` hdk son nikhil gowda - chitraloka.com | Kannada Movie News, Reviews | Image

hdk son nikhil gowda

  • ದೇವೇಗೌಡ ಮುತ್ತಜ್ಜ.. ಕುಮಾರಸ್ವಾಮಿ ತಾತ : ನಿಖಿಲ್ ದಂಪತಿಗೆ ಗಂಡು ಮಗು

    ದೇವೇಗೌಡ ಮುತ್ತಜ್ಜ.. ಕುಮಾರಸ್ವಾಮಿ ತಾತ : ನಿಖಿಲ್ ದಂಪತಿಗೆ ಗಂಡು ಮಗು

    ರಾಜ್ಯ ರಾಜಕೀಯದಲ್ಲಿ ದೊಡ್ಮನೆ ಎಂದೇ ಹೆಸರಾಗಿರುವ ದೇವೇಗೌಡರ ಕುಟುಂಬಕ್ಕೆ ಹೊಸ ಸದಸ್ಯ ಬಂದಿದ್ದಾರೆ. ನಿಖಿಲ್ ಕುಮಾರಸ್ವಾಮಿ, ರೇವತಿ ದಂಪತಿಗೆ ಗಂಡು ಮಗುವಾಗಿದೆ. ಮಗು ಮತ್ತು ತಾಯಿ ಇಬ್ಬರೂ ಆರೋಗ್ಯವಾಗಿದ್ದಾರೆ.

    ಈ ಮಗುವಿನಿಂದ ದೇವೇಗೌಡರು ಇನ್ನಷ್ಟು ಹಿರಿಯರಾಗಿದ್ದಾರೆ. ಮೊಮ್ಮಗನ ಮಗು ಮರಿಮೊಮ್ಮಗನಿಂದ ದೇವೇಗೌಡ ಮುತ್ತಜ್ಜನಾದರೆ, ಕುಮಾರಸ್ವಾಮಿ-ಅನಿತಾ ದಂಪತಿ ಈಗ ಅಜ್ಜ ಅಜ್ಜಿ. ದೇವೇಗೌಡರ ಮನೆಯಲ್ಲೀಗ ಸಂಭ್ರಮವೋ.. ಸಂಭ್ರಮ.

  • ನಿಖಿಲ್ ಕುಮಾರಸ್ವಾಮಿ ದೇಗುಲ ದರ್ಶನ

    nikhil kumraraswamy

    ಜಾಗ್ವಾರ್ ಚಿತ್ರದ ನಂತರ ನಿಖಿಲ್ ಕುಮಾರ ಸ್ವಾಮಿ ಎರಡನೇ ಸಿನಿಮಾಗೆ ರೆಡಿಯಾಗುತ್ತಿದ್ದಾರೆ. ಆಧರೆ, ಅದೇಕೋ ಏನೋ ಚಿತ್ರ ವೇಗ ಪಡೆದುಕೊಳ್ಳುತ್ತಿಲ್ಲ. 

    ಹೀಗಿರುವಾಗಲೇ ನಿಖಿಲ್ ಕುಮಾರಸ್ವಾಮಿ ರಾಜ್ಯಾದ್ಯಂತ ತೀರ್ಥಯಾತ್ರೆ ಆರಂಭಿಸಿದ್ದಾರೆ. ಧರ್ಮಸ್ಥಳದ ಮಂಜುನಾಥ ಸ್ವಾಮಿ, ಉಡುಪಿಯ ಶ್ರೀಕೃಷ್ಣ ದೇವಸ್ಥಾನ, ಮಂಡ್ಯದ ಕಾಲ ಭೈರವಶ್ವೇರ ದೇಗುಲ, ಕೊಲ್ಲೂರು ಶ್ರೀ ಮೂಕಾಂಬಿಕೆ ದೇವಸ್ಥಾನ, ಕುಕ್ಕೇ ಸುಬ್ರಹ್ಮಣ್ಯ..ಹೀಗೆ ಎಲ್ಲ ದೇವಸ್ಥಾನಗಳಿಗೂ ನಿಖಿಲ್ ಕುಮಾರಸ್ವಾಮಿ ಪ್ರವಾಸ ಹೋಗಿದ್ದಾರೆ. 

    ಈಗಾಗಲೇ ನಿಖಿಲ್ ಅವರ ಎರಡನೇ ಚಿತ್ರಕ್ಕೆ ನಾಯಕಿ, ನಿರ್ದೇಶಕರು ಬದಲಾಗಿದ್ದಾರೆ. ಮುಂದೆಯೂ ಇಂತಹ ತೊಡಕುಗಳು ಬಾರದೇ ಇರಲಿ ಎಂದು ಪ್ರಾರ್ಥಿಸುತ್ತಿದ್ದಾರೋ ಏನೋ?

  • ನಿಖಿಲ್ ಕುಮಾರಸ್ವಾಮಿ ಬರೆದ ಪತ್ರ ವೈರಲ್

    nikhil gowda's letter goes viral

    ಮಾಜಿ ಸಿಎಂ ಹೆಚ್.ಡಿ. ಕುಮಾರಸ್ವಾಮಿ ಇತ್ತೀಚೆಗೆ ಹೃದಯ ಶಸ್ತ್ರಚಿಕಿತ್ಸೆಗೊಳಗಾಗಿ ಚೇತರಿಸಿಕೊಳ್ಳುತ್ತಿದ್ದಾರೆ. ಕುಮಾರಸ್ವಾಮಿಯವರ ಚೇತರಿಕೆಗೆ ಲಕ್ಷಾಂತರ ಅಭಿಮಾನಿಗಳು ಪ್ರಾರ್ಥಿಸುತ್ತಿರುವಾಗ, ಅವರ ಪುತ್ರ ನಿಖಿಲ್ ಗೌಡ ಕುಮಾರಸ್ವಾಮಿ ಬರೆದ ಒಂದು ಫೇಸ್‍ಬುಕ್ ಆಪ್ತ ಬರಹ ವೈರಲ್ ಆಗಿದೆ.

    ನನ್ನ ತಂದೆ ನಿಮ್ಮೆಲ್ಲರ ಹಾರೈಕೆಯಿಂದ ಗುಣಮುಖರಾಗುತ್ತಿದ್ದಾರೆ. ನಿಮ್ಮ ಪ್ರೀತಿ ವಿಶ್ವಾಸಕ್ಕೆ ನಾವು ಚಿರಋಣಿಗಳು. 

    ಪ್ರತಿಯೊಬ್ಬರಿಗೂ ತಂದೆ ತಾಯಿ ದೇವರಿದ್ದ ಹಾಗೆ. ಅವರು ಯಾವುದೇ ಪ್ರತಿಫಲಾಪೇಕ್ಷೆಯಿಲ್ಲದೆ ನಮ್ಮನ್ನು ದೊಡ್ಡವರನ್ನಾಗಿಸಿರುತ್ತಾರೆ. ಇತ್ತೀಚಿನ ದಿನಗಳಲ್ಲಿ ನಾವು ನಮ್ಮ ನಮ್ಮ ಕೆಲಸಗಳ ಒತ್ತಡದಿಂದ ತಂದೆ ತಾಯಿಗೆ ಹೆಚ್ಚಿನ ಸಮಯ ಕೊಡಲು ಸಾಧ್ಯವಾಗುತ್ತಿಲ್ಲ. ಆದರೆ, ಒಂದು ಸಲ ಯೋಚನೆ ಮಾಡಿ. ಎಷ್ಟೋ ಜನರಿಗೆ ತಂದೆ ತಾಯಿ ಇರೋದಿಲ್ಲ. ನಮಗೆ ಸಮಯ ಇರೋದಿಲ್ಲ. 

    ಯಾವ ಪ್ರತಿಫಲಾಪೇಕ್ಷೆಯೂ ಇಲ್ಲದೆ ನಮ್ಮನ್ನು ಬೆಳೆಸಿದ ತಂದೆ, ತಾಯಿಯರಿಗೆ ಹಾಗಾಗಬಾರದು. ದಯವಿಟ್ಟು ಎಲ್ಲರೂ ಕಣ್ಣೆದುರೇ ಇರುವ ತಂದೆ ತಾಯಿಯರಿಗೆ ಹೆಚ್ಚಿನ ಸಮಯ ವಿನಿಯೋಗಿಸಿ. ಅವರ ಸೇವೆ ನಮ್ಮ ಕರ್ತವ್ಯ ಎಂದಿದ್ದಾರೆ ನಿಖಿಲ್ ಗೌಡ. ಅದು ಎಷ್ಟು ವೈರಲ್ ಆಗಿದೆಯೆಂದರೆ, ಒಂದು ಲಕ್ಷಕ್ಕೂ ಹೆಚ್ಚು ಜನ ಲೈಕ್ ಮಾಡಿದ್ದಾರೆ. ಒಂದು ಸಾವಿರಕ್ಕೂ ಹೆಚ್ಚು ಜನ ಶೇರ್ ಮಾಡಿದ್ದಾರೆ.

  • ನಿಖಿಲ್ ಕುಮಾರಸ್ವಾಮಿ ರಾಜ.. ರಾಣಿ ರಚಿತಾ.. 

    seetharama kalyana raja rani song

    ನಿನ್ನ ರಾಜ ನಾನು.. ನನ್ನ ರಾಣಿ ನೀನು.. ಹಾಡು ರಿಲೀಸ್ ಆಗಿದೆ. ಇದು ಸೀತಾರಾಮ ಕಲ್ಯಾಣದ ಹಾಡು. ಹಾಡು ಇರುವುದೇ ರಚಿತಾ ರಾಮ್ ಮೇಲೆ. ಗುಳಿಕೆನ್ನೆ ಚೆಲುವೆಯನ್ನು ಹಾಡಿನಲ್ಲಿ ಮನಮೋಹಿನಿ, ಹಟ್ಟಿ ಚಿನ್ನದ ಗಣಿ, ಮುದ್ದು ಗಿಣಿ, ಕಾಳಿದಾಸನ ಕಾವ್ಯ ಎಂದೆಲ್ಲ ಬಣ್ಣಿಸಲಾಗಿದೆ.

    ಪ್ರೇಮ ನಿವೇದನೆಯ ಹಾಡು, ಹಾಡಿನ ವಿಡಿಯೋದಲ್ಲಿ ಬಳಸಿರುವ ಫೋಟೋಗಳಲ್ಲಿ ನಿಖಿಲ್-ರಚಿತಾ ಕೆಮಿಸ್ಟ್ರಿ ಶೃಂಗಾರ ಕಾವ್ಯದಂತಿದೆ. ನಿರ್ದೇಶಕ ಹರ್ಷ, ಲಿರಿಕಲ್ ಹಾಡನ್ನೇ ಸುಂದರವಾಗಿ ಕಟ್ಟಿಕೊಟ್ಟಿದ್ದಾರೆ.

    ಸುಕನ್ಯ ಸಾಹಿತ್ಯ ಬರೆದಿರುವ ಹಾಡಿಗೆ ಅನೂಪ್ ರೂಬಿನ್ಸ್ ಸಂಗೀತ ಸಂಯೋಜಿಸಿದ್ದು, ಅರ್ಮಾನ್ ಮಲ್ಲಿಕ್ ಹಾಡು ಹಾಡಿದ್ದಾರೆ. ಲಿರಿಕಲ್ ವಿಡಿಯೋ ಸಾಂಗ್‍ನ್ನು ರಿಲೀಸ್ ಮಾಡಿರುವುದು ಸಿಎಂ ಕುಮಾರಸ್ವಾಮಿ. 

  • ನಿಖಿಲ್-ರೇವತಿ ಕಲ್ಯಾಣ

    nikhil kumarswamy revathi marraige

    ಅದ್ಧೂರಿಯಾಗಿ ನಡೆಯಬೇಕಿದ್ದ ನಿಖಿಲ್ ಕುಮಾರಸ್ವಾಮಿ ವಿವಾಹ ಸರಳವಾಗಿ ನೆರವೇರಿದೆ. ರಾಮನಗರದ ಕೇತಗಾನಹಳ್ಳಿ ಸಮೀಪದ ತೋಟದ ಮನೆಯಲ್ಲಿ ವಿವಾಹ ಮಹೋತ್ಸವ ನೆರವೇರಿದೆ.

    ಬೆಳಗ್ಗೆ 6 ಗಂಟೆಯಿಂದಲೇ ಮದುವೆ ಶಾಸ್ತ್ರಗಳು ಶುರುವಾದವು. ಕುಟುಂಬ ಸದಸ್ಯರನ್ನು ಬಿಟ್ಟರೆ ಬೇರೆಯವರಿಗೆ ಪ್ರವೇಶವೇ ಇರಲಿಲ್ಲ. ತೋಟದಿಂದ ಸುಮಾರು ಕಿಲೋಮೀಟರುಗಳ ದೂರದಲ್ಲಿ ಸುತ್ತಲೂ ಪೊಲೀಸರು ಬ್ಯಾರಿಕೋಟೆ ನಿರ್ಮಿಸಿದ್ದರು.

    ಬೆಳಗ್ಗೆ 9ರಿಂದ 9.45ರೊಳಗೆ ನಡೆದ ಮುಹೂರ್ತದಲ್ಲಿ ನಿಖಿಲ್ ಕುಮಾರಸ್ವಾಮಿ ರೇವತಿಯವರಿಗೆ ಮಾಂಗಲ್ಯಧಾರಣೆ ಮಾಡಿದರು.

  • ಭಾವೀ ಸೊಸೆಯಲ್ಲಿ ಮಗಳನ್ನು ಕಂಡ ಕುಮಾರಸ್ವಾಮಿ

    kumaraswamya considers his daughter in law as his daughter

    ಅಪ್ಪ ಈಗಾಗಲೇ ರೇವತಿಯನ್ನು ಮಗಳೇ ಎನ್ನುತ್ತಿದ್ದಾರೆ. ನನ್ನ ಮೇಲಿನ ಅವರ ಪ್ರೀತಿ ಎಲ್ಲಿ ಅವರ ಕಡೆ ಟ್ರಾನ್ಸ್‍ಫರ್ ಆಗುತ್ತೋ ಎಂದು ನಾನು ಯೋಚಿಸುತ್ತಿದ್ದೇನೆ. ಇದು ನಿಖಿಲ್ ಕುಮಾರಸ್ವಾಮಿ ಮಾತು. ಭಾವೀ ಪತ್ನಿ ರೇವತಿಯ ಕುರಿತು ಮಾತನಾಡಿರುವ ನಿಖಿಲ್ `ನಾನಿನ್ನೂ ರೇವತಿ ಜೊತೆ ಮಾತನಾಡಿಲ್ಲ. ಸೂಕ್ಷ್ಮ ಮನಸ್ಸಿನ ಹುಡುಗಿ ಎನ್ನುತ್ತಿದ್ದಾರೆ. ನಾನು ಅವರನ್ನು ತುಂಬಾ ಚೆನ್ನಾಗಿ ನೋಡಿಕೊಳ್ಳುತ್ತೇನೆ ಎಂದು ಹೇಳಬಲ್ಲೆ. ಅವರು ನನಗೆ ಪರ್ಫೆಕ್ಟ್ ಜೋಡಿಯಾಗುತ್ತಾರೆ ಎಂಬ ನಂಬಿಕೆಯಿದೆ' ಎಂದಿದ್ದಾರೆ.

    ಫೆಬ್ರವರಿ 10ರಂದು ಬೆಂಗಳೂರಿನಲ್ಲಿಯೇ ನಿಶ್ಚಿತಾರ್ಥ ನಡೆಯಲಿದೆ. ಏಪ್ರಿಲ್‍ನಲ್ಲಿ ಮದುವೆ ನಡೆಯಲಿದೆ. ಲೇಔಟ್ ಕೃಷ್ಣಪ್ಪ ಅವರ ಅಣ್ಣ ಲೇಔಟ್ ಮಂಜುನಾಥ್ ಅವರ ಮಗನ ಮಗಳು ರೇವತಿ. ಎಲೆಕ್ಟ್ರಿಕಲ್ ಎಂಜಿನಿಯರ್ ಓದಿದ್ದಾರಂತೆ. ರೇವತಿಯವರ ಇನ್ನೊಂದು ಹೆಸರು ರಿತಿ. ಅಂದಹಾಗೆ ರೇವತಿಯವರಿಗೆ ಸಿನಿಮಾ ರಂಗದ ಜೊತೆ ಯಾವುದೇ ರೀತಿಯ ಕಾಂಟ್ಯಾಕ್ಟ್ ಕೂಡಾ ಇಲ್ಲ.

  • ಮಗನ ಅಭಿನಯ ಮೆಚ್ಚಿಕೊಂಡ ಮುಖ್ಯಮಂತ್ರಿ

    hd kumaraswamy appreciates nikhil in kurukshetra

    ರಾಜ್ಯದಲ್ಲೀಗ ಸರ್ಕಾರ ಉಳಿಯುತ್ತಾ.. ಉರುಳುತ್ತಾ ಅನ್ನೊದೇ ದೊಡ್ಡ ಚರ್ಚೆ. ಆದರೆ, ಸಿಎಂ ಆಗಿರುವ ಕುಮಾರಸ್ವಾಮಿ ಮಾತ್ರ ಕೂಲಾಗೇ ಇದ್ದಾರೆ. ಇಬ್ಬರು ಪಕ್ಷೇತರ ಶಾಸಕರು ಬೆಂಬಲ ವಾಪಸ್ ತೆಗೆದುಕೊಂಡು, ಇನ್ನೂ ಕೆಲವು ಶಾಸಕರು ಸಿಡಿದೆದ್ದಿದ್ದಾರೆ ಎಂಬ ಸೂಚನೆಯಿದ್ದರೂ.. ಅವರು ಮಾತ್ರ ಕೂಲ್ ಕೂಲ್. ಅವರು ನೆಮ್ಮದಿಯಾಗಿ.. ನಿರಾಳವಾಗಿ  ಮುನಿರತ್ನ ಅವರ ಮನೆಗೆ ಹೋಗಿ.. ಕುರುಕ್ಷೇತ್ರ ಚಿತ್ರದ ಒಂದು ಹಾಡು ನೋಡಿದ್ದಾರೆ. ಅಭಿಮನ್ಯು ಆಗಿ ನಟಿಸಿರುವ ಮಗನ ಅಭಿನಯವನ್ನು ಮೆಚ್ಚಿಕೊಂಡಿದ್ದಾರೆ.

    ಕುರುಕ್ಷೇತ್ರ ಚಿತ್ರ ಈಗಾಗಲೇ ಒಂದೂವರೆ ವರ್ಷ ತಡವಾಗಿದೆ. ಈ ಕುರಿತು ಮಾತನಾಡಿರುವ ಮುನಿರತ್ನ, ಚಿತ್ರದ 2ಡಿ ಪ್ರಿಂಟ್ ರೆಡಿಯಾಗಿದೆ. 3ಡಿ ಪ್ರಿಂಟ್ ರೆಡಿಯಾಗುತ್ತಿದೆ. ಎರಡೂ ವರ್ಷನ್ ರೆಡಿಯಾದ ಮೇಲೆ ರಿಲೀಸ್ ಎಂದಿದ್ದಾರೆ.

  • ರೈಡರ್`ಗೆ ನಿಖಿಲ್ ರೆಡಿಯಾಗಿದ್ದು ಹೇಗೆ?

    ರೈಡರ್`ಗೆ ನಿಖಿಲ್ ರೆಡಿಯಾಗಿದ್ದು ಹೇಗೆ?

    ರೈಡರ್ ಇದೇ ವಾರ ರಿಲೀಸ್ ಆಗುತ್ತಿದೆ. ನಿಖಿಲ್ ಕುಮಾರಸ್ವಾಮಿ ಆಲ್‍ಮೋಸ್ಟ್ 2 ವರ್ಷಗಳ ಗ್ಯಾಪ್ ನಂತರ ಬರುತ್ತಿದ್ದಾರೆ. ನಿಖಿಲ್ ಎದುರು ಇಲ್ಲಿ ಕಾಶ್ಮೀರ ಪರದೇಸಿ ಅನ್ನೋ ಮುದ್ದು ಹುಡುಗಿ ನಾಯಕಿ. ಚಿತ್ರದಲ್ಲಿರೋದು ಮಾಸ್ ಲವ್ ಆ್ಯಕ್ಷನ್ ಸೆಂಟಿಮೆಂಟ್ ಕಥೆ.

    ಚಿತ್ರದಲ್ಲಿ ನನ್ನನ್ನು ಬ್ಯಾಸ್ಕೆಟ್‍ಬಾಲ್ ಆಟಗಾರನಾಗಿ ತೋರಿಸಿದ್ದಾರೆ. ಅದಕ್ಕೆ ನಾನು ತಯಾರಿ ನಡೆಸಿದ್ದೆ. ಚಿತ್ರದಲ್ಲಿ ಕ್ಯಾಮೆರಾಗೆ ಎಷ್ಟು ಬೇಕೋ ಅಷ್ಟನ್ನು ಮಾತ್ರ ತೆಗೆದುಕೊಂಡರು ಎನ್ನುವ ನಿಖಿಲ್,  ರೈಡರ್ ಅನ್ನೋದು ಪ್ರೀತಿಯ ಸವಾರಿ ಅಂತಾರೆ.

    ಚಿತ್ರದಲ್ಲಿ ಲವ್ ಸೀಕ್ವೆನ್ಸ್‍ಗಳು ನನ್ನ ಕ್ಯಾರೆಕ್ಟರ್‍ಗೂ ಹತ್ತಿರವಿರೋದ್ರಿಂದ ಅದು ಸಲೀಸಾಯ್ತು. ಚಿತ್ರದ ಮೇಲೆ ನಿರೀಕ್ಷೆಯೂ ಇದೆ. ವಿಜಯ್ ಕುಮಾರ್ ಕೊಂಡ ಚಿತ್ರವನ್ನು ಚೆನ್ನಾಗಿ ಮಾಡಿದ್ದಾರೆ ಎನ್ನುವ ಕಾನ್ಫಿಡೆನ್ಸ್ ಇಟ್ಟುಕೊಂಡಿದ್ದಾರೆ.

    ನಿಖಿಲ್ ನಿರೀಕ್ಷೆ ಹೆಚ್ಚಿಸಿರೋದು ಚಿತ್ರದ ಟ್ರೇಲರ್ ಮತ್ತು ಹಾಡುಗಳಿಗೆ ಸಿಕ್ಕಿರೋ ರೆಸ್ಪಾನ್ಸ್. ಟ್ರೇಲರ್‍ನ್ನು ಸರಿಸುಮಾರು 70 ಲಕ್ಷ ಮಂದಿ ನೋಡಿದ್ದರೆ, ಒಂದೊಂದು ಹಾಡನ್ನೂ 40 ಲಕ್ಷಕ್ಕೂ ಹೆಚ್ಚು ಮಂದಿ ನೋಡಿದ್ದಾರೆ. ಮೆಚ್ಚಿದ್ದಾರೆ. ಹೀಗಾಗಿ ಚಿತ್ರದ ಮೇಲೆ ನಿಖಿಲ್ ಕುಮಾರಸ್ವಾಮಿ ಆಶಾಭಾವನೆ ಇಟ್ಟುಕೊಂಡಿದ್ದಾರೆ.

  • ರೈಡರ್`ಗೆ ಪೈರಸಿ ಕಾಟ

    ರೈಡರ್`ಗೆ ಪೈರಸಿ ಕಾಟ

    ರೈಡರ್. ಕ್ರಿಸ್‍ಮಸ್ ಮುನ್ನಾ ದಿನ ರಿಲೀಸ್ ಆಗಿ ಉತ್ತಮ ಪ್ರದರ್ಶನ ಕಾಣುತ್ತಿರೋ ಚಿತ್ರ. ನಿಖಿಲ್ ಕುಮಾರಸ್ವಾಮಿ ಅಭಿನಯಕ್ಕೆ ಪ್ರೇಕ್ಷಕರು ಮಾರು ಹೋಗಿದ್ದಾರೆ. ಆಲ್‍ಮೋಸ್ಟ್ 2 ವರ್ಷಗಳ ನಂತರ ನಿಖಿಲ್ ತೆರೆಯ ಮೇಲೆ ನೋಡಲು ಸಿಕ್ಕಿರೋದು. ಹೀಗಾಗಿ ಅಭಿಮಾನಿಗಳಿಗೂ ಒಂಥರಾ ಥ್ರಿಲ್. ಆ ಥ್ರಿಲ್‍ಗೆ ತಕ್ಕಂತೆಯೇ ಸಿನಿಮಾ ಬಂದಿದೆ. ನಿಖಿಲ್ ಈ ಗೆಲುವಿನ ಖುಷಿಯಲ್ಲಿ ರಾಮನಗರ, ಚನ್ನಪಟ್ಟಣ, ಮಂಡ್ಯಗಳಲ್ಲಿ ಥಿಯೇಟರುಗಳಿಗೆ ಭೇಟಿ ಕೊಟ್ಟಿದ್ದಾರೆ. ಇದರ ನಡುವೆಯೇ ಅವರಿಗೆ ಪೈರಸಿ ಕಾಟವೂ ಕಾಡುತ್ತಿದೆ.

    ತಮಿಳ್ ರಾಕರ್ಸ್‍ನವರು ರೈಡರ್ ಚಿತ್ರವನ್ನು ಪೈರಸಿ ಮಾಡಿ ಇಂಟರ್‍ನೆಟ್ಟಿಗೆ ಬಿಟ್ಟಿದ್ದಾರೆ. ಪೈರಸಿ ಕಾಪಿ ಡಿಲೀಟ್ ಮಾಡಿದ್ದಷ್ಟೂ ಹೊಸ ಹೊಸ ಕಾಪಿ ರಿಲೀಸ್ ಆಗುತ್ತಿವೆ. ಇದರ ವಿರುದ್ಧ ಚಿತ್ರತಂಡ ಸೈಬರ್ ಕ್ರೈಂಗೆ ದೂರನ್ನೂ ಕೊಟ್ಟಿದೆ.

    ದಯವಿಟ್ಟು ಸಿನಿಮಾಗಳನ್ನು ಚಿತ್ರಮಂದಿರದಲ್ಲಿಯೇ ನೋಡಿ. ಕನ್ನಡ ಚಿತ್ರರಂಗವನ್ನು ಉಳಿಸಿ ಅನ್ನೋದು ನಿಖಿಲ್ ಕುಮಾರಸ್ವಾಮಿ ಮನವಿ. ಸುನಿಲ್ ಗೌಡ ಮತ್ತು ಲಹರಿ ಪ್ರೊಡಕ್ಷನ್ಸ್ ಕಾಂಬಿನೇಷನ್‍ನಲ್ಲಿ ಮೂಡಿ ಬಂದ ಚಿತ್ರ ರೈಡರ್. ವಿಜಯ್ ಕುಮಾರ್ ಕೊಂಡ ನಿರ್ದೇಶನದ ಚಿತ್ರದಲ್ಲಿ ನಿಖಿಲ್‍ಗೆ ಕಾಶ್ಮೀರ ಪರದೇಸಿ ನಾಯಕಿ.

  • ಸೀತಾರಾಮ ಕಲ್ಯಾಣಕ್ಕೆ ಏನಪ್ಪಾ ಇದು ಡಿಮ್ಯಾಂಡು..?

    seetharama kalyana dubbing rights on demand

    ಸೀತಾರಾಮ ಕಲ್ಯಾಣ. ಇದು ನಿಖಿಲ್ ಕುಮಾರಸ್ವಾಮಿ, ರಚಿತಾ ರಾಮ್ ಅಭಿನಯದ ಸಿನಿಮಾ. ಸಾಲು ಸಾಲು ಹಿಟ್ ಕೊಟ್ಟಿರುವ ಹರ್ಷ ನಿರ್ದೇಶನದ ಸಿನಿಮಾ. ನವೆಂಬರ್ ಅಂತ್ಯ ಅಥವಾ ಡಿಸೆಂಬರ್ ಆರಂಭದಲ್ಲಿ ರಿಲೀಸ್ ಆಗುವ ಸಾಧ್ಯತೆ ಇದೆ. ರಿಲೀಸ್‍ಗೂ ಮೊದಲೇ ಚಿತ್ರದ ಡಬ್ಬಿಂಗ್ ರೈಟ್ಸ್ ಭಾರಿ ಮೊತ್ತಕ್ಕೆ ಸೇಲ್ ಆಗಿದೆ.

    ಸೀತಾರಾಮ ಕಲ್ಯಾಣದ ಹಿಂದಿ ಡಬ್ಬಿಂಗ್ ರೈಟ್ಸ್, 5.5 ಕೋಟಿಗೆ ಮಾರಾಟವಾಗಿದೆ. ಬಾಲಿವುಡ್‍ನ ಆರ್‍ಕೆ ಸ್ಟುಡಿಯೋಸ್ ಸಿನಿಮಾವನ್ನು ಖರೀದಿಸಿದೆ.

    ಕುಮಾರಸ್ವಾಮಿ, ಸಿನಿಮಾವನ್ನು ಅದ್ಧೂರಿಯಾಗಿ ತೆರೆಗೆ ತರಲು ನಿರ್ಧರಿಸಿದ್ದರು. ಚಿತ್ರದ ಪ್ರತಿ ಹಂತದಲ್ಲೂ ನಿಖಿಲ್ ತೊಡಗಿಸಿಕೊಂಡಿದ್ದರು. ಇದು ಸಿನಿಮಾಗೆ ಬಹಳ ಪ್ಲಸ್ ಆಯ್ತು. ಇದೆಲ್ಲದರ ಫಲವೇ ಚಿತ್ರದ ಸ್ಯಾಟಲೈಟ್ ರೈಟ್ಸ್ ಭಾರಿ ಮೊತ್ತಕ್ಕೆ ಸೇಲ್ ಆಗಿದೆ ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ ಹರ್ಷ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery