` ಅಂಥಾದ್ದೊಂದು ಟೈಟಲ್ ಕೊಟ್ಟವರೇ ರವಿಚಂದ್ರನ್..! - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ravichandran suggested the titles buckaasura
Ravichandran Image From Buckaasura

ರವಿಚಂದ್ರನ್, ತಮ್ಮ ಚಿತ್ರಗಳಿಗೆ ಆಕರ್ಷಕ ಟೈಟಲ್ ಕೊಡೋದ್ರಲ್ಲಿ ಹೆಸರುವಾಸಿ. ಮನಸ್ಸಿಗೆ ಇಷ್ಟವಾದ ಚೆಂದದ ಹೆಸರುಗಳನ್ನು ಟೈಟಲ್ ಆಗಿ ರಿಜಿಸ್ಟರ್ ಮಾಡಿಸುವ ರವಿಚಂದ್ರನ್ ಹೆಸರಲ್ಲಿ ಅದೆಷ್ಟು ಚೆಂದ ಚೆಂದದ ಟೈಟಲ್‍ಗಳಿವೆಯೋ.. .ಹಾಗೆಂದು ತಾವು ರಿಜಿಸ್ಟರ್ ಮಾಡಿದ ಟೈಟಲ್‍ಗಳನ್ನು ಬೇರೆಯವರು ಕೇಳಿದಾಗ ಬಿಟ್ಟುಕೊಡುವ ಔದಾರ್ಯವೂ ರವಿಚಂದ್ರನ್‍ಗೆ ಇದೆ. ಆದರೆ, ಬಕಾಸುರದ ಕಥೆ ಹಾಗಲ್ಲ.

ನಿರ್ದೇಶಕ ನವನೀತ್, ಚಿತ್ರದ ಕಥೆ ಹೇಳಿದಾಗ ಬಕಾಸುರ ಎಂದು ಹೆಸರಿಟ್ಟರೆ ಚೆನ್ನಾಗಿರುತ್ತೆ ಎಂದು ಸಲಹೆ ಕೊಟ್ಟಿದ್ದೇ ರವಿಚಂದ್ರನ್ ಅಂತೆ. ಅದು ಲಾಯರ್‍ಗಳ ನಡುವೆಯೇ ನಡೆಯುವ ಕಥೆ. ನಾಯಕ ರೋಹಿತ್ ಮತ್ತು ರವಿಚಂದ್ರನ್, ಇಬ್ಬರದ್ದೂ ನೆಗೆಟಿವ್ ಶೇಡ್ ಇರುವ ಪಾತ್ರ. ಹೀಗಾಗಿಯೇ ಕಥೆ ಕೇಳಿ ಇಷ್ಟವಾದ ನಂತರ ರವಿಚಂದ್ರನ್ ಅವರೇ ಬಕಾಸುರ ಅನ್ನೋ ಟೈಟಲ್ ಇಡುವಂತೆ ಸಲಹೆ ಕೊಟ್ಟರು ಎಂದು ಖುಷಿಯಿಂದ ಹೇಳಿಕೊಳ್ತಾರೆ ನಿರ್ದೇಶಕ ನವನೀತ್.

ಕಥೆಯಲ್ಲಿ ಬರುವ ಟ್ವಿಸ್ಟ್‍ಗಳು ಪ್ರೇಕ್ಷಕರನ್ನು ಥ್ರಿಲ್ ಆಗಿಸುವುದು ಖಂಡಿತಾ ಅನ್ನೋ ಭರವಸೆ ಕೊಡ್ತಾರೆ ನವನೀತ್. ಕರ್ವ ಚಿತ್ರದಲ್ಲಿ ಕ್ಲೈಮಾಕ್ಸ್‍ನ ಕಟ್ಟಕಡೆಯ ದೃಶ್ಯದವರೆಗೂ ಸಸ್ಪೆನ್ಸ್ ಕಾಯ್ದುಕೊಂಡಿದ್ದ ನವನೀತ್, ಕರ್ವಗಿಂತಲೂ ಥ್ರಿಲ್ ಕೊಡುವ ಅಂಶಗಳು ಈ ಚಿತ್ರದಲ್ಲಿವೆ ಅಂತಾರೆ. ತಡವೇನಿಲ್ಲ.. ನಾಳೆಯೇ ಚಿತ್ರಮಂದಿರಗಳಲ್ಲಿ ಪ್ರತ್ಯಕ್ಷನಾಗಲಿದ್ದಾನೆ ಬಕಾಸುರ.

 

Padarasa Movie Gallery

Kumari 21 Movie Gallery