ತಮಿಳುನಾಡಿನಲ್ಲಿ ಇಂದಿನಿಂದ ಯಾವುದೇ ಚಿತ್ರಗಳ ಪ್ರದರ್ಶನವಾಗುತ್ತಿಲ್ಲ. ರಾಜ್ಯದ 1000ಕ್ಕೂ ಹೆಚ್ಚು ಚಿತ್ರ ಮಂದಿರಗಳು ಚಿತ್ರಪ್ರದರ್ಶನವನ್ನೇ ನಿಲ್ಲಿಸಿವೆ. 

ಇದು ಕೇವಲ ಜಿಎಸ್​ಟಿ ಎಫೆಕ್ಟ್ ಎಂದುಕೊಂಡರೆ ತಪ್ಪಾದೀತು. ಜಿಎಸ್​ಟಿಯಲ್ಲಿ ಮನರಂಜನಾ ತೆರಿಗೆ ಶೇ.28ರಷ್ಟಿದೆ. ಇದರ ಜೊತೆಗೆ ತಮಿಳುನಾಡು ಸರ್ಕಾರ, ಪ್ರತ್ಯೆಕವಾಗಿ ಶೇ.30ರಷ್ಟು ಮನರಂಜನಾ ತೆರಿಗೆ ವಿಧಿಸಿದೆ. ಶೇ.68ರಷ್ಟು ತೆರಿಗೆ ಕಟ್ಟೋದಾದರೂ ಹೇಗೆ..? 

ಈ ಕುರಿತು ಚಿತ್ರರಂಗದ ನಿರ್ಮಾಪಕರು, ಕಲಾವಿದರು, ಚಿತ್ರಪ್ರದರ್ಶಕರು ಎಲ್ಲರೂ ಮಾತುಕತೆ ನಡೆಸಿದ್ದರೂ, ಅದು ಫಲಪ್ರದವಾಗಿಲ್ಲ. ಹೀಗಾಗಿ ಇಂದಿನಿಂದ ತಮಿಳುನಾಡಿನಲ್ಲಿ ಚಿತ್ರೋದ್ಯಮವೇ ಸಂಪೂರ್ಣ ಬಂದ್ ಆಗಿದೆ. 

ಅಂದಹಾಗೆ ಮನರಂಜನಾ ತೆರಿಗೆ ವ್ಯಾಪ್ತಿಯಲ್ಲಿ ಪ್ರತ್ಯೇಕ ತೆರಿಗೆ ವಿಧಿಸಿರುವ ದೇಶದ ಏಕೈಕ ರಾಜ್ಯ ತಮಿಳುನಾಡು. ಕರ್ನಾಟಕದಲ್ಲಿ ಈ ಬಗ್ಗೆ ಇನ್ನೂ ಒಂದು ಸ್ಪಷ್ಟ ಚಿತ್ರಣ ಸಿಕ್ಕಿಲ್ಲ.