` ಕಿಚ್ಚನ ಎದುರು ಚಂದನ್ ಶೆಟ್ಟಿ ಬಿಚ್ಚಿಟ್ಟ ಲವ್‍ಸ್ಟೋರಿ - chitraloka.com | Kannada Movie News, Reviews | Image

User Rating: 0 / 5

Star inactiveStar inactiveStar inactiveStar inactiveStar inactive
 
chandan reveals his love story to sudeep
Sudeep, Chandan Shetty Image

ಬಿಗ್‍ಬಾಸ್‍ನಲ್ಲಿ ಚಂದನ್ ಶೆಟ್ಟಿ ಕಂಪ್ಲೀಟ್ ಡಿಫರೆಂಟು. ಇದ್ದ ಜಾಗದಲ್ಲಿ ಕೈಗೆ ಸಿಕ್ಕ ಟೇಬಲ್ಲು, ತಟ್ಟೆಗಳಲ್ಲೇ ರಾರ ಹೊಮ್ಮಿಸುವ, ತಾಳ ಹಾಕಿಸುವ, ಆಶು ಕವಿತೆಗಳ ಸುರಿಮಳೆ ಸುರಿಸುವ ಚಂದನ್ ಶೆಟ್ಟಿ, ಬಿಗ್‍ಬಾಸ್‍ನಲ್ಲಿ ಅತ್ಯಂತ ಇಂಟ್ರೆಸ್ಟಿಂಗ್ ಕ್ಯಾರೆಕ್ಟರ್. ಈಗಾಗಲೇ ಚಂದನ್ ಶೆಟ್ಟಿ ಬಿಗ್‍ಬಾಸ್‍ನಲ್ಲಿ ಜಯಶ್ರೀನಿವಾಸನ್, ನಿವೇದಿತಾ, ಅನುಪಮಾ ಅವರ ಮೇಲೆ ಹೀಗೆಯೇ ಹಾಡು ಕಟ್ಟಿ ಹಾಡಿದ್ದಾರೆ. ಆದರೆ, ಶ್ರುತಿ ಪ್ರಕಾಶ್ ಮೇಲೆ ಚಂದನ್ ಶೆಟ್ಟಿ ಹಾಡು ಕಟ್ಟಿ ಹಾಡಿದ್ದು ಮಾತ್ರ ಎಲ್ಲರಲ್ಲೂ ಒಂದು ಪ್ರಶ್ನೆ ಹುಟ್ಟಿಸಿತ್ತು.

ಚಂದನ್ ಶೆಟ್ಟಿ ಬಹುಶಃ ಶ್ರುತಿ ಅವರನ್ನು ಇಷ್ಟಪಡುತ್ತಿದ್ದಾರೇನೋ ಎಂಬ ಪ್ರಶ್ನೆ ಮೂಡೋದಕ್ಕೆ ಕಾರಣ, ಚಂದನ್ ಶೆಟ್ಟಿಯವರ ವರ್ತನೆ. ಇದು ಸುದೀಪ್ ಅವರಿಗೂ ಇತ್ತೆಂದು ಕಾಣುತ್ತೆ. ಚಂದನ್ ಅವರ ಬಳಿ ಮತ್ತೊಮ್ಮೆ ಆ ಹಾಡು ಹೇಳಿಸಿದ ಕಿಚ್ಚ, ಶ್ರುತಿ ಅವರನ್ನೂ ಕೆಣಕಿ, ಉತ್ತರ ಕೊಡ್ತೀರೇನೋ ಎಂಬ ನಿರೀಕ್ಷೆಯಲ್ಲಿದ್ವಿ ಎಂದರು.

ಚಂದನ್ ಶೆಟ್ಟಿ ಮುಚ್ಚುಮರೆಯೇನೂ ಮಾಡಲಿಲ್ಲ. ಶ್ರುತಿ ಅವರ ಕೆಲವೊಂದು ಗುಣಗಳು, ಅವರ ಕ್ಯೂಟ್‍ನೆಸ್ ನನಗಿಷ್ಟ ಎಂದ ಚಂದನ್, ಅವಳು ನಂಗೆ ಸಿಗೋದಿಲ್ಲ ಎಂದೂ ಹೇಳಿಬಿಟ್ಟರು. ಸುದೀಪ್ ನಗುತ್ತಿದ್ದರೆ, ಅತ್ತ ಶ್ರುತಿ ಪ್ರಕಾಶ್ ಕೂಡಾ ಮುಖ ಮುಚ್ಚಿಕೊಂಡು ನಗುತ್ತಿದ್ದರು. 

ಪ್ರೀತಿ ವಿಚಾರ.. ಅದು ಇನ್ನೂ ಸೀಕ್ರೆಟ್.

Geetha Movie Gallery

Damayanthi Teaser Launch Gallery