` Flash Back - chitraloka.com | Kannada Movie News, Reviews | Image
mercury to release one day before in united states

User Rating: 0 / 5

Star inactiveStar inactiveStar inactiveStar inactiveStar inactive

ಮಕ್ರ್ಯುರಿ .. ಈ ಮೂಕಭಾಷೆಯ ಸಿನಿಮಾ ಏಪ್ರಿಲ್ 13ಕ್ಕೆ ದೇಶಾದ್ಯಂತ ಬಿಡುಗಡೆಯಾಗುತ್ತಿದೆ. ಆದರೆ, ಇದಕ್ಕೂ ಮೊದಲೇ.. ಅಂದರೆ ಒಂದು ದಿನ ಮೊದಲು ಮಕ್ರ್ಯುರಿ ಅಮೆರಿಕದಲ್ಲಿ ಬಿಡುಗಡೆಯಾಗುತ್ತಿದೆ. ಅದು ಇಂಡಿಯನ್ ಫಿಲಂ ಫೆಸ್ಟಿವಲ್ ಆಫ್ ಲಾಸ್ ಏಂಜಲೀಸ್ ಚಲನಚಿತ್ರೋತ್ಸವದಲ್ಲಿ. 

ಮಕ್ರ್ಯುರಿ ಚಿತ್ರಕ್ಕೆ ಬೆನ್ನೆಲುಬಾಗಿ ನಿಂತಿರುವುದು ತಮಿಳಿನಲ್ಲಿ ಧನುಷ್ ಹಾಗೂ ತೆಲುಗಿನಲ್ಲಿ ರಾಣಾದಗ್ಗುಬಾಟಿ. ಕನ್ನಡದಲ್ಲಿ ಮಕ್ರ್ಯುರಿಗೆ ಬೆಂಬಲ ಕೊಟ್ಟಿರುವುದು ರಕ್ಷಿತ್ ಶೆಟ್ಟಿ ಮತ್ತು ಪುಷ್ಕರ್ ಮಲ್ಲಿಕಾರ್ಜುನಯ್ಯ. ಕರ್ನಾಟಕದಲ್ಲಿ ಸಿನಿಮಾವನ್ನು ವಿತರಣೆ ಮಾಡುತ್ತಿರುವ ಮಲ್ಲಿಕಾರ್ಜುನಯ್ಯ, ಒಂದು ದಿನ ಮೊದಲೇ ಚಿತ್ರ ಅಮೆರಿಕದಲ್ಲಿ ಪ್ರದರ್ಶನವಾಗುತ್ತಿರುವುದರಿಂದ ಯಾವುದೇ ತೊಂದರೆ ಇಲ್ಲ ಎಂದಿದ್ದಾರೆ. ಚಿತ್ರದಲ್ಲಿ ಪ್ರಭುದೇವ ಮುಖ್ಯಪಾತ್ರದಲ್ಲಿದ್ದಾರೆ. ಕಾರ್ತಿಕೇಯನ್, ಸಂತಾನಂ, ಜಯಂತಿಲಾಲ್ ಗಡ ಜಂಟಿಯಾಗಿ ನಿರ್ಮಿಸಿರುವ ಚಿತ್ರ ಇದು. ಕಾರ್ತಿಕ್ ಸುಬ್ಬರಾಜು ಚಿತ್ರದ ನಿರ್ದೇಶಕ.

 

kriti kharbandha talks on casting couch

User Rating: 0 / 5

Star inactiveStar inactiveStar inactiveStar inactiveStar inactive

ಚಿತ್ರರಂಗದಲ್ಲಿ ಕಾಸ್ಟಿಂಗ್ ಕೌಚ್ ಇದೆ ಅನ್ನೋ ಆರೋಪವನ್ನು ಇತ್ತೀಚೆಗೆ ಹಲವು ನಟಿಯರು ಮಾಡಿದ್ದಾರೆ. ಮಾಡುತ್ತಲೂ ಇದ್ದಾರೆ. ನಿಮಗೆ ಇಂತಹ ಅನುಭವ ಆಗಿದೆಯಾ ಅನ್ನೋ ಪ್ರಶ್ನೆ ಸಹಜವಾಗಿಯೇ ನಟಿ ಕೃತಿ ಅವರಿಗೂ ಎದುರಾಗಿದೆ. ಆಗ ಅವರು ನೀಡಿರುವ ಉತ್ತರ ಇದು.

ನನ್ನ ಹತ್ತಿರ ಯಾರಾದರೂ ಆ ರೀತಿ ವರ್ತಿಸಿದ್ರೆ, ಕೊಂದೇ ಬಿಡ್ತೀನಿ.

ಇಂತಹ ವಿಚಾರದಲ್ಲಿ ಸುಮ್ಮನಿರೋಕೆ ಸಾಧ್ಯವಿಲ್ಲ. ನಾನಂತೂ ಸುಮ್ಮನಿರುವುದಿಲ್ಲ. ಕಾಸ್ಟಿಂಗ್ ಕೌಚ್ ಅನ್ನೋದು ಚಿತ್ರರಂಗಕ್ಕಷ್ಟೇ ಸೀಮಿತವಾಗಿಲ್ಲ. ಕಾರ್ಪೊರೇಟ್ ರಂಗದಲ್ಲೂ ಇದೆ ಎನ್ನುವ ಕೃತಿ ಕರಬಂಧ, ನನಗೆ ಅಂತಹ ಯಾವುದೇ ಕೆಟ್ಟ ಅನುಭವ ಆಗಿಲ್ಲ ಎಂದು ಕೂಡಾ ಹೇಳ್ತಾರೆ.

ಇಡೀ ಸಮಸ್ಯೆಗೆ ಮಹಿಳೆಯರಷ್ಟೇ ಕಾರಣ ಅನ್ನೋದನ್ನು ನಾನು ಒಪ್ಪೋದಿಲ್ಲ. ಮಹಿಳೆಯರೂ ಇದನ್ನು ಸಾಕಷ್ಟು ದುರುಪಯೋಗ ಮಾಡಿಕೊಳ್ತಾರೆ. ಹೆಣ್ಣು ಎಂಬ ಕಾರಣಕ್ಕೆ ನಂಬುವುದೂ ತಪ್ಪಾಗಬಹುದು ಎನ್ನುತ್ತಾರೆ ಕೃತಿ ಕರಬಂಧ.

ಕೃತಿ ನಟಿಸಿರುವ ದಳಪತಿ ಚಿತ್ರ ಮುಂದಿನ ವಾರ ಬಿಡುಗಡೆಯಾಗುತ್ತಿದೆ.

sudeep meets sm siddaramaiah

User Rating: 0 / 5

Star inactiveStar inactiveStar inactiveStar inactiveStar inactive

ಕಿಚ್ಚ ಸುದೀಪ್ ರಾಜಕೀಯ, ಈಗ ರಾಜಕೀಯ ಪಕ್ಷಗಳ ಪಡಸಾಲೆಯಲ್ಲಷ್ಟೇ ಅಲ್ಲ, ಅಭಿಮಾನಿಗಳ ಮನದಲ್ಲೂ ಬಿಸಿ ಬಿಸಿ ಚರ್ಚೆಗೆ ಕಾರಣವಾಗಿದೆ. ಮೊನ್ನೆ ಮೊನ್ನೆಯಷ್ಟೇ ಹೆಚ್.ಡಿ.ಕುಮಾರಸ್ವಾಮಿ ಜೊತೆ 2 ಗಂಟೆ ಮಾತುಕತೆ ನಡೆಸಿದ್ದ ಸುದೀಪ್, ಈಗ ಸಿಎಂ ಸಿದ್ದರಾಮಯ್ಯ ಅವರನ್ನು ಭೇಟಿ ಮಾಡಿದ್ದಾರೆ.

ಸುದ್ದಿ ಗೊತ್ತಾಗಿದ್ದೇ ತಡ, ಕೆಲವರು ಕಿಚ್ಚ ಸುದೀಪ್ ಕಾಂಗ್ರೆಸ್ ಸೇರ್ತಾರಂತೆ ಅಂದ್ರೆ, ಇನ್ನೂ ಕೆಲವರು ಇಲ್ವಂತೆ, ಅವರು ಎಲ್ಲ ಪಕ್ಷಗಳಲ್ಲೂ ಇರೋ ತಮ್ಮ ಸ್ನೇಹಿತರ ಪರವಾಗಿ ಪ್ರಚಾರ ಮಾಡ್ತಾರಂತೆ ಅಂದ್ರು. ಇನ್ನೂ ಕೆಲವರು ಜೆಡಿಎಸ್ ಸೇರೋದು ಪಕ್ಕಾ ಅಂದ್ರು. ಆದರೆ, ಇದ್ಯಾವುದಕ್ಕೂ ಸುದೀಪ್ ತಲೆಕೆಡಿಸಿಕೊಂಡಿಲ್ಲ. ಅವರ ಪಾಡಿಗೆ ಅವರು ಕರ್ನಾಟಕ ಚಲನಚಿತ್ರ ಕ್ರಿಕೆಟ್ ಲೀಗ್‍ಗೆ ಪ್ರಾಕ್ಟೀಸ್‍ನಲ್ಲ ನಿರತರಾಗಿದ್ದಾರೆ. 

ಇಷ್ಟಕ್ಕೂ ನಡೆದಿರುವುದೇನೆಂದರೆ, ಸಿಎಂ ಸಿದ್ದರಾಮಯ್ಯ ಕರ್ನಾಟಕ ಕ್ರಿಕೆಟ್ ಲೀಗ್ ಉದ್ಘಾಟನೆ ಮಾಡಬೇಕು. ಅದು ಸುದೀಪ್ ಅವರದ್ದೇ ಯೋಜನೆ. ಈ ಕಾರ್ಯಕ್ರಮಕ್ಕೆ ಆಹ್ವಾನ ನೀಡಲು ಸುದೀಪ್ ಹೋಗಿದ್ದಾರೆ. ಆದರೆ, ಎಲೆಕ್ಷನ್ ಬಿಸಿ, ಮೊನ್ನೆ ಮೊನ್ನೆಯಷ್ಟೇ ಕುಮಾರಸ್ವಾಮಿಯವರನ್ನು ಭೇಟಿ ಮಾಡಿದ್ದ ವಿಷಯಗಳೂ ಸೇರಿಕೊಂಡು ರೆಕ್ಕೆಪುಕ್ಕ ಹಬ್ಬಿಬಿಟ್ಟಿದೆ. ಸುದೀಪ್ ನಕ್ಕು ಸುಮ್ಮನಾಗಿದ್ದಾರೆ. ಅಷ್ಟೆ. 

ಇನ್ನು ಸುದೀಪ್ ರಾಜಕೀಯದ ಬಗ್ಗೆ ಸಿದ್ದರಾಮಯ್ಯ ಸ್ಪಷ್ಟವಾಗಿ ಹೇಳಿದ್ದಾರೆ. ಅವರು ಕ್ರಿಕೆಟ್ ಟೂರ್ನಿ ಉದ್ಘಾಟನೆಗೆ ಕರೆಯಲು ಬಂದಿದ್ದರು. ಅಷ್ಟೆ, ಪಕ್ಷಕ್ಕೆ ಬನ್ನಿ, ಪ್ರಚಾರ ಮಾಡಿ ಎಂದು ನಾವು ಆಹ್ವಾನ ಕೊಟ್ಟಿಲ್ಲ. ಸುಮ್ಮನೆ ಸುದ್ದಿ ಹಬ್ಬಿಸಬೇಡಿ ಎಂದಿದ್ದಾರೆ.

ಕುಮಾರಸ್ವಾಮಿ ಮಾತ್ರ, ನಾನು ಕರೆದಿರುವುದು ನಿಜ. ಆದರೆ, ಒಪ್ಪಿಕೊಳ್ಳುವುದು ಬಿಡುವುದು ಅವರಿಗೆ ಬಿಟ್ಟಿದ್ದು. ಅವರಿಗೆ ಉತ್ತಮ ಚಿಂತನೆಗಳಿವೆ. ಆದರೆ, ಅವರು ಒಪ್ಪಿಕೊಂಡಿಲ್ಲ ಎಂದು ಹೇಳಿದ್ದಾರೆ.

ಸುದೀಪ್ ಅವರು ಮಾತ್ರ, ಆ ಕುತೂಹಲ ಹಾಗೆಯೇ ಇರಲಿ ಬಿಡಿ ಎಂದಿದ್ದಾರೆ. ಸ್ಸೋ.. ಕುತೂಹಲ ಜಾರಿಯಲ್ಲಿದೆ.

 

jayanthi discharged from hospital

User Rating: 0 / 5

Star inactiveStar inactiveStar inactiveStar inactiveStar inactive

Senior actress Jayanthi who was hospitalized on Monday for health issues was discharged on Friday afternoon. She has been advised for complete rest for some days and the actress has to visit the hospital for a check up once again after 10 days.

Jayanthi has been suffering from Asthama for sometime on Sunday night the actress was immediately rushed to hospital. The doctors recommended for further treatment and she was shifted to Vikram Hospital on Monday.

Chief Minister Siddaramaiah, Shivarajakumar, Srinath, Srinivasamurthy, Hema Chaudhary and others visited the hospital and enquired about Jayanthi's health.

mercury is directors special

User Rating: 0 / 5

Star inactiveStar inactiveStar inactiveStar inactiveStar inactive

ಮಕ್ರ್ಯುರಿ ಅನ್ನೋ ಸಂಭಾಷಣೆಯಿಲ್ಲ, ಡ್ಯಾನ್ಸ್ ಇಲ್ಲದ ಸೈಲೆಂಟ್ ಥ್ರಿಲ್ಲರ್ ಬಿಡುಗಡೆಯಾಗುತ್ತಿರುವುದು ಗೊತ್ತಿರುವ ವಿಷಯವೇ. ಏಕೆಂದರೆ, ಕರ್ನಾಟಕದಲ್ಲಿ ಈ ಚಿತ್ರವನ್ನು ಪ್ರಮೋಟ್ ಮಾಡುತ್ತಿರುವುದು ರಕ್ಷಿತ್ ಶೆಟ್ಟಿ ಮತ್ತು ಪುಷ್ಕರ್ ಮಲ್ಲಿಕಾರ್ಜುನಯ್ಯ. ಅವರು ತಮ್ಮ ಪರಂವಾ ಸ್ಟುಡಿಯೋದಿಂದ ಚಿತ್ರವನ್ನು ಕರ್ನಾಟಕದಲ್ಲಿ ವಿತರಣೆ ಮಾಡುತ್ತಿದ್ದಾರೆ. ಚಿತ್ರದಲ್ಲಿ ಪ್ರಭುದೇವಾ ಹೀರೋ. ಆದರೆ, ಅದೆಲ್ಲಕ್ಕಿಂತ ಕುತೂಹಲ ಹುಟ್ಟಿಸಿರುವುದು ಚಿತ್ರದ ನಿರ್ದೇಶಕ ಕಾರ್ತಿಕ್ ಸುಬ್ಬರಾಜ್.

ಕಾರ್ತಿಕ್ ಅವರ ಈ ಹಿಂದಿನ ಚಿತ್ರಗಳ ಹೆಸರುಗಳನ್ನೊಮ್ಮೆ ಕೇಳಿದರೆ ಸಾಕು, ಚಿತ್ರದ ಕುತೂಹಲ ನೂರ್ಮಡಿಯಾಗುತ್ತೆ. ಕಾರ್ತಿಕ್ ನಿರ್ದೇಶಿಸಿದ ಮೊದಲ ಚಿತ್ರ ಪಿಜ್ಜಾ. ಇದು ಕನ್ನಡದಲ್ಲಿ ವಿಷಲ್ ಹೆಸರಿನಲ್ಲಿ ರೀಮೇಕ್ ಆಗಿದ್ದ ಚಿತ್ರ. ಮತ್ತೊಂದು ಚಿತ್ರ ಜಿಗರ್‍ಥಂಡಾ. ಆ ಚಿತ್ರವನ್ನು ಕಿಚ್ಚ ಸುದೀಪ್ ತಮ್ಮ ಬ್ಯಾನರ್‍ನಲ್ಲಿ ರೀಮೇಕ್ ಮಾಡಿದ್ದರು. ಇರೈವಿ ಚಿತ್ರವೂ ಪ್ರೇಕ್ಷಕರು, ವಿಮರ್ಶಕರ ಮೆಚ್ಚುಗೆ ಗಳಿಸಿತ್ತು. ಈಗ ನಾಲ್ಕನೇ ಚಿತ್ರ ಮಕ್ರ್ಯುರಿ.

ಮೇಲೆ ಹೇಳಿದ ಒಂದೊಂದು ಚಿತ್ರವೂ ವಿಭಿನ್ನ ಎನ್ನುವುದೇ ಕಾರ್ತಿಕ್ ಸ್ಪೆಷಾಲಿಟಿ. ಪಿಜ್ಜಾ ಹಾರರ್ ಥ್ರಿಲ್ಲರ್. ಅತ್ಯಂತ ಕಡಿಮೆ ಬಜೆಟ್‍ನಲ್ಲಿ ತಯಾರಾಗಿ, ಬಾಕ್ಸಾಫೀಸ್ ಚಿಂದಿ ಉಡಾಯಿಸಿದ್ದ ಸಿನಿಮಾ. ಇನ್ನು ಜಿಗರ್‍ಥಂಡಾ ರೌಡಿಸಂ ಮತ್ತು ಮಾನವೀಯತೆ ಹಿನ್ನೆಲೆಯ ಚಿತ್ರ. ಇರೈವಿ ಕಥೆಯೇ ಒಂಥರಾ ವಿಚಿತ್ರ. ಸಂಬಂಧಗಳ ಕುರಿತಾದ ಕಥೆ. ಈಗ ಮಕ್ರ್ಯುರಿ. ಇದು ಸೈಲೆಂಟ್ ಥ್ರಿಲ್ಲರ್ ಅಷ್ಟೇ ಅಲ್ಲ, ನೈಜ ಕಥೆಯೂ ಇದೆ. ಹೀಗಾಗಿಯೇ ಮಕ್ರ್ಯುರಿ ಕುತೂಹಲ ಹುಟ್ಟಿಸುತ್ತಿದೆ. 

I Love You Movie Gallery

Rightbanner02_butterfly_inside

Paddehuli Movie Gallery