` rachita ram - chitraloka.com | Kannada Movie News, Reviews | Image

rachita ram

  • ಸಂಕ್ರಾಂತಿಗೆ ತೆಲುಗಿನಲ್ಲೂ ರಚ್ಚು

    ಸಂಕ್ರಾಂತಿಗೆ ತೆಲುಗಿನಲ್ಲೂ ರಚ್ಚು

    ರಚಿತಾ ರಾಮ್ ಅದೆಷ್ಟು ಬ್ಯುಸಿಯಾಗಿದ್ದಾರೆ ಎಂದರೆ.. ಒಂದೆಡೆ ಶೂಟಿಂಗ್.. ಮತ್ತೊಂದೆಡೆ ಪ್ರಚಾರ.. ಮಗದೊಂದು ಕಡೆ ಸಿನಿಮಾ ರಿಲೀಸ್.. 2021ರಲ್ಲಿ 100, ಲವ್ ಯೂ ರಚ್ಚು ರಿಲೀಸ್ ಆಗಿದ್ದವು. ಈ ವರ್ಷ ಕನ್ನಡದಲ್ಲಿ ಆಗಲೇ ಏಕ್ ಲವ್ ಯಾ ಕ್ರೇಜ್ ಹುಟ್ಟಿಸಿದೆ. ಇದರ ಮಧ್ಯೆ ರಚಿತಾ ತೆಲುಗಿನಲ್ಲಿ ನಟಿಸಿದ್ದ ಸೂಪರ್ ಮಚ್ಚಿ ಈ ಸಂಕ್ರಾಂತಿಗೆ ರಿಲೀಸ್ ಆಗುತ್ತಿದೆ.

    ಕಲ್ಯಾಣ್ ದೇವ್ ನಾಯಕನಾಗಿರೋ ಚಿತ್ರದಲ್ಲಿ ರಚಿತಾ ರಾಮ್ ನಾಯಕಿ. ಚಿತ್ರ ಕನ್ನಡಕ್ಕೂ ಡಬ್ ಆಗಿ ಬರುತ್ತಿದೆ. ಪುಲಿವಾಸು ನಿರ್ದೇಶನದ ಚಿತ್ರದ ಮೂಲಕ ರಚಿತಾ ರಾಮ್ ತೆಲುಗರಿಗೂ ಡಾರ್ಲಿಂಗ್ ಆಗಲಿದ್ದಾರೆ.

  • ಸತೀಶ್ ಜೊತೆ ರಚಿತಾ ಮ್ಯಾಟ್ನಿ ರೊಮ್ಯಾನ್ಸ್

    ಸತೀಶ್ ಜೊತೆ ರಚಿತಾ ಮ್ಯಾಟ್ನಿ ರೊಮ್ಯಾನ್ಸ್

    ಅಯೋಗ್ಯದ ಸಕ್ಸಸ್ ಜೋಡಿ ನೀನಾಸಂ ಸತೀಶ್ ಮತ್ತು ರಚಿತಾ ರಾಮ್ ಮತ್ತೆ ಜೊತೆಯಾಗಿರುವ ಸಿನಿಮಾ ಮ್ಯಾಟ್ನಿ. ಒಂದರ ಹಿಂದೊಂದು ರಿಲೀಸ್ ಮತ್ತು ಶೂಟಿಂಗ್ ಎರಡರಲ್ಲೂ ಸಿಕ್ಕಾಪಟ್ಟೆ ಬ್ಯುಸಿಯಾಗಿರುವ ರಚಿತಾ ರಾಮ್ ಇತ್ತೀಚೆಗೆ ಅನಾರೋಗ್ಯಕ್ಕೊಳಗಾಗಿದ್ದರು. ಚೇತರಿಸಿಕೊಂಡಿರುವ ರಚಿತಾ ಮತ್ತೆ ಚಿತ್ರೀಕರಣಕ್ಕೆ ಬಂದಿದ್ದಾರೆ. ಮ್ಯಾಟ್ನಿ ರೊಮ್ಯಾನ್ಸ್‍ಗೆ.

    ಉಪ್ಪಿ ರೆಸಾಟ್ರ್ಸ್‍ನಲ್ಲಿ ಮ್ಯಾಟ್ನಿ ಚಿತ್ರದ ಲವ್ ಸೀನ್‍ಗಳ ಚಿತ್ರೀಕರಣ ಶುರುವಾಗಿದೆ. ಮನೋಹರ್ ಕಂಪಲ್ಲಿ ನಿರ್ದೇಶನದ ಮ್ಯಾಟ್ನಿ, ರೊಮ್ಯಾಂಟಿಕ್ ಸಸ್ಪೆನ್ಸ್ ಥ್ರಿಲ್ಲರ್ ಕಥೆ ಹೊಂದಿದೆ.

  • ಸಿದ್ಧಗಂಗಾ ಶ್ರೀಗಳ ಅನಾರೋಗ್ಯ - ಐ ಲವ್ ಯೂ ಆಡಿಯೋ ರಿಲೀಸ್ ಮುಂದಕ್ಕೆ..

    i love you audio release postponed

    ನಿರ್ದೇಶಕ ಆರ್.ಚಂದ್ರು, ಐ ಲವ್ ಯೂ ಚಿತ್ರದ ಆಡಿಯೋ ಬಿಡುಗಡೆಯನ್ನು ಮುಂದೂಡಿದ್ದಾರೆ. ಫೆಬ್ರವರಿ 14ರಂದು ಸಿನಿಮಾ ರಿಲೀಸ್‍ಗೆ ಪ್ಲಾನ್ ಮಾಡಿರುವ ಆರ್.ಚಂದ್ರು, ಇಂದು ದಾವಣಗೆರೆಯಲ್ಲಿ ಆಡಿಯೋ ರಿಲೀಸ್ ಇಟ್ಟುಕೊಂಡಿದ್ದರು. ತೆಲುಗು ಹಾಗೂ ಕನ್ನಡ ಚಿತ್ರರಂಗದ ಸ್ಟಾರ್‍ಗಳು ಕಾರ್ಯಕ್ರಮಕ್ಕೆ ಬರಬೇಕಿತ್ತು. ಆದರೆ, ಅಂತಿಮ ಕ್ಷಣದಲ್ಲಿ ಆರ್.ಚಂದ್ರು, ಆಡಿಯೋ ಬಿಡುಗಡೆ ಮುಂದೂಡಿದ್ದಾರೆ. ಇದಕ್ಕೆ ಕಾರಣ, ಸಿದ್ಧಗಂಗಾ ಶ್ರೀಗಳ ಆನಾರೋಗ್ಯ.

    `ನಾಡಿನ ಜನರೆಲ್ಲ ಸಿದ್ಧಗಂಗೆಯ ಶಿವಕುಮಾರ ಸ್ವಾಮೀಜಿ ಆರೋಗ್ಯಕ್ಕಾಗಿ ಪ್ರಾರ್ಥನೆ ಮಾಡುತ್ತಿದ್ದಾರೆ. ಈ ವೇಳೆ ಅದ್ಧೂರಿಯಾಗಿ ಆಡಿಯೋ ಬಿಡುಗಡೆ ಮಾಡುವುದಕ್ಕೆ ಮನಸ್ಸು ಒಪ್ಪಲಿಲ್ಲ. ಹೀಗಾಗಿ ಕಾರ್ಯಕ್ರಮ ಮುಂದೂಡಿದ್ದೇವೆ. ಮುಂದಿನ ದಿನಾಂಕವನ್ನು ಶೀಘ್ರದಲ್ಲಿಯೇ ತಿಳಿಸುತ್ತೇವೆ'' ಎಂದಿದ್ದಾರೆ ಆರ್.ಚಂದ್ರು.

    ಉಪೇಂದ್ರ, ರಚಿತಾ ರಾಮ್, ಸೋನು ಗೌಡ ಪ್ರಧಾನ ಪಾತ್ರದಲ್ಲಿರುವ ಸಿನಿಮಾ, ಕನ್ನಡ ಮತ್ತು ತೆಲುಗಿನಲ್ಲಿ ಏಕಕಾಲದಲ್ಲಿ ನಿರ್ಮಾಣವಾಗಿದೆ.

  • ಸೀತಾ ರಾಮ ಕಲ್ಯಾಣಕ್ಕೂ ಕಳ್ಳರ ಕಾಟ

    piracy haunts seetharama kalyana too

    ಮೊನ್ನೆಯಷ್ಟೇ ಬಜಾರ್ ಚಿತ್ರತಂಡ ಪೈರಸಿ ಚೋರರ ವಿರುದ್ಧ ಕಂಪ್ಲೇಂಟ್ ಕೊಟ್ಟಿತ್ತು. ಈಗ ಸೀತಾರಾಮ ಕಲ್ಯಾಣದ ಸರದಿ. ನಿಖಿಲ್ ಕುಮಾರಸ್ವಾಮಿ, ರಚಿತಾ ರಾಮ್ ಅಭಿನಯದ, ಹರ್ಷ ನಿರ್ದೇಶನದ ಸಿನಿಮಾ, ಥಿಯೇಟರುಗಳಲ್ಲಿ ಭರ್ಜರಿ ಪ್ರದರ್ಶನ ಕಾಣುತ್ತಿರುವಾಗಲೇ ಪೈರಸಿ ಚೋರರ ಕಾಟವೂ ಶುರುವಾಗಿದೆ. ಹೀಗಾಗಿಯೇ ನಿರ್ಮಾಪಕಿ ಅನಿತಾ ಕುಮಾರಸ್ವಾಮಿ, ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಕಬ್ಬನ್ ಪಾರ್ಕ್ ಠಾಣೆಯಲ್ಲಿ ಚಿತ್ರದ ಪೈರಸಿ ವಿರುದ್ಧ ದೂರು ದಾಖಲಿಸಿದ್ದಾರೆ.

    ಟಿ.ಎನ್. ಶಶಿಧರ್ ಮತ್ತು ಕನ್ನಡ ನ್ಯೂ ಮೂವೀಸ್ ಎಂಬ ಆನ್‍ಲೈನ್ ಚಾನೆಲ್ ವಿರುದ್ಧ ಕಾಪಿರೈಟ್ ಕಾಯಿದೆ ಮತ್ತು ಮಾಹಿತಿ ತಂತ್ರಜ್ಞಾನ ಕಾಯಿದೆ ಅಡಿಯಲ್ಲಿ ಕೇಸ್ ದಾಖಲಾಗಿದೆ. ವಿಚಾರಣೆ ಶುರುವಾಗಿದೆ.

  • ಸೀತಾರಾಮ ಕಲ್ಯಾಣ ಅದ್ಧೂರಿ ಶತದಿನೋತ್ಸವ..!

    seetharama kalyana team celebrates 100 days shooting

    ಸೀತಾರಾಮ ಕಲ್ಯಾಣ ರಿಲೀಸ್ ಆಗಿದ್ದು ಯಾವಾಗ ಎಂದು ತಲೆಗೆ ಹುಳ ಬಿಟ್ಟುಕೊಳ್ಳಬೇಡಿ. ಇದು ಚಿತ್ರದ 100 ದಿನದ ಶೂಟಿಂಗ್ ಮುಗಿದಿದ್ದರ ಸಂಭ್ರಮ. ಮುಹೂರ್ತ, ಆಡಿಯೋ ರಿಲೀಸ್, ಟ್ರೇಲರ್, ಟೀಸರ್‍ಗಳ ಬಿಡುಗಡೆಗೆ ಸಂಭ್ರಮಿಸೋ ಚಿತ್ರತಂಡಗಳ ಮಧ್ಯೆ ಸೀತಾರಾಮ ಕಲ್ಯಾಣ ಚಿತ್ರತಂಡ ವಿಭಿನ್ನವಾಗಿ 100 ದಿನಗಳ ಶೂಟಿಂಗ್ ಮುಗಿದಿದ್ದಕ್ಕೆ ಸಂಭ್ರಮಾಚರಣೆ ಇಟ್ಟುಕೊಂಡಿತ್ತು.

    ನಿಖಿಲ್ ಕುಮಾರಸ್ವಾಮಿ, ರಚಿತಾ ರಾಮ್ ನಾಯಕಿಯಾಗಿರೋ ಚಿತ್ರಕ್ಕೆ ಹರ್ಷ ನಿರ್ದೇಶನವಿದೆ. ಚಿತ್ರದಲ್ಲಿ 130ಕ್ಕೂ ಹೆಚ್ಚು ಕಲಾವಿದರು ಅಭಿನಯಿಸಿದ್ದಾರಂತೆ.

    ಇದು ಇತ್ತೀಚೆಗೆ ಕನ್ನಡದಲ್ಲಿ ಬಂದಿರುವ ಅತಿದೊಡ್ಡ ಫ್ಯಾಮಿಲಿ ಸ್ಟೋರಿ ಎಂದು ಹೇಳಿಕೊಂಡರು ನಿಖಿಲ್. ಇದು ರೀಮೇಕ್ ಅಲ್ಲ, ಅಪ್ಪಟ ನಮ್ಮ ಮಣ್ಣಿನ ಸೊಗಡಿರುವ ಸ್ವಮೇಕ್ ಸಿನಿಮಾ ಎಂದರು ನಿರ್ದೇಶಕ ಹರ್ಷ. ಹೆಚ್ಚೂ ಕಡಿಮೆ 100 ಕಲಾವಿದರು, ತಂತ್ರಜ್ಞರು ಭಾಗವಹಿಸಿದ್ದ ಕಾರ್ಯಕ್ರಮದಲ್ಲಿ ಹರಿದಿದ್ದು ಸಂಭ್ರಮ, ಸಡಗರದ ಹೊಳೆ.

  • ಸೀತಾರಾಮ ಕಲ್ಯಾಣ ಟ್ರೇಲರ್ ಜಬರ್ದಸ್ತ್ ಹಿಟ್

    seetharama kalyana trailer is super hit

    ನಿಖಿಲ್ ಕುಮಾರಸ್ವಾಮಿ-ರಚಿತಾ ರಾಮ್-ಎ.ಹರ್ಷ ಕಾಂಬಿನೇಷನ್ನಿನ ಸಿನಿಮಾದ ಟ್ರೇಲರ್ ರಿಲೀಸ್ ಆಗಿದೆ. ಸಿಎಂ ಕುಮಾರಸ್ವಾಮಿ, ಅನಿತಾ ಕುಮಾರಸ್ವಾಮಿಯವರಿಂದ ಬಿಡುಗಡೆಯಾದ ಟ್ರೇಲರ್, ಆನ್ ಲೈನ್‍ನಲ್ಲಿ ಧೂಳೆಬ್ಬಿಸುತ್ತಿದೆ. ಹೆಚ್ಚೂ ಕಮ್ಮಿ 50 ಲಕ್ಷ ಮಂದಿ ಟ್ರೇಲರ್ ನೋಡಿ ಥ್ರಿಲ್ಲಾಗಿದ್ದಾರೆ.

    ಟ್ರೇಲರ್‍ನಲ್ಲಿ ಮೈನವಿರೇಳಿಸುವ ಸ್ಟಂಟ್ಸ್, ಥ್ರಿಲ್ಲಾಗಿಸುವ ಡೈಲಾಗ್ಸ್, ಯುವ ಪ್ರೇಮಿಗಳ ತುಂಟಾಟ.. ಹೀಗೆ ಎಲ್ಲವನ್ನೂ ಹದವಾಗಿ ಬೆರೆಸಿದ್ದಾರೆ ಹರ್ಷ. ಗಣರಾಜ್ಯೋತ್ಸವಕ್ಕೆ 400ಕ್ಕೂ ಹೆಚ್ಚು ಥಿಯೇಟರುಗಳಲ್ಲಿ ಭರ್ಜರಿಯಾಗಿ ಬಿಡುಗಡೆಯಾಗುತ್ತಿದೆ ಸೀತಾರಾಮ ಕಲ್ಯಾಣ.

  • ಸೀತಾರಾಮ ಕಲ್ಯಾಣ.. ಪೈಸಾ ವಸೂಲ್ ಸಿನಿಮಾ

    seetharama kalyana is family entertainer

    ನಿಖಿಲ್ ಕುಮಾರಸ್ವಾಮಿ ಅಭಿನಯದ 2ನೇ ಸಿನಿಮಾ ಇದೇ ಜನವರಿ 25ಕ್ಕೆ ರಿಲೀಸ್ ಆಗುತ್ತಿದೆ. ಯುವರಾಜ ನಿಖಿಲ್‍ಗೆ ಡಿಂಪಲ್ ರಾಣಿ ರಚಿತಾ ರಾಮ್ ಜೋಡಿ. ಎ.ಹರ್ಷ ನಿರ್ದೇಶನದ ಭಾರಿ ನಿರೀಕ್ಷೆಯ ಸಿನಿಮಾ ಇದು. 

    ಚಿತ್ರದಲ್ಲಿ ಎಲ್ಲವೂ ಇದೆ. ಎಲ್ಲರೂ ಥ್ರಿಲ್ ಆಗುವಂತಹ ಆ್ಯಕ್ಷನ್, ಖುಷಿಯಾಗುವಂತಹ ಲವ್ ಸ್ಟೋರಿ, ಎಮೋಷನ್, ಕಾಮಿಡಿ.. ಹೀಗೆ ಎಲ್ಲವನ್ನೂ ಹದವಾಗಿ ಬೆರೆಸಿರುವ ಫ್ಯಾಮಿಲಿ ಎಂಟರ್‍ಟೈನ್‍ಮೆಂಟ್ ಸಿನಿಮಾ ಎಂಬ ಭರವಸೆ ಕೊಟ್ಟಿದ್ದಾರೆ ಹರ್ಷ.

    ಪ್ರೀತಿ-ಪ್ರೇಮ-ಪ್ರಣಯಕ್ಕೆ ನಿಖಿಲ್-ರಚಿತಾ, ಕಾಮಿಡಿಗೆ ಚಿಕ್ಕಣ್ಣ, ಸಾಧು, ನಯನಾ, ಶಿವರಾಜ್ ಕೆ.ಆರ್.ಪೇಟೆ ಇದ್ದರೆ, ಸಾಹಸ ನಿರ್ದೇಶನ ರಾಮ್-ಲಕ್ಷ್ಮಣ್ ಜೋಡಿಯದ್ದು. ಒಟ್ಟಾರೆ ಮಜಾ ಮೂವಿ ಎನ್ನುತ್ತಿದೆ ಚಿತ್ರತಂಡ.

  • ಸೀತಾರಾಮ ಕಲ್ಯಾಣದ ಸ್ಪೆಷಲ್ ಒಂದಾ.. ಎರಡಾ.. ಅಬ್ಬಬ್ಬಾ..!

    seetharama kalyana has many specializations

    ರಾಜ್ಯಾದ್ಯಂತ 400ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ತೆರೆ ಕಂಡಿರುವ ಸೀತಾರಾಮ ಕಲ್ಯಾಣ ಚಿತ್ರದಲ್ಲಿ ವಿಶೇಷತೆಗಳ ಮೇಲೆ ವಿಶೇಷತೆಗಳಿವೆ. ಅವುಗಳೇನೂ ಒಂದೆರಡಲ್ಲ. ನಿಖಿಲ್ ಕುಮಾರಸ್ವಾಮಿ ಅಭಿನಯದ 2ನೇ ಚಿತ್ರವಿದು. ಜಾಗ್ವಾರ್ ನಂತರ ತೆರೆ ಕಾಣುತ್ತಿರುವ ಸಿನಿಮಾ.

    ಚಿತ್ರಕ್ಕೆ ಲಕ್ಕಿ ಹೀರೋಯಿನ್ ಎಂದೇ ಹೆಸರಾಗಿರೋ ರಚಿತಾ ರಾಮ್ ನಾಯಕಿ. 

    ಚಿತ್ರಕ್ಕೆ ದಕ್ಷಿಣ ಭಾರತದ ಖ್ಯಾತ ಫೈಟ್ ಮಾಸ್ಟರ್‍ಗಳಾದ ರಾಮ್ ಲಕ್ಷ್ಮಣ್ ಸಾಹಸ ನಿರ್ದೇಶನ ಮಾಡಿದ್ದಾರೆ.

    ಶರತ್ ಕುಮಾರ್, ರವಿಶಂಕರ್, ಮಧು, ಭಾಗ್ಯಶ್ರೀ, ಸಂಜಯ್ ಕಪೂರ್, ಆದಿತ್ಯಾ ಮೆನನ್, ಗಿರಿಜಾ ಲೋಕೇಶ್, ಚಿಕ್ಕಣ್ಣ.. ಹೀಗೆ ಕಲಾವಿದರ ದಂಡೇ ಚಿತ್ರದಲ್ಲಿದೆ.

    ಚಿತ್ರದಲ್ಲಿ ನಟಿಸಿರುವ ಒಟ್ಟು ಕಲಾವಿದರ ಸಂಖ್ಯೆ 200ಕ್ಕೂ ಹೆಚ್ಚು.

    ಚಿತ್ರಕ್ಕೆ ಸಂಗೀತ ನೀಡಿರುವುದು ಅನೂಪ್ ರುಬೆನ್ಸ್. ತಮಿಳು, ತೆಲುಗು, ಹಿಂದಿ ಚಿತ್ರಗಳಿಗೆ ಸಂಗೀತ ನೀಡಿರುವ ರುಬೆನ್ಸ್‍ಗೆ ಇದು ಮೊದಲ ಕನ್ನಡ ಸಿನಿಮಾ.

    ಎ. ಹರ್ಷ ನಿರ್ದೇಶನದ ಸಿನಿಮಾ ಪಕ್ಕಾ ಫ್ಯಾಮಿಲಿ ಎಂಟರ್ ಟೈನರ್. 

  • ಸೀತಾರಾಮ ಕಲ್ಯಾಣದಲ್ಲಿ ಇಂಥಾ ಸ್ಪೆಷಲ್ಲುಗಳೂ ಇವೆ..!

    specialties of seetharama kalyana

    ಸೀತಾರಾಮ ಕಲ್ಯಾಣ... ಮುಖ್ಯಮಂತ್ರಿ ಕುಮಾರಸ್ವಾಮಿ, ಅನಿತಾ ಕುಮಾರಸ್ವಾಮಿ ನಿರ್ಮಾಣದ, ನಿಖಿಲ್ ಕುಮಾರಸ್ವಾಮಿ ಅಭಿನಯದ 2ನೇ ಸಿನಿಮಾ. ನಿಖಿಲ್‍ಗೆ ಜೊತೆಯಾಗಿರುವುದು ರಚಿತಾ ರಾಮ್. ನಿರ್ದೇಶಕ ಎ. ಹರ್ಷ. ಹರ್ಷ ಇದುವರೆಗೆ ಮಾಡಿರುವುದೆಲ್ಲ ಮಾಸ್ ಸಿನಿಮಾಗಳೇ. ಕೌಟುಂಬಿಕ ಕಥೆಗಳಿಗೆ ಮಾಸ್ ಟಚ್ ಕೊಟ್ಟು ಕಥೆ ಹೇಳುವ ಶೈಲಿ ಹರ್ಷಗೆ ಕರತಲಾಮಲಕ. ಇಷ್ಟೆಲ್ಲ ಇದ್ದರೂ ಈ ಚಿತ್ರದಲ್ಲಿ ಇದಕ್ಕೆ ತದ್ವಿರುದ್ಧವಾದ ವಿಶೇಷಗಳಿವೆ.

    ಡ್ಯುಯೆಟ್ ಸಾಂಗ್ ಇಲ್ಲ - ಚಿತ್ರದ ಹಾಡುಗಳು ಹೃದಯ ತಟ್ಟುವಂತಿವೆ. ಪ್ರೇಮಗೀತೆಗಳಿವೆ. ಆದರೆ, ಚಿತ್ರದಲ್ಲಿ ಡ್ಯುಯೆಟ್ ಸಾಂಗ್ ಇಲ್ವಂತೆ..!

    ಕನಸಿನ ಹಾಡೂ ಇಲ್ಲ - ಹೀರೋ.. ಹೀರೋಯಿನ್ ಎಲ್ಲೋ ಇರ್ತಾರೆ. ಹಾಡು ಬರುತ್ತೆ. ಅವರು ಇನ್ನೆಲ್ಲೋ ಹೋಗ್ತಾರೆ.. ಮತ್ತೆಲ್ಲೋ ಹಾಡಿ ಕುಣಿಯುತ್ತಾರೆ. ಅದರೆ, ಈ ಚಿತ್ರದಲ್ಲಿ ಅಂತಹ ಕನಸಿನ ಹಾಡೂ ಇಲ್ಲ. ಅದಕ್ಕೆ ಕಾರಣ ಇಷ್ಟೆ. ಚಿತ್ರದಲ್ಲಿನ ಪ್ರತಿಯೊಂದರಲ್ಲೂ ಲೋಕಲ್ ಟೇಸ್ಟ್ ಇರಬೇಕು ಅನ್ನೋದು.

    ಹಾಡುಗಳೆಲ್ಲ ಮೇಲ್ ವರ್ಷನ್ ಹಾಡುಗಳು - ಅದು ಇನ್ನೊಂದು ಸ್ಪೆಷಲ್. ಫಿಮೇಲ್ ಧ್ವನಿ ಇಲ್ವೇ ಇಲ್ಲ. ಅರರೇ.. ಏನಿದು ಅಂದ್ರೆ.. ನಿರ್ದೇಶಕ ಹರ್ಷ.. ಸ್ಕ್ರಿಪ್ಟ್ ಇರೋದೇ ಹಾಗೆ ಅಂತಾರೆ. 

    ಒಟ್ಟಿನಲ್ಲಿ ಹಾಡು, ನೃತ್ಯಗಳ ಬಗ್ಗೆ ಭಾರಿ ಕೇರ್‍ಫುಲ್ ಆಗಿರುವ ಕೊರಿಯೋಗ್ರಾಫರ್ ಕೂಡಾ ಆಗಿದ್ದ ಹರ್ಷ, ಈ ಚಿತ್ರದಲ್ಲಿ ಬೇರೆಯದ್ದೇ ಟಚ್ ಕೊಟ್ಟಿದ್ದಾರೆ. ಸಿನಿಮಾ ಜನವರಿ 25ಕ್ಕೆ ರಿಲೀಸ್ ಆಗಲಿದೆ.

     

  • ಸುಹಾಸಿನಿ ಮೆಚ್ಚಿದ ರಚಿತಾ ರಾಮ್

    suhasini praises rachita's ayushmanbhava performance

    ಆಯುಷ್ಮಾನ್ ಭವ ಚಿತ್ರದಲ್ಲಿ ರಚಿತಾ ರಾಮ್ ಅವರ ಅಭಿನಯಕ್ಕೆ ಎಲ್ಲೆಡೆಯಿಂದ ಪ್ರಶಂಸೆ ವ್ಯಕ್ತವಾಗುತ್ತಿದೆ. ಮೊದಲಿಗೆ ಶಿವರಾಜ್ ಕುಮಾರ್ ಮೆಚ್ಚುಗೆ ಸ್ವೀಕರಿಸಿದ್ದ ರಚಿತಾಗೆ ಪ್ರಿಯಾಂಕಾ ಉಪೇಂದ್ರ ಕೂಡಾ ಬೆನ್ನುತಟ್ಟಿದ್ದರು. ಈಗ ದಕ್ಷಿಣ ಭಾರತದ ಖ್ಯಾತ ತಾರೆ ಸುಹಾಸಿನಿ ಸರದಿ.

    ರಚಿತಾ ರಾಮ್ ಅಭಿನಯ ನೋಡಿ ಮೆಚ್ಚಿರುವ ಸುಹಾಸಿನಿ, ನೀನು ತಮಿಳಿನಲ್ಲೂ ಆಕ್ಟ್ ಮಾಡಬೇಕು ಎಂದು ಆಹ್ವಾನಿಸಿದ್ದಾರೆ. ಈಗಲೇ ನಿನಗೆ ಎಷ್ಟೆಷ್ಟು ಒಳ್ಳೊಳ್ಳೆ ಪಾತ್ರ ಸಿಗುತ್ತಿವೆ ಎಂದು ಖುಷಿಗೊಂಡಿದ್ದರAತೆ ಸುಹಾಸಿನಿ. ರಚಿತಾ ರಾಮ್‌ಗೆ ಈಗ ಸ್ವರ್ಗಕ್ಕೆ ಮೂರೇ ಗೇಣು.

  • ಸುಳ್ಳೆಲ್ಲ ನಂಬಬೇಡಿ - ರಚಿತಾ ರಾಮ್

    rachitha ram clarifies about rumors

    ಸುಳ್ಳುಗಳನ್ನೆಲ್ಲ ನಂಬಬೇಡಿ, ಸತ್ಯ ನಾನೇ ಹೇಳ್ತೀನಿ ಅಂದಿರೋದು ಡಿಂಪಲ್ ಕ್ವೀನ್ ರಚಿತಾ ರಾಮ್. ಅವರು ಹಾಗೆ ಹೇಳೋಕೆ ಕಾರಣವಾಗಿದ್ದು ಅವರು ಮದುವೆಯಾಗ್ತಾರಂತೆ, ಆಗಲೇ ಒಬ್ಬ ಹುಡುಗನ ಜೊತೆ ಲವ್ ಆಗಿದೆಯಂತೆ, ರಚಿತಾ ಅವರ ಜೊತೆ ನಟಿಸಿರುವ ಹೀರೋ ಒಬ್ಬರನ್ನು ರಚಿತಾ ಪ್ರೀತಿಸುತ್ತಿದ್ದಾರಂತೆ, ರಾಜಕಾರಣಿಯೊಬ್ಬರನನ್ನು ಮದುವೆಯಾಗಲಿದ್ದಾರಂತೆ.. ಎಂದು ಹಬ್ಬಿರುವ ಗಾಸಿಪ್‍ಗಳು.

    ಈ ಕುರಿತು ಸ್ಪಷ್ಟವಾಗಿ ಹೇಳಿರುವ ರಚಿತಾ ರಾಮ್, ಯಾರು ಯಾರೋ ಹೇಳಿದ್ದ ಸುಳ್ಳುಗಳನ್ನೆಲ್ಲ ನಂಬಬೇಡಿ. ಮದುವೆಯಾಗುವಾಗ ಹೇಳಿಯೇ ಮದುವೆ ಆಗುತ್ತೇನೆ. ಕದ್ದುಮುಚ್ಚಿಯಂತೂ ಮದುವೆ ಆಗಲ್ಲ. ಸದ್ಯಕ್ಕೆ ನಾನಿನ್ನೂ ಸಿಂಗಲ್. ಸದ್ಯಕ್ಕೆ ನನ್ನ ಗಮನ ಎಲ್ಲ ಸಿನಿಮಾಗಳ ಮೇಲೆ ಎಂದಿದ್ದಾರೆ ರಚಿತಾ ರಾಮ್.

  • ಸೆಕೆಂಡ್ ಶೋನ ಟೈಮಲ್ಲಿ ನಟಸಾರ್ವಭೌಮ ಫಸ್ಟ್ ಶೋ

    natasarvabhouma released last night itself

    ನಟಸಾರ್ವಭೌಮ ಸಿನಿಮಾ, ನಿನ್ನೆ ರಾತ್ರಿಯೇ ರಿಲೀಸ್ ಆಗಿಬಿಟ್ಟಿದೆ. ಹೌದು, 7ನೇ ತಾರೀಕು ಅಂದರೆ ಇವತ್ತು ರಿಲೀಸ್ ಆಗಬೇಕಿದ್ದ ಸಿನಿಮಾವನ್ನು 6ನೇ ತಾರೀಕು ಪ್ರದರ್ಶನವಾಗುವಂತೆ ಮಾಡಿರೋದು ಅಪ್ಪು ಫ್ಯಾನ್ಸ್.

    ದೇವರು ಭಕ್ತರ ಎದುರು ಶರಣಾಗುವಂತೆ ಅಪ್ಪು ಅಭಿಮಾನಿಗಳ ಎದುರು ರಾಕ್‍ಲೈನ್ ಶರಣಾಗಿದ್ದಾರೆ. ಹೀಗಾಗಿ ರಾತ್ರಿ 10.30ಕ್ಕೆ ಪ್ರಸನ್ನ ಥಿಯೇಟರ್‍ನಲ್ಲಿ ಮೊದಲ ಶೋ ಪ್ರದರ್ಶನಗೊಂಡಿದೆ. 

    ಇನ್ನು ಶ್ರೀನಿವಾಸ, ಊರ್ವಶಿ ಹಾಗೂ ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಮಧ್ಯರಾತ್ರಿಯೇ ನಟಸಾರ್ವಭೌಮನಿಗೆ ಉಘೇ ಉಘೇ ಎಂದಿದ್ದಾರೆ ಪ್ರೇಕ್ಷಕರು. ಅಪ್ಪು ಜೊತೆ ರಚಿತಾ ರಾಮ್, ಅನುಪಮಾ ಜೋಡಿ ಮೋಡಿಯನ್ನೇ ಮಾಡುತ್ತಿದೆ. ಪವನ್ ಒಡೆಯರ್ ಮತ್ತೊಮ್ಮೆ ಗೆದ್ದಿದ್ದಾರೆ.

  • ಸ್ಸಾರಿ ಪಪ್ಪಾ.. ಇನ್ಮುಂದೆ ತಪ್ಪು ಮಾಡಲ್ಲ - ಕಣ್ಣೀರಿಟ್ಟ ರಚಿತಾ ರಾಮ್

    rachita ram cries over her role in i love you

    ಡಿಂಪಲ್ ಕ್ವೀನ್ ರಚಿತಾ ರಾಮ್ ಕಣ್ಣೀರಿಟ್ಟಿದ್ದಾರೆ. ಅದೂ ಮಾಧ್ಯಮವೊಂದರ ಸಂದರ್ಶನದಲ್ಲಿ. ಸದಾ ನಗುವಿಗೆ ಹೆಸರಾದ ಡಿಂಪಲ್ ಕ್ವೀನ್ ಅಪ್ಪನ ಕ್ಷಮೆ ಕೇಳಿ ಕಣ್ಣೀರಿಟ್ಟಿದ್ದಾರೆ. ಅವರ ಕಣ್ಣೀರಿಗೆ ಕಾರಣ ಐ ಲವ್ ಯೂ ಸಿನಿಮಾ ಹಾಗೂ ಆ ಬೋಲ್ಡ್ ದೃಶ್ಯಗಳು.

    ರಚಿತಾ ಅವರ ತಾಯಿ, ಅಕ್ಕ ಸಿನಿಮಾ ನೋಡಿ ಮೆಚ್ಚಿಕೊಂಡರೂ ರಚಿತಾ ಅವರ ತಂದೆ ಸಿನಿಮಾ ನೋಡಿಲ್ಲವಂತೆ. ಅದಕ್ಕೆ ಕಾರಣ ಇಷ್ಟೆ, ರಚಿತಾ ರಾಮ್‍ನನ್ನು ಹೀರೋಯಿನ್ ಆಗಿ ಹಾಗೆ ನೋಡಬಹುದೇನೋ.. ಆದರೆ, ಒಬ್ಬ ತಂದೆಯಾಗಿ ಹಾಗೆ ನೋಡಲು ಸಾಧ್ಯವಿಲ್ಲ ಎಂದಿದ್ದಾರಂತೆ ರಚಿತಾ ಅವರ ತಂದೆ. ಇನ್ನು ಮುಂದೆ ಹಾಗೆ ಮಾಡಲ್ಲ ಎಂದಿರುವ ರಚಿತಾ ರಾಮ್‍ಗೆ, ಅಪ್ಪ ಒಂದು ಮಾತು ಹೇಳಿದ್ರಂತೆ.

    ನೀನು ಸಿನಿಮಾ ಇಂಡಸ್ಟ್ರಿಗೆ ರಚಿತಾ ರಾಮ್ ಇರಬಹುದು. ನನಗೆ ಪುಟ್ಟ ಮಗು ಎಂದರಂತೆ. ಅದನ್ನು ನೆನಪಿಸಿಕೊಂಡು ಕಣ್ಣೀರಿಟ್ಟು ಕ್ಷಮೆ ಕೇಳಿದ್ದಾರೆ ರಚಿತಾ ರಾಮ್.

    ಇದೆಲ್ಲದರ ನಡುವೆಯೂ ಐ ಲವ್ ಯೂ ಸಿನಿಮಾ ಬಾಕ್ಸಾಫೀಸ್‍ನಲ್ಲಿ ಭರ್ಜರಿ ಸದ್ದು ಮಾಡುತ್ತಿದ್ದು, ಸೂಪರ್ ಹಿಟ್ ಸಾಲಿಗೆ ಸೇರಿದೆ.

  • ಹೀರೋ ಪ್ರೊಡ್ಯೂಸರ್ ಆಮೇಲೆ ಸರಿ ಹೋಗ್ತಾರೆ : ರಚಿತಾ ರಾಮ್

    ಹೀರೋ ಪ್ರೊಡ್ಯೂಸರ್ ಆಮೇಲೆ ಸರಿ ಹೋಗ್ತಾರೆ : ರಚಿತಾ ರಾಮ್

    ಲವ್ ಯೂ ರಚ್ಚು ಸಿನಿಮಾ ರಿಲೀಸ್ ಹತ್ತಿರವಾಗುತ್ತಿದೆ. ಮುಂದಿನ ವಾರ ರಿಲೀಸ್ ಆಗ್ತಿರೋ ಚಿತ್ರದ ನಿರ್ಮಾಪಕ ಗುರು ದೇಶಪಾಂಡೆ ಮತ್ತು ನಾಯಕ ನಟ ಅಜಯ್ ರಾವ್ ಮಧ್ಯೆ ಮನಸ್ತಾಪ ಶುರುವಾಗಿದೆ. ಯಾವ ವಿಷಯಕ್ಕೆ ಅನ್ನೋದನ್ನ ಇಬ್ಬರೂ ಹೇಳ್ತಿಲ್ಲ. ಮನಸ್ತಾಪ ಇರೋದು ನಿಜ. ಪ್ರೊಡ್ಯೂಸರ್ ಮತ್ತು ಚಿತ್ರತಂಡದ ಜೊತೆ ನನಗೆ ಇಷ್ಟ ಇಲ್ಲ, ನಾನೇ ಸಿಂಗಲ್ ಆಗಿ ಪ್ರಚಾರ ಮಾಡ್ತೀನಿ ಅಂದಿರೋದು ಅಜಯ್ ರಾವ್. ಕುಳಿತು ಮಾತನಾಡಿದರೆ ಸರಿ ಹೋಗುತ್ತೆ. ಆದರೆ ಅಜಯ್ ರಾವ್ ಬರ್ತಿಲ್ಲ ಅನ್ನೋದು ಗುರು ದೇಶಪಾಂಡೆ ವಾದ. ಯಾರ ವಾದ ಸರಿ ಅಂದ್ರೆ ರಚ್ಚು ಹೇಳೊದೇ ಬೇರೆ.

    ನಾನು ಇಬ್ಬರಲ್ಲಿ ಯಾರ ಪರವೂ ಇಲ್ಲ. ಅವರ ಮಾತು ಕೇಳಿದರೆ ಅವರು ಸರಿ ಅನ್ನಿಸುತ್ತೆ. ಇವರ ಮಾತು ಕೇಳಿದರೆ ಇವರ ಮಾತು ಸರಿ ಅನ್ನಿಸುತ್ತೆ. ಇಬ್ಬರ ಜಗಳದಲ್ಲಿ 3ನೇಯವರು ಎಂಟ್ರಿಯಾಗೋದೇ ತಪ್ಪು. ಅದು ಸರಿ ಹೋಗುತ್ತೆ. ಸ್ವಲ್ಪ ಟೈಂ ಬೇಕಾಗುತ್ತೆ. ಅವರಿಬ್ಬರ ಜಗಳಕ್ಕೆ ಪರ್ಸನಲ್ ರೀಸನಲ್ ಇಲ್ಲ. ಸಿನಿಮಾನೇ ಕಾರಣ. ಸಿನಿಮಾ ಸಕ್ಸಸ್ ಆದರೆ ಇಬ್ಬರೂ ಸರಿ ಹೋಗ್ತಾರೆ ಅನ್ನೋದು ರಚಿತಾ ರಾಮ್ ಮಾತು.

  • ಹೀರೋ..ಹೀರೋಯಿನ್ ಬಿಡಿ. ಸಿನಿಮಾ ಚೆನ್ನಾಗಿದೆ : ರಚ್ಚು ನಿರ್ಮಾಪಕ ಗುರು ದೇಶಪಾಂಡೆ

    ಹೀರೋ..ಹೀರೋಯಿನ್ ಬಿಡಿ. ಸಿನಿಮಾ ಚೆನ್ನಾಗಿದೆ : ರಚ್ಚು ನಿರ್ಮಾಪಕ ಗುರು ದೇಶಪಾಂಡೆ

    ಲವ್ ಯೂ ರಚ್ಚು ರಿಲೀಸ್ ಆಗಿದೆ. ಪ್ರೇಕ್ಷಕರಿಗೆ ಇಷ್ಟವಾಗಿರೋದು ಚಿತ್ರದ ಕಥೆ. ರೊಮ್ಯಾಂಟಿಕ್ ಥ್ರಿಲ್ಲರ್ ಜಾನರ್‍ನ ಕಥೆ ಕಡೆಯ ಕ್ಷಣದವರೆಗೂ ಥ್ರಿಲ್ಲಿಂಗ್ ಕೊಟ್ಟಿದೆ. ಎಲ್ಲಿಯೂ ನಿಲ್ಲದೆ ಕ್ಷಣ ಕ್ಷಣವೂ ವೇಗವಾಗಿ ಓಡುತ್ತಲೇ ಹೋಗುವ ಲವ್ ಯೂ ರಚ್ಚು ಆರಂಭದಿಂದ ಒಂದಿಷ್ಟು ವಿವಾದಕ್ಕೆ ಸಿಲುಕಿತ್ತು. ಸಿನಿಮಾ ರಿಲೀಸ್ ಆದ ದಿನವೂ ಅದು ಬಿಡಲಿಲ್ಲ. ಪ್ರೇಕ್ಷರ ರೆಸ್ಪಾನ್ಸ್ ತಿಳಿಯಲು ಥಿಯೇಟರಿಗೆ ಬಂದ ಚಿತ್ರತಂಡದ ಜೊತೆ ನಾಯಕ ಅಜಯ್ ರಾವ್ ಅವರಾಗಲೀ, ನಾಯಕಿ ರಚಿತಾ ರಾಮ್ ಅವರಾಗಲಿ ಇರಲಿಲ್ಲ.

    ಅವರ ಬಗ್ಗೆಯೇ ಎಷ್ಟು ಕೇಳ್ತೀರಿ. ಚಿತ್ರ ತಂಡದವರೆಲ್ಲ ಇಲ್ಲೇ ಇದ್ದಾರೆ. ನಿರ್ಮಾಪಕನಾದ ನಾನು, ನಿರ್ದೇಶಕರು, ಆರುಗೌಡ, ಸಂಗೀತ ನಿರ್ದೇಶಕರು.. ಎಲ್ಲರೂ ಇದ್ದಾರೆ. ನಾನು ಒಳ್ಳೆಯದು ಮಾಡಿದ್ದೇನೆ. ಒಳ್ಳೆಯದೇ ಆಗುತ್ತೆ ಎಂದಿದ್ದಾರೆ ನಿರ್ಮಾಪಕ ಗುರು ದೇಶಪಾಂಡೆ.

  • ಹುಬ್ಬಳ್ಳಿಯಲ್ಲಿಂದು ನಟಸಾರ್ವಭೌಮ ಬರೋದು ಗ್ಯಾರಂಟಿ

    puneeth at natasarvabhouma audio launch in hubbali

    ಐಟಿ ದಾಳಿ ಹಿನ್ನೆಲೆಯಲ್ಲಿ ಪುನೀತ್ ರಾಜ್‍ಕುಮಾರ್, ರಾಕ್‍ಲೈನ್ ವೆಂಕಟೇಶ್, ಹುಬ್ಬಳ್ಳಿಗೆ ಬರುತ್ತಾರೋ ಇಲ್ಲವೋ.. ನಟಸಾರ್ವಭೌಮ ಆಡಿಯೋ ರಿಲೀಸ್ ಆಗುತ್ತೋ.. ಇಲ್ಲವೋ ಎಂಬ ಎಲ್ಲ ಗೊಂದಲಗಳಿಗೆ ಈಗ ತೆರೆ ಬಿದ್ದಿದೆ. ಪುನೀತ್ ರಾಜ್‍ಕುಮಾರ್ ಮನೆಯಲ್ಲಿ ಗುರುವಾರ ಬೆಳಗ್ಗೆ ಶುರುವಾದ ಐಟಿ ತನಿಖೆ, ಶುಕ್ರವಾರ ರಾತ್ರಿ ಮುಗಿದಿದೆ. ಎಲ್ಲ ತನಿಖೆ, ವಿಚಾರಣೆ ಮುಗಿದ ಮೇಲೆ ಮಾಧ್ಯಮಗಳೊಂದಿಗೆ ಮಾತನಾಡಿರುವ ಪುನೀತ್ ರಾಜ್‍ಕುಮಾರ್, ತನಿಖೆಗೆ ಎಲ್ಲ ಸಹಕಾರ ನೀಡಿದ್ದೇವೆ. ಅವರ ಕರ್ತವ್ಯ ಅವರು ಮಾಡಿದ್ದಾರೆ ಎಂದಿದ್ದಾರೆ.

    ಇಂದು ಹುಬ್ಬಳ್ಳಿಯಲ್ಲಿ ನಡೆಯಲಿರುವ ನಟಸಾರ್ವಭೌಮ ಆಡಿಯೋ ರಿಲೀಸ್ ಕಾರ್ಯಕ್ರಮಕ್ಕೆ ಹೋಗುವುದಾಗಿಯೂ ಹೇಳಿದ್ದಾರೆ. ಇಂದಿನ ಕಾರ್ಯಕ್ರಮದಲ್ಲಿ ಪುನೀತ್ ಜೊತೆ ಯುವರಾಜ್ ಕುಮಾರ್ ಕೂಡಾ ಸ್ಟೆಪ್ ಹಾಕಲಿದ್ದಾರೆ. ಪವನ್ ಒಡೆಯರ್ ಈಗಾಗಲೇ ತಮ್ಮ ದೊಡ್ಡ ತಂಡದ ಜೊತೆ ಹುಬ್ಬಳ್ಳಿ ತಲುಪಿದ್ದಾರೆ. ರಾಕ್‍ಲೈನ್ ವೆಂಕಟೇಶ್ ಮನೆಯಲ್ಲಿ ಐಟಿ ವಿಚಾರಣೆ ಮುಂದುವರಿದಿರುವ ಹಿನ್ನೆಲೆಯಲ್ಲಿ ಅವರು ಬರುವ ಸಾಧ್ಯತೆ ಇನ್ನೂ ಅನುಮಾನ.

  • ಹ್ಯಾಟ್ರಿಕ್ ಹೀರೋಗೆ ಬುಲ್‍ಬುಲ್ ಜೋಡಿ

    rachita ram in shivanna's next

    ಆರಂಭದಿಂದಲೂ ಸ್ಟಾರ್ ಚಿತ್ರಗಳಿಗೇ ಹೀರೋಯಿನ್ ಆಗುತ್ತಾ ಬಂದಿರೋ ರಚಿತಾ ರಾಮ್, ಈಗ ಕನ್ನಡದ ಸೆಂಚುರಿ ಸ್ಟಾರ್‍ಗೂ ಹೀರೋಯಿನ್ ಆಗುತ್ತಿದ್ದಾರೆ. ದ್ವಾರಕೀಶ್ ಬ್ಯಾನರ್‍ನಲ್ಲಿ ಇದೇ ಮೊದಲ ಬಾರಿಗೆ ನಟಿಸುತ್ತಿರುವ ಶಿವರಾಜ್‍ಕುಮಾರ್‍ಗೆ ರಚಿತಾ ರಾಮ್ ನಾಯಕಿ. ಆಪ್ತಮಿತ್ರ, ಆಪ್ತರಕ್ಷಕ, ದೃಶ್ಯಂ, ಶಿವಲಿಂಗ ಖ್ಯಾತಿಯ ಪಿ.ವಾಸು ನಿರ್ದೇಶನದ ಚಿತ್ರಕ್ಕೆ ಇನ್ನೂ ಹೆಸರಿಟ್ಟಿಲ್ಲ.

    ಶಿವರಾಜ್‍ಕುಮಾರ್ ಜೊತೆ ರಿಯಾಲಿಟಿ ಶೋದಲ್ಲಿ ಭಾಗವಹಿಸಿದ್ದಾಗ ಅವರ ವ್ಯಕ್ತಿತ್ವ ಅರ್ಥವಾಯಿತು. ಇವರ ಜೊತೆಗೆ ನಟಿಸಲೇಬೇಕು ಎಂದು ನಿರ್ಧರಿಸಿದೆ. ಅದಾದ ಕೆಲವೇ ದಿನಗಳಲ್ಲಿ ರುಸ್ತುಂ ಚಿತ್ರದಲ್ಲಿ ಅವಕಾಶ ಬಂತು. ಈಗ.. ಪಿ.ವಾಸು ನಿರ್ದೇಶನದ ಚಿತ್ರದಲ್ಲಿ ಅವರಿಗೇ ಜೋಡಿಯಾಗಿ ನಟಿಸುತ್ತಿದ್ದೇನೆ. ಹೀಗಾಗಿ ಇದೊಂದು ಸ್ಪೆಷಲ್ ಸಿನಿಮಾ ಎಂದಿದ್ದಾರೆ ರಚಿತಾ ರಾಮ್.

    ವಾಸು ಅವರು ರಚಿತಾ ಅವರಿಗೆ ಚಿತ್ರದ ಕಥೆ ಮತ್ತು ಪಾತ್ರದ ಬಗ್ಗೆ ಹೇಳಿದಾಗ ರಚಿತಾ ಪಾತ್ರದೊಳಗೇ ಜಾರಿಬಿಟ್ಟರಂತೆ. ಮನೆಗೆ ಬಂದು ಎರಡು ಗಂಟೆಯಾದರೂ ಆ ಕಥೆ ಮತ್ತು ಪಾತ್ರದ ಗುಂಗಿನಿಂದ ಹೊರಬರೋಕೆ ಸಾಧ್ಯವಾಗಿರಲಿಲ್ಲ ಅನ್ನೋ ಮೂಲಕ ಚಿತ್ರದ ಕುರಿತು ಇನ್ನಷ್ಟು ನಿರೀಕ್ಷೆ ಹೆಚ್ಚಿಸಿದ್ದಾರೆ ರಚಿತಾ ರಾಮ್.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery