` ಬ್ರಾಹ್ಮಣರ ಕ್ಷಮೆ ಕೇಳಿದ ಡ್ರಾಮಾ ಜ್ಯೂನಿಯರ್ಸ್ - chitraloka.com | Kannada Movie News, Reviews | Image

User Rating: 3 / 5

Star activeStar activeStar activeStar inactiveStar inactive
 
drama juniors team
anand, raghavendra hunsur, tn seetharam image

ಡ್ರಾಮಾ ಜ್ಯೂನಿಯರ್ಸ್ ತಂಡ ಬ್ರಾಹ್ಮಣ ಸಮುದಾಯವನ್ನು ಬೇಷರತ್ ಆಗಿ ಕ್ಷಮೆ ಕೇಳಿದೆ. ಕಳೆದ ವಾರ ಡ್ರಾಮಾ ಜ್ಯೂನಿಯರ್ಸ್‍ನ ನಾಟಕವೊಂದರಲ್ಲಿ ಬ್ರಾಹ್ಮಣರನ್ನು ಅವಹೇಳನ ಮಾಡಲಾಗಿದೆ. ಹಾಸ್ಯದ ಹೆಸರಲ್ಲಿ ಬ್ರಾಹ್ಮಣರನ್ನು ಅವಮಾನಿಸಲಾಗಿದೆ ಎಂದು ಬ್ರಾಹ್ಮಣ ಸಮುದಾಯದವರು ಸಿಟ್ಟಿಗೆದ್ದಿದ್ದರು. ಪೆಜಾವರ ಮಠವೂ ಕೂಡಾ ಡ್ರಾಮಾ ಜ್ಯೂನಿಯರ್ಸ್ ಮತ್ತು ಝೀ ಕನ್ನಡ ವಾಹಿನಿ ಕ್ಷಮೆ ಕೇಳಬೇಕು ಎಂದು ಒತ್ತಾಯಿಸಿತ್ತು. 

ಈ ಹಿನ್ನೆಲೆಯಲ್ಲಿ ಡ್ರಾಮಾ ಜ್ಯೂನಿಯರ್ಸ್ ನಿರೂಪಕ ಆನಂದ್, ಬೇಷರತ್ ಕ್ಷಮೆ ಕೇಳಿದ್ದಾರೆ. ನಮಗೆ ಯಾವುದೇ ಸಮುದಾಯಕ್ಕೆ ನೋವು ಮಾಡುವ ಉದ್ದೇಶ ಇರಲಿಲ್ಲ. ಕೆಲವೊಮ್ಮೆ ನಮ್ಮ  ನಿರೀಕ್ಷೆಗೂ ಮೀರಿ ಪ್ರಮಾದಗಳಾಗಿಬಿಡತ್ತವೆ. ಹಾಸ್ಯ ಕೆಲವೊಮ್ಮೆ ನಮ್ಮ ಊಹೆಗೂ ಮೀರಿ ಕೆಲವರಿಗೆ ನೋವಾಗಿಬಿಡುತ್ತೆ. ಸದಭಿರುಚಿಯ ಮನರಂಜನೆ ಕೊಡುವುದಷ್ಟೇ ನಮ್ಮ ಉದ್ದೇಶ. ಹೀಗಾಗಿಯೂ ಕೆಲವು ಸಮುದಾಯದವರಿಗೆ ನಮ್ಮಿಂದ ನೋವಾಗಿದ್ದರೆ, ನಾವು ಕ್ಷಮೆ ಕೇಳುತ್ತೇವೆ. ಕ್ಷಮೆ ಕೇಳುವುದಕ್ಕೆ ನಮಗೆ ಅವಮಾನವಿಲ್ಲ. ಸಂಕೋಚವೂ ಇಲ್ಲ. ದಯವಿಟ್ಟು ಕ್ಷಮಿಸಿ ಎಂದಿದ್ದಾರೆ ಆನಂದ್.

ತೀರ್ಪುಗಾರರ ಪರವಾಗಿ ಮಾತನಾಡಿರುವ ಟಿ.ಎನ್. ಸೀತಾರಾಮ್ ಕೂಡಾ ಕ್ಷಮೆ ಕೇಳಿದ್ದಾರೆ. ಇದುವರೆಗೆ ಇದೇ ವೇದಿಕೆಯಲ್ಲಿ 167 ಸ್ಕಿಟ್‍ಗಳಾಗಿವೆ. ಅನೇಕ ಸ್ಕಿಟ್‍ಗಳು ಸಮಾಜಕ್ಕೆ ಸ್ಫೂರ್ತಿಯಾಗಿವೆ ಎಂಬ ಅಭಿಪ್ರಾಯವೂ ಬಂದಿದೆ. ಇವುಗಳ ಮಧ್ಯೆ ಇಂಥಾದ್ದೊಂದು ಸ್ಕಿಟ್, ಲೇವಡಿ ಹಾಗೆ ಕಾಣಿಸಿದ್ದರೆ ಕ್ಷಮೆ ಇರಲಿ ಎಂದಿದ್ದಾರೆ ಟಿ.ಎನ್. ಸೀತಾರಾಮ್.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery