` Flash Back - chitraloka.com | Kannada Movie News, Reviews | Image
londonalli lambodara gets rishab's power

User Rating: 0 / 5

Star inactiveStar inactiveStar inactiveStar inactiveStar inactive

ತೆರೆಗೆ ಬರಲು ಸಿದ್ಧವಾಗಿರುವ ಲಂಡನ್‍ನಲ್ಲಿ ಲಂಬೋದರ ಚಿತ್ರಕ್ಕೆ ರಿಷಬ್ ಶೆಟ್ಟಿ ಬಲ ಸಿಕ್ಕಿದೆ. ಚಿತ್ರವನ್ನು ರಿಷಬ್ ಶೆಟ್ಟಿಯವರೇ ರಿಲೀಸ್ ಮಾಡುತ್ತಿದ್ದಾರೆ. ಬಿಗ್‍ಬಾಸ್ ಖ್ಯಾತಿಯ ಶೃತಿ ಪ್ರಕಾಶ್ ನಾಯಕಿಯಾಗಿ ನಟಿಸಿರುವ ಸಿನಿಮಾ ಲಂಡನ್‍ನಲ್ಲಿ ಲಂಬೋದರ್. ಸಂತೋಷ್ ಎಂಬ ಯುವಪ್ರತಿಭೆ ನಾಯಕನಾಗಿ ನಟಿಸಿರುವ ಮೊದಲ ಚಿತ್ರ. ದೊಡ್ಡ ಲಕ್ ಎದುರು ನೋಡುತ್ತಿರುವ ಚಿತ್ರ ತಂಡಕ್ಕೆ ಲಕ್ಕಿ ಸ್ಟಾರ್ ರಿಷಬ್ ಶೆಟ್ಟಿ ಸಪೋರ್ಟು ಸಿಕ್ಕಿರುವುದೇ ಖುಷಿ.

ರಾಜ್ ಸೂರ್ಯ ನಿರ್ದೇಶನದ ಮೊದಲ ಚಿತ್ರ ಲಂಡನ್‍ನಲ್ಲಿ ಲಂಬೋದರ ಚಿತ್ರ, ವಿದೇಶಿ ವ್ಯಾಮೋಹದ ಕಥೆಯನ್ನೊಳಗೊಂಡಿದೆ. ಚಿತ್ರದ ಟ್ರೇಲರ್ ಮಾರ್ಚ್ 18ರಂದು ರಿಲೀಸ್ ಆಗುತ್ತಿದೆ.

seetharama kalyana completes 60 days

User Rating: 3 / 5

Star activeStar activeStar activeStar inactiveStar inactive

ಮಂಡ್ಯದಲ್ಲಿ ಅಖಾಡಕ್ಕಿಳಿದಿರುವ ನಟ ನಿಖಿಲ್ ಕುಮಾರಸ್ವಾಮಿ ಅಭಿನಯದ ಸೀತಾರಾಮ ಕಲ್ಯಾಣ ಚಿತ್ರ ಯಶಸ್ವಿ 50 ದಿನ ಪೂರೈಸಿದೆ. 100ನೇ ದಿನದತ್ತ ದಾಪುಗಾಲಿಟ್ಟಿದೆ. ರಾಜ್ಯದ 20ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ ಸೀತಾರಾಮ ಕಲ್ಯಾಣ.

ನಿಖಿಲ್, ರಚಿತಾ ರಾಮ್ ಜೋಡಿ ಮೋಡಿ ಮಾಡಿದ್ದು, ನಿರ್ದೇಶಕ ಹರ್ಷ ಮತ್ತೊಮ್ಮೆ ಗೆದ್ದಿದ್ದಾರೆ. ಚುನಾವಣೆಯಲ್ಲಿ ನಿಖಿಲ್ ಅಭ್ಯರ್ಥಿಯಾಗುತ್ತಿರುವುದರಿಂದ ನೀತಿ ಸಂಹಿತೆ ಪ್ರಕಾರ ಯಾವುದೇ ಕಾರ್ಯಕ್ರಮ ಮಾಡಲು ಅವಕಾಶವಿಲ್ಲ. ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಿದ ನಂತರ ಚಿತ್ರ ಪ್ರದರ್ಶನಕ್ಕೂ ಅಡ್ಡಿಯಾಗಬಹುದು. 

lovely star prem signed 25th film

User Rating: 0 / 5

Star inactiveStar inactiveStar inactiveStar inactiveStar inactive

ಲವ್ಲಿ ಸ್ಟಾರ್ ಎಂದೇ ಜನಪ್ರಿಯರಾಗಿರುವ ನಟ ನೆನಪಿರಲಿ ಪ್ರೇಮ್ 25ನೇ ಚಿತ್ರಕ್ಕೆ ರೆಡಿಯಾಗಿದ್ದಾರೆ. ತಮ್ಮ 25ನೇ ಸಿನಿಮಾ ಸ್ಮರಣೀಯವಾಗಿರಬೇಕು ಎಂಬ ಕನಸು ಎಲ್ಲರಿಗೂ ಇರುತ್ತೆ. 2004ರಲ್ಲಿ ಪ್ರಾಣ ಚಿತ್ರದೊಂದಿಗೆ ಬೆಳ್ಳಿತೆರೆಗೆ ಬಂದ ಪ್ರೇಮ್‍ಗೆ ಸಕ್ಸಸ್ ಸಿಕ್ಕಿದ್ದು 2ನೇ ಸಿನಿಮಾ ನೆನಪಿರಲಿ ಚಿತ್ರದಲ್ಲಿ. ಅಂದಿನಿಂದಲೂ ಪ್ರೇಮ್ ಅವರನ್ನು ಸ್ಯಾಂಡಲ್‍ವುಡ್ ಗುರುತಿಸುವುದು ನೆನಪಿರಲಿ ಪ್ರೇಮ್ ಎಂದೇ.

ನೆನಪಿರಲಿ, ಜೊತೆ ಜೊತೆಯಲಿ, ಚಾರ್‍ಮಿನಾರ್, ಪಲ್ಲಕ್ಕಿ, ಮಳೆ, ಚೌಕದಂತಹ ಹಿಟ್ ಚಿತ್ರಗಳನ್ನು ಕೊಟ್ಟಿರುವ ಪ್ರೇಮ್ ತಮ್ಮ 25ನೇ ಚಿತ್ರದ ಹೊಣೆಯನ್ನು ಹೊಸಬರಿಗೆ ನೀಡಿರುವುದು ವಿಶೇಷ. ನ್ಯೂರಾಲಜಿಸ್ಟ್ ಆಗಿರುವ ಡಾ.ರಾಘವೇಂದ್ರ ಪ್ರೇಮ್ 25ನೇ ಸಿನಿಮಾಗೆ ನಿರ್ದೇಶಕ. ಈ ಚಿತ್ರದಲ್ಲಿ ಪ್ರೇಮ್ 4 ಗೆಟಪ್ಪುಗಳಲ್ಲಿ ಕಾಣಿಸಿಕೊಳ್ಳುತ್ತಾರಂತೆ. 

 

sudeep thrilled meeting amitab bachchan after 10 years

User Rating: 5 / 5

Star activeStar activeStar activeStar activeStar active

ಕಿಚ್ಚ ಸುದೀಪ್ ಬಾಲಿವುಡ್‍ನಲ್ಲಿ ಅಮಿತಾಬ್ ಬಚ್ಚನ್ ಜೊತೆ ನಟಿಸಿದ್ದಾರೆ ಎನ್ನುವುದು ಕನ್ನಡಿಗರಿಗೆ ಹೆಮ್ಮೆಯ ವಿಷಯ. ಚಿತ್ರರಂಗದ ದಂತಕತೆ ಎಂದೇ ಕರೆಸಿಕೊಳ್ಳುವ ಕಲಾವಿದನೊಟ್ಟಿಗೆ ನಟಿಸುವಾಗ ಎಂತಹ ಕಲಾವಿದನೂ ಥ್ರಿಲ್ ಆಗುತ್ತಾನೆ. ಅದೃಷ್ಟ ಎಂದು ಭಾವಿಸುತ್ತಾನೆ. ಸುದೀಪ್ ಅಂತಹ ಅದೃಷ್ಟವಂತ. 

10 ವರ್ಷಗಳ ಹಿಂದೆ ರಣ್ ಎಂಬ ಚಿತ್ರ ಬಂದಿತ್ತು. ಆ ಚಿತ್ರದಲ್ಲಿ ಸುದೀಪ್, ಅಮಿತಾಬ್ ಬಚ್ಚನ್ ಮಗನ ಪಾತ್ರದಲ್ಲಿ ನಟಿಸಿದ್ದರು. ರಾಮ್‍ಗೋಪಾಲ್ ವರ್ಮಾ ನಿರ್ದೇಶನದ ಸಿನಿಮಾ ರಣ್, ಸುದೀಪ್ ವೃತ್ತಿಬದುಕಿನಲ್ಲೊಂದು ಮೈಲಿಗಲ್ಲು.

10 ವರ್ಷಗಳ ಹಿಂದೆ ಸಿಕ್ಕಿದ್ದ ಅಂಥದ್ದೇ ಥ್ರಿಲ್‍ನ್ನು ಸುದೀಪ್ ಮತ್ತೊಮ್ಮೆ ಅನುಭವಿಸಿದ್ದಾರೆ. ಅದು ಸೈರಾ ಚಿತ್ರದಲ್ಲಿ. ತೆಲುಗಿನಲ್ಲಿ ಚಿರಂಜೀವಿ ನಟಿಸುತ್ತಿರುವ ಸೈರಾ ನರಸಿಂಹ ರೆಡ್ಡಿ ಚಿತ್ರದಲ್ಲಿ ಸುದೀಪ್ ಕೂಡಾ ಪ್ರಮುಖ ಪಾತ್ರದಲ್ಲಿದ್ದಾರೆ. ಸೈರಾ ನರಸಿಂಹ ರೆಡ್ಡಿ ಎಂಬ ಸ್ವಾತಂತ್ರ್ಯ ಹೋರಾಟಗಾರನ ಜೀವನಚರಿತ್ರೆ ಅದು. ಆ ಚಿತ್ರದಲ್ಲಿ ಬಚ್ಚನ್ ಕೂಡಾ ನಟಿಸುತ್ತಿದ್ದಾರೆ. ಅವರನ್ನು ಮತ್ತೊಮ್ಮೆ ಭೇಟಿ ಮಾಡಿ, ಅವರೊಂದಿ ಸ್ಕ್ರೀನ್ ಶೇರ್ ಮಾಡಿರುವ ಸುದೀಪ್, ಮತ್ತೊಮ್ಮೆ ಅದೃಷ್ಟ ದಯಪಾಲಿಸಿದ ಸೈರಾ ಚಿತ್ರತಂಡಕ್ಕೆ ಥ್ಯಾಂಕ್ಸ್ ಹೇಳಿದ್ದಾರೆ.

 

nikhil kumaraswamya says noone will campaign for him

User Rating: 0 / 5

Star inactiveStar inactiveStar inactiveStar inactiveStar inactive

ಮಂಡ್ಯ ಕ್ಷೇತ್ರದಲ್ಲಿ ಸ್ಯಾಂಡಲ್‍ವುಡ್ ಇಬ್ಭಾಗವಾಗಲಿದೆ ಎಂಬ ಆತಂಕದಲ್ಲಿದ್ದರು ಅಭಿಮಾನಿಗಳು. ಏಕೆಂದರೆ, ಒಂದು ಕಡೆ ಸುಮಲತಾ ಅಂಬರೀಷ್ ಸ್ಪರ್ಧೆ. ಮತ್ತೊಂದು ಕಡೆ ಸಿಎಂ ಕುಮಾರಸ್ವಾಮಿ ಪುತ್ರ ನಿಖಿಲ್ ಸ್ಪರ್ಧೆ. ಕುಮಾರಸ್ವಾಮಿ, ಚಿತ್ರರಂಗದ ಗಣ್ಯ ನಿರ್ಮಾಪಕರಲ್ಲಿ ಒಬ್ಬರು. ಹೀಗಿರುವಾಗ, ಅವರ ಪರ ಒಂದಷ್ಟು ಜನ, ಇವರ ಪರ ಇನ್ನೊಂದಷ್ಟು ಜನ ಪ್ರಚಾರಕ್ಕೆ ಹೋದರೆ, ಸ್ಯಾಂಡಲ್‍ವುಡ್ ಇಬ್ಭಾಗವಾದಂತೆ ಎಂಬ ಆತಂಕ ಎಲ್ಲರಿಗೂ ಇತ್ತು.

ಅದರಲ್ಲೂ ದರ್ಶನ್ ಬಹಿರಂಗವಾಗಿ ಪ್ರಚಾರಕ್ಕೆ ರೆಡಿ ಎಂದಿದ್ದರೆ, ಯಶ್, ಸುಮಲತಾ ಅವರ ಸಂಪರ್ಕದಲ್ಲಿದ್ದಾರೆ. ಹೀಗಿರುವಾಗ ನಿಖಿಲ್ ಪರ ಯಾರು ಹೋಗ್ತಾರೆ..? ಈ ಪ್ರಶ್ನೆಗೆ ನಿಖಿಲ್ ಅವರೇ ಉತ್ತರ ಕೊಟ್ಟಿದ್ದಾರೆ.

ನನ್ನ ಪರ ಚಿತ್ರರಂಗದಿಂದ ಯಾರೂ ಪ್ರಚಾರಕ್ಕೆ ಬರಲ್ಲ. ನಾನು ಯಾರನ್ನೂ ಅಪ್ರೋಚ್ ಮಾಡಿಲ್ಲ. ನನ್ನನ್ನೂ ಯಾರೂ ಕೂಡಾ ಕೇಳಿಲ್ಲ. ನನಗೆ ಜೆಡಿಎಸ್ ಕಾರ್ಯಕರ್ತರೇ ಸಾಕು ಎಂದಿದ್ದಾರೆ ನಿಖಿಲ್.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery