` ಸಂಕ್ರಾಂತಿಗೇ ರಿಲೀಸ್ ಆಗುತ್ತೆ ದರ್ಶನ್ ಕುರುಕ್ಷೇತ್ರ..! - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
kurukshetra movie image
KuruKshetra To release in Sanskranthi

ಕುರುಕ್ಷೇತ್ರ ಚಿತ್ರಕ್ಕೆ ಅದ್ದೂರಿ ಮುಹೂರ್ತ ನೆರವೇರಿದೆ. ಮುಖ್ಯಮಂತ್ರಿಗಳೇ ಕ್ಲಾಪ್ ಮಾಡಿ ಶುಭ ಕೋರಿದ್ದಾರೆ. ಚಿತ್ರದಲ್ಲಿರುವ ಕನ್ನಡದ ದೊಡ್ಡ ಸ್ಟಾರ್ ನಟರೆಂದರೆ ಇಬ್ಬರು ಮಾತ್ರ. ದರ್ಶನ್ ಮತ್ತು ರವಿಚಂದ್ರನ್. ಕೇವಲ 2 ತಿಂಗಳಲ್ಲಿ ಪ್ಲಾನ್ ಮಾಡಿದ ಚಿತ್ರ. ಹೀಗಾಗಿ ಸ್ಟಾರ್ ನಟರನ್ನೆಲ್ಲ ಒಗ್ಗೂಡಿಸುವುದು ಸಾಧ್ಯವಾಗಲಿಲ್ಲ ಎಂಬ ಸ್ಪಷ್ಟನೆ ಮುನಿರತ್ನ ಅವರದ್ದು.

ಅಂದಹಾಗೆ ಕನ್ನಡದ ಈ ಪೌರಾಣಿಕ ಚಿತ್ರ ಸಂಕ್ರಾಂತಿಗೆ ರಿಲೀಸ್ ಆಗುತ್ತಿದೆಯಂತೆ. ಚಿತ್ರ ಸೆಟ್ಟೇರಿರುವುದು ಈಗ. 60 ಕೋಟಿ ಬಜೆಟ್‍ನ ಈ ಚಿತ್ರ ಐದೇ ತಿಂಗಳಲ್ಲಿ ತಯಾರಾಗಲಿದೆ ಎಂಬುದು ಅಚ್ಚರಿ ಹುಟ್ಟಿಸುತ್ತಿದೆ. ಏಕೆಂದರೆ, ಪೌರಾಣಿಕ ಚಿತ್ರಗಳ ಮೇಕಿಂಗ್ ಹೆಚ್ಚು ಸಮಯ ಕೇಳುತ್ತೆ. ಆದರೆ, ಸಿದ್ಧತೆ ಸರಿಯಾಗಿದ್ದರೆ, 5 ತಿಂಗಳಲ್ಲಿ ಸಿನಿಮಾ ರೆಡಿ ಮಾಡುವುದು ಕಷ್ಟವಲ್ಲ ಎನ್ನುವುದು ಮುನಿರತ್ನ ಹೇಳಿಕೆ.

ಕುರುಕ್ಷೇತ್ರ ಹೈಲೈಟ್ಸ್

==============

ಕನ್ನಡದಲ್ಲಿ ಸುದೀರ್ಘ ಕಾಲದ ನಂತರ ಬರುತ್ತಿರುವ ಪೌರಾಣಿಕ ಸಿನಿಮಾ

ದರ್ಶನ್ ಮತ್ತು ರವಿಚಂದ್ರನ್ ಒಟ್ಟಿಗೇ ಕಾಣಿಸಿಕೊಳ್ಳುತ್ತಿರುವುದು ಇದೇ ಮೊದಲು

60 ಕೋಟಿ ಬಜೆಟ್‍ನ ಚಿತ್ರ, ಕನ್ನಡದ ಅತ್ಯಂತ ಅದ್ಧೂರಿ ಚಿತ್ರವಾಗಲಿದೆ

ಚಿತ್ರದ ಬಹುತೇಕ ಚಿತ್ರೀಕರಣ ರಾಮೋಜಿಫಿಲ್ಮ್ ಸಿಟಿಯಲ್ಲಿ ನಡೆಯಲಿದೆ

16 ವಿಭಿನ್ನ ಸೆಟ್‍ಗಳನ್ನು ಹಾಕಲಾಗಿದೆ

ಯಾವುದೇ ಬ್ರೇಕ್ ಇಲ್ಲದೆ ಒಂದೇ ಹಂತದಲ್ಲಿ 100 ದಿನ ಚಿತ್ರೀಕರಣ ನಡೆಯಲಿದೆ

Padarasa Movie Gallery

Kumari 21 Movie Gallery