` ಸಿದ್ದರಾಮಯ್ಯ, ಅಂಬರೀಶ್ ದೂರವಾಗಿದ್ದು ಏಕೆ..? - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
ambareesh blasts cm siddaramaiah
Siddaramaiah, Ambareesh Image

ಟಿಕೆಟ್ ಕೊಟ್ಟು, ಬಿ ಫಾರಂ ಕೊಟ್ಟರೂ ಮಂಡ್ಯದಿಂದ ಸ್ಪರ್ಧಿಸದೆ ಹಿಂದೆ ಸರಿದಿರುವ ಅಂಬರೀಶ್, ಕಾಂಗ್ರೆಸ್‍ನ ಕೆಲವು ನಾಯಕರ ವಿರುದ್ಧ, ಅದರಲ್ಲೂ ಸಿದ್ದರಾಮಯ್ಯ ವಿರುದ್ಧ ತಮಗಿರುವ ಅಸಮಾಧಾನ ಹೊರಹಾಕಿದ್ದಾರೆ. ಅಂಬರೀಶ್ ಅವರ ಮಾತುಗಳನ್ನು ಒಂದ್ಸಲ ನೋಡಿ. ಅಂಬರೀಶ್ ರಾಜಕೀಯದಿಂದ ಹಿಂದೆ ಸರಿದದ್ದು ಏಕೆ ಅನ್ನೋದು ನಿಮಗೇ ಅರ್ಥವಾಗುತ್ತೆ.

ಕನಕದಾಸರನ್ನು ಕನಕರಾಜನನ್ನಾಗಿ ಮಾಡಿ ಎಂದು ಹೇಳಿದ ಮೊದಲಿಗ ನಾನು. ಆಗ ಕಾಂಗ್ರೆಸ್‍ನ ಹಲವರು ನನ್ನ ವಿರುದ್ಧ ಸಿಟ್ಟಿಗೆದ್ದಿದ್ದರು. ಈಗ ಅವರೆಲ್ಲ ಸಿದ್ದರಾಮಯ್ಯನ ಜೊತೆ ಚೆನ್ನಾಗಿದ್ದಾರೆ. ನಾನಷ್ಟೇ ದೂರವಾಗಿದ್ದೇನೆ.

- ನನಗೆ ಸೌಜನ್ಯಕ್ಕೂ ಒಂದು ಮಾತು ಹೇಳದೆ ಸಚಿವ ಸ್ಥಾನದಿಂದ ತೆಗೆದಾಗಲೇ, ನನಗೆ ಯೋಗ್ಯತೆ ಇಲ್ಲ ಅನ್ನೋದನ್ನು ತಿಳಿಸಿದರು. ಅದಕ್ಕೆಲ್ಲ ಬೇಸರವೇನಿಲ್ಲ. ನನ್ನ ಯೋಗ್ಯತೆ ಸಿದ್ದರಾಮಯ್ಯರಿಂದ ಗೊತ್ತಾಯ್ತು.

- ನಾನು ಮಂಡ್ಯಕ್ಕಷ್ಟೇ ಸೀಮಿತ ಅಲ್ಲ. ಇಡೀ ಕರ್ನಾಟಕದ ಋಣದಲ್ಲಿದ್ದೇನೆ. ಇಡೀ ಕರ್ನಾಟಕವೇ ನನ್ನದು.

ಸಿದ್ದರಾಮಯ್ಯ ಚಾಮುಂಡೇಶ್ವರಿಯಲ್ಲೇ ನಿಲ್ಲಬೇಕಿತ್ತು. ಅದನ್ನು ಬಿಟ್ಟು ಓಡಿ ಹೋಗಬಾರದಿತ್ತು. ಸೋಲು ಗೆಲುವು ಆಮೇಲೆ.

- ನನಗೂ ಹಲವು ಕಡೆ ನಿಲ್ಲೋಕೆ ಒತ್ತಡಗಳಿದ್ದವು. ಆದರೆ, ನಾನು ಮಂಡ್ಯ ಬಿಟ್ಟು ಹೋಗಿದ್ದರೆ ಷಂಡ ಎನಿಸಿಕೊಳ್ಳುತ್ತಿದ್ದೆ. ಮಂಡ್ಯದ ಗಂಡಾಗಿ ಇರುತ್ತಿರಲಿಲ್ಲ.

- ಕೆಪಿಸಿಸಿ ಕಾರ್ಯಾಧ್ಯಕ್ಷ ದಿನೇಶ್ ಗುಂಡೂರಾವ್ ಮನೆಗೆ ಬಂದು ನೀವು ಸೋಲ್ತೀರಿ, ಆದರೂ ನಿಂತುಕೊಳ್ಳಿ ಅಂತಾರೆ ಅಂದ್ರೆ ನನಗೆ ಬೇಜಾರಾಗೋದಿಲ್ವಾ..?

- ಗಣಿಗ ರವಿ ಒಬ್ಬ ಲೀಡರ್ ಏನ್ರೀ.. ಅದರ ಬದಲು ರಮ್ಯಾಗೇ ಟಿಕೆಟ್ ಕೊಡಬಹುದಿತ್ತು.

- ಸಿಎಂ ಆಗೋಕೆ ಮುಂಚೆ ಇದ್ದ ಸಿದ್ದರಾಮಯ್ಯನೇ ಬೇರೆ. ಈಗಿನ ಸಿದ್ದರಾಮಯ್ಯನೇ ಬೇರೆ. ಆ ವಿಷಯ ಬಿಡಿ, ಮಾತನಾಡೋದ್ರಲ್ಲಿ ಅರ್ಥವಿಲ್ಲ.

- ದೇವೇಗೌಡರು ಗಟ್ಟಿಗರು. ಅವರಷ್ಟು ಚಟುವಟಿಕೆ ಮಾಡೋಕೆ ನನಗೆ ಆಗಲ್ಲ. 10 ಕೋಟಿ ಕೊಟ್ರೂ ಅವರಷ್ಟು ಸುತ್ತೋಕೆ ನನ್ನಿಂದ ಸಾಧ್ಯವಿಲ್ಲ.

- ನನ್ನ ಮನೆಗೆ ಎಲ್ಲ ಪಕ್ಷಗಳ ಸಿಎಂಗಳೂ ಬಂದು ಹೋಗಿದ್ದಾರೆ. ಸಿದ್ದರಾಮಯ್ಯನೂ ಬಂದಿದ್ದಾರೆ. ಈಗ ಬಂದಿಲ್ಲ. ಪಾಪ.. ಅವರಿಗೂ ಪುರುಸೊತ್ತಿಲ್ಲ. ಬರಬೇಕು ಎಂದು ನಾನು ಅಪೇಕ್ಷಿಸುವುದೂ ಇಲ್ಲ.

- ನನಗೀಗ ವಯಸ್ಸಾಗಿದೆ. ಈಗ 66. 5 ವರ್ಷದ ಹೊತ್ತಿಗೆ 71 ಆಗಿರುತ್ತೆ. ಕೆಲಸ ಮಾಡುವ ಶಕ್ತಿಯಿಲ್ಲದ ಮೇಲೆ ಎಲೆಕ್ಷನ್‍ಗೆ ನಿಲ್ಲಬಾರದು. ನನ್ನ ಆರೋಗ್ಯ ಮತ್ತು ವಯಸ್ಸು ಕೈಕೊಟ್ಟಿದೆ. ಬೇರೆಯವರು ಬೆಳೆಯಲಿ.

- ಮೊದಲಿನಿಂದಲೂ ಹೇಳಿದ್ದೆ. ನನ್ನ ಉತ್ತರಾಧಿಕಾರಿಯಾಗಿ ಮಗನನ್ನು ಬೆಳೆಸೋದಿಲ್ಲ ಅಂತಾ. ಅವನಿಗೆ ಶಕ್ತಿಯಿದ್ದರೆ, ಅವನೇ ಬೆಳೀತಾನೆ. ಅಷ್ಟೆ.

 

#

Rambo 2 Movie Gallery

https://www.chitraloka.com/movie-reviews/17656-rambo-2-movie-review-chitraloka-rating-3-5-5.html

Asathoma Sadgamaya Movie Gallery