` Flash Back - chitraloka.com | Kannada Movie News, Reviews | Image
[uneeth gifts lamorghini to his wife ashwini

User Rating: 0 / 5

Star inactiveStar inactiveStar inactiveStar inactiveStar inactive

ಪುನೀತ್ ರಾಜ್‍ಕುಮಾರ್ ಮನೆಗೆ ಅವರೇ ಮಹಾರಾಣಿ. ಹೆಸರು ಅಶ್ವಿನಿ. ಆ ಮಹಾರಾಣಿಗೀಗ ಲ್ಯಾಂಬೋರ್ಗಿನಿ. ಅದು ಆ ಮನೆಯ ಮಹಾರಾಜ ಕೊಟ್ಟಿರುವ ಪ್ರೀತಿಯ ಕಾಣಿಕೆ. ಮಹಿಳಾ ದಿನಕ್ಕೆ ಈ ಬಾರಿ ಪುನೀತ್, ತಮ್ಮ ಪತ್ನಿಗೆ ಲ್ಯಾಂಬೋರ್ಗಿನಿ ಕಾರ್‍ನ್ನೇ ಉಡುಗೊರೆಯಾಗಿ ಕೊಟ್ಟಿದ್ದಾರೆ.

ಎಕ್ಸ್ ಶೋರೂಂ ಬೆಲೆಯೇ 3 ಕೋಟಿ ರೂ. ಇನ್ನು ರೋಡ್ ಟ್ಯಾಕ್ಸ್, ಇನ್ಷೂರೆನ್ಸ್, ರಿಜಿಸ್ಟ್ರೇಷನ್ ಎಲ್ಲ ಸೇರಿಬಿಟ್ರೆ 4 ಕೋಟಿ ರೂ. ದಾಟುತ್ತೆ. 

ಪುನೀತ್ ಬಳಿ ಈಗಾಗಲೇ ಇರುವ ಆಡಿ, ರೇಂಜ್ ರೋವರ್‍ನಂತಹ ಐಷಾರಾಮಿ ಕಾರುಗಳ ಕ್ಲಬ್ಬಿಗೆ ಈಗ ಲ್ಯಾಂಬೋರ್ಗಿನಿಯೂ ಸೇರಿದೆ. 

rockline and doddanna supports sumalatha

User Rating: 0 / 5

Star inactiveStar inactiveStar inactiveStar inactiveStar inactive

ಗಂಡ ಸತ್ತ ತಿಂಗಳಿಗೆಲ್ಲ ಈಯಮ್ಮನಿಗೆ ರಾಜಕೀಯ ಬೇಕಿತ್ತಾ..? ಕ್ಷಮೆ ಕೇಳಲ್ರೀ.. ಕ್ಷಮೆ ಕೇಳುವಂತ ತಪ್ಪು ಏನ್ ಮಾಡಿದ್ದೀನಿ ನಾನು..? ಹಿಂದೂ ಸಂಸ್ಕøತಿ ಪ್ರಕಾರವೇ ಮಾತನಾಡಿದ್ದೀನಿ.. ಇವು ಸಚಿವ ಹೆಚ್.ಡಿ.ರೇವಣ್ಣ ಸುಮಲತಾ ವಿರುದ್ಧ ಆಡಿರುವ ಮಾತುಗಳು. ರೇವಣ್ಣನವರ ಈ ಮಾತು ಚಿತ್ರರಂಗದವರನ್ನು ಕೆರಳಿಸಿದೆ. ಅದರಲ್ಲೂ ಅಂಬಿ ಆಪ್ತಬಳಗದಲ್ಲಿದ್ದ ರಾಕ್‍ಲೈನ್, ದೊಡ್ಡಣ್ಣ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ದೊಡ್ಡಣ್ಣ : ಜನರಿಗೆ ಯಾರನ್ನು ಯಾವಾಗ ಮನೆಗೆ ಕಳುಹಿಸಬೇಕು ಎಂದು ಗೊತ್ತಿದೆ. ಜನರೇ ನಿರ್ಧರಿಸ್ತಾರೆ ಬಿಡಿ.

ರಾಕ್‍ಲೈನ್ ವೆಂಕಟೇಶ್ : ಇದರ ಬಗ್ಗೆ ನಾನು ಏನೂ ಮಾತನಾಡೋದಿಲ್ಲ. ಅಂಬರೀಷ್ ನನ್ನ ಪಾಲಿಗೆ ಅಣ್ಣನಂತೆ ಇದ್ದವರು. ಸುಮಲತಾ ಅವರೊಂದಿಗೆ ನಾವಿರುತ್ತೇವೆ. ಉಳಿದದ್ದು ಜನರಿಗೆ ಬಿಟ್ಟಿದ್ದು

sumalatha's reaction to hd revanna's statement

User Rating: 5 / 5

Star activeStar activeStar activeStar activeStar active

sಸುಮಲತಾ ಅವರು ಗಂಡ ಸತ್ತ ಒಂದು  ತಿಂಗಳಲ್ಲಿ ರಾಜಕೀಯಕ್ಕೆ ಬಂದಿದ್ದಾರೆ ಎಂದರೆ ಏನರ್ಥ..? ಎಂದಿರುವ ರೇವಣ್ಣ, ನಂತರ ಕ್ಷಮೆಯನ್ನೂ ಕೇಳಿಲ್ಲ.  ಈಯಮ್ಮನಿಗೆ ರಾಜಕೀಯ ಬೇಕಿತ್ತಾ..? ಎಂದಿರೋ ರೇವಣ್ಣ, ಕ್ಷಮೆ ಕೇಳಲ್ರೀ.. ಕ್ಷಮೆ ಕೇಳುವಂತ ತಪ್ಪು ಏನ್ ಮಾಡಿದ್ದೀನಿ ನಾನು..? ಹಿಂದೂ ಸಂಸ್ಕøತಿ ಪ್ರಕಾರವೇ ಮಾತನಾಡಿದ್ದೀನಿ.. ಎಂದು ಉತ್ತರ ಕೊಟ್ಟಿದ್ದಾರೆ.

ರೇವಣ್ಣನವರ ಮಾತುಗಳಿಗೆ ಸುಮಲತಾ ಕೊಟ್ಟರೋ ಪ್ರತಿಕ್ರಿಯೆ ಇಷ್ಟೆ. ನಾನು ರೇವಣ್ಣನವರ ಮಾತುಗಳಿಗೆ ಪ್ರತಿಕ್ರಿಯೆ ಕೊಡಲ್ಲ. ನಾನು ಯಾರ ಬಗ್ಗೆಯೂ ವೈಯಕ್ತಿಕವಾಗಿ ಮಾತನಾಡಲ್ಲ. ನನ್ನ ಬೆಂಬಲಿಗರಿಗೂ ಅಷ್ಟೆ, ಅವರ ಬಗ್ಗೆ ಕೇವಲವಾಗಿ ಮಾತನಾಡಬೇಡಿ ಎಂದು ಹೇಳಿದ್ದೇನೆ. ನಿಖಿಲ್ ಕೂಡಾ ನನ್ನ ಮಗ ಅಭಿಯಿದ್ದ ಹಾಗೆ. ಆತನ ಬಗ್ಗೆ ಕೆಟ್ಟದಾಗಿ ಮಾತನಾಡಿದರೂ ನನಗೆ ನೋವಾಗುತ್ತೆ ಎಂದು ಉತ್ತರ ಕೊಟ್ಟಿದ್ದಾರೆ ಸುಮಲತಾ.

content is king says kiccha sudeep

User Rating: 5 / 5

Star activeStar activeStar activeStar activeStar active

ಮಿಸ್ಸಿಂಗ್ ಬಾಯ್. ಫಸ್ಟ್ ರ್ಯಾಂಕ್ ರಾಜು ಗುರುನಂದನ್ ಅಭಿನಯದ ಹೊಸ ಸಿನಿಮಾ. ರಘುರಾಮ್ ನಿರ್ದೇಶನದ ಈ ಸಿನಿಮಾಗೆ ನೈಜ ಘಟನೆಗಳೇ ಪ್ರೇರಣೆ. ದೊಡ್ಡ ದೊಡ್ಡ ಸ್ಟಾರ್ ಡಮ್ ಇಲ್ಲದ ಚಿತ್ರದ ಟ್ರೇಲರ್‍ನ್ನು ಕಿಚ್ಚ ಸುದೀಪ್ ಬಿಡುಗಡೆ ಮಾಡಿ ಬೆನ್ನುತಟ್ಟಿದ್ದಾರೆ. 

ಮಿಸ್ಸಿಂಗ್ ಬಾಯ್ ಅನ್ನೋದು ಚಿಕ್ಕ ವಯಸ್ಸಿನಲ್ಲೇ ತಂದೆ ತಾಯಿ ಕಳೆದುಕೊಂಡು ಬೇರೆ ದೇಶ ಸೇರುವ ಯುವಕರು, ಮತ್ತೆ ತಮ್ಮ ಹೆತ್ತವರಿಗಾಗಿ ಹುಡುಕಿಕೊಂಡು ಬರುವ ಕಥೆ. ಸುದೀಪ್‍ಗೆ ಈ ಕಾರಣಕ್ಕೇ ಚಿತ್ರ ಇಷ್ಟವಾಗಿ ಹೋಗಿದೆ. 

ಯಾವುದೇ ಚಿತ್ರಕ್ಕೆ ಕಂಟೆಂಟ್ ಈಸ್ ಕಿಂಗ್. ಕಂಟೆಂಟ್ ಅದ್ಭುತವಾಗಿರುವ ಚಿತ್ರಗಳು ಗೆಲ್ಲುತ್ತಿವೆ. ಸ್ಟಾರ್ ಡಮ್ ಚಿತ್ರಗಳೂ ಈ ಕಂಟೆಂಟ್ ಚಿತ್ರಗಳ ಎದುರು ಅಲ್ಲಾಡುತ್ತಿವೆ. ಆದರೆ, ಇಂತಹ ಚಿತ್ರಗಳಿಗೆ ಭರ್ಜರಿ ಓಪನಿಂಗ್ ಇರಲ್ಲ. ಒಮ್ಮೆ ಪ್ರೇಕ್ಷಕ ಥಿಯೇಟರಿಗೆ ಬಂದು ಇಷ್ಟಪಟ್ಟರೆ, ತಾನು ಇಷ್ಟಪಟ್ಟಿದ್ದನ್ನು ಇತರರಿಗೂ ಹೇಳಿದರೆ, ಸಾಕು. ಚಿತ್ರ ಹಿಟ್ ಆಗಿಬಿಡುತ್ತೆ ಎಂದಿದ್ದಾರೆ ಕಿಚ್ಚ. 

ಚಿತ್ರದ ಟ್ರೇಲರ್‍ಗೆ ಧ್ವನಿ ನೀಡಿರುವುದು ಶಿವರಾಜ್‍ಕುಮಾರ್. ಟ್ರೇಲರ್ ರಿಲೀಸ್ ಮಾಡಿರುವುದು ಕಿಚ್ಚ ಸುದೀಪ್.

darshan's fan special kid apoorva no more

User Rating: 0 / 5

Star inactiveStar inactiveStar inactiveStar inactiveStar inactive

ಅಪೂರ್ವ. ಮಂಡ್ಯದ ಬೆಸಗರಹಳ್ಳಿ ಸಮೀಪದಲ್ಲಿರೋ ಮದ್ದೂರು ತಾಲೂಕಿನ ಪಣ್ಣೆದೊಡ್ಡಿ ಗ್ರಾಮದ ಪುಟ್ಟ ಬಾಲಕಿ. ಹೃದಯ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದ ಅಪೂರ್ವ ವೈದ್ಯಲೋಕಕ್ಕೂ ಸವಾಲಾಗಿದ್ದ ಬಾಲಕಿ. ಈ 10 ವರ್ಷದ ಹುಡುಗಿ ದರ್ಶನ್ ಅಭಿಮಾನಿ.

ಇತ್ತೀಚೆಗೆ.. ಅಂದರೆ ಡಿಸೆಂಬರ್‍ನಲ್ಲಿ ಈಕೆಯನ್ನು ಒಡೆಯ ಚಿತ್ರದ ಸೆಟ್ಟಿಗೆ ಕರೆಸಿಕೊಂಡಿದ್ದರು ದರ್ಶನ್. ದರ್ಶನ್‍ರನ್ನು ಒಮ್ಮೆಯಾದರೂ ನೋಡಬೇಕು ಎಂದು ಬಯಸಿದ್ದ ಬಾಲಕಿಯ ಆಸೆ ನೆರವೇರಿಸಿದ್ದರು. ಈಗ.. ಆ ಬಾಲಕಿ ಅಪೂರ್ವ ಇಹಲೋಕ ತ್ಯಜಿಸಿದ್ದಾಳೆ. ಡಿಸೆಂಬರ್‍ನಲ್ಲಿ ದರ್ಶನ್ ಅವರ ಜೊತೆಯಲ್ಲಿ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದ ಅಪೂರ್ವ ಇನ್ನಿಲ್ಲ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery