾಡಿಕೊಡಬೇಕು ಎಂದು ನಂಬಿಕೊಂಡವರನು ನಾನು. ಈಗಲೇ ಹೇಳಿಬಿಟ್ಟರೆ ಕುತೂಹಲ ಹೊರಟು ಹೋಗುತ್ತೆ. ಒಂದಂತೂ ನಿಜ, ಇದೊಂದು ಹೊಸ ರೀತಿಯ ಪರಿಚಯ. ಅಂತಿಮವಾಗಿ ಸಿನಿಮಾ ನೋಡಿ ಅಂತಾರೆ ಪ್ರೇಮ್.

ಶಿವರಾಜ್‍ಕುಮಾರ್ ಮತ್ತು ಸುದೀಪ್, ಆ್ಯಮಿ ಜಾಕ್ಸನ್, ಪ್ರೇಮ್ ಕಾಂಬಿನೇಷನ್, ರಕ್ಷಿತಾ ಕಮ್‍ಬ್ಯಾಕ್ ಹೀಗೆ.. ಆರಂಭದಿಂದಲೂ ಸದ್ದು ಮತ್ತು ಸುದ್ದಿ ಮಾಡುತ್ತಲೇ ಇರುವ ಸಿನಿಮಾ. ಸಿ.ಆರ್.ಮನೋಹರ್ ನಿರ್ಮಾಣದ ಸಿನಿಮಾ ಅಬ್ಬರದ ಕುತೂಹಲವನ್ನಂತೂ ಸೃಷ್ಟಿಸಿದೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery