ಡಿ.29 ಬಂತೆಂದರೆ, ಎಲ್ಲರಿಗಿಂತ ಹೆಚ್ಚು ಖುಷಿಯಾಗಿರುವವರಲ್ಲಿ ರಶ್ಮಿಕಾ ಇರುತ್ತಾರೆ. ಅದು ಕಳೆದ ವರ್ಷ ಅವರ ಮೊದಲ ಸಿನಿಮಾ ಕಿರಿಕ್ ಪಾರ್ಟಿ ರಿಲೀಸ್ ಆದ ದಿನ. ಈ ವರ್ಷ ಅವರ 3ನೇ ಸಿನಿಮಾ ಚಮಕ್ ರಿಲೀಸ್ ಆದ ದಿನ. ವಾರದ ಹಿಂದಷ್ಟೇ ಅವರ ಅಭಿಯನದ 2ನೇ ಸಿನಿಮಾ ಅಂಜನಿಪುತ್ರ ಬಿಡುಗಡೆಯಾಗಿತ್ತು. ಹೀಗೆ ಡಿಸೆಂಬರ್ ತಿಂಗಳಲ್ಲಿ ಭಾರಿ ಖುಷಿಯಲ್ಲಿರುವ ರಶ್ಮಿಕಾ ಅವರ ಸಂಭ್ರಮಕ್ಕೆ ಹೊಸ ಸೇರ್ಪಡೆ ಆಡಿ ಕಾರು.

ರಶ್ಮಿಕಾ ಫಳಫಳ ಹೊಳೆಯುವ ಕೆಂಬಣ್ಣದ ಆಡಿ ಕಾರು ಖರೀದಿಸಿದ್ದಾರೆ. ಭಾವೀ ಪತ್ನಿಯ ಹೊಸ ಕಾರು ಖರೀದಿಗೆ ಸಾಕ್ಷಿಯಾಗಿದ್ದವರು ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ. ಜೀವದ ಗೆಳೆಯನ ಜೊತೆ ಮೊದಲ ಡ್ರೈವ್ ಮಾಡಿ ಬಂದ ರಶ್ಮಿಕಾ ಮುಖದ ರಂಗು, ಥೇಟು ಅವರ ಕಾರಿನ ಬಣ್ಣಕ್ಕೇ ತಿರುಗಿದೆ.