` ಮರಿ ಪೈಲ್ವಾನ್ ಆಗಿ ಬರ್ತಾನೆ ಜ್ಯೂ.ದುನಿಯಾ ವಿಜಿ - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
duniya vijay to intrduce his son
Duniya Vijay Image

ದುನಿಯಾ ವಿಜಿ. ರಾಜ್ಯೋತ್ಸವದ ದಿನವೇ ಬಿಡುಗಡೆ ಮಾಡಿದ ಕನಕ ಚಿತ್ರದ ಟ್ರೇಲರ್ ಮೆಚ್ಚುಗೆ ಪಡೆಯುತ್ತಿರುವಾಗಲೇ ಇನ್ನೊಂದು ಸಡಗರದ ಸುದ್ದಿ ಕೊಟ್ಟಿದ್ದಾರೆ. ಅವರ ಮಗ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಲಿದ್ದಾನೆ. ದುನಿಯಾ ವಿಜಯ್ ಅಭಿನಯದ ಕುಸ್ತಿ ಚಿತ್ರದಲ್ಲಿ ಅವರ ಮಗ ಸಾಮ್ರಾಟ್ ಮರಿ ಕುಸ್ತಿಪಟುವಾಗಿ ನಟಿಸಲಿದ್ದಾನೆ.ದುನಿಯಾ ವಿಜಿ ಸೀನಿಯರ್ ಕುಸ್ತಿ ಪಟುವಾದರೆ, ಸಾಮ್ರಾಟ್, ಬಾಲಕನಾಗಿದ್ದಾಗಿನ ದುನಿಯಾ ವಿಜಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಮಗನನ್ನು ಸುಮ್ಮನೆ ಚಿತ್ರರಂಗಕ್ಕೆ ತರುತ್ತಿಲ್ಲ. ಚಿತ್ರಕ್ಕಾಗಿ ತರಬೇತಿ ನೀಡುತ್ತಿದ್ದಾರೆ. ಕುಸ್ತಿ ಕಲಿಸುತ್ತಿದ್ದಾರೆ. ಏಕೆಂದರೆ, ಚಿತ್ರದಲ್ಲಿ ಬಾಲಕ ಕುಸ್ತಿ ಪಟುವಿನ ಪಾತ್ರವೂ ಸಾಹಸ ಮಾಡುತ್ತೆ. ಹೀಗಾಗಿ ಇಷ್ಟೆಲ್ಲ ತಯಾರಿ ಎನ್ನುತ್ತಾರೆ ವಿಜಿ.

ಕುಸ್ತಿಯ ಕುರಿತು ಚಿತ್ರ ಮಾಡಬೇಕು ಅನ್ನೋದು ದುನಿಯಾ ವಿಜಿ ಕನಸಾಗಿತ್ತು. ಹೀಗಾಗಿ ಸ್ವತಃ ತಾವೇ ಕುಸ್ತಿ ಅನ್ನೋ ಟೈಟಲ್‍ನ್ನು ಚೇಂಬರ್‍ನಲ್ಲಿ ರಿಜಿಸ್ಟರ್ ಮಾಡಿಸಿದ್ದರು. ಕನಕ ಚಿತ್ರ ಮುಗಿದಿದ್ದು, ಜಾನಿ ಜಾನಿ ಯೆಸ್ ಪಪ್ಪಾ ಕೂಡಾ ಮುಗಿದ ನಂತರ ಕುಸ್ತಿಗೆ ಕೈ ಹಾಕುವ ಸಾಹಸ ಮಾಡಲಿದ್ದಾರೆ ವಿಜಿ.

Related Articles :-

Vijay To Introduce His Son Through 'Kusthi'

The Terrorist Movie Gallery

Thayige Thakka Maga Movie Gallery