` Flash Back - chitraloka.com | Kannada Movie News, Reviews | Image
darshan talks on dialogue controversy

User Rating: 5 / 5

Star activeStar activeStar activeStar activeStar active

ಸಿನಿಮಾ ಎಂದ ಮೇಲೆ ಡೈಲಾಗ್ ಇರಲೇಬೇಕು. ಮಾಸ್ ಹೀರೋ ಎಂದಮೇಲೆ ಅಭಿಮಾನಿಗಳಿಗೆ ಖುಷಿ ಪಡಿಸೋ ಮಾತುಗಳು ಬೇಕೇ ಬೇಕು. ಆದರೆ, ಬೇರೆ ಯಾರ ಸಿನಿಮಾಗಳ ಡೈಲಾಗುಗಳಿಗೂ ಇಲ್ಲದ ಕಾಂಟ್ರವರ್ಸಿ  ದರ್ಶನ್ ಸಿನಿಮಾಗಳಿಗೆ ಅಮರಿಕೊಳ್ಳೋದು ಹೊಸದೇನೂ ಅಲ್ಲ.

ದರ್ಶನ್ ಸಿನಿಮಾ ಡೈಲಾಗುಗಳನ್ನೆಲ್ಲ ಸ್ಯಾಂಡಲ್‍ವುಡ್‍ನ ಬೇರೆ ಬೇರೆ ಹೀರೋಗಳಿಗೆ ಟಾಂಗ್ ಕೊಟ್ಟಿದ್ದು, ಕೌಂಟರ್ ಕೊಟ್ಟಿದ್ದು ಎಂಬರ್ಥದಲ್ಲಿ ಶುರುವಾಗಿ, ಅದು ದರ್ಶನ್ ಬಗ್ಗೆ ಗಮನಕ್ಕೆ ಬಂದು, ಅದು ಹಾಗಲ್ಲ.. ಹೀಗೆ ಎಂದು ಹೇಳುವ ಹೊತ್ತಿಗೆ ಏನೇನೋ ಆಗಿ ಹೋಗಿರುತ್ತೆ. ಇದಕ್ಕೆಲ್ಲ ಈಗ ದರ್ಶನ್ ಕೇರ್ ತೆಗೆದುಕೊಂಡುಬಿಟ್ಟಿದ್ದಾರೆ.

`ಸಿನಿಮಾ ಶುರುವಾಗುವ ಮೊದಲೇ ಡೈಲಾಗ್ ಬರೆಯೋವ್ರಿಗೆ ಹೇಳಿರ್ತೇನೆ. ಡೈಲಾಗ್ ಬಂದ ಮೇಲೆ ಅವರು ಟಾಂಗ್ ಕೊಟ್ರು, ಕೌಂಟರ್ ಕೊಟ್ರು ಅನ್ನೋ ಡೈಲಾಗ್ ಬರಬಾರದು. ಹಾಗೇನಾದ್ರೂ ಬಂದ್ರೆ, ನಾನು ನಿಮ್ಮನ್ನೇ ಕೇಳೋದು' ಎಂದು ಡೈಲಾಗ್ದ ಬರೆಯೋವ್ರಿಗೆ ಹೇಳಿರ್ತಾರಂತೆ ದರ್ಶನ್.

ನಾವು ಕೂಡಾ ಬ್ಯುಸಿ ಇರ್ತೀವಿ. ಎಲ್ಲರ ಎಲ್ಲ ಸಿನಿಮಾಗಳನ್ನೂ ನೋಡೋಕಾಗಲ್ಲ. ನಿಜಕ್ಕೂ ನಮಗೆ ಏನೂ ಗೊತ್ತಿರಲ್ಲ. ಡೈಲಾಗ್ ರೈಟರ್ ಕೊಟ್ಟಿದ್ದನ್ನ ತೆರೆ ಮೇಲೆ ಹೇಳ್ತೀವಿ ಅನ್ನೋ ದರ್ಶನ್, ಈಗ ಯಜಮಾನ ಚಿತ್ರದ ಬಿಡುಗಡೆ ಸಂಭ್ರಮದಲ್ಲಿದ್ದಾರೆ.

ದರ್ಶನ್ ವೃತ್ತಿ ಜೀವನದಲ್ಲಿಯೇ ಸುದೀರ್ಘ ವಿರಾಮದ ನಂತರ, ಬರಗಾಲದ ನಂತರ ತೆರೆಗೆ ಬರುತ್ತಿರುವ ಚಿತ್ರ ಯಜಮಾನ.

darshan's wildlife photo exhibition in mysore

User Rating: 5 / 5

Star activeStar activeStar activeStar activeStar active

ಚಾಲೆಂಜಿಂಗ್ ಸ್ಟಾರ್ ಕೈಯ್ಯಲ್ಲಿ ವಿಲನ್‍ಗಳು ಪುಡಿಪುಡಿಯಾಗೋದನ್ನ ಸಿನಿಮಾಗಳಲ್ಲಿ ನೋಡಿದವರಿಗೆ  ಇದು ಹೊಸತೆಂದರೆ ಹೊಸ ಸುದ್ದಿ. ದರ್ಶನ್ ಈಗ ವೈಲ್ಡ್‍ಲೈಫ್ ಫೋಟೋಗ್ರಾಫರ್ ಆಗಿದ್ದಾರೆ. ಪ್ರಾಣಿಗಳೆಂದರೆ, ಪ್ರಾಣ ಬಿಡುವಷ್ಟು ಪ್ರೀತಿಸುವ ದರ್ಶನ್, ಈಗ ಪ್ರಾಣಿ, ಪಕ್ಷಿಗಳನ್ನು ಶೂಟ್ ಮಾಡಿದ್ದಾರೆ. ಕ್ಯಾಮೆರಾದಲ್ಲಿ. ಅಷ್ಟೇ ಅಲ್ಲ, ಅವೆಲ್ಲ ಫೋಟೋಗಳನ್ನೂ ಇಟ್ಟುಕೊಂಡು ಒಂದು ಎಕ್ಸಿಬಿಷನ್ ಕೂಡಾ ಅಯೋಜಿಸಿದ್ದಾರೆ. ಮೈಸೂರಿನಲ್ಲಿ.

ಮೈಸೂರು ಮೃಗಾಲಯದ ರಾಯಭಾರಿಯೂ ಆಗಿರುವ ದರ್ಶನ್, ಆಗಾಗ್ಗೆ ಬಂಡೀಪುರ ಸೇರಿದಂತೆ ಅಭಯಾರಣ್ಯಕ್ಕೆ ಹೋಗುವುದು, ಸಫಾರಿ ಮಾಡುವುದು ಗೊತ್ತಿದೆ ತಾನೇ. ಆಗೆಲ್ಲ ದರ್ಶನ್ ಕ್ಯಾಮೆರಾ ಹಿಡಿದುಕೊಂಡು 6000ಕ್ಕೂ ಹೆಚ್ಚು ಫೋಟೋ ತೆಗೆದಿದ್ದಾರೆ. ಅವುಗಳಲ್ಲೇ ಕೆಲವನ್ನು ಆಯ್ದು, ಈಗ ಫೋಟೋ ಎಕ್ಸಿಬಿಷನ್ ಮಾಡುತ್ತಿದ್ದಾರೆ.

ಮೈಸೂರಿನ ಸಂದೇಶ್ ನಾಗರಾಜ್ ಅವರ ಸಂದೇಶ್ ಪ್ರಿನ್ಸ್‍ನಲ್ಲಿಯೇ ಫೋಟೋ ಎಕ್ಸಿಬಿಷನ್ ಆಯೋಜಿಸಲಾಗಿದೆ. ಮಾರ್ಚ್ 1ರಿಂದ 3 ದಿನ ನಡೆಯುವ ಈ ಫೋಟೋ ಎಕ್ಸಿಬಿಷನ್‍ಗೆ ನೀವೂ ಹೋಗಬಹುದು. 

ಫೋಟೋ ಇಷ್ಟವಾಗಿ ಖರೀದಿಸಿದ್ರೆ, 2000 ರೂ. ಜೊತೆಗೆ ದರ್ಶನ್ ಆಟೋಗ್ರಾಫ್ ಕೂಡಾ ಬೇಕು ಎಂದರೆ, 2,500 ರೂ. ಅಷ್ಟೆ. 

ಒನ್ಸ್ ಎಗೇಯ್ನ್, ಈ ಹಣವೂ ದರ್ಶನ್ ಜೇಬಿಗೆ ಹೋಗಲ್ಲ. ವನ್ಯಜೀವಿ ಅರಣ್ಯ ಸಂರಕ್ಷಣಾ ನಿಧಿಗೆ ಈ ಫೋಟೋ ಎಕ್ಸಿಬಿಷನ್ ಹಣ ಸಂದಾಯವಾಗಲಿದೆ.

Related Articles :-

Challenging ‘Wildlife’ Photography On Display

prithvi then, sathish now.. its jacob verghese

User Rating: 3 / 5

Star activeStar activeStar activeStar inactiveStar inactive

ಚಂಬಲ್, ಡಿ.ಕೆ.ರವಿ ಅವರ ಬಯೋಪಿಕ್ ಅಂತೆ.. ಎನ್ನುವ ಕಾರಣಕ್ಕೇ ವಿಚಿತ್ರ ಕುತೂಹಲ ಹುಟ್ಟಿಸಿರುವ ಸಿನಿಮಾ. ಜೊತೆಗೆ ಚಿತ್ರದ ಮೇಕಿಂಗ್ ಕೂಡಾ ಗಮನ ಸೆಳೆಯುತ್ತಿದೆ. ಅಂದಹಾಗೆ ಚಿತ್ರದ ನಿರ್ದೇಶಕ ಜೇಕಬ್ ವರ್ಗಿಸ್.

ಹಲವು ವರ್ಷಗಳ ಹಿಂದೆ, ಜೇಕಬ್ `ಪೃಥ್ವಿ' ಸಿನಿಮಾ ಮಾಡಿದ್ದರು. ಗಣಿಗಾರಿಕೆಯ ವಿರುದ್ಧ ಹೋರಾಡುವ ಜಿಲ್ಲಾಧಿಕಾರಿಯಾಗಿ ನಟಿಸಿದ್ದವರು ಪುನೀತ್ ರಾಜ್‍ಕುಮಾರ್. ಆಗ, ರೆಡ್ಡಿಗಳು ಮೆರೆಯುತ್ತಿದ್ದ ಕಾಲ. ಸ್ವತಃ ದೇವೇಗೌಡರೇ ನೋಡಿ ಮೆಚ್ಚಿಕೊಂಡಿದ್ದ ಚಿತ್ರವದು.

ಈಗ ಮತ್ತೊಮ್ಮೆ ಜಿಲ್ಲಾಧಿಕಾರಿ ಕಥೆ ಕೈಗೆತ್ತಿಕೊಂಡಿರುವ ಜೇಕಬ್ ವರ್ಗಿಸ್, ನೀನಾಸಂ ಸತೀಶ್ ಅವರನ್ನು ಜಿಲ್ಲಾಧಿಕಾರಿ ಮಾಡಿದ್ದಾರೆ. ಇದೇ ವಾರ ತೆರೆಗೆ ಬರುತ್ತಿರುವ ಚಂಬಲ್, ಕುತೂಹಲ ಹೆಚ್ಚುತ್ತಲೇ ಹೋಗುತ್ತಿದೆ.

darshan gets certificate from devaraj

User Rating: 5 / 5

Star activeStar activeStar activeStar activeStar active

`ನಾನು ದರ್ಶನ್ ಜೊತೆ ಒಂದಲ್ಲ.. 4 ಸಿನಿಮಾಗಳಲ್ಲಿ ನಟಿಸಿದ್ದೇನೆ. ದರ್ಶನ್ ಬೇರೆಯವರ ಹಾಗಲ್ಲ. ಸಾಮಾನ್ಯವಾಗಿ ಬೇರೆ ಚಿತ್ರಗಳಲ್ಲಿ ಪೋಷಕ ನಟರ ರೋಲ್‍ಗಳನ್ನು ಎಡಿಟ್ ಮಾಡಿಬಿಡುತ್ತಾರೆ. ಹೆಚ್ಚು ಕಾಣಿಸಿಕೊಳ್ಳೋಕೇ ಬಿಡಲ್ಲ. ಆದರೆ ದರ್ಶನ್ ಹಾಗಲ್ಲ' ಯಜಮಾನನ ಸುದ್ದಿಗೋಷ್ಠಿಯಲ್ಲಿ ದರ್ಶನ್ ಬಗ್ಗೆ ಮಾತನಾಡುತ್ತಾ ಹೋದ ದೇವರಾಜ್, ದರ್ಶನ್‍ರ ಇನ್ನೊಂದು ಮುಖ ಪರಿಚಯ ಮಾಡಿಸಿದ್ರು.

ದರ್ಶನ್, ಚಿತ್ರರಂಗಕ್ಕೆ ದೊಡ್ಡ ಆಲದ ಮರ ಇದ್ದಹಾಗೆ. ಗುಣ, ವ್ಯಕ್ತಿತ್ವ ತುಂಬಾ ಡಿಫರೆಂಟ್. ಆಲದ ಮರ ಹಲವರಿಗೆ ಆಸರೆ ನೀಡುವಂತೆ, ದರ್ಶನ್ ಕೂಡಾ ಹಲವರನ್ನು ಪೋಷಿಸುತ್ತಾ ಬೆಳೆಯುತ್ತಿದ್ದಾರೆ ಅಂತಾರೆ ದೇವರಾಜ್.

darshan's promise to ambareesh which is not fullfilled

User Rating: 5 / 5

Star activeStar activeStar activeStar activeStar active

ದರ್ಶನ್, ಅಂಬರೀಷ್ ಅವರನ್ನು ಪ್ರೀತಿಯಿಂದ ಅಪ್ಪಾಜಿ ಎಂದೇ ಕರೆಯುತ್ತಿದ್ದರು. ತಂದೆಯಂತೆಯೇ ಅವರನ್ನು ಗೌರವಿಸುತ್ತಿದ್ದ ದರ್ಶನ್, ಪ್ರತಿ ಬಾರಿ ವಿದೇಶಕ್ಕೆ ಹೋದಾಗಲೂ ಅಂಬಿಗಾಗಿ ಒಂದು ಗಿಫ್ಟ್ ತಂದೇ ತರುತ್ತಿದ್ದರು. ಅದು ದರ್ಶನ್ ಪಾಲಿಗೆ ಸಂಪ್ರದಾಯವೇ ಆಗಿ ಹೋಗಿತ್ತು.

ಯಜಮಾನ ಚಿತ್ರದ ಶೂಟಿಂಗಿಗಾಗಿ ಸ್ವೀಡನ್ನಿಗೆ ಹೊರಟಾಗ ಅಂಬರೀಷ್, ಒಂದು ವಾಚ್ ತೆಗೆದುಕೊಂಡು ಬಾ ಎಂದಿದ್ದರಂತೆ. ಖಂಡಿತಾ ಎಂದು ಹೇಳಿ ಹೋಗಿದ್ದ ದರ್ಶನ್, ವಾಪಸ್ ಬರುವಾಗ ಸಮಯವೇ ಮೀರಿ ಹೋಗಿತ್ತು.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery