` rachita ram - chitraloka.com | Kannada Movie News, Reviews | Image

rachita ram

  • ಲಕ್ಷಾಂತರ ಜನರ ಎದುರು ಸೀತಾ ರಾಮ ಕಲ್ಯಾಣ

    seetharama kalyana teaser today

    ಸೀತಾರಾಮ ಕಲ್ಯಾಣ. ನಿಖಿಲ್ ಕುಮಾರಸ್ವಾಮಿ ಹಾಗೂ ರಚಿತಾ ರಾಮ್ ಅಭಿನಯದ ಹರ್ಷ ನಿರ್ದೇಶನದ ಸಿನಿಮಾ. ಹರ್ಷ ಚಿತ್ರಗಳು ಸತತವಾಗಿ ಗೆದ್ದಿರೋ ಕಾರಣ, ಈ ಚಿತ್ರದ ಮೇಲೂ ಕುತೂಹಲ ಸಹಜ. ಜೊತೆಗೆ ಕುಮಾರಸ್ವಾಮಿ ಸಿಎಂ ಆದ ಮೇಲೆ ರಿಲೀಸ್ ಆಗುತ್ತಿರುವ ನಿಖಿಲ್ ಅಭಿಯನದ ಮೊದಲ ಸಿನಿಮಾ. ಇವತ್ತು, ಸೀತಾ ರಾಮ ಕಲ್ಯಾಣದ ಟೀಸರ್ ರಿಲೀಸ್ ಆಗುತ್ತಿದೆ.

    ರಾಮನಗರದಲ್ಲಿಯೇ ಟೀಸರ್ ರಿಲೀಸ್ ಮಾಡೋಕೆ ರಾಜಕೀಯ ಕಾರಣವೂ ಇದೆ. ರಾಮನಗರ ಕುಮಾರಸ್ವಾಮಿಯವರ ರಾಜಕೀಯ ತವರು. ರಾಮನಗರದ ಜ್ಯೂ.ಕಾಲೇಜು ಮೈದಾನದಲ್ಲಿ ಸಂಜೆ 7 ಗಂಟೆಗೆ ಟೀಸರ್ ಬಿಡುಗಡೆಯಾಗುತ್ತಿದೆ. ಟೀಸರ್ ರಿಲೀಸ್ ಮಾಡುತ್ತಿರುವುದು ಸ್ವತಃ ಮುಖ್ಯಮಂತ್ರಿ ಕುಮಾರಸ್ವಾಮಿ. 

    ಅದೂ ಲಕ್ಷಾಂತರ ಜನರ ಸಮ್ಮುಖದಲ್ಲಿ ಟೀಸರ್ ಬಿಡುಗಡೆಯಾಗುತ್ತಿದೆ. ಇಡೀ ಚಿತ್ರತಂಡ ಹಾಜರ್ ಇರುತ್ತದೆ. ಜೊತೆಗೆ ಭರಪೂರ ಮನರಂಜನೆಯೂ ಇರುತ್ತೆ.

  • ಲವ್ ಕಲ್ಯಾಣದಲ್ಲಿ ವೈರಲ್ ಆಗಿದ್ದು ಅಣ್ಣ-ತಂಗಿ ಡೈಲಾಗು..!

    seetharama kalyana auto dialogue goes viral

    ಸೀತಾರಾಮ ಕಲ್ಯಾಣ ಚಿತ್ರದಲ್ಲಿ ಮುದ್ದು ಮುದ್ದು ಜೋಡಿಯಿದೆ. ನಿಖಿಲ್ ಮತ್ತು ರಚಿತಾ ರಾಮ್ ಜೊತೆಯಾಗಿ ನಟಿಸಿರುವ ಸಿನಿಮಾ, ಲವ್ ಸ್ಟೋರಿ. ಆ ಚಿತ್ರದಲ್ಲೇ ಅವರೇ ಪ್ರೇಮಿಗಳು ಅನ್ನೋದನ್ನು ಬಿಡಿಸಿ ಹೇಳಬೇಕಿಲ್ಲ. 

    ಆದರೂ ಚಿತ್ರದ ಟ್ರೇಲರ್‍ನಲ್ಲಿ ಬರೋ ಒಂದು ಡೈಲಾಗು ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಆಟೋದಲ್ಲಿ ಕುಳಿತು, ಆಟೋಡ್ರೈವರ್‍ಗೆ ರಚಿತಾ ರಾಮ್ ಹೇಳೋ ಡೈಲಾಗ್ ಅದು. ``ಲವರ್ಸಾ.. ಯಾಕೆ.. ನಿಮ್ ಕಣ್ಣಿಗೆ ನಾವಿಬ್ರೂ ಅಣ್ಣ ತಂಗಿ ಥರಾ ಕಾಣಿಸ್ತಿಲ್ವಾ..' ಅಂತಾ ಹೇಳೋ ಡೈಲಾಗ್ ಅದು.

    ಎ.ಹರ್ಷ, ತಮ್ಮ ಚಿತ್ರದಲ್ಲಿ ಇಂಥಾದ್ದೊಂದು ಸಣ್ಣ ನಗೆ ಉಕ್ಕಿಸೋದ್ರಲ್ಲಿ ಫೇಮಸ್. 

  • ಲವ್ ಯೂ ಎನ್ನಲಾ.. ಕಲ್ಯಾಣ ಎನ್ನಲಾ.. ರಚಿತಾ ರಾಮ್ ಗೊಂದಲ

    one day two events

    ಎರಡು ದೊಡ್ಡ ಸಿನಿಮಾಗಳು. ಎರಡೂ ಚಿತ್ರಗಳ ಮೇಲೆ ಭರ್ಜರಿ ನಿರೀಕ್ಷೆ. ಎಲ್ಲಿ ಹೋಗೋದು.. ಏನ್ ಮಾಡೋದು.. ಸಂಪೂರ್ಣ ಗೊಂದಲದಲ್ಲಿರೋದು ಡಿಂಪಲ್ ಚೆಲುವೆ ರಚಿತಾ ರಾಮ್. ಅವರಿಗೆ ಈಗ ಜನವರಿ 19ರ ಟೆನ್ಷನ್.

    ಜನವರಿ 19ಕ್ಕೆ ಮೈಸೂರಿನಲ್ಲಿ ಸೀತಾರಾಮ ಕಲ್ಯಾಣ ಚಿತ್ರದ ಟ್ರೇಲರ್ ಬಿಡುಗಡೆ ಮತ್ತು ಪ್ರಿ-ರಿಲೀಸ್ ಈವೆಂಟ್ ಇದೆ. ಜನವರಿ 25ಕ್ಕೇ ರಿಲೀಸ್ ಆಗುತ್ತಿರುವ ಚಿತ್ರವದು. ನಿಖಿಲ್ ಕುಮಾರಸ್ವಾಮಿ ಜೊತೆ ನಟಿಸಿರುವ ಚಿತ್ರ. ಸಿಎಂ ಕುಮಾರಸ್ವಾಮಿ ಬ್ಯಾನರ್‍ನ ಸಿನಿಮಾ. ಎ. ಹರ್ಷ ನಿರ್ದೇಶನದ ಸಿನಿಮಾ. 

    ಅದೇ ದಿನ.. ಇತ್ತ ದಾವಣಗೆರೆಯಲ್ಲಿ ಐ ಲವ್ ಯೂ ಸಿನಿಮಾದ ಆಡಿಯೋ ಬಿಡುಗಡೆ. ಕನ್ನಡ ಮತ್ತು ತೆಲುಗು ಚಿತ್ರರಂಗದ ಸ್ಟಾರ್‍ಗಳು ಆ ದಿನ ದಾವಣಗೆರೆಯಲ್ಲಿರುತ್ತಾರೆ. ರಾಜಮೌಳಿ ಸೇರಿದಂತೆ.. ಉಪೇಂದ್ರ ಹೀರೋ. ಆರ್.ಚಂದ್ರು ನಿರ್ದೇಶಕ. ಕನ್ನಡ ಮತ್ತು ತೆಲುಗು ಎರಡೂ ಭಾಷೆಗಳಲ್ಲಿ ಪ್ರೇಮಿಗಳ ದಿನಕ್ಕೆ ರಿಲೀಸ್ ಆಗುತ್ತಿರುವ ಚಿತ್ರ. 

    ಈಗ.. ರಚಿತಾ ರಾಮ್ ಕನ್‍ಫ್ಯೂಸ್ ಇದೇ. ಮೈಸೂರಿಗೆ ಹೋಗೋದೊ.. ದಾವಣಗೆರೆಗೆ ಹೋಗೋದೋ.. 

  • ಲವ್ ಲೆಕ್ಚರರ್ ಉಪೇಂದ್ರ

    love lecturer upendra

    ಐ ಲವ್ ಯೂ ಚಿತ್ರದ ಮೂಲಕ ಉಪೇಂದ್ರ ಲೆಕ್ಚರರ್ ಆಗಿದ್ದಾರೆ. ಚಿತ್ರದಲ್ಲಿ ಡಬಲ್ ಶೇಡ್‍ನಲ್ಲಿ ಕಾಣಿಸಿಕೊಳ್ತಿರೋ ಉಪ್ಪಿ, ಕಾಲೇಜು ಹುಡುಗ ಹುಡುಗಿಯರಿಗೆ ಲವ್ ಪಾಠ ಹೇಳಲಿದ್ದಾರೆ. ಐ ಲವ್ ಯೂ ಹೇಳೋದು ಹೇಗೆ ಅನ್ನೋದನ್ನ ಕಲಿಸಿಕೊಡ್ತಾರಂತೆ ಉಪೇಂದ್ರ.

    ಎ ಚಿತ್ರದಲ್ಲಿ ಪ್ರೀತಿ ಪ್ರೇಮ ಎಲ್ಲ ಪುಸ್ತಕದ ಬದನೆಕಾಯ್ ಎಂದಿದ್ದ ಉಪೇಂದ್ರ, ಉಪೇಂದ್ರ ಚಿತ್ರದಲ್ಲಿ ದುಡ್ಡಿದ್ರೆ ಲವ್ ಎಂದಿದ್ದರು. ಪ್ರೀತ್ಸೆಯಲ್ಲಿ ಪಾಗಲ್ ಪ್ರೇಮಿಯಾಗಿದ್ದರು. ಆದರೆ, ಇಲ್ಲಿ ಉಪ್ಪಿ ಬೇರೆಯದ್ದೇ ಸ್ಟೈಲ್. ಜೀವನದಲ್ಲಿ ಪ್ರೀತಿ ಎಷ್ಟು ಮುಖ್ಯ ಅನ್ನೋದನ್ನ ಹೇಳಿಕೊಡ್ತಾರಂತೆ ಉಪ್ಪಿ. 

    ಈ ಸಿನಿಮಾ ನೋಡಿದ ಮೇಲೆ ಪ್ರೇಮಿಗಳ ಸಂಖ್ಯೆ ಜಾಸ್ತಿಯಾಗುತ್ತೆ ಅನ್ನೋ ಕಾನ್ಫಿಡೆನ್ಸ್ ಕೊಡ್ತಾರೆ ನಿರ್ದೇಶಕ ಆರ್.ಚಂದ್ರು. ರಚಿತಾ ರಾಮ್, ಸೋನು ಗೌಡ, ಬ್ರಹ್ಮಾನಂದಂ ಮೊದಲಾದವರು ಚಿತ್ರದ ತಾರಾಗಣದಲ್ಲಿದ್ದಾರೆ. ಸಿನಿಮಾ ಮುಂದಿನ ತಿಂಗಳು ಕರ್ನಾಟಕ, ಆಂಧ್ರ, ತೆಲಂಗಾಣದಲ್ಲಿ 1000ಕ್ಕೂ ಹೆಚ್ಚು ಥಿಯೇಟರುಗಳಲ್ಲಿ, ಕನ್ನಡ & ತೆಲುಗು ಭಾಷೆಗಳಲ್ಲಿ ಏಕಕಾಲಕ್ಕೆ ರಿಲೀಸ್ ಆಗುತ್ತಿದೆ.

  • ಲಿಪ್ ಲಾಕ್ ಸೀನ್ : ರಚಿತಾ, ಪ್ರೇಮ್ ರಿಯಾಕ್ಷನ್

    ek love ya image

    ಏಕ್ ಲವ್ ಯಾ ಟೀಸರ್ ಹೊರಬಿದ್ದ ಕ್ಷಣದಿಂದ ಚರ್ಚೆಯಾಗುತ್ತಿರೋದು ಇದೇ ವಿಷಯ. ಇತ್ತೀಚೆಗೆ ಐ ಲವ್ ಯೂ ಚಿತ್ರದಲ್ಲಿ ಬೋಲ್ಡ್ ಆಗಿ ನಟಿಸಿದ್ದ ರಚಿತಾ ರಾಮ್, ಈ ಚಿತ್ರದಲ್ಲಿ ಹೀರೋ ರಾಣಾ ಜೊತೆ ಲಿಪ್ ಲಾಕ್ ಮಾಡಿದ್ದಾರೆ. ರಚಿತಾ ಇದುವರೆಗೆ ಯಾವುದೇ ಚಿತ್ರದಲ್ಲಿ ಚುಂಬನ ದೃಶ್ಯಗಳಲ್ಲಿ ನಟಿಸಿರಲಿಲ್ಲ. ಅಷ್ಟೇ ಅಲ್ಲ, ಜೋಗಿ ಪ್ರೇಮ್ ಚಿತ್ರಗಳಲ್ಲಿಯೂ ಇದುವರೆಗೆ ಕಿಸ್ಸಿಂಗ್ ಸೀನ್ ಇರಲೇ ಇಲ್ಲ. ಈ ಬಗ್ಗೆ ಕೇಳಿದಾಗ ಜೋಗಿ ಪ್ರೇಮ್ ಹೇಳಿರೋದು ಇದು.

    ನಾನು ಸುಮ್‌ಸುಮ್ನೆ ನಾನು ಕಿಸ್ಸಿಂಗ್ ಸೀನ್‌ ಇಟ್ಟಿಲ್ಲ. ಕಿಸ್ಸಿಂಗ್ ಸೀನ್‌ ಕಥೆಗೆ ಅವಶ್ಯಕವಾಗಿದ್ದರೆ ಇಡೋದ್ರಲ್ಲಿ ತಪ್ಪೇನಿಲ್ಲ. ಸುಮ್ ಸುಮ್ನೆ ತುರುಕಬಾರದು. ಸಿನಿಮಾ ನೋಡಿ, ಆ ದೃಶ್ಯ ಏಕೆ ಇದೆ ಅನ್ನೋದು ನಿಮಗೇ ಗೊತ್ತಾಗುತ್ತೆ ಎನ್ನುತ್ತಾರೆ ಡೈರೆಕ್ಟರ್ ಪ್ರೇಮ್.

    ಇನ್ನು ಆ ದೃಶ್ಯ ಮಾಡೋಕೆ ಕಾರಣ ಏನು ಅಂದ್ರೆ ರಚಿತಾ ರಾಮ್ ಹೇಳೋದಿಷ್ಟು. ‘ನನಗೆ ಪ್ರೇಮ್ ಚಿತ್ರದಲ್ಲಿ ನಟಿಸಬೇಕು ಅನ್ನೋ ಆಸೆಯಿತ್ತು. ಹಾಗಾಗಿ ಈ ಚಿತ್ರ ಒಪ್ಪಿಕೊಂಡೆ. ಅಭಿಮಾನಿಗಳು ಆ ದೃಶ್ಯಕ್ಕೆ, ಸ್ಮೋಕಿಂಗ್ ಸೀನ್ಗಳಿಗೆ ಬೇಸರ ಮಾಡಿಕೊಂಡಿದ್ದಾರೆ. ನಾನು ಕೇಳಿಕೊಳ್ಳೋದು ಇಷ್ಟೆ, ಅಭಿಮಾನಿಗಳಿಲ್ಲದೆ ನಾವಿಲ್ಲ. ಸಿನಿಮಾ ನೋಡಿ. ಆ ಸೀನ್ ಯಾಕೆ ಇದೆ ಅನ್ನೋದು ಗೊತ್ತಾಗುತ್ತೆ’ ಎಂದಿದ್ದಾರೆ.

    ರಕ್ಷಿತಾ ಪ್ರೇಮ್ ಸೋದರ ರಾಣಾ ಚಿತ್ರರಂಗಕ್ಕೆ ಎಂಟ್ರಿ ಕೊಡುತ್ತಿರುವ ಚಿತ್ರ ಇದು. ರಕ್ಷಿತಾ ಅವರೇ ನಿರ್ಮಾಪಕಿ. ರಾಣಾ ಸುಮಾರು 2 ವರ್ಷ ಅಮೆರಿಕದಲ್ಲಿ ಅಭಿನಯ ತರಬೇತಿ ಮಾಡಿ, ನಂತರ ವಿಲನ್ ಚಿತ್ರದಲ್ಲಿ ಪ್ರೇಮ್ ಅವರಿಗೆ ಅಸಿಸ್ಟೆಂಟ್ ಆಗಿ ಕೆಲಸ ಮಾಡಿ ನಂತರ ಈ ಚಿತ್ರಕ್ಕೆ ಹೀರೋ ಆಗಿದ್ದಾರೆ.

     

  • ವಸಿಷ್ಠ ಸಿಂಹ ಜೊತೆ ರಚಿತಾ ರಾಮ್

    rachita to pair opposite vasistha simha

    ರಚಿತಾ ರಾಮ್ ಹೊಸದೊಂದು ಸಿನಿಮಾ ಒಪ್ಪಿಕೊಂಡಿದ್ದಾರೆ. ಚಿತ್ರದ ಹೆಸರು ಪಂಥ. ವಿಶೇಷವೆಂದರೆ ಈ ಪಂಥ ಚಿತ್ರದ ಹೀರೋ ವಸಿಷ್ಠ ಸಿಂಹ. ವಿ.ನಾಗೇಂದ್ರ ಪ್ರಸಾದ್ ನಿರ್ದೇಶನದ ಈ ಚಿತ್ರದಲ್ಲಿ ನಾಯಕಿಯದ್ದು ಅತ್ಯಂತ ವಿಶಿಷ್ಟ ಪಾತ್ರವಂತೆ.

    ರಚಿತಾ ಇದುವರೆಗೆ ಸ್ಟಾರ್ ಚಿತ್ರಗಳಲ್ಲಿಯೇ ನಟಿಸಿದ ನಾಯಕಿ. ಆರಂಭದ ಚಿತ್ರ ಬುಲ್‍ಬುಲ್‍ನಿಂದ ಇದೇ ವಾರ ರಿಲೀಸ್ ಆಗುತ್ತಿರುವ ಅಯುಷ್ಮಾನ್ ಭವ ಚಿತ್ರದವರೆಗೆ ರಚಿತಾ ಸ್ಟಾರ್ ಚಿತ್ರಗಳಲ್ಲಿಯೇ ಕಾಣಿಸಿಕೊಂಡವರು. ಈಗ ಪಂಥ ಚಿತ್ರದಲ್ಲಿ ವಸಿಷ್ಠ ಸಿಂಹ ಜೊತೆ ನಟಿಸುತ್ತಿದ್ದಾರೆ. ಈ ಮೂಲಕ ತಾನು ಸ್ಟಾರ್ ಚಿತ್ರಗಳಿಗಷ್ಟೇ ಸೀಮಿತವಾದ ನಟಿ ಅಲ್ಲ ಅನ್ನೋದನ್ನೂ ಬ್ರೇಕ್ ಮಾಡುತ್ತಿದ್ದಾರೆ.

    ಪಂಥ ಟೈಟಲ್‍ಗೆ ಡಿಬೇಟ್ ಆನ್ ದಿ ಬೆಟ್ ಅನ್ನೋ ಸಬ್ ಟೈಟಲ್ ಇದೆ. ಕಥೆ, ಪಾತ್ರ ಎರಡೂ ವಿಭಿನ್ನವಾಗಿದೆ. ಈ ಪಾತ್ರಕ್ಕೆ ರಚಿತಾ ಅತ್ಯಂತ ಸೂಕ್ತ ಹಾಗೂ ನ್ಯಾಯ ನೀಡಬಲ್ಲ ಕಲಾವಿದೆ ಎನ್ನುವ ವಿಶ್ವಾಸದಲ್ಲಿದ್ದಾರೆ ನಾಗೇಂದ್ರ ಪ್ರಸಾದ್.

  • ಶ್ರೀಮುರಳಿಗೆ ವೆಲ್‍ಕಂ ಹೇಳ್ತಾರೆ ಡಿಂಪಲ್ ಕ್ವೀನ್ 

    rachita ram to shake leg with srimurali in special song

    ರೋರಿಂಗ್ ಸ್ಟಾರ್ ಶ್ರೀಮುರಳಿ ಅಭಿನಯದ ಭರಾಟೆ ಚಿತ್ರದಲ್ಲಿ ರಚಿತಾ ರಾಮ್ ಹಾಡಿ ಕುಣಿದು ಕುಪ್ಪಳಿಸೋಕೆ ರೆಡಿಯಾಗಿದ್ದಾರೆ. ಅರೆ.. ಆ ಚಿತ್ರದ ಹೀರೋಯಿನ್ ಶ್ರೀಲೀಲಾ ಅಲ್ವಾ ಅಂದ್ಕೋಬೇಡಿ. ಹೀರೋಯಿನ್ ಅವರೇ. ರಚಿತಾ ಹೆಜ್ಜೆ ಹಾಕೋದು ಹೀರೋ ಇಂಟ್ರೊಡಕ್ಷನ್ ಸಾಂಗ್‍ಗೆ.

    ಭರಾಟೆ ಚಿತ್ರದ ಕಥೆ, ಹೀರೋನ ಫೋರ್ಸ್ ಎಲ್ಲವನ್ನೂ ಒಳಗೊಂಡಿರೋ ಹಾಡಿಗೆ ಒಬ್ಬರು ಜನಪ್ರಿಯ ನಾಯಕಿ ಬೇಕು ಎಂದು ಯೋಚಿಸಿದಾಗ ಹೊಳೆದಿದ್ದು ರಚಿತಾ ರಾಮ್ ಹೆಸರು. ಅವರ ಎಂಟ್ರಿ, ಚಿತ್ರದ ಎನರ್ಜಿ ಹೆಚ್ಚಿಸಿದೆ ಅಂದಿದ್ದಾರೆ ಭರ್ಜರಿ ಚೇತನ್.

    ಶ್ರೀಮುರಳಿ ಜೊತೆ ರಥಾವರ ಚಿತ್ರದಲ್ಲಿ ಹೀರೋಯಿನ್ ಆಗಿ ನಟಿಸಿರುವ ರಚಿತಾ ರಾಮ್, ಇತ್ತೀಚೆಗೆ ವಿಲನ್ ಚಿತ್ರದಲ್ಲಿ ಶಿವಣ್ಣನ ಜೊತೆ ಪುಟ್ಟ ಹಾಡಿಗೆ ಸ್ಟೆಪ್ ಹಾಕಿದ್ದರು. ಅದು ಬಿಟ್ಟರೆ ಈಗ ಭರಾಟೆಯಲ್ಲಿ ಸ್ಪೆಷಲ್ ಡ್ಯಾನ್ಸ್‍ಗೆ ಎಂಟ್ರಿ ಕೊಟ್ಟಿದ್ದಾರೆ.

  • ಸಿದ್ಧಗಂಗಾ ಶ್ರೀಗಳ ಅನಾರೋಗ್ಯ - ಐ ಲವ್ ಯೂ ಆಡಿಯೋ ರಿಲೀಸ್ ಮುಂದಕ್ಕೆ..

    i love you audio release postponed

    ನಿರ್ದೇಶಕ ಆರ್.ಚಂದ್ರು, ಐ ಲವ್ ಯೂ ಚಿತ್ರದ ಆಡಿಯೋ ಬಿಡುಗಡೆಯನ್ನು ಮುಂದೂಡಿದ್ದಾರೆ. ಫೆಬ್ರವರಿ 14ರಂದು ಸಿನಿಮಾ ರಿಲೀಸ್‍ಗೆ ಪ್ಲಾನ್ ಮಾಡಿರುವ ಆರ್.ಚಂದ್ರು, ಇಂದು ದಾವಣಗೆರೆಯಲ್ಲಿ ಆಡಿಯೋ ರಿಲೀಸ್ ಇಟ್ಟುಕೊಂಡಿದ್ದರು. ತೆಲುಗು ಹಾಗೂ ಕನ್ನಡ ಚಿತ್ರರಂಗದ ಸ್ಟಾರ್‍ಗಳು ಕಾರ್ಯಕ್ರಮಕ್ಕೆ ಬರಬೇಕಿತ್ತು. ಆದರೆ, ಅಂತಿಮ ಕ್ಷಣದಲ್ಲಿ ಆರ್.ಚಂದ್ರು, ಆಡಿಯೋ ಬಿಡುಗಡೆ ಮುಂದೂಡಿದ್ದಾರೆ. ಇದಕ್ಕೆ ಕಾರಣ, ಸಿದ್ಧಗಂಗಾ ಶ್ರೀಗಳ ಆನಾರೋಗ್ಯ.

    `ನಾಡಿನ ಜನರೆಲ್ಲ ಸಿದ್ಧಗಂಗೆಯ ಶಿವಕುಮಾರ ಸ್ವಾಮೀಜಿ ಆರೋಗ್ಯಕ್ಕಾಗಿ ಪ್ರಾರ್ಥನೆ ಮಾಡುತ್ತಿದ್ದಾರೆ. ಈ ವೇಳೆ ಅದ್ಧೂರಿಯಾಗಿ ಆಡಿಯೋ ಬಿಡುಗಡೆ ಮಾಡುವುದಕ್ಕೆ ಮನಸ್ಸು ಒಪ್ಪಲಿಲ್ಲ. ಹೀಗಾಗಿ ಕಾರ್ಯಕ್ರಮ ಮುಂದೂಡಿದ್ದೇವೆ. ಮುಂದಿನ ದಿನಾಂಕವನ್ನು ಶೀಘ್ರದಲ್ಲಿಯೇ ತಿಳಿಸುತ್ತೇವೆ'' ಎಂದಿದ್ದಾರೆ ಆರ್.ಚಂದ್ರು.

    ಉಪೇಂದ್ರ, ರಚಿತಾ ರಾಮ್, ಸೋನು ಗೌಡ ಪ್ರಧಾನ ಪಾತ್ರದಲ್ಲಿರುವ ಸಿನಿಮಾ, ಕನ್ನಡ ಮತ್ತು ತೆಲುಗಿನಲ್ಲಿ ಏಕಕಾಲದಲ್ಲಿ ನಿರ್ಮಾಣವಾಗಿದೆ.

  • ಸೀತಾ ರಾಮ ಕಲ್ಯಾಣಕ್ಕೂ ಕಳ್ಳರ ಕಾಟ

    piracy haunts seetharama kalyana too

    ಮೊನ್ನೆಯಷ್ಟೇ ಬಜಾರ್ ಚಿತ್ರತಂಡ ಪೈರಸಿ ಚೋರರ ವಿರುದ್ಧ ಕಂಪ್ಲೇಂಟ್ ಕೊಟ್ಟಿತ್ತು. ಈಗ ಸೀತಾರಾಮ ಕಲ್ಯಾಣದ ಸರದಿ. ನಿಖಿಲ್ ಕುಮಾರಸ್ವಾಮಿ, ರಚಿತಾ ರಾಮ್ ಅಭಿನಯದ, ಹರ್ಷ ನಿರ್ದೇಶನದ ಸಿನಿಮಾ, ಥಿಯೇಟರುಗಳಲ್ಲಿ ಭರ್ಜರಿ ಪ್ರದರ್ಶನ ಕಾಣುತ್ತಿರುವಾಗಲೇ ಪೈರಸಿ ಚೋರರ ಕಾಟವೂ ಶುರುವಾಗಿದೆ. ಹೀಗಾಗಿಯೇ ನಿರ್ಮಾಪಕಿ ಅನಿತಾ ಕುಮಾರಸ್ವಾಮಿ, ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಕಬ್ಬನ್ ಪಾರ್ಕ್ ಠಾಣೆಯಲ್ಲಿ ಚಿತ್ರದ ಪೈರಸಿ ವಿರುದ್ಧ ದೂರು ದಾಖಲಿಸಿದ್ದಾರೆ.

    ಟಿ.ಎನ್. ಶಶಿಧರ್ ಮತ್ತು ಕನ್ನಡ ನ್ಯೂ ಮೂವೀಸ್ ಎಂಬ ಆನ್‍ಲೈನ್ ಚಾನೆಲ್ ವಿರುದ್ಧ ಕಾಪಿರೈಟ್ ಕಾಯಿದೆ ಮತ್ತು ಮಾಹಿತಿ ತಂತ್ರಜ್ಞಾನ ಕಾಯಿದೆ ಅಡಿಯಲ್ಲಿ ಕೇಸ್ ದಾಖಲಾಗಿದೆ. ವಿಚಾರಣೆ ಶುರುವಾಗಿದೆ.

  • ಸೀತಾರಾಮ ಕಲ್ಯಾಣ ಅದ್ಧೂರಿ ಶತದಿನೋತ್ಸವ..!

    seetharama kalyana team celebrates 100 days shooting

    ಸೀತಾರಾಮ ಕಲ್ಯಾಣ ರಿಲೀಸ್ ಆಗಿದ್ದು ಯಾವಾಗ ಎಂದು ತಲೆಗೆ ಹುಳ ಬಿಟ್ಟುಕೊಳ್ಳಬೇಡಿ. ಇದು ಚಿತ್ರದ 100 ದಿನದ ಶೂಟಿಂಗ್ ಮುಗಿದಿದ್ದರ ಸಂಭ್ರಮ. ಮುಹೂರ್ತ, ಆಡಿಯೋ ರಿಲೀಸ್, ಟ್ರೇಲರ್, ಟೀಸರ್‍ಗಳ ಬಿಡುಗಡೆಗೆ ಸಂಭ್ರಮಿಸೋ ಚಿತ್ರತಂಡಗಳ ಮಧ್ಯೆ ಸೀತಾರಾಮ ಕಲ್ಯಾಣ ಚಿತ್ರತಂಡ ವಿಭಿನ್ನವಾಗಿ 100 ದಿನಗಳ ಶೂಟಿಂಗ್ ಮುಗಿದಿದ್ದಕ್ಕೆ ಸಂಭ್ರಮಾಚರಣೆ ಇಟ್ಟುಕೊಂಡಿತ್ತು.

    ನಿಖಿಲ್ ಕುಮಾರಸ್ವಾಮಿ, ರಚಿತಾ ರಾಮ್ ನಾಯಕಿಯಾಗಿರೋ ಚಿತ್ರಕ್ಕೆ ಹರ್ಷ ನಿರ್ದೇಶನವಿದೆ. ಚಿತ್ರದಲ್ಲಿ 130ಕ್ಕೂ ಹೆಚ್ಚು ಕಲಾವಿದರು ಅಭಿನಯಿಸಿದ್ದಾರಂತೆ.

    ಇದು ಇತ್ತೀಚೆಗೆ ಕನ್ನಡದಲ್ಲಿ ಬಂದಿರುವ ಅತಿದೊಡ್ಡ ಫ್ಯಾಮಿಲಿ ಸ್ಟೋರಿ ಎಂದು ಹೇಳಿಕೊಂಡರು ನಿಖಿಲ್. ಇದು ರೀಮೇಕ್ ಅಲ್ಲ, ಅಪ್ಪಟ ನಮ್ಮ ಮಣ್ಣಿನ ಸೊಗಡಿರುವ ಸ್ವಮೇಕ್ ಸಿನಿಮಾ ಎಂದರು ನಿರ್ದೇಶಕ ಹರ್ಷ. ಹೆಚ್ಚೂ ಕಡಿಮೆ 100 ಕಲಾವಿದರು, ತಂತ್ರಜ್ಞರು ಭಾಗವಹಿಸಿದ್ದ ಕಾರ್ಯಕ್ರಮದಲ್ಲಿ ಹರಿದಿದ್ದು ಸಂಭ್ರಮ, ಸಡಗರದ ಹೊಳೆ.

  • ಸೀತಾರಾಮ ಕಲ್ಯಾಣ ಟ್ರೇಲರ್ ಜಬರ್ದಸ್ತ್ ಹಿಟ್

    seetharama kalyana trailer is super hit

    ನಿಖಿಲ್ ಕುಮಾರಸ್ವಾಮಿ-ರಚಿತಾ ರಾಮ್-ಎ.ಹರ್ಷ ಕಾಂಬಿನೇಷನ್ನಿನ ಸಿನಿಮಾದ ಟ್ರೇಲರ್ ರಿಲೀಸ್ ಆಗಿದೆ. ಸಿಎಂ ಕುಮಾರಸ್ವಾಮಿ, ಅನಿತಾ ಕುಮಾರಸ್ವಾಮಿಯವರಿಂದ ಬಿಡುಗಡೆಯಾದ ಟ್ರೇಲರ್, ಆನ್ ಲೈನ್‍ನಲ್ಲಿ ಧೂಳೆಬ್ಬಿಸುತ್ತಿದೆ. ಹೆಚ್ಚೂ ಕಮ್ಮಿ 50 ಲಕ್ಷ ಮಂದಿ ಟ್ರೇಲರ್ ನೋಡಿ ಥ್ರಿಲ್ಲಾಗಿದ್ದಾರೆ.

    ಟ್ರೇಲರ್‍ನಲ್ಲಿ ಮೈನವಿರೇಳಿಸುವ ಸ್ಟಂಟ್ಸ್, ಥ್ರಿಲ್ಲಾಗಿಸುವ ಡೈಲಾಗ್ಸ್, ಯುವ ಪ್ರೇಮಿಗಳ ತುಂಟಾಟ.. ಹೀಗೆ ಎಲ್ಲವನ್ನೂ ಹದವಾಗಿ ಬೆರೆಸಿದ್ದಾರೆ ಹರ್ಷ. ಗಣರಾಜ್ಯೋತ್ಸವಕ್ಕೆ 400ಕ್ಕೂ ಹೆಚ್ಚು ಥಿಯೇಟರುಗಳಲ್ಲಿ ಭರ್ಜರಿಯಾಗಿ ಬಿಡುಗಡೆಯಾಗುತ್ತಿದೆ ಸೀತಾರಾಮ ಕಲ್ಯಾಣ.

  • ಸೀತಾರಾಮ ಕಲ್ಯಾಣ.. ಪೈಸಾ ವಸೂಲ್ ಸಿನಿಮಾ

    seetharama kalyana is family entertainer

    ನಿಖಿಲ್ ಕುಮಾರಸ್ವಾಮಿ ಅಭಿನಯದ 2ನೇ ಸಿನಿಮಾ ಇದೇ ಜನವರಿ 25ಕ್ಕೆ ರಿಲೀಸ್ ಆಗುತ್ತಿದೆ. ಯುವರಾಜ ನಿಖಿಲ್‍ಗೆ ಡಿಂಪಲ್ ರಾಣಿ ರಚಿತಾ ರಾಮ್ ಜೋಡಿ. ಎ.ಹರ್ಷ ನಿರ್ದೇಶನದ ಭಾರಿ ನಿರೀಕ್ಷೆಯ ಸಿನಿಮಾ ಇದು. 

    ಚಿತ್ರದಲ್ಲಿ ಎಲ್ಲವೂ ಇದೆ. ಎಲ್ಲರೂ ಥ್ರಿಲ್ ಆಗುವಂತಹ ಆ್ಯಕ್ಷನ್, ಖುಷಿಯಾಗುವಂತಹ ಲವ್ ಸ್ಟೋರಿ, ಎಮೋಷನ್, ಕಾಮಿಡಿ.. ಹೀಗೆ ಎಲ್ಲವನ್ನೂ ಹದವಾಗಿ ಬೆರೆಸಿರುವ ಫ್ಯಾಮಿಲಿ ಎಂಟರ್‍ಟೈನ್‍ಮೆಂಟ್ ಸಿನಿಮಾ ಎಂಬ ಭರವಸೆ ಕೊಟ್ಟಿದ್ದಾರೆ ಹರ್ಷ.

    ಪ್ರೀತಿ-ಪ್ರೇಮ-ಪ್ರಣಯಕ್ಕೆ ನಿಖಿಲ್-ರಚಿತಾ, ಕಾಮಿಡಿಗೆ ಚಿಕ್ಕಣ್ಣ, ಸಾಧು, ನಯನಾ, ಶಿವರಾಜ್ ಕೆ.ಆರ್.ಪೇಟೆ ಇದ್ದರೆ, ಸಾಹಸ ನಿರ್ದೇಶನ ರಾಮ್-ಲಕ್ಷ್ಮಣ್ ಜೋಡಿಯದ್ದು. ಒಟ್ಟಾರೆ ಮಜಾ ಮೂವಿ ಎನ್ನುತ್ತಿದೆ ಚಿತ್ರತಂಡ.

  • ಸೀತಾರಾಮ ಕಲ್ಯಾಣದ ಸ್ಪೆಷಲ್ ಒಂದಾ.. ಎರಡಾ.. ಅಬ್ಬಬ್ಬಾ..!

    seetharama kalyana has many specializations

    ರಾಜ್ಯಾದ್ಯಂತ 400ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ತೆರೆ ಕಂಡಿರುವ ಸೀತಾರಾಮ ಕಲ್ಯಾಣ ಚಿತ್ರದಲ್ಲಿ ವಿಶೇಷತೆಗಳ ಮೇಲೆ ವಿಶೇಷತೆಗಳಿವೆ. ಅವುಗಳೇನೂ ಒಂದೆರಡಲ್ಲ. ನಿಖಿಲ್ ಕುಮಾರಸ್ವಾಮಿ ಅಭಿನಯದ 2ನೇ ಚಿತ್ರವಿದು. ಜಾಗ್ವಾರ್ ನಂತರ ತೆರೆ ಕಾಣುತ್ತಿರುವ ಸಿನಿಮಾ.

    ಚಿತ್ರಕ್ಕೆ ಲಕ್ಕಿ ಹೀರೋಯಿನ್ ಎಂದೇ ಹೆಸರಾಗಿರೋ ರಚಿತಾ ರಾಮ್ ನಾಯಕಿ. 

    ಚಿತ್ರಕ್ಕೆ ದಕ್ಷಿಣ ಭಾರತದ ಖ್ಯಾತ ಫೈಟ್ ಮಾಸ್ಟರ್‍ಗಳಾದ ರಾಮ್ ಲಕ್ಷ್ಮಣ್ ಸಾಹಸ ನಿರ್ದೇಶನ ಮಾಡಿದ್ದಾರೆ.

    ಶರತ್ ಕುಮಾರ್, ರವಿಶಂಕರ್, ಮಧು, ಭಾಗ್ಯಶ್ರೀ, ಸಂಜಯ್ ಕಪೂರ್, ಆದಿತ್ಯಾ ಮೆನನ್, ಗಿರಿಜಾ ಲೋಕೇಶ್, ಚಿಕ್ಕಣ್ಣ.. ಹೀಗೆ ಕಲಾವಿದರ ದಂಡೇ ಚಿತ್ರದಲ್ಲಿದೆ.

    ಚಿತ್ರದಲ್ಲಿ ನಟಿಸಿರುವ ಒಟ್ಟು ಕಲಾವಿದರ ಸಂಖ್ಯೆ 200ಕ್ಕೂ ಹೆಚ್ಚು.

    ಚಿತ್ರಕ್ಕೆ ಸಂಗೀತ ನೀಡಿರುವುದು ಅನೂಪ್ ರುಬೆನ್ಸ್. ತಮಿಳು, ತೆಲುಗು, ಹಿಂದಿ ಚಿತ್ರಗಳಿಗೆ ಸಂಗೀತ ನೀಡಿರುವ ರುಬೆನ್ಸ್‍ಗೆ ಇದು ಮೊದಲ ಕನ್ನಡ ಸಿನಿಮಾ.

    ಎ. ಹರ್ಷ ನಿರ್ದೇಶನದ ಸಿನಿಮಾ ಪಕ್ಕಾ ಫ್ಯಾಮಿಲಿ ಎಂಟರ್ ಟೈನರ್. 

  • ಸೀತಾರಾಮ ಕಲ್ಯಾಣದಲ್ಲಿ ಇಂಥಾ ಸ್ಪೆಷಲ್ಲುಗಳೂ ಇವೆ..!

    specialties of seetharama kalyana

    ಸೀತಾರಾಮ ಕಲ್ಯಾಣ... ಮುಖ್ಯಮಂತ್ರಿ ಕುಮಾರಸ್ವಾಮಿ, ಅನಿತಾ ಕುಮಾರಸ್ವಾಮಿ ನಿರ್ಮಾಣದ, ನಿಖಿಲ್ ಕುಮಾರಸ್ವಾಮಿ ಅಭಿನಯದ 2ನೇ ಸಿನಿಮಾ. ನಿಖಿಲ್‍ಗೆ ಜೊತೆಯಾಗಿರುವುದು ರಚಿತಾ ರಾಮ್. ನಿರ್ದೇಶಕ ಎ. ಹರ್ಷ. ಹರ್ಷ ಇದುವರೆಗೆ ಮಾಡಿರುವುದೆಲ್ಲ ಮಾಸ್ ಸಿನಿಮಾಗಳೇ. ಕೌಟುಂಬಿಕ ಕಥೆಗಳಿಗೆ ಮಾಸ್ ಟಚ್ ಕೊಟ್ಟು ಕಥೆ ಹೇಳುವ ಶೈಲಿ ಹರ್ಷಗೆ ಕರತಲಾಮಲಕ. ಇಷ್ಟೆಲ್ಲ ಇದ್ದರೂ ಈ ಚಿತ್ರದಲ್ಲಿ ಇದಕ್ಕೆ ತದ್ವಿರುದ್ಧವಾದ ವಿಶೇಷಗಳಿವೆ.

    ಡ್ಯುಯೆಟ್ ಸಾಂಗ್ ಇಲ್ಲ - ಚಿತ್ರದ ಹಾಡುಗಳು ಹೃದಯ ತಟ್ಟುವಂತಿವೆ. ಪ್ರೇಮಗೀತೆಗಳಿವೆ. ಆದರೆ, ಚಿತ್ರದಲ್ಲಿ ಡ್ಯುಯೆಟ್ ಸಾಂಗ್ ಇಲ್ವಂತೆ..!

    ಕನಸಿನ ಹಾಡೂ ಇಲ್ಲ - ಹೀರೋ.. ಹೀರೋಯಿನ್ ಎಲ್ಲೋ ಇರ್ತಾರೆ. ಹಾಡು ಬರುತ್ತೆ. ಅವರು ಇನ್ನೆಲ್ಲೋ ಹೋಗ್ತಾರೆ.. ಮತ್ತೆಲ್ಲೋ ಹಾಡಿ ಕುಣಿಯುತ್ತಾರೆ. ಅದರೆ, ಈ ಚಿತ್ರದಲ್ಲಿ ಅಂತಹ ಕನಸಿನ ಹಾಡೂ ಇಲ್ಲ. ಅದಕ್ಕೆ ಕಾರಣ ಇಷ್ಟೆ. ಚಿತ್ರದಲ್ಲಿನ ಪ್ರತಿಯೊಂದರಲ್ಲೂ ಲೋಕಲ್ ಟೇಸ್ಟ್ ಇರಬೇಕು ಅನ್ನೋದು.

    ಹಾಡುಗಳೆಲ್ಲ ಮೇಲ್ ವರ್ಷನ್ ಹಾಡುಗಳು - ಅದು ಇನ್ನೊಂದು ಸ್ಪೆಷಲ್. ಫಿಮೇಲ್ ಧ್ವನಿ ಇಲ್ವೇ ಇಲ್ಲ. ಅರರೇ.. ಏನಿದು ಅಂದ್ರೆ.. ನಿರ್ದೇಶಕ ಹರ್ಷ.. ಸ್ಕ್ರಿಪ್ಟ್ ಇರೋದೇ ಹಾಗೆ ಅಂತಾರೆ. 

    ಒಟ್ಟಿನಲ್ಲಿ ಹಾಡು, ನೃತ್ಯಗಳ ಬಗ್ಗೆ ಭಾರಿ ಕೇರ್‍ಫುಲ್ ಆಗಿರುವ ಕೊರಿಯೋಗ್ರಾಫರ್ ಕೂಡಾ ಆಗಿದ್ದ ಹರ್ಷ, ಈ ಚಿತ್ರದಲ್ಲಿ ಬೇರೆಯದ್ದೇ ಟಚ್ ಕೊಟ್ಟಿದ್ದಾರೆ. ಸಿನಿಮಾ ಜನವರಿ 25ಕ್ಕೆ ರಿಲೀಸ್ ಆಗಲಿದೆ.

     

  • ಸುಳ್ಳೆಲ್ಲ ನಂಬಬೇಡಿ - ರಚಿತಾ ರಾಮ್

    rachitha ram clarifies about rumors

    ಸುಳ್ಳುಗಳನ್ನೆಲ್ಲ ನಂಬಬೇಡಿ, ಸತ್ಯ ನಾನೇ ಹೇಳ್ತೀನಿ ಅಂದಿರೋದು ಡಿಂಪಲ್ ಕ್ವೀನ್ ರಚಿತಾ ರಾಮ್. ಅವರು ಹಾಗೆ ಹೇಳೋಕೆ ಕಾರಣವಾಗಿದ್ದು ಅವರು ಮದುವೆಯಾಗ್ತಾರಂತೆ, ಆಗಲೇ ಒಬ್ಬ ಹುಡುಗನ ಜೊತೆ ಲವ್ ಆಗಿದೆಯಂತೆ, ರಚಿತಾ ಅವರ ಜೊತೆ ನಟಿಸಿರುವ ಹೀರೋ ಒಬ್ಬರನ್ನು ರಚಿತಾ ಪ್ರೀತಿಸುತ್ತಿದ್ದಾರಂತೆ, ರಾಜಕಾರಣಿಯೊಬ್ಬರನನ್ನು ಮದುವೆಯಾಗಲಿದ್ದಾರಂತೆ.. ಎಂದು ಹಬ್ಬಿರುವ ಗಾಸಿಪ್‍ಗಳು.

    ಈ ಕುರಿತು ಸ್ಪಷ್ಟವಾಗಿ ಹೇಳಿರುವ ರಚಿತಾ ರಾಮ್, ಯಾರು ಯಾರೋ ಹೇಳಿದ್ದ ಸುಳ್ಳುಗಳನ್ನೆಲ್ಲ ನಂಬಬೇಡಿ. ಮದುವೆಯಾಗುವಾಗ ಹೇಳಿಯೇ ಮದುವೆ ಆಗುತ್ತೇನೆ. ಕದ್ದುಮುಚ್ಚಿಯಂತೂ ಮದುವೆ ಆಗಲ್ಲ. ಸದ್ಯಕ್ಕೆ ನಾನಿನ್ನೂ ಸಿಂಗಲ್. ಸದ್ಯಕ್ಕೆ ನನ್ನ ಗಮನ ಎಲ್ಲ ಸಿನಿಮಾಗಳ ಮೇಲೆ ಎಂದಿದ್ದಾರೆ ರಚಿತಾ ರಾಮ್.

  • ಸುಹಾಸಿನಿ ಮೆಚ್ಚಿದ ರಚಿತಾ ರಾಮ್

    suhasini praises rachita's ayushmanbhava performance

    ಆಯುಷ್ಮಾನ್ ಭವ ಚಿತ್ರದಲ್ಲಿ ರಚಿತಾ ರಾಮ್ ಅವರ ಅಭಿನಯಕ್ಕೆ ಎಲ್ಲೆಡೆಯಿಂದ ಪ್ರಶಂಸೆ ವ್ಯಕ್ತವಾಗುತ್ತಿದೆ. ಮೊದಲಿಗೆ ಶಿವರಾಜ್ ಕುಮಾರ್ ಮೆಚ್ಚುಗೆ ಸ್ವೀಕರಿಸಿದ್ದ ರಚಿತಾಗೆ ಪ್ರಿಯಾಂಕಾ ಉಪೇಂದ್ರ ಕೂಡಾ ಬೆನ್ನುತಟ್ಟಿದ್ದರು. ಈಗ ದಕ್ಷಿಣ ಭಾರತದ ಖ್ಯಾತ ತಾರೆ ಸುಹಾಸಿನಿ ಸರದಿ.

    ರಚಿತಾ ರಾಮ್ ಅಭಿನಯ ನೋಡಿ ಮೆಚ್ಚಿರುವ ಸುಹಾಸಿನಿ, ನೀನು ತಮಿಳಿನಲ್ಲೂ ಆಕ್ಟ್ ಮಾಡಬೇಕು ಎಂದು ಆಹ್ವಾನಿಸಿದ್ದಾರೆ. ಈಗಲೇ ನಿನಗೆ ಎಷ್ಟೆಷ್ಟು ಒಳ್ಳೊಳ್ಳೆ ಪಾತ್ರ ಸಿಗುತ್ತಿವೆ ಎಂದು ಖುಷಿಗೊಂಡಿದ್ದರAತೆ ಸುಹಾಸಿನಿ. ರಚಿತಾ ರಾಮ್‌ಗೆ ಈಗ ಸ್ವರ್ಗಕ್ಕೆ ಮೂರೇ ಗೇಣು.

  • ಸೆಕೆಂಡ್ ಶೋನ ಟೈಮಲ್ಲಿ ನಟಸಾರ್ವಭೌಮ ಫಸ್ಟ್ ಶೋ

    natasarvabhouma released last night itself

    ನಟಸಾರ್ವಭೌಮ ಸಿನಿಮಾ, ನಿನ್ನೆ ರಾತ್ರಿಯೇ ರಿಲೀಸ್ ಆಗಿಬಿಟ್ಟಿದೆ. ಹೌದು, 7ನೇ ತಾರೀಕು ಅಂದರೆ ಇವತ್ತು ರಿಲೀಸ್ ಆಗಬೇಕಿದ್ದ ಸಿನಿಮಾವನ್ನು 6ನೇ ತಾರೀಕು ಪ್ರದರ್ಶನವಾಗುವಂತೆ ಮಾಡಿರೋದು ಅಪ್ಪು ಫ್ಯಾನ್ಸ್.

    ದೇವರು ಭಕ್ತರ ಎದುರು ಶರಣಾಗುವಂತೆ ಅಪ್ಪು ಅಭಿಮಾನಿಗಳ ಎದುರು ರಾಕ್‍ಲೈನ್ ಶರಣಾಗಿದ್ದಾರೆ. ಹೀಗಾಗಿ ರಾತ್ರಿ 10.30ಕ್ಕೆ ಪ್ರಸನ್ನ ಥಿಯೇಟರ್‍ನಲ್ಲಿ ಮೊದಲ ಶೋ ಪ್ರದರ್ಶನಗೊಂಡಿದೆ. 

    ಇನ್ನು ಶ್ರೀನಿವಾಸ, ಊರ್ವಶಿ ಹಾಗೂ ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಮಧ್ಯರಾತ್ರಿಯೇ ನಟಸಾರ್ವಭೌಮನಿಗೆ ಉಘೇ ಉಘೇ ಎಂದಿದ್ದಾರೆ ಪ್ರೇಕ್ಷಕರು. ಅಪ್ಪು ಜೊತೆ ರಚಿತಾ ರಾಮ್, ಅನುಪಮಾ ಜೋಡಿ ಮೋಡಿಯನ್ನೇ ಮಾಡುತ್ತಿದೆ. ಪವನ್ ಒಡೆಯರ್ ಮತ್ತೊಮ್ಮೆ ಗೆದ್ದಿದ್ದಾರೆ.

  • ಸ್ಸಾರಿ ಪಪ್ಪಾ.. ಇನ್ಮುಂದೆ ತಪ್ಪು ಮಾಡಲ್ಲ - ಕಣ್ಣೀರಿಟ್ಟ ರಚಿತಾ ರಾಮ್

    rachita ram cries over her role in i love you

    ಡಿಂಪಲ್ ಕ್ವೀನ್ ರಚಿತಾ ರಾಮ್ ಕಣ್ಣೀರಿಟ್ಟಿದ್ದಾರೆ. ಅದೂ ಮಾಧ್ಯಮವೊಂದರ ಸಂದರ್ಶನದಲ್ಲಿ. ಸದಾ ನಗುವಿಗೆ ಹೆಸರಾದ ಡಿಂಪಲ್ ಕ್ವೀನ್ ಅಪ್ಪನ ಕ್ಷಮೆ ಕೇಳಿ ಕಣ್ಣೀರಿಟ್ಟಿದ್ದಾರೆ. ಅವರ ಕಣ್ಣೀರಿಗೆ ಕಾರಣ ಐ ಲವ್ ಯೂ ಸಿನಿಮಾ ಹಾಗೂ ಆ ಬೋಲ್ಡ್ ದೃಶ್ಯಗಳು.

    ರಚಿತಾ ಅವರ ತಾಯಿ, ಅಕ್ಕ ಸಿನಿಮಾ ನೋಡಿ ಮೆಚ್ಚಿಕೊಂಡರೂ ರಚಿತಾ ಅವರ ತಂದೆ ಸಿನಿಮಾ ನೋಡಿಲ್ಲವಂತೆ. ಅದಕ್ಕೆ ಕಾರಣ ಇಷ್ಟೆ, ರಚಿತಾ ರಾಮ್‍ನನ್ನು ಹೀರೋಯಿನ್ ಆಗಿ ಹಾಗೆ ನೋಡಬಹುದೇನೋ.. ಆದರೆ, ಒಬ್ಬ ತಂದೆಯಾಗಿ ಹಾಗೆ ನೋಡಲು ಸಾಧ್ಯವಿಲ್ಲ ಎಂದಿದ್ದಾರಂತೆ ರಚಿತಾ ಅವರ ತಂದೆ. ಇನ್ನು ಮುಂದೆ ಹಾಗೆ ಮಾಡಲ್ಲ ಎಂದಿರುವ ರಚಿತಾ ರಾಮ್‍ಗೆ, ಅಪ್ಪ ಒಂದು ಮಾತು ಹೇಳಿದ್ರಂತೆ.

    ನೀನು ಸಿನಿಮಾ ಇಂಡಸ್ಟ್ರಿಗೆ ರಚಿತಾ ರಾಮ್ ಇರಬಹುದು. ನನಗೆ ಪುಟ್ಟ ಮಗು ಎಂದರಂತೆ. ಅದನ್ನು ನೆನಪಿಸಿಕೊಂಡು ಕಣ್ಣೀರಿಟ್ಟು ಕ್ಷಮೆ ಕೇಳಿದ್ದಾರೆ ರಚಿತಾ ರಾಮ್.

    ಇದೆಲ್ಲದರ ನಡುವೆಯೂ ಐ ಲವ್ ಯೂ ಸಿನಿಮಾ ಬಾಕ್ಸಾಫೀಸ್‍ನಲ್ಲಿ ಭರ್ಜರಿ ಸದ್ದು ಮಾಡುತ್ತಿದ್ದು, ಸೂಪರ್ ಹಿಟ್ ಸಾಲಿಗೆ ಸೇರಿದೆ.

  • ಹುಬ್ಬಳ್ಳಿಯಲ್ಲಿಂದು ನಟಸಾರ್ವಭೌಮ ಬರೋದು ಗ್ಯಾರಂಟಿ

    puneeth at natasarvabhouma audio launch in hubbali

    ಐಟಿ ದಾಳಿ ಹಿನ್ನೆಲೆಯಲ್ಲಿ ಪುನೀತ್ ರಾಜ್‍ಕುಮಾರ್, ರಾಕ್‍ಲೈನ್ ವೆಂಕಟೇಶ್, ಹುಬ್ಬಳ್ಳಿಗೆ ಬರುತ್ತಾರೋ ಇಲ್ಲವೋ.. ನಟಸಾರ್ವಭೌಮ ಆಡಿಯೋ ರಿಲೀಸ್ ಆಗುತ್ತೋ.. ಇಲ್ಲವೋ ಎಂಬ ಎಲ್ಲ ಗೊಂದಲಗಳಿಗೆ ಈಗ ತೆರೆ ಬಿದ್ದಿದೆ. ಪುನೀತ್ ರಾಜ್‍ಕುಮಾರ್ ಮನೆಯಲ್ಲಿ ಗುರುವಾರ ಬೆಳಗ್ಗೆ ಶುರುವಾದ ಐಟಿ ತನಿಖೆ, ಶುಕ್ರವಾರ ರಾತ್ರಿ ಮುಗಿದಿದೆ. ಎಲ್ಲ ತನಿಖೆ, ವಿಚಾರಣೆ ಮುಗಿದ ಮೇಲೆ ಮಾಧ್ಯಮಗಳೊಂದಿಗೆ ಮಾತನಾಡಿರುವ ಪುನೀತ್ ರಾಜ್‍ಕುಮಾರ್, ತನಿಖೆಗೆ ಎಲ್ಲ ಸಹಕಾರ ನೀಡಿದ್ದೇವೆ. ಅವರ ಕರ್ತವ್ಯ ಅವರು ಮಾಡಿದ್ದಾರೆ ಎಂದಿದ್ದಾರೆ.

    ಇಂದು ಹುಬ್ಬಳ್ಳಿಯಲ್ಲಿ ನಡೆಯಲಿರುವ ನಟಸಾರ್ವಭೌಮ ಆಡಿಯೋ ರಿಲೀಸ್ ಕಾರ್ಯಕ್ರಮಕ್ಕೆ ಹೋಗುವುದಾಗಿಯೂ ಹೇಳಿದ್ದಾರೆ. ಇಂದಿನ ಕಾರ್ಯಕ್ರಮದಲ್ಲಿ ಪುನೀತ್ ಜೊತೆ ಯುವರಾಜ್ ಕುಮಾರ್ ಕೂಡಾ ಸ್ಟೆಪ್ ಹಾಕಲಿದ್ದಾರೆ. ಪವನ್ ಒಡೆಯರ್ ಈಗಾಗಲೇ ತಮ್ಮ ದೊಡ್ಡ ತಂಡದ ಜೊತೆ ಹುಬ್ಬಳ್ಳಿ ತಲುಪಿದ್ದಾರೆ. ರಾಕ್‍ಲೈನ್ ವೆಂಕಟೇಶ್ ಮನೆಯಲ್ಲಿ ಐಟಿ ವಿಚಾರಣೆ ಮುಂದುವರಿದಿರುವ ಹಿನ್ನೆಲೆಯಲ್ಲಿ ಅವರು ಬರುವ ಸಾಧ್ಯತೆ ಇನ್ನೂ ಅನುಮಾನ.

  • ಹ್ಯಾಟ್ರಿಕ್ ಹೀರೋಗೆ ಬುಲ್‍ಬುಲ್ ಜೋಡಿ

    rachita ram in shivanna's next

    ಆರಂಭದಿಂದಲೂ ಸ್ಟಾರ್ ಚಿತ್ರಗಳಿಗೇ ಹೀರೋಯಿನ್ ಆಗುತ್ತಾ ಬಂದಿರೋ ರಚಿತಾ ರಾಮ್, ಈಗ ಕನ್ನಡದ ಸೆಂಚುರಿ ಸ್ಟಾರ್‍ಗೂ ಹೀರೋಯಿನ್ ಆಗುತ್ತಿದ್ದಾರೆ. ದ್ವಾರಕೀಶ್ ಬ್ಯಾನರ್‍ನಲ್ಲಿ ಇದೇ ಮೊದಲ ಬಾರಿಗೆ ನಟಿಸುತ್ತಿರುವ ಶಿವರಾಜ್‍ಕುಮಾರ್‍ಗೆ ರಚಿತಾ ರಾಮ್ ನಾಯಕಿ. ಆಪ್ತಮಿತ್ರ, ಆಪ್ತರಕ್ಷಕ, ದೃಶ್ಯಂ, ಶಿವಲಿಂಗ ಖ್ಯಾತಿಯ ಪಿ.ವಾಸು ನಿರ್ದೇಶನದ ಚಿತ್ರಕ್ಕೆ ಇನ್ನೂ ಹೆಸರಿಟ್ಟಿಲ್ಲ.

    ಶಿವರಾಜ್‍ಕುಮಾರ್ ಜೊತೆ ರಿಯಾಲಿಟಿ ಶೋದಲ್ಲಿ ಭಾಗವಹಿಸಿದ್ದಾಗ ಅವರ ವ್ಯಕ್ತಿತ್ವ ಅರ್ಥವಾಯಿತು. ಇವರ ಜೊತೆಗೆ ನಟಿಸಲೇಬೇಕು ಎಂದು ನಿರ್ಧರಿಸಿದೆ. ಅದಾದ ಕೆಲವೇ ದಿನಗಳಲ್ಲಿ ರುಸ್ತುಂ ಚಿತ್ರದಲ್ಲಿ ಅವಕಾಶ ಬಂತು. ಈಗ.. ಪಿ.ವಾಸು ನಿರ್ದೇಶನದ ಚಿತ್ರದಲ್ಲಿ ಅವರಿಗೇ ಜೋಡಿಯಾಗಿ ನಟಿಸುತ್ತಿದ್ದೇನೆ. ಹೀಗಾಗಿ ಇದೊಂದು ಸ್ಪೆಷಲ್ ಸಿನಿಮಾ ಎಂದಿದ್ದಾರೆ ರಚಿತಾ ರಾಮ್.

    ವಾಸು ಅವರು ರಚಿತಾ ಅವರಿಗೆ ಚಿತ್ರದ ಕಥೆ ಮತ್ತು ಪಾತ್ರದ ಬಗ್ಗೆ ಹೇಳಿದಾಗ ರಚಿತಾ ಪಾತ್ರದೊಳಗೇ ಜಾರಿಬಿಟ್ಟರಂತೆ. ಮನೆಗೆ ಬಂದು ಎರಡು ಗಂಟೆಯಾದರೂ ಆ ಕಥೆ ಮತ್ತು ಪಾತ್ರದ ಗುಂಗಿನಿಂದ ಹೊರಬರೋಕೆ ಸಾಧ್ಯವಾಗಿರಲಿಲ್ಲ ಅನ್ನೋ ಮೂಲಕ ಚಿತ್ರದ ಕುರಿತು ಇನ್ನಷ್ಟು ನಿರೀಕ್ಷೆ ಹೆಚ್ಚಿಸಿದ್ದಾರೆ ರಚಿತಾ ರಾಮ್.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery