` ಅರ್ಜುನ್ ಜನ್ಯಾ ಫೇವರಿಟ್ ಚುಟು ಚುಟು ಅಲ್ಲ..! - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
arjun janya's favourite song in not chutu chutu
Arjun Janya Image

ರ್ಯಾಂಬೋ 2 ಚಿತ್ರದಲ್ಲಿ ಸಿಕ್ಕಾಪಟ್ಟೆ ಹಿಟ್ ಆಗಿರುವುದು ಚುಟು ಚುಟು ಅಂತೈತಿ.. ಹಾಡು. ಉತ್ತರ ಕರ್ನಾಟಕದ ಶೈಲಿಯಲ್ಲಿರೋ ಹಾಡು, ಚಿತ್ರರಸಿಕರಿಗೆ ಥ್ರಿಲ್ ಕೊಟ್ಟಿದೆ. ಶರಣ್ ಹೆಜ್ಜೆ, ಆಶಿಕಾರ ಗ್ಲ್ಯಾಮರ್ ರೋಮಾಂಚನ ಮೂಡಿಸಿದೆ. ಆದರೆ, ಹಾಡಿನ ಸೃಷ್ಟಿಕರ್ತ ಅರ್ಜುನ್ ಜನ್ಯಾ ಫೇವರಿಟ್ ಹಾಡು ಅದಲ್ಲವಂತೆ.

ಸಾಮಾನ್ಯವಾಗಿ ಸೂಪರ್ ಹಿಟ್ ಆದ ಹಾಡುಗಳನ್ನು ನನ್ನ ಫೇವರಿಟ್ ಎಂದ ಹೇಳಿಕೊಳ್ಳೋದು ವಾಡಿಕೆ. ಆದರೆ, ಅರ್ಜುನ್ ಜನ್ಯಾಗೆ ಇಷ್ಟವಾಗಿರೋದು ಬಿಟ್‍ಹೋಗ್ಬೇಡಾ ಹಾಡು. ಆ ಹಾಡನ್ನು ಹಾಡಿರೋದು ಮೆಹಬೂಬ್. ವಿಷಾಧದ ಛಾಯೆಯಿರುವ ಆ ಹಾಡು ಜನ್ಯಾಗೆ ಫೇವರಿಟ್ ಆಗಿದೆ. 

ಅಂದಹಾಗೆ ರ್ಯಾಂಬೋ 2 ಚಿತ್ರದ ಸಹ ನಿರ್ಮಾಪಕರಲ್ಲಿ ಅರ್ಜುನ್ ಜನ್ಯಾ ಕೂಡಾ ಒಬ್ಬರು. ಇಡೀ ತಂಡವನ್ನು ಒಟ್ಟಿಗೇ ಕರೆದೊಯ್ಯುತ್ತಿರುವುದು ತರುಣ್ ಸುಧೀರ್. ಸಹ ನಿರ್ಮಾಪಕರಾಗುತ್ತೀರಾ ಎಂದು ಆಫರ್ ಕೊಟ್ಟಾಗ ಎರಡನೇ ಯೋಚನೆ ಮಾಡದೆ ಒಪ್ಪಿಕೊಂಡುಬಿಟ್ಟೆ, ಕಥೆಯನ್ನೂ ಕೇಳಲಿಲ್ಲ. ಆದರೆ, ತರುಣ್ ಸುಧೀರ್ ಕಥೆಯನ್ನು ಪೂರ್ತಿಯಾಗಿ ತಿಳಿದುಕೊಳ್ಳಿ ಎಂದು ಸಲಹೆ ಕೊಟ್ಟರು. ಕಥೆ ಕೇಳಿದ ಮೇಲಂತೂ ಎರಡನೆ ಮಾತೇ ಇರಲಿಲ್ಲ, ಒಪ್ಪಿಕೊಂಡೆ ಎಂದಿದ್ದಾರೆ ಅರ್ಜುನ್ ಜನ್ಯಾ. ಸಿನಿಮಾ ಇದೇ ವಾರ ತೆರೆಗೆ ಬರುತ್ತಿದೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery