` ಎಂಎಲ್‍ಎ ಪ್ರಥಮ್‍ಗೆ ಪುನೀತ್, ದರ್ಶನ್ ಬೆಂಬಲ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
mla pratham gets support from puneeth, darshan
Puneeth, Pratham, Darshan Image

ಒಳ್ಳೆಯ ಹುಡುಗ ಪ್ರಥಮ್ ಅಭಿನಯದ ಎಂಎಲ್‍ಎ ಚಿತ್ರದ ಆಡಿಯೋ ಬಿಡುಗಡೆಗೆ ವೇದಿಕೆ ಸಿದ್ಧಗೊಂಡಿದೆ. ಈ ಚಿತ್ರಕ್ಕೆ ಪ್ರಥಮ್‍ಗೆ ಕನ್ನಡದ ಇಬ್ಬರು ಸ್ಟಾರ್‍ಗಳ ಬೆಂಬಲ ಸಿಕ್ಕಿರುವುದು ವಿಶೇಷ. ಪವರ್ ಸ್ಟಾರ್ ಪುನೀತ್ ಮತ್ತು ಚಾಲೆಂಜಿಂಗ್ ಸ್ಟಾರ್ ದರ್ಶನ್‍ರ ಬೆಂಬಲ, ಪ್ರೋತ್ಸಾಹ ಪ್ರಥಮ್ ಹೊಸ ಸಿನಿಮಾಗೆ ಸಿಕ್ಕಿದೆ.

ಕಾರ್ಮಿಕರ ದಿನಾಚರಣೆ ದಿನದಂದೇ ನಡೆಯುತ್ತಿರುವ ಈ ಕಾರ್ಯಕ್ರಮಕ್ಕೆ ವಿಶೇಷ ಅತಿಥಿಯಾಗಿ ಬರುತ್ತಿರುವುದು ಚಾಲೆಂಜಿಂಗ್ ಸ್ಟಾರ್ ದರ್ಶನ್.

ಮೈಸೂರಿನಲ್ಲಿ ಯಜಮಾನ ಚಿತ್ರದ ಚಿತ್ರೀಕರಣ ನಡೆಯುವ ಸ್ಥಳಕ್ಕೆ ಹೋಗಿದ್ದ ಪ್ರಥಮ್‍ಗೆ, ಬಂದೇ ಬರ್ತೀನಿ ಅನ್ನೋ ಭರವಸೆ ಕೊಟ್ಟಿದ್ದಾರೆ ದರ್ಶನ್. ದರ್ಶನ್ ಅವರು ಯಾವತ್ತೂ ಕೊಟ್ಟ ಮಾತು ತಪ್ಪಿಲ್ಲ. ಅದು ನಾನು ಅವರಿಂದ ಕಲಿತ ಪಾಠವೂ ಹೌದು. ದರ್ಶನ್ ಅವರನ್ನು ಚಿತ್ರದ ಆಡಿಯೋ ಬಿಡಗಡೆಗೆ ಕರೆತರಲು ಸಹಕರಿಸಿದ ಎಲ್ಲರಿಗೂ ನಾನು ಋಣಿ ಎಂದಿದ್ದಾರೆ ಪ್ರಥಮ್.

ಇನ್ನು ಎಂಎಲ್‍ಎ ಚಿತ್ರದ ಆಡಿಯೋ ರೈಟ್ಸ್ ಖರೀದಿಸಿರುವುದು ಪುನೀತ್ ರಾಜ್‍ಕುಮಾರ್ ಒಡೆತನದ ಪಿಆರ್‍ಕೆ ಆಡಿಯೋ ಕಂಪೆನಿ. ಸೋನಲ್ ಮಂಟಾರಿಯೋ ಪ್ರಥಮ್‍ಗೆ ನಾಯಕಿಯಾಗಿದ್ದು, ಮಜಾ ಟಾಕೀಸ್ ಮೌರ್ಯ ಚಿತ್ರದ ನಿರ್ದೇಶಕ. ವೆಂಕಟೇಶ್ ರೆಡ್ಡಿ ಚಿತ್ರದ ನಿರ್ಮಾಪಕರು.

Chemistry Of Kariyappa Movie Gallery

BellBottom Movie Gallery