` ವಂದೇಮಾತರಂ.. ಗೀತೆಯೊಂದಿಗೆ ಸುಹಾನಾ ಸೈಯದ್ ಸಿನಿಮಾ ಪ್ರವೇಶ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
suhana syed enters film industry through vande mataram
Suhana Syed Image

ನೀನೆ ರಾಮ.. ನೀನೆ ಶಾಮ.. ನೀನೆ ಅಲ್ಲಾ.. ನೀನೇ ಯೇಸು.. ಮುಕುಂದ ಮುರಾರಿ ಚಿತ್ರದ ಈ ಹಾಡು, ಹಿಟ್ ಆಗಿತ್ತು. ಆದರೆ ಈ ಹಾಡು ವಿವಾದವಾಗಿದ್ದು ರಿಯಾಲಿಟಿ ಶೋನಲ್ಲಿ ಸುಹಾನಾ ಸೈಯ್ಯದ್ ಹಾಡಿದಾಗ. ಮುಸ್ಲಿಂ ಯುವತಿಯಾಗಿದ್ದ ಸುಹಾನಾ, ತಮ್ಮ ಅದ್ಭುತ ಸಿರಿಕಂಠದಲ್ಲಿ ಹಾಡಿದ್ದನ್ನು ಸಂಗೀತ ಪ್ರೇಮಿಗಳು ಮೆಚ್ಚಿಕೊಂಡಿದ್ದರೆ, ಮೂಲಭೂತವಾದಿಗಳು ಬೆಂಕಿಯುಗುಳಿದ್ದರು.

ಆದರೆ, ಎಂದಿನಂತೆ ಮೂಲಭೂತವಾದಿಗಳು ಸೋಲೊಪ್ಪಲೇಬೇಕಾಯ್ತು. ದೇಶಾದ್ಯಂತ ಚರ್ಚೆಯಾದ ಸುಹಾನಾ, ನಂತರವೂ ರಿಯಾಲಿಟಿ ಶೋಗಳಲ್ಲಿ ಗಾಯನ ಮುಂದುವರಿಸಿದರು. ಈಗ ಸಿನಿಮಾ ಪ್ರವೇಶ ಮಾಡಿದ್ದಾರೆ. ದೈವಭಕ್ತಿ ಗೀತೆಯ ಮೂಲಕ ಕನ್ನಡಿಗರಿಗೆ ಪರಿಚಿತರಾಗಿದ್ದ ಸುಹಾನಾ ಸೈಯ್ಯದ್, ದೇಶಭಕ್ತಿ ಗೀತೆಯ ಸಿನಿಮಾ ಪ್ರವೇಶ ಮಾಡಿದ್ದಾರೆ.

ಸ್ಟೇಟ್‍ಮೆಂಟ್ 8/11 ಚಿತ್ರದಲ್ಲಿ ವಂದೇಮಾತರಂ ಹಾಡಿಗೆ ಧ್ವನಿ ನೀಡಿರುವುದು ಸುಹಾನಾ ಸೈಯ್ಯದ್. ಸಿನಿಮಾ ಕ್ಷೇತ್ರದಲ್ಲಿ ನಾನು ಹಾಡಿದ ಮೊದಲ ಹಾಡು ದೇಶಭಕ್ತಿ ಗೀತೆ ಎನ್ನುವುದೇ ನನಗೊಂದು ಹೆಮ್ಮೆ ಎಂದು ಖುಷಿ ಹಂಚಿಕೊಂಡಿದ್ದಾರೆ ಸುಹಾನಾ.

ಇನ್ನು ಈ ಹಾಡೂ ವಿವಾದವಾದರೆ ಎಂದು ಪ್ರಶ್ನಿಸಿದರೆ, ವಿವಾದ ಆಗಬಹುದು. ಆಗದೆಯೂ ಇರಬಹುದು. ನಾನು ಸಂಗೀತ ಕ್ಷೇತ್ರವನ್ನು ನಂಬಿಕೊಂಡಿದ್ದೇನೆ. ಏನೇ ಆದರೂ ಜನ ಒಳ್ಳೆಯದನ್ನಷ್ಟೇ ಇಷ್ಟಪಡುತ್ತಾರೆ ಅಂತಾರೆ ಸುಹಾನಾ.

ಸ್ಟೇಟ್‍ಮೆಂಟ್ 16/11 ಸಿನಿಮಾ ಮುಂದಿನ ವಾರ ಬಿಡುಗಡೆಯಾಗುತ್ತಿದೆ. ಅದು ನೋಟ್‍ಬ್ಯಾನ್ ಕುರಿತ ಸಿನಿಮಾ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery