` Flash Back - chitraloka.com | Kannada Movie News, Reviews | Image
yash in kirathaka

User Rating: 0 / 5

Star inactiveStar inactiveStar inactiveStar inactiveStar inactive

ಯಶ್, ಸತತ 2 ವರ್ಷಗಳಿಂದ ಕೆಜಿಎಫ್‍ನಲ್ಲಿ ತೊಡಗಿಸಿಕೊಂಡಿದ್ದಾರೆ. ಒಬ್ಬ ನಟ ಅಷ್ಟು ಸುದೀರ್ಘ ಅವಧಿಯನ್ನು ಒಂದೇ ಚಿತ್ರಕ್ಕೆ ಕೊಡುವುದು ಅಪರೂಪ. ಕೆಜಿಎಫ್ ಚಿತ್ರದ ಒಂದು ಹಾಡಿನ ಚಿತ್ರೀಕರಣ ಬಾಕಿಯಿದ್ದು, ಆ ಹಾಡಿನ ಚಿತ್ರೀಕರಣ ಆಗಸ್ಟ್ 7ರಿಂದ ಶುರುವಾಗಲಿದೆ. ಅದು ಮುಗಿದ ಮೇಲೆ ಯಶ್ ಹೊಸ ಚಿತ್ರಗಳತ್ತ ಗಮನಹರಿಸಲಿದ್ದಾರೆ. ಹಾಗೆ ಯಶ್ ಒಪ್ಪಿಕೊಂಡಿರುವ ಹೊಸ ಚಿತ್ರ ಕಿರಾತಕ 2.

ಕಿರಾತಕ, ಯಶ್ ಅವರ ದೊಡ್ಡ ಮಟ್ಟದಲ್ಲಿ ಹಿಟ್ ಆಗಿದ್ದ ಸಿನಿಮಾ. ಮಂಡ್ಯದ ಪುಂಡ ಹುಡುಗನಾಗಿ ಯಶ್ ಇಷ್ಟವಾಗಿದ್ದರು. ಈಗ ಕಿರಾತಕ 2 ಸಿನಿಮಾವನ್ನು ಅನಿಲ್ ಕುಮಾರ್ ಮಾಡುತ್ತಿದ್ದಾರೆ. ರ್ಯಾಂಬೋ2 ಸಕ್ಸಸ್ ಖುಷಿಯಲ್ಲಿರುವ ಅನಿಲ್, ಯಶ್ ಅವರಿಗಾಗಿ ಸಖತ್ ತರಲೆ, ತಮಾಷೆಯ ಕಥೆಯೊಂದನ್ನು ಸಿದ್ಧಪಡಿಸಿದ್ದಾರೆ. ಕೆಜೆಎಫ್ ಚಿತ್ರೀಕರಣ ಮುಗಿದ ನಂತರ, ಇದೇ ತಿಂಗಳು ಕಿರಾತಕ2 ಶುರುವಾಗಲಿದೆ. 

ಇದು ಕಿರಾತಕ ಚಿತ್ರದ ಮುಂದುವರಿದ ಭಾಗವಾ..? ಹಾಗೊಂದು ಕುತೂಹಲ ಹುಟ್ಟೋಕೆ ಕಾರಣವಿದೆ. ಕಿರಾತಕ ಚಿತ್ರದಲ್ಲಿ ಹೀರೋ ದುಬೈನಲ್ಲಿ ಪತ್ನಿಯೊಂದಿಗೆ ಸೆಟ್ಲ್ ಆಗುತ್ತಾನೆ. ಈಗ.. ಕಿರಾತಕ 2 ಚಿತ್ರದ ಕೆಲವು ದೃಶ್ಯಗಳು ದುಬೈನಲ್ಲಿ ಚಿತ್ರೀಕರಣಗೊಳ್ಳಲಿವೆಯಂತೆ. ಉಳಿದಂತೆ ಇನ್ನೂ ಲೊಕೇಷನ್ ಹುಡುಕಬೇಕಿದೆ. ಚಿತ್ರದ ಕಥೆಯಲ್ಲಿ ಸೆಂಟಿಮೆಂಟ್, ಕಾಮಿಡಿ, ಮಾಸ್ ಅಪೀಲ್ ಎಲ್ಲವೂ ಇದೆ ಎಂದಿದ್ದಾರೆ ಅನಿಲ್.

ಒಟ್ಟಿನಲ್ಲಿ ಆಗಸ್ಟ್‍ನಲ್ಲಿ ಯಶ್ ಗಡ್ಡಕ್ಕೆ ಮುಕ್ತಿ ಸಿಗಲಿದೆ. ವರಮಹಾಲಕ್ಷ್ಮಿ ಹಬ್ಬದ ದಿನ ಕಿರಾತಕ 2 ಸೆಟ್ಟೇರುವ ಸಾಧ್ಯತೆ ಇದೆ.

sudeep priya celebrates 25 years of friendship

User Rating: 0 / 5

Star inactiveStar inactiveStar inactiveStar inactiveStar inactive

ಸುದೀಪ್.. ನಮ್ಮಿಬ್ಬರ ಸ್ನೇಹಕ್ಕೆ 25 ವರ್ಷ. ನಮ್ಮ ಮದುವೆ ಆ ಸ್ನೇಹವನ್ನು ಹಾಳು ಮಾಡಲಿಲ್ಲ. ಹ್ಯಾಪಿ ಫ್ರೆಂಡ್‍ಶಿಪ್ ಡೇ.. ಹಾಗೆಂದು ಹೇಳಿದವರು ಪ್ರಿಯಾ ರಾಧಾಕೃಷ್ಣನ್. ಸುದೀಪ್ ಅವರ ಪ್ರಿಯ ಪತ್ನಿ.

ಸನ್ನಿವೇಶ, ಸಂದರ್ಭ ಯಾವುದೇ ಇರಲಿ. ಈ 25 ವರ್ಷಗಳಲ್ಲಿ ನನ್ನ ಜೊತೆಯಿರುವ ಅದ್ಭುತ ಗೆಳತಿ ನೀವು. ಮದುವೆ, ನಮ್ಮಿಬ್ಬರ ಸ್ನೇಹವನ್ನು ಹಾಳು ಮಾಡಲಿಲ್ಲ ಎನ್ನುವುದು ಖುಷಿಯ ಸಂಗತಿ. 25 ವರ್ಷಗಳ ಸ್ನೇಹಕ್ಕೆ ಥ್ಯಾಂಕ್ಸ್... ಊಫ್.. 25 ವರ್ಷ ತುಂಬಾ ದೊಡ್ಡ ಟೈಮೇ.. ಅದ್ಸರಿ.. ನನ್ನನ್ನು ಹೇಗೆ ಸಹಿಸಿಕೊಂಡಿರಿ.. ಎಂದು ಸ್ಮೈಲ್ ಕೊಟ್ಟಿದ್ದಾರೆ ಕಿಚ್ಚ ಸುದೀಪ್.

ಪತಿ, ಪತ್ನಿ.. ಇಬ್ಬರೂ ಸ್ನೇಹಿತರಾಗಿದ್ದರೆ.. ವ್ಹಾವ್.. ಅದೇ ಶಾಂತಿನಿವಾಸ.

the villain 3rd song is also super hit

User Rating: 1 / 5

Star activeStar inactiveStar inactiveStar inactiveStar inactive

ದಿ ವಿಲನ್ ಚಿತ್ರದ 3ನೇ ಹಾಡು ಬಿಟ್ಟಿದ್ದಾರೆ ನಿರ್ದೇಶಕ ಪ್ರೇಮ್. ಲವ್ವಾಗೋಯ್ತೇ ನಿನ್‍ಮ್ಯಾಲೆ.. ಅನ್ನೋ ಹಾಡನ್ನು ಸ್ವತಃ ಪ್ರೇಮ್ ಬರೆದು ಹಾಡಿದ್ದಾರೆ. ಹಾಡಿನ ಸಾಹಿತ್ಯ ಮತ್ತು ಅರ್ಜುನ್ ಜನ್ಯ ಸಂಗೀತ ಎರಡೂ ಮಜಬೂತಾಗಿವೆ.

ಈ ಹಾಡನ್ನು ಪ್ರೇಮ್ ಅವರಿಂದಲೇ ಹಾಡಿಸಬೇಕು ಎಂದು ಮನಸ್ಸು ಮಾಡಿದ್ದು ಸ್ವತಃ ಸುದೀಪ್. ಆದರೆ, ಪ್ರೇಮ್ ಅವರನ್ನು ಒಪ್ಪಿಸೋದು ಅಷ್ಟು ಸುಲಭವಾಗಿರಲಿಲ್ಲ. ಹೇಗೋ ಕನ್ವಿನ್ಸ್ ಮಾಡಿಸಿ ಒಪ್ಪಿಸಿದ ಹಾಡು ಸಖತ್ತಾಗಿದೆ ಎಂದಿದ್ದಾರೆ ಸುದೀಪ್.

ನೀವು ಬಿಡಿ.. ಎಂಥವರನ್ನೂ ಕನ್ವಿನ್ಸ್ ಮಾಡ್ತೀರಿ. ಈ ಹಾಡು ನಿಮಗೇ ಅರ್ಪಣೆ, ಲವ್ ಯು ಡಾರ್ಲಿಂಗ್ ಎಂದಿದ್ದಾರೆ ಪ್ರೇಮ್.

ಈ ಮೊದಲು ಎರಡು ಬಿಲ್ಡಪ್ ಸಾಂಗ್ ರಿಲೀಸ್ ಮಾಡಿದ್ದ ಪ್ರೇಮ್, ಈ ಬಾರಿ ಪ್ರೇಮಗೀತೆ ತಂದಿದ್ದಾರೆ. ಎಂದಿನಂತೆ ಹಾಡುಗಳಲ್ಲಿ ಪ್ರೇಮ್ ಸ್ಪರ್ಶವಿದೆ. ನಾನು ರಾಮ, ನೀನೇನ್ ಸೀತೆ ಅಲ್ಲ. ಲವ್ವಾಗೋಯ್ತೇ ನಿನ್‍ಮ್ಯಾಲೆ, ನಾನೇನ್ ಕೃಷ್ಣ ಅಲ್ಲ, ನೀನೇನ್ ರುಕ್ಕು ಅಲ್ಲ, ಲವ್ವಾಗೋಯ್ತೇ ನಿನ್‍ಮ್ಯಾಲೆ ಅನ್ನೋ ಸಾಲುಗಳು ಇಷ್ಟವಾಗುತ್ತಿವೆ.

producer distributor bhaktavatsala

User Rating: 0 / 5

Star inactiveStar inactiveStar inactiveStar inactiveStar inactive

ಕನ್ನಡ ಚಿತ್ರರಂಗದ ಹಿರಿಯ ನಿರ್ಮಾಪಕ, ವಿತರಕ, ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಹಾಗೂ ಭಾರತ ಚಲನಚಿತ್ರ ವಾಣಿಜ್ಯ ಮಂಡಳಿಯ ಮಾಜಿ ಅಧ್ಯಕ್ಷ ಎಂ. ಭಕ್ತವತ್ಸಲ ನಿಧನರಾಗಿದ್ದಾರೆ. ಎಂ.ಎಸ್. ಸತ್ಯು ನಿರ್ದೇಶನದಲ್ಲಿ ಕನ್ನೇಶ್ವರ ರಾಮ, ಸಂಧ್ಯಾರಾಗ, ಸಂಸ್ಕಾರ ಮೊದದಾದ ಚಿತ್ರಗಳನ್ನು ನಿರ್ಮಿಸಿದ್ದ ಭಕ್ತವತ್ಸಲ, ಹಲವಾರು ಚಿತ್ರಗಳಿಗೆ ವಿತರಕರಾಗಿದ್ದರು. ಚಂಡಮಾರುತ ಎಂಬ ಚಿತ್ರದಲ್ಲಿ ನಟರಾಗಿಯೂ ಕೆಲಸ ಮಾಡಿದ್ದರು. ಭಾರತೀಯ ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷರಾಗಿದ್ದ ಏಕೈಕ ಕನ್ನಡಗಿ ಭಕ್ತವತ್ಸಲ.

ಭಕ್ತವತ್ಸಲ ಅವರಿಗೆ ರಾಜ್ಯ ಸರ್ಕಾರ ರಾಜ್‍ಕುಮಾರ್ ಪ್ರಶಸ್ತಿ ನೀಡಿ ಗೌರವಿಸಿತ್ತು. ಭಕ್ತವತ್ಸಲ ನಿಧನಕ್ಕೆ, ಮುಖ್ಯಮಂತ್ರಿ ಕುಮಾರಸ್ವಾಮಿ, ಸಚಿವೆ ಜಯಮಾಲಾ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷ ಚಿನ್ನೇಗೌಡ ಸೇರಿದಂತೆ ಚಿತ್ರರಂಗದ ಹಲವಾರು ಗಣ್ಯರು ಸಂತಾಪ ವ್ಯಕ್ತಪಡಿಸಿದ್ದಾರೆ.

Related Articles :-

Veteran M Bhaktavatsalam No More

first rank raju is now james bond raju

User Rating: 0 / 5

Star inactiveStar inactiveStar inactiveStar inactiveStar inactive

ಫಸ್ಟ್ ರ್ಯಾಂಕ್ ರಾಜು, ರಾಜು ಕನ್ನಡ ಮೀಡಿಯಂ ಖ್ಯಾತಿಯ ಗುರುನಂದನ್, ಈಗ ಜೇಮ್ಸ್ ಬಾಂಡ್ ಆಗುತ್ತಿದ್ದಾರೆ. ಭಾಗ್ಯರಾಜ್, ಕಳ್ಬೆಟ್ಟದ ದರೋಡೆಕೋರರು ಚಿತ್ರ ನಿರ್ದೇಶಿಸಿದ್ದ ದೀಪಕ್ ಮಧುವನಹಳ್ಳಿ ನಿರ್ದೇಶನದ ರಾಜು ಜೇಮ್ಸ್ ಬಾಂಡ್ ಚಿತ್ರಕ್ಕೆ ಗುರುನಂದನ್ ಹೀರೋ.

ಪಂಜಾಬ್‍ನಲ್ಲಿ ನಡೆದ ನೈಜಘಟನೆ ಆಧರಿಸಿದ ಚಿತ್ರ ಇದು. ಬ್ಯಾಂಕ್ ರಾಬರಿ ಕಥೆಯಂತೆ. ಸಸ್ಪೆನ್ಸ್, ಥ್ರಿಲ್ಲರ್ ಚಿತ್ರವನ್ನು ಕನ್ನಡೀಕರಿಸಿ ಸಿನಿಮಾ ಮಾಡಲಾಗುತ್ತಿದೆ. ಲಂಡನ್‍ನಲ್ಲಿಯೂ ಒಂದಿಷ್ಟು ದೃಶ್ಯಗಳ ಚಿತ್ರೀಕರಣ ಇದೆಯಂತೆ. ಆಗಸ್ಟ್ 17ಕ್ಕೆ ಸಿನಿಮಾ ಸೆಟ್ಟೇರುತ್ತಿದೆ.

Trayambakam Movie Gallery

Rightbanner02_butterfly_inside

Paddehuli Movie Gallery