` Flash Back - chitraloka.com | Kannada Movie News, Reviews | Image
nagarjuna appreciates rashmika

User Rating: 0 / 5

Star inactiveStar inactiveStar inactiveStar inactiveStar inactive

ರಶ್ಮಿಕಾ ಮಂದಣ್ಣ ಕನ್ನಡ ಮತ್ತು ತೆಲುಗಿನಲ್ಲಿ ಇದುವರೆಗೆ ನಟಿಸಿರುವ ಒಟ್ಟು ಚಿತ್ರಗಳ ಸಂಖ್ಯೆ 5. ವಿಶೇಷ ಅಂದ್ರೆ ಐದಕ್ಕೆ ಐದೂ ಚಿತ್ರಗಳು ಹಿಟ್. ಈಗ ತೆಲುಗಿನಲ್ಲಿ ದೇವದಾಸ್ ಸಿನಿಮಾ ಬಿಡುಗಡೆಗೆ ಸಿದ್ಧವಾಗಿದೆ. ರಶ್ಮಿಕಾಗೆ ಈ ಚಿತ್ರದಲ್ಲಿ ತೆಲುಗು ಇಂಡಸ್ಟ್ರಿಯ ರೊಮ್ಯಾಂಟಿಕ್ ಸ್ಟಾರ್ ನಾಗಾರ್ಜುನ ಜೊತೆ ನಟಿಸುವ ಅದೃಷ್ಟ ಖುಲಾಯಿಸಿದೆ. ನಾಗಾರ್ಜುನ ಹಾಗೂ ನಾನಿ ಚಿತ್ರದ ಹೀರೋಗಳು. ಚಿತ್ರದ ಆಡಿಯೋ ರಿಲೀಸ್ ವೇದಿಕೆಯಲ್ಲಿ ಅಕ್ಕಿನೇನಿ ನಾಗಾರ್ಜುನ ರಶ್ಮಿಕಾ ಬಗ್ಗೆ ಭವಿಷ್ಯ ನುಡಿದಿದ್ದಾರೆ.

ರಶ್ಮಿಕಾ ಈಗಾಗಲೇ ತೆಲುಗಿನಲ್ಲಿ 2 ಸೂಪರ್ ಹಿಟ್ ಸಿನಿಮಾ ಕೊಟ್ಟಿದ್ದಾರೆ. ಈ ಸಿನಿಮಾ ಕೂಡಾ ಹಿಟ್ ಆಗಲಿದೆ. ಇದಾದ ನಂತರ ಹ್ಯಾಟ್ರಿಕ್ ಹಿಟ್ ಸಾಧಿಸಲಿರೋ ರಶ್ಮಿಕಾ, ಸೌತ್ ಇಂಡಸ್ಟ್ರಿಯ ಟಾಪ್ ನಟಿ ಎನಿಸಿಕೊಳ್ಳಲಿದ್ದಾರೆ ಎನ್ನುವುದು ನಾಗಾರ್ಜುನ ರಶ್ಮಿಕಾ ಬಗ್ಗೆ ಹೇಳಿರೋ ಭವಿಷ್ಯ.

ರಶ್ಮಿಕಾ ಸದಾ ನಗು ನಗುತ್ತಾ ಮಾತನಾಡುವ ಹುಡುಗಿ, ಎನರ್ಜೆಟಿಕ್ ಎನ್ನುವ ನಾಗಾರ್ಜುನ, ಆಕೆ ಜೊತೆಯಲ್ಲಿದ್ದರೆ, ಅಲ್ಲಿ ನಗು ಗ್ಯಾರಂಟಿ ಎಂಬ ಸರ್ಟಿಫಿಕೇಟ್ ಕೊಟ್ಟಿದ್ದಾರೆ.

yash and radhika pandit o their babymoon

User Rating: 0 / 5

Star inactiveStar inactiveStar inactiveStar inactiveStar inactive

ರಾಧಿಕಾ ಪಂಡಿತ್ ತಾಯಿಯಾಗುತ್ತಿದ್ದಾರೆ. ಕುಟುಂಬಕ್ಕೆ ಬರುತ್ತಿರುವ ಹೊಸ ಅತಿಥಿಯ ಸ್ವಾಗತವನ್ನು ವಿಶೇಷವಾಗಿ ಸಂಭ್ರಮಿಸುತ್ತಿದ್ದಾರೆ ಯಶ್ ಮತ್ತು ರಾಧಿಕಾ. ದಂಪತಿಯ ಸಂಭ್ರಮ ಈಗ ಮಾಲ್ಡೀವ್ಸ್‍ಗೆ ಕಾಲಿಟ್ಟಿದೆ.

ಪತ್ನಿಯೊಂದಿಗೆ ಮಾಲ್ಡೀವ್ಸ್‍ನಲ್ಲಿ ಬೇಬಿ ಮೂನ್ ಸೆಲಬ್ರೇಟ್ ಮಾಡುತ್ತಿದ್ದಾರೆ ರಾಧಿಕಾ ಪಂಡಿತ್. ಪತಿಯೊಂದಿಗೆ ಮಾಲ್ಡೀವ್ಸ್‍ನ ಸುಂದರ ಬೀಚುಗಳಲ್ಲಿ ಸುತ್ತಾಡುತ್ತಿದ್ದಾರೆ. ವಿಶೇಷ ಫೋಟೋಶೂಟ್ ಕೂಡಾ ಮಾಡಿಸಿದ್ದಾರೆ. 

10 specialties of ambi ninge vaisaitho

User Rating: 5 / 5

Star activeStar activeStar activeStar activeStar active

ಅಂಬಿ ನಿಂಗ್ ವಯಸ್ಸಾಯ್ತೋ.. 14 ವರ್ಷಗಳ ನಂತರ ಅಂಬರೀಷ್ ನಾಯಕರಾಗಿ ನಟಿಸಿರುವ ಸಿನಿಮಾ. ಮುಂದಿನ ವಾರ ರಿಲೀಸ್ ಆಗುತ್ತಿರುವ ಚಿತ್ರದಲ್ಲಿ ಅದೆಷ್ಟು ವಿಶೇಷಗಳಿವೆಯೆಂದರೆ ಅಭಿಮಾನಿಗಳು ಥ್ರಿಲ್ಲಾಗುವಂತಿದೆ.

ಅಂಬಿ ಸ್ಪೆಷಲ್ ನಂ.1 - ರೆಬಲ್‍ಸ್ಟಾರ್ ಅಂಬರೀಷ್ 14 ವರ್ಷಗಳ ನಂತರ ಸೋಲೋ ಹೀರೋ ಆಗಿ ನಟಿಸಿದ್ದಾರೆ.

ಅಂಬಿ ಸ್ಪೆಷಲ್ ನಂ.2 - ಒಂದೇ ಪಾತ್ರದಲ್ಲಿ ಇಬ್ಬರು ಸೂಪರ್ ಸ್ಟಾರ್‍ಗಳು ನಟಿಸಿದ್ದಾರೆ. ಅಂಬರೀಷ್ ಯಂಗ್ ಆಗಿರುವ ಪಾತ್ರದಲ್ಲಿ ಸುದೀಪ್ ನಟಿಸಿರುವುದು ಸ್ಪೆಷಲ್. 

ಅಂಬಿ ಸ್ಪೆಷಲ್ ನಂ.3 - ಸುಹಾಸಿನಿಯೂ ಡಬಲ್ ಆಗಿದ್ದಾರೆ. ಅಂಬರೀಷ್ ಅವರಂತೆಯೇ ಸುಹಾಸಿನಿ ಅವರ ಯಂಗ್ ಪಾತ್ರದಲ್ಲಿ ಶೃತಿ ಹರಿಹರನ್ ನಟಿಸಿದ್ದಾರೆ. 

ಅಂಬಿ ಸ್ಪೆಷಲ್ ನಂ.4 - ಒಂದು ಪಾತ್ರದಲ್ಲಿ ಇಬ್ಬರು ಕಲಾವಿದರು ನಟಿಸಿರುವುದು ಕನ್ನಡದಲ್ಲಿ ಮೊದಲ ಪ್ರಯೋಗ. 

ಅಂಬಿ ಸ್ಪೆಷಲ್ ನಂ.5 - ಚಿತ್ರದ ನಿರ್ದೇಶಕ ಗುರುದತ್ ಗಾಣಿಗ. ಹೊಸ ಹುಡುಗ. ಅಂಬರೀಷ್ ಚಿತ್ರಗಳನ್ನು ನಿರ್ದೇಶಿಸಿರುವ ಅತ್ಯಂತ ಕಿರಿಯ ನಿರ್ದೇಶಕ. ಅಂಬರೀಷ್ ಪುತ್ರ ಅಮರ್‍ಗಿಂತಲೂ ಚಿಕ್ಕವರು ಗುರುದತ್ ಗಾಣಿಗ.

ಅಂಬಿ ಸ್ಪೆಷಲ್ ನಂ.6 - ಮೊದಲ ಸಿನಿಮಾದಲ್ಲಿಯೇ ಪುಟ್ಟಣ್ಣ ಕಣಗಾಲ್‍ರಂಹ ಸ್ಟಾರ್ ನಿರ್ದೇಶಕರಿಂದ ಆ್ಯಕ್ಷನ್ ಕಟ್ ಹೇಳಿಸಿಕೊಂಡಿದ್ದ ಅಂಬರೀಷ್, ಗುರುದತ್ ಗಾಣಿಗ ಅವರ ಎದುರಲ್ಲೂ ಅಷ್ಟೇ ಪ್ರೀತಿಯಿಂದ ನಟಿಸಿರುವುದು ಇನ್ನೊಂದು ಸ್ಪೆಷಲ್.

ಅಂಬಿ ಸ್ಪೆಷಲ್ ನಂ.7 - 14 ವರ್ಷಗಳ ಹಿಂದೆ ಅಂಬರೀಷ್ ಗೌಡ್ರು ಚಿತ್ರದಲ್ಲಿ ಹೀರೋ ಆಗಿ ನಟಿಸಿದ್ದರು. ಕರ್ಣನ ಸಂಪತ್ತು ಅದಾದ ಮೇಲೆ ತೆರೆಗೆ ಬಂದಿತಾದರೂ, ಅದು 90ರ ದಶಕದ ಸಿನಿಮಾ. ಹೀಗಾಗಿ ಗೌಡ್ರು, ಅಂಬಿ ಸೋಲೋ ಹೀರೋ ನಟಿಸಿದ್ದ ಕೊನೆಯ ಸಿನಿಮಾ. ಅದಾದ ಮೇಲೆ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು.

ಅಂಬಿ ಸ್ಪೆಷಲ್ ನಂ.8 - ಅಂಬರೀಷ್ ಬಿಳಿ ಮೀಸೆ, ಗಡ್ಡದಲ್ಲಿ ನಟಿಸಿರುವುದು ಇದೇ ಮೊದಲು. ಅಂಬರೀಷ್ ಗಿರಿಜಾ ಮೀಸೆ ಸಖ್ಖತ್ತಾಗಿದೆ.

ಅಂಬಿ ಸ್ಪೆಷಲ್ ನಂ.9 - ಅಂಬಿ ನಿಂಗ್ ವಯಸ್ಸಾಯ್ತೋ ಕಿಚ್ಚ ಸುದೀಪ್ ನಿರ್ಮಾಣದ ಸಿನಿಮಾ. ಒಬ್ಬ ಸ್ಟಾರ್ ಚಿತ್ರವನ್ನು ಇನ್ನೊಬ್ಬ ಸ್ಟಾರ್ ನಿರ್ಮಿಸಿರುವುದು ಕೂಡಾ ವಿಶೇಷ. ಜಾಕ್ ಮಂಜು ಚಿತ್ರದ ಇನ್ನೊಬ್ಬ ನಿರ್ಮಾಪಕ.

ಅಂಬಿ ಸ್ಪೆಷಲ್ ನಂ.10 - ಅಂಬರೀಷ್‍ಗೆ ಈ ಪಾತ್ರ ಹಾಗೂ ಚಿತ್ರವನ್ನು ಮಾಡಿ ಎಂದು ಸಲಹೆ ನೀಡಿದವರು ರಜನಿಕಾಂತ್. 

panchatantra first look released

User Rating: 0 / 5

Star inactiveStar inactiveStar inactiveStar inactiveStar inactive

ಪಂಚತಂತ್ರ. ಯೋಗರಾಜ್ ಭಟ್ಟರ ಸಿನಿಮಾ. ಸುದೀರ್ಘ ಕಾಲದ ನಂತರ ಹೊಸಬರ ಜೊತೆ ಮಾಡುತ್ತಿರುವ ಸಿನಿಮಾ. ಇತ್ತೀಚೆಗಷ್ಟೇ ಶೃಂಗಾರಕ್ಕೇ ಠೂ ಬಿಟ್ಟು ಮೈ ಚಳಿ ಹೆಚ್ಚಿಸಿದ್ದ ಭಟ್ಟರು, ಈಗ ಚಿತ್ರದ ಫಸ್ಟ್‍ಲುಕ್ ಹೊರತಂದಿದ್ದಾರೆ. ಚಿತ್ರದ ಫಸ್ಟ್‍ಲುಕ್ ಬಿಡುಗಡೆ ಮಾಡಿರುವುದು ಹ್ಯಾಟ್ರಿಕ್ ಹೀರೋ ಶಿವ ರಾಜ್‍ಕುಮಾರ್.

ಫಸ್ಟ್‍ಲುಕ್ ರಿಲೀಸ್ ಮಾಡಿದ ಶಿವಣ್ಣ, ಹೊಸ ನಟ ವಿಹಾನ್, ಸೋನಲ್ ಮಂತೆರೋಗೆ ಶುಭ ಹಾರೈಸಿದ್ದಾರೆ. ಸಿನಿಮಾದಲ್ಲಿ ಪಂಚತಂತ್ರದ ಕಥೆಯ ಎಳೆ ಬಿಚ್ಚಿಟ್ಟ ಯೋಗರಾಜ್ ಭಟ್, ಇದು ಒಂದು ಜಾಗಕ್ಕಾಗಿ ಎರಡು ತಲೆಮಾರಿನವರ ನಡುವೆ ನಡೆಯುವ ಹೋರಾಟದ ಕಥೆ ಎಂದಿದ್ದಾರೆ.

ವಿಹಾನ್ ಚಿತ್ರದಲ್ಲಿ ಬೈಕ್ ರೇಸರ್. ಅವರಿಗೆ ಸೋನಲ್ ಮಂತೆರೋ ಸ್ಪೀಡ್ ಬ್ರೇಕರ್. ರಂಗಾಯಣ ರಘು, ಅಕ್ಷರಾ ಗೌಡ, ಕರಿಸುಬ್ಬು, ಮಾಸ್ತಿ ಮೊದಲಾದವರು ನಟಿಸಿರುವ ಸಿನಿಮಾಕ್ಕೆ, ಹರಿಪ್ರಸಾದ್ ಜಯಣ್ಣ ಹಾಗೂ ಹೇಮಂತ್ ಪರಾಡ್ಕರ್ ನಿರ್ಮಾಪಕರು. ನವೆಂಬರ್‍ನಲ್ಲಿ ಸಿನಿಮಾ ಬಿಡುಗಡೆಯಾಗುವ ಸಾಧ್ಯತೆ ಇದೆ.

darshan visits victory 2

User Rating: 5 / 5

Star activeStar activeStar activeStar activeStar active

ರ್ಯಾಂಬೋ 2 ಸಕ್ಸಸ್ ಖುಷಿಯಲ್ಲಿರುವ ಶರಣ್, ವಿಕ್ಟರಿ2ಗೆ ದೊಡ್ಡ ಮಟ್ಟದಲ್ಲಿ ರೆಡಿಯಾಗುತ್ತಿದ್ದಾರೆ. ಒನ್ಸ್ ಎಗೇಯ್ನ್, ಕಾಮಿಡಿ ಸಬ್ಜೆಕ್ಟ್. ಚಿತ್ರದ ಶೂಟಿಂಗ್ ಕೊನೆಯ ಹಂತದಲ್ಲಿದೆ. ಬೆಂಗಳೂರಿನ ಮೋಹನ್ ಬಿ ಕೆರೆ ಸ್ಟುಡಿಯೋದಲ್ಲಿ ಶೂಟಿಂಗ್ ನಡೆಯುತ್ತಿರುವಾಗ ಶರಣ್ ಟೀಂಗೆ ದೊಡ್ಡ ಸರ್‍ಪ್ರೈಸ್ ಕೊಟ್ಟಿದ್ದಾರೆ ದರ್ಶನ್.

ಚಿತ್ರದ ಶೂಟಿಂಗ್ ಸೆಟ್‍ಗೆ ಭೇಟಿ ಕೊಟ್ಟಿರೋ ದರ್ಶನ್ ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ.  ಕಾರಣ ಇಷ್ಟೇ, ದರ್ಶನ್ ಅವರ ಯಜಮಾನ ಚಿತ್ರದ ಶೂಟಿಂಗ್ ಕೂಡಾ ಅಲ್ಲಿಯೇ ನಡೆಯುತ್ತಿತ್ತು. ಶೂಟಿಂಗ್ ಮಧ್ಯೆಯೇ ವಿಕ್ಟರಿ 2 ತಂಡದ ಶೂಟಿಂಗ್ ಬಗ್ಗೆ ತಿಳಿದುಕೊಂಡ ದರ್ಶನ್, ತಕ್ಷಣ ವಿಕ್ಟರಿ ಸೆಟ್‍ಗೆ ಭೇಟಿ ಕೊಟ್ಟು ಸರ್‍ಪ್ರೆಸ್ ಕೊಟ್ಟಿದ್ಧಾರೆ.

ದರ್ಶನ್ ಆಗಮನ ಸಹಜವಾಗಿಯೇ ವಿಕ್ಟರಿ2 ತಂಡದ ಖುಷಿ ಹೆಚ್ಚಿಸಿದೆ. ಶರಣ್ ನಾಯಕರಾಗಿರುವ ವಿಕ್ಟರಿ 2 ಸಿನಿಮಾಗೆ ತರುಣ್ ಶಿವಪ್ಪ ನಿರ್ಮಾಪಕ. ರವಿಶಂಕರ್ ಕೂಡಾ ಪ್ರಮುಖ ಪಾತ್ರದಲ್ಲಿರೋ ಚಿತ್ರಕ್ಕೆ ಸಂತು ನಿರ್ದೇಶಕ. ವಿಕ್ಟರಿ 2 ಸಿನಿಮಾ ನವೆಂಬರ್ 1ಕ್ಕೆ ರಿಲೀಸ್ ಆಗಲಿದೆ.

Ayushmanbhava Movie Gallery

Kabza Movie Launch Gallery