` golden star ganesh, - chitraloka.com | Kannada Movie News, Reviews | Image

golden star ganesh,

  • ತೆಲುಗಿಗೂ ಚಮಕ್ ಚಮಕ್ ಚಲೋ..

    chamak in telugu

    ಚಮಕ್. ಗಣೇಶ್, ರಶ್ಮಿಕಾ ಅಭಿನಯದ ಸಿನಿಮಾ ಈಗ ಸೂಪರ್ ಹಿಟ್. ನಿರ್ದೇಶಕ ಸುನಿ ಪ್ರೇಕ್ಷಕರ ಹೃದಯಗಳಲ್ಲಿ ಕಚಗುಳಿ ಇಡುವುದರಲ್ಲಿ ಗೆದ್ದುಬಿಟ್ಟಿದ್ದಾರೆ. ಚಿತ್ರ ಈಗ ಹೊರರಾಜ್ಯ, ವಿದೇಶಗಳಲ್ಲೂ ತೆರೆ ಕಾಣುತ್ತಿದೆ. ಹೀಗಿರುವಾಗಲೇ ಚಮಕ್ ಚಿತ್ರವನ್ನು ತೆಲುಗಿನಲ್ಲೂ ನಿರ್ಮಿಸಲು ನಿರ್ಮಾಪಕ ಟಿ.ಆರ್.ಚಂದ್ರಶೇಖರ್ ಮುಂದಾಗಿದ್ದಾರೆ.

    ಸಿನಿಮಾವನ್ನು ತೆಲುಗಿಗೆ ರೀಮೇಕ್ ಮಾಡಲು ಹಲವರು ರೈಟ್ಸ್ ಕೇಳಿಕೊಂಡು ಬಂದಿದ್ದರಂತೆ. ಆದರೆ, ಯಾರಿಗೂ ಸಿನಿಮಾ ಹಕ್ಕುಗಳನ್ನು ಕೊಡದ ಚಂದ್ರಶೇಖರ್, ತೆಲುಗಿನಲ್ಲಿಯೂ ತಾವೇ ಚಿತ್ರ ನಿರ್ಮಿಸಲು ನಿರ್ಧರಿಸಿದ್ದಾರೆ. ತೆಲುಗಿಗೆ ಪರಿಚಯವಾಗುತ್ತಿರುವ ರಶ್ಮಿಕಾ ಅವರನ್ನೇ ತೆಲುಗು ಚಮಕ್‍ನಲ್ಲೂ ಮುಂದುವರಿಸಲು ತೀರ್ಮಾನಿಸಿರುವ ಚಂದ್ರಶೇಖರ್, ಹೀರೋ ಪಾತ್ರಕ್ಕೆ ನಾನಿ ಅವರನ್ನು ಆಯ್ಕೆ ಮಾಡಿಕೊಳ್ಳುವ ಯೋಜನೆಯಲ್ಲಿದ್ದಾರೆ.

    ಸದ್ಯಕ್ಕೆ ಯಾವುದೂ ಫೈನಲ್ ಆಗಿಲ್ಲ. ತಂತ್ರಜ್ಞರನ್ನೂ ಸೇರಿದಂತೆ ಕೆಲವರನ್ನು ಸಂಪರ್ಕಿಸಲಾಗಿದೆ. ಸದ್ಯಕ್ಕೆ ಚಮಕ್ ಭರ್ಜರಿ ಪ್ರದರ್ಶನ ನೀಡುತ್ತಿದ್ದು, ಮಲ್ಟಿಪ್ಲೆಕ್ಸ್‍ಗಳಲ್ಲಿ ಚಿತ್ರದ ಶೋಗಳನ್ನು ಹೆಚ್ಚಿಸಲಾಗಿದೆ. ಅಮೆರಿಕದಲ್ಲಿ 30 ಹಾಗೂ ಕೆನಡಾದಲ್ಲಿ 2 ಕೇಂದ್ರಗಳಲ್ಲಿ ಕೂಡಾ ಚಮಕ್ ರಿಲೀಸ್ ಆಗಿದ್ದು, ಯಶಸ್ವಿಯಾಗಿ ಪ್ರದರ್ಶನಗೊಳ್ಳುತ್ತಿದೆ. 

  • ಮಗಧೀರ ವಿಲನ್ ಎದುರು ಗಣೇಶ್ ಖದರ್

    ganesh fights with magadheera villain dev gill

    ಆರೆಂಜ್ ಚಿತ್ರದಲ್ಲಿ ಗಣೇಶ್ ಎದುರು ನಾಯಕಿಯಾಗಿರುವುದು ಪ್ರಿಯಾ ಆನಂದ್. ಖಳನಾಯಕನಾಗಿರುವುದು ದೇವ್‍ಗಿಲ್. ಮಗಧೀರ ಚಿತ್ರದಲ್ಲಿ ಹೀರೋನಷ್ಟೇ ಭಯಂಕರವಾಗಿ ಅಬ್ಬರಿಸಿದ್ದ ದೇವ್‍ಗಿಲ್, ಈ ಚಿತ್ರದಲ್ಲಿ ಗಣೇಶ್ ಎದುರು ಘರ್ಜಿಸಿದ್ದಾರೆ.

    ಆರೆಂಜ್‍ನಲ್ಲಿ ಗಣೇಶ್‍ಗೆ ಮಾಸ್ ಲುಕ್ ಇದೆ. ಗಣೇಶ್ ಮತ್ತು ದೇವ್‍ಗಿಲ್ ಮಧ್ಯೆ ಪವರ್‍ಫುಲ್ ಫೈಟ್ ಕೂಡಾ ಇದೆ. ಸಾಹಸ ಸನ್ನಿವೇಶವನ್ನು ಪ್ರಶಾಂತ್ ರಾಜ್ ಸ್ಪೆಷಲ್ಲಾಗಿ ಚಿತ್ರೀಕರಿಸಿದ್ದಾರೆ. ಜೂಮ್ ನಂತರ ಜೊತೆಯಾಗಿರುವ ಗಣೇಶ್-ಪ್ರಶಾಂತ್ ರಾಜ್ ಜೋಡಿ, ಮತ್ತೊಂದು ಮ್ಯಾಜಿಕ್‍ಗೆ ರೆಡಿಯಾಗುತ್ತಿದೆ.

  • ಮಧ್ಯರಾತ್ರಿ 12.30ಕ್ಕೆ ಗಣೇಶ್ ಗಿಮಿಕ್ ದೆವ್ವ..!

    ganesh's horro comedy gimmick trailer launched

    ಗೋಲ್ಡನ್ ಸ್ಟಾರ್ ಗಣೇಶ್, ಇದೇ ಮೊದಲ ಬಾರಿಗೆ ಹಾರರ್ ಚಿತ್ರದಲ್ಲಿ ನಟಿಸಿದ್ದಾರೆ. ಅಫ್‍ಕೋರ್ಸ್.. ಈ ಹಾರರ್ ಚಿತ್ರದಲ್ಲಿ ಕಾಮಿಡಿಯೂ ಇದೆ. ಅದೇ ಗಿಮಿಕ್. ಇದು ನಾಗಣ್ಣ ನಿರ್ದೇಶನದ ಸಿನಿಮಾ.

    ದೆವ್ವವನ್ನೇ ಕಾಮಿಡಿ ಮಾಡುವ ಪಾತ್ರದಲ್ಲಿ ಗಣೇಶ್, ಗಣೇಶ್‍ಗೆ ಜೋಡಿಯಾಗಿ ರೋನಿಕಾ ಸಿಂಗ್ ನಟಿಸಿದ್ದಾರೆ. ಚಿ.ಗುರುದತ್, ರವಿಶಂಕರ್ ಗೌಡ, ಸಾಧು ಕೋಕಿಲ, ಶೋಭರಾಜ್, ಸುಂದರರಾಜ್.. ಹೀಗೆ ಸೀನಿಯರ್ ಕಲಾವಿದರ ದಂಡೇ ಚಿತ್ರದಲ್ಲಿದೆ.

    ಅಂದಹಾಗೆ ಇದು ದಿಲ್ಲುಕು ದುಡ್ಡು ಚಿತ್ರದ ರೀಮೇಕ್. 2016ರಲ್ಲಿ ಸಂತಾನಂ ನಟಿಸಿದ್ದ ಚಿತ್ರವನ್ನು ರೀಮೇಕ್ ಮಾಡಲಾಗಿದೆ. ಟ್ರೇಲರ್‍ನ್ನು ದೆವ್ವದ ಸಮಯ ಎಂದೇ ನಂಬಲಾಗಿರುವ ಮಧ್ಯರಾತ್ರಿ 12.30ಕ್ಕೇ ರಿಲೀಸ್ ಮಾಡಿದ್ದು ವಿಶೇಷ. ಆದರೆ, ಸಿನಿಮಾ ಮಾತ್ರ ಮಾರ್ನಿಂಗ್ ಶೋನಲ್ಲೇ ರಿಲೀಸ್ ಆಗುತ್ತೆ. ವೇಯ್ಟ್ ಮಾಡಿ. ಭಯ ಪಡಿ. 

  • ಮುಗುಳುನಗೆಗೆ ಪ್ರೇಕ್ಷಕರಿಂದ ಗೆಲುವಿನ ಕಾಣಿಕೆ

    mugulunage tweets

    ಮುಗುಳುನಗೆ.. ಯೋಗರಾಜ್ ಭಟ್ ಮತ್ತು ಗಣೇಶ್ ಪುನರ್‍ಮಿಲನದ ಚಿತ್ರ. ಮುಂಗಾರು ಮಳೆಯ ಹ್ಯಾಂಗೋವರ್‍ನಲ್ಲೇ ಇದ್ದ ಪ್ರೇಕ್ಷಕರಿಗೆ ಮುಗುಳುನಗೆ ಹೊಸ ಅನುಭವವನ್ನೇ ನೀಡಿದೆ. 10 ವರ್ಷಗಳ ನಂತರ ಒಂದಾಗಿದ್ದ ಜೋಡಿ, ಮುಂಗಾರು ಮಳೆಯನ್ನು ಮರೆಯುವ ಚಿತ್ರವೊಂದನ್ನು ಕೊಟ್ಟಿದೆ. ಈ ಮಾತು ಹೇಳ್ತಿರೋದು ಪ್ರೇಕ್ಷಕರು.

    ಪ್ರೇಕ್ಷಕರಿಗೆ ಚಿತ್ರದ ಕಥೆಯ ಎಳೆಯೇ ಮೊದಲು ಇಷ್ಟವಾಗಿದೆ. ಅಳುವುದು ಬರದೇ ಇರುವ ನಾಯಕ ಎನ್ನುವ ಕಲ್ಪನೆಯೇ ಥ್ರಿಲ್ ಕೊಟ್ಟಿದೆ. ಕ್ಲೈಮಾಕ್ಸ್ ಬಗ್ಗೆ ಕೂಡಾ ಎಲ್ಲ ಪ್ರೇಕ್ಷಕರಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ. ಹಳೆಯ ಪ್ರೇಮಕಥೆಗಳನ್ನು ನೆನಪಿಸುವ ಚಿತ್ರ, ಹೊಟ್ಟೆ ಹುಣ್ಣಾಗುವಂತೆ ನಗಿಸುವ, ಕ್ಲೈಮಾಕ್ಸ್‍ನಲ್ಲಿ ಇದ್ದಕ್ಕಿದ್ದಂತೆ ಕಣ್ಣಿರು ಹಾಕಿಸುವ ಚಿತ್ರ ಎಂದೆಲ್ಲ ಪ್ರೇಕ್ಷಕರು ವಿಮರ್ಶೆ ಬರೆದಿದ್ದಾರೆ.

    ಭಟ್ಟರ ಕಥೆ, ಗಣೇಶ್ ಅಭಿನಯ ಹರಿಕೃಷ್ಣ ಸಂಗೀತ, ಭಟ್-ಕಾಯ್ಕಿಣಿ ಜುಗಲ್‍ಬಂದಿಯ ಸಾಹಿತ್ಯಕ್ಕೆ ಪ್ರೇಕ್ಷಕರು ಮಾರು ಹೋಗಿದ್ದಾರೆ. ಆದರೆ, ಚಿತ್ರದಲ್ಲಿ ಮುಗುಳುನಗೆಯೇ ನೀ ಹೇಳು ಟೈಟಲ್ ಟ್ರ್ಯಾಕ್ ಇಲ್ಲ ಎನ್ನುವ ಬೇಸರವನ್ನೂ ಹೊರಹಾಕಿದ್ದಾರೆ. ಮೊದಲ ದಿನದ ಗೆಲುವು ಸಿಕ್ಕಿದೆ. ಮುಂಗಾರು ಮಳೆಯ ಇತಿಹಾಸ ಮರುಕಳಿಸುತ್ತಾ..? 

  • ಯಾರೊ ಯಾರೋ ಎಂದ ಚೆಲುವೆಗೆ ಗಣೇಶ್ ಏನಂದ್ರು..?

    orange releasing on dec 7th

    ಯಾರೋ ಯಾರೋ.. ಯಾರೋ.. ನೀನು.. ನಂಗೆ ನೀನು ಯಾರು..

    ಹೇಳು ಹೇಳು ಹೇಳು.. ನೀನೇ ನಂಗೆ ಚೂರು..

    ಇದು ಆರೆಂಜ್ ಚಿತ್ರದ ಗೀತೆಯ ಸಾಲು. ರಾಜಕುಮಾರಿ ಪ್ರಿಯಾ ಆನಂದ್, ಈ ಚಿತ್ರದಲ್ಲಿ ಚೆಲುವ ಗಣೇಶ್‍ಗೆ ಹಾಡುವ ಹಾಡಿದು. ಚೆಲುವೆಯ ಕಣ್ಣೋಟಕ್ಕೆ ಗಣೇಶ್ ಏನ್ ಹೇಳಿದ್ರು ಅನ್ನೋದನ್ನ ಸಿನಿಮಾದಲ್ಲೇ ನೋಡಬೇಕು. ಡಿಸೆಂಬರ್ ಮೊದಲ ವಾರದಲ್ಲಿ ರಿಲೀಸ್ ಆಗುತ್ತಿರುವ ಆರೆಂಜ್‍ಗೆ ಪ್ರಶಾಂತ್ ರಾಜ್ ನಿರ್ದೇಶನವಿದೆ. 

    ಜೂಮ್ ಚಿತ್ರದಲ್ಲಿ ಮೋಡಿ ಮಾಡಿದ್ದ ಜೋಡಿ, ಆರೆಂಜ್‍ನಲ್ಲಿ ಮತ್ತೆ ಒಂದಾಗಿದೆ. ರಿಲೀಸ್ ಡೇಟ್ ಘೋಷಿಸಿ ಟ್ರೇಲರ್ ರಿಲೀಸ್ ಮಾಡಲು ಸಿದ್ಧತೆ ನಡೆಸಿರುವ ಚಿತ್ರತಂಡ, ಕೆಲವೇ ದಿನಗಳಲ್ಲಿ ಟ್ರೇಲರ್ ಬಿಡುತ್ತಿದೆ. ಎಸ್.ಎಸ್.ತಮನ್ ಸಂಗೀತ ನಿರ್ದೇಶನದ ಹಾಡುಗಳು ಸದ್ದು ಮಾಡುತ್ತಿದ್ದು, ಅಬ್ಬರಕ್ಕಿಂತ ಹೆಚ್ಚಾಗಿ  ಮೆಲೋಡಿ ಹಾಡುಗಳಿವೆ. ಖೈದಿಯ ವೇಷದಲ್ಲಿ ಗಣೇಶ್‍ರ ಫಸ್ಟ್ ಲುಕ್ ಕೊಟ್ಟಿದ್ದ ಪ್ರಶಾಂತ್ ರಾಜ್, ಟ್ರೇಲರ್‍ನಲ್ಲಿ ಏನು ಸ್ಪೆಷಲ್ ಕೊಡ್ತಾರೆ. ಜಸ್ಟ್ ವೇಯ್ಟ್

  • ರಶ್ಮಿಕಾಗೆ ತಾಳಿ ಕಟ್ಟಿದರು ಗಣೇಶ್..!

    ganesh ties knot to rashmika

    ಹೌದಾ ಮೊನ್ನೆ ಮೊನ್ನೆಯಷ್ಟೇ ರಕ್ಷಿತ್ ಶೆಟ್ಟಿ ಪ್ರೀತಿಯ ವಿಚಾರ ಹೇಳಿಕೊಂಡಿದ್ರಲ್ಲ..ಗಣೇಶ್​ಗೂ ಈಗಾಗಲೇ ಮದುವೆಯಾಗಿ ಮಕ್ಕಳೂ ಇದ್ದಾರಲ್ಲ..ಏನಾಯ್ತು ಅಂತಾ ಹುಬ್ಬೇರಿಸಬೇಡಿ.

    ಇದು ಚಮಕ್ ಚಿತ್ರದ ದೃಶ್ಯವೊಂದರ ಶೂಟಿಂಗ್ ಅಷ್ಟೆ. ಅದು ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಸಿನಿಮಾ. ಚಿತ್ರದಲ್ಲಿ ಹೀರೋಯಿನ್ ರಶ್ಮಿಕಾ ಮಂದಣ್ಣ. ಚಿತ್ರದಲ್ಲಿ ಬರುವ ಮದುವೆ ದೃಶ್ಯದಲ್ಲಿ ಗಣೇಶ್, ರಶ್ಮಿಕಾಗೆ ಅರುಂಧತಿ ನಕ್ಷತ್ರ ತೋರಿಸಿದ್ದಾರೆ. ಅಷ್ಟೆ.

  • ಲಕ್ಕಿ ಡಿಸೆಂಬರ್‍ನಲ್ಲಿ ಗೋಲ್ಡನ್ ಸ್ಟಾರ್ ಲಕ್ ಪರೀಕ್ಷೆ

    golden star ganesh' lucky december

    ಗೋಲ್ಡನ್ ಸ್ಟಾರ್ ಗಣೇಶ್‍ಗೂ, ಡಿಸೆಂಬರ್‍ಗೂ ಅದೃಷ್ಟದ ನಂಟು. ಡಿಸೆಂಬರ್‍ನಲ್ಲಿ ರಿಲೀಸ್ ಆಗಿರುವ ಅವರ ಸಿನಿಮಾಗಳು ಗೆದ್ದಿರುವುದೇ ಹೆಚ್ಚು. ಮುಂಗಾರು ಮಳೆ, ಜೊತೆ ಜೊತೆಯಲಿ, ಚಮಕ್.. ಇದಕ್ಕೆ ಅತ್ಯುತ್ತಮ ಉದಾಹರಣೆ. ಹೀಗಾಗಿಯೇ ಆರೆಂಜ್ ಚಿತ್ರ ಡಿಸೆಂಬರ್‍ಗಾಗಿ ಕಾದು ತೆರೆಗೆ ಬರುತ್ತಿದೆ.

    ಜೂಮ್‍ನಲ್ಲಿ ಸಕ್ಸಸ್ ಕಂಡಿದ್ದ ಪ್ರಶಾಂತ್ ರಾಜ್-ಗಣೇಶ್ ಜೋಡಿ, ಆರೆಂಜ್‍ನಲ್ಲಿ ಮತ್ತೊಮ್ಮೆ ಗೆಲುವಿನ ಅದೃಷ್ಟ ಪರೀಕ್ಷೆಗಿಳಿದಿದೆ. ರಾಜಕುಮಾರ ಚಿತ್ರದ ನಾಯಕಿ ಪ್ರಿಯಾ ಆನಂದ್‍ಗೆ ಇದು ಕನ್ನಡದಲ್ಲಿ 2ನೇ ಸಿನಿಮಾ. ಒಂಥರಾ ಲಕ್ಕಿ ಜೋಡಿಗಳ ಸಂಗಮ ಆರೆಂಜ್ ಎನ್ನಬಹುದು. ಡಿಸೆಂಬರ್  7ಕ್ಕೆ ಸಿನಿಮಾ ತೆರೆ ಮೇಲೆ ಬರಲಿದೆ.

  • ಲವ್‍ಸ್ಟೋರಿ ಮಾಡೋದೇ ಕಷ್ಟ ಅಂದ್ರು ಭಟ್ಟರು..!

    mugulunage image

    ಈ ಮಾತನ್ನು ಬೇರೆ ಯಾರಾದರೂ ಹೇಳಿದ್ದರೆ ಒಪ್ಪಿಕೊಳ್ಳಬಹುದಿತ್ತೇನೋ..ಆದರೆ, ಹೀಗಂತ ಹೇಳಿರೋದು ಯೋಗರಾಜ್ ಭಟ್. ಮಣಿ, ಮುಂಗಾರುಮಳೆಯಿಂದ, ಈಗಿನ ಮುಗುಳುನಗೆಯವರೆಗೆ ಅವರು ಹೇಳಿದ್ದೆಲ್ಲ ಪ್ರೇಮಕಥೆಗಳೇ. ಆದರೆ, ಪ್ರೇಮಕಥೆ ಹೇಳೋದು ಬಲು ದೊಡ್ಡ ರಿಸ್ಕು ಅಂತಾರೆ ಯೋಗರಾಜ್ ಭಟ್.

    ಏಕೆ ಅಂತಾ ಕೇಳಿದ್ರೆ, ``ಏನ್ಮಾಡೋದು..ಸಿನಿಮಾ ನೋಡುವ ಯುವಕರಿಗೂ, ಯುವತಿಯರಿಂದ ಹಿಡಿದು 80ರ ಮುದುಕರವರೆಗೆ ಅದು ಟಚ್ ಆಗಬೇಕು. ಹಾಗೆ ಪ್ರೇಮಕಥೆ ರೂಪಿಸೋದು ಮತ್ತು ಅದನ್ನು ಆಕರ್ಷಕವಾಗಿ ಹೇಳೋದು ಸುಲಭವಲ್ಲ'' ಅಂತಾರೆ.

    ಮುಗುಳುನಗೆಯಲ್ಲಿ ಈಗಿನ ಯುವಜನಾಂಗದವರ ಪ್ರೇಮಕಥೆಯಿದೆಯಂತೆ. ಪ್ರತಿದಿನ ಕ್ರೈಂ ಮಾಡಬಹುದು, ಕಾಮಿಸಲೂ ಬಹುದು. ಆದರೆ, ಪ್ರತಿದಿನ ಪ್ರೇಮ ಸಾಧ್ಯವಿಲ್ಲ ಎಂದು ಪ್ರೇಮವನ್ನೇ ಸಾಕ್ಷಾತ್ಕರಿಸಿಕೊಂಡ ಬುದ್ದನಂತೆ ಹೇಳುವುದು ಭಟ್ಟರಿಗೆ ಮಾತ್ರ ಸಾಧ್ಯವೇನೋ..

    ಚಿತ್ರದಲ್ಲಿ ಹಲವು ಕಥೆಗಳಿವೆ. ಅವೆಲ್ಲ ಕಥೆಗಳಿಗೆ ನಿಷ್ಕಲ್ಮಶವಾಗಿ ನಗುವ ಮುಖ ಬೇಕಿತ್ತು. ಅಂಥಾದ್ದೊಂಗು ನಗು ಗಣೇಶ್‍ಗಿದೆ.ಹಾಗಾಗಿಯೇ ಅವರನ್ನೇ ನಾಯಕರನ್ನಾಗಿ ಆಯ್ಕೆ ಮಾಡಿದೆವು ಅನ್ನೋದು ಭಟ್ಟರ ವ್ಯಾಖ್ಯಾನ. ಏಕೆಂದರೆ, ಗಣೇಶ್ ಅವರದ್ದು ಚಿತ್ರದುದ್ದಕ್ಕೂ ನಗುವ ಪಾತ್ರ. ಅಳುವುದು ಒಮ್ಮೆ ಮಾತ್ರ. ಹುಟ್ಟಿದಾಗಿನಿಂದ ಒಮ್ಮೆಯೂ ಕಣ್ಣಿರು ಹಾಕದ ಗಣೇಶ್, ಕಣ್ಣೀರು ಹಾಕೋದ್ಯಾಕೆ ಅನ್ನೋದಕ್ಕೆ ಉತ್ತರ ತಿಳಿದುಕೊಳ್ಳಬೇಕೆಂದರೆ, ಮುಗುಳುನಗೆ ನೋಡಲೇಬೇಕು.

  • ವಿದೇಶಿ ಹುಡುಗ ಚಮಕ್ಸ್ ದೇಸೀ ಹುಡುಗಿ

    desi girl and foreign boy

    ಚಮಕ್ ಸಿನಿಮಾದ ಫಸ್ಟ್ ನೈಟ್ ಲೈಟ್ ಆಫ್ ಟೀಸರ್ ಅದೆಂತ ಸೆನ್ಸೇಷನ್ ಸೃಷ್ಟಿಸಿಬಿಟ್ಟಿದೆಯಂದರೆ, ಸಿನಿಮಾದಲ್ಲಿ ಲೈಟ್ ಆಫ್ ಆಗುತ್ತಾ ಇಲ್ವಾ ಅನ್ನೋ ಕುತೂಹಲಕ್ಕೇ ಥಿಯೇಟರ್‍ನತ್ತ ಹೋಗೋಕೆ ಪ್ರೇಕ್ಷಕರು ಸಿದ್ಧರಾಗಿರುವ ಹಾಗಿದೆ. ಇಷ್ಟಕ್ಕೂ ಆ ದೃಶ್ಯದ ಹಿನ್ನೆಲೆ ಏನು..? ಸಿನಿಮಾ ಕಥೆ ಏನು..? ಅಂಥಾ ಹುಡುಕಿದಾರ ಹೊರಬಿದ್ದಿರುವುದೇ ಈ ಮ್ಯಾಟರ್ರು. ವಿದೇಶಿ ಹುಡುಗ ಚಮಕ್ಸ್ ದೇಸೀ ಹುಡುಗಿ.

    ಸಿನಿಮಾದಲ್ಲಿ ಗಣೇಶ್ ಗೈನಕಾಲಜಿಸ್ಟ್ ಮತ್ತು ಫಾರಿನ್ ಹುಡುಗ. ಮದುವೆಯೊಂದರಲ್ಲಿ ಗಣೇಶ್ ದೇಸೀ ಹುಡುಗಿ ರಶ್ಮಿಕಾರನ್ನು ನೋಡಿ ಲವ್ವಲ್ಲಿ ಬಿದ್ದು ಮದುವೆಯೂ ಆಗಿಬಿಡ್ತಾರೆ. ನಾಯಕನ ನಿರೀಕ್ಷೆಯೇ ಬೇರೆ. ನಾಯಕಿ ಇರುವ ರೀತಿಯೇ ಬೇರೆ. ಆಗ ಸೃಷ್ಟಿಯಾಗುವ ರೊಮ್ಯಾಂಟಿಕ್ ಕಾಮಿಡಿಯ ಸರಿಗಮವೇ ಚಮಕ್.

    ಚಿತ್ರದಲ್ಲಿ ಗಣೇಶ್-ರಶ್ಮಿಕಾ ಅವರಷ್ಟೇ ಪ್ರಮುಖ ಪಾತ್ರದಲ್ಲಿ ಕಾಣಿಸಿರೋದು ಸಾಧು ಕೋಕಿಲ. ಅವತಾರ ಪುರುಷ ಸಾಧುಕೋಕಿಲ, ಇಲ್ಲಿ ಅವಾಂತರ ಪುರುಷರಾಗಿ ನಟಿಸಿದ್ದಾರೆ. ಇನ್ನು ಚಿತ್ರದ ಬಗ್ಗೆ ಸುನಿ ರಿಲ್ಯಾಕ್ಸ್ ಆಗಿರೋಕೆ ಇನ್ನೂ ಒಂದು ಕಾರಣವಿದೆ. ಅವರ ಹಿಂದಿನ ಚಿತ್ರಗಳಿಗೆ ಇದ್ದಷ್ಟು ಪೈಪೋಟಿ ಈ ಚಿತ್ರಕ್ಕಿಲ್ಲ. ಸುನಿ ಅವರ ಹಿಂದಿನ ಸಿನಿಮಾಗಳೆಲ್ಲ ಒಂದಲ್ಲ ಒಂದು ದೊಡ್ಡ ಸ್ಟಾರ್ ಚಿತ್ರದೊಂದಿಗೆ ಪೈಪೋಟಿ ಮಾಡಿಕೊಂಡೇ ಬಂದಿದ್ದಂಥವು. ಈ ಬಾರಿ ಅಂತಹ ದೊಡ್ಡ ಸ್ಟಾರ್ ಚಿತ್ರಗಳ ಪೈಪೋಟಿ ಚಮಕ್‍ಗೆ ಇಲ್ಲ. ಮೋಸ್ಟ್ ಲೀ, ಈ ಬಾರಿ ಸುನಿ ಸ್ಟಾರ್‍ನ್ನೇ ಇಟ್ಟುಕೊಂಡು ಚಮಕ್ ಕೊಟ್ಟಿರೋದು ಕಾರಣ ಇರಬಹುದು.

  • ವೇರ್ ಈಸ್ ಗಣೇಶ್ ಕನ್ನಡಕ..?

    ganesh accepts new action film

    ಗೀತಾ, 99, ಗಿಮಿಕ್ ಚಿತ್ರಗಳಲ್ಲಿ ಬ್ಯುಸಿಯಾಗಿರುವ ಗೋಲ್ಡನ್ ಸ್ಟಾರ್ ಗಣೇಶ್ ಹೊಸದೊಂದು ಸಿನಿಮಾಗೆ ಓಕೆ ಎಂದಿದ್ದಾರೆ. ಚಿತ್ರದ ಹೆಸರೇನು ಗೊತ್ತಾ..? ವೇರ್ ಈಸ್ ಮೈ ಕನ್ನಡಕ..?

    ಬಾಲಿವುಡ್ ಸೀರಿಯಲ್ ನಿರ್ಮಾಪಕರಾದ ರಾಜ್ ಮತ್ತು ದಾಮಿನಿ ಅವರು ನಿರ್ದೇಶಿಸುತ್ತಿರುವ ಚಿತ್ರ ಆ್ಯಕ್ಷನ್ ಕಾಮಿಡಿ ಚಿತ್ರವಂತೆ. ಏಪ್ರಿಲ್‍ನಲ್ಲಿ ಶೂಟಿಂಗ್ ಶುರುವಾಗಲಿದೆ. 

  • ಶುರುವಾಗೇ ಬಿಡ್ತು ಗಣೇಶ್ ಗೀತಾ - 3ನೇ ನಾಯಕಿ ಯಾರ್ ಗೊತ್ತಾ..?

    geetha movie launched

    ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಗೀತಾ ಚಿತ್ರ ಶುರುವಾಗಿಬಿಟ್ಟಿದೆ. ಚಿತ್ರದಲ್ಲಿ ಮೂವರು ನಾಯಕಿಯರು. ಪ್ರಯಾಗ್ ಮಾರ್ಟಿನ್, ಪಾರ್ವತಿ ಅರುಣ್ ಅವರ ಜೊತೆಯಲ್ಲೇ ಶಾನ್ವಿ ಶ್ರೀವಾಸ್ತವ್ ಚಿತ್ರಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಅವರದ್ದೇ ಚಿತ್ರದಲ್ಲಿ ಪ್ರಧಾನ ಪಾತ್ರವಂತೆ.

    ಮುಗುಳುನಗೆ ಖ್ಯಾತಿಯ ಸೈಯದ್ ಸಲಾಂ ಮತ್ತು ಗೋಲ್ಡನ್ ಮೂವೀಸ್ ಜಂಟಿಯಾಗಿ ನಿರ್ಮಿಸುತ್ತಿರುವ ಚಿತ್ರಕ್ಕೆ ವಿಜಯ್ ನಾಗೇಂದ್ರ ನಿರ್ದೇಶಕ. ಇವರು ರಾಜಕುಮಾರ, ಮಿಸ್ಟರ್ & ಮಿಸೆಸ್ ರಾಮಚಾರಿ ಚಿತ್ರದ ಸಹನಿರ್ದೇಶಕರಾಗಿದ್ದರು. ಸಂತೋಷ್ ಆನಂದ್‍ರಾಮ್‍ರ ಆಪ್ತಮಿತ್ರ. 

    ಹೀಗಾಗಿ ಪಂಚಮುಖಿ ಗಣಪತಿ ದೇವಸ್ಥಾನದಲ್ಲಿ ನಡೆದ ಚಿತ್ರದ ಮುಹೂರ್ತದಲ್ಲಿ ಸಂತೋಷ್ ಆನಂದ್‍ರಾಮ್, ವಿಜಯ್ ಕಿರಗಂದೂರು, ಜಾಕ್ ಮಂಜು ಮೊದಲಾದವರು ಭಾಗವಹಿಸಿದ್ದರು.

  • ಸಕ್ಸಸ್ ಸರದಾರರೆಲ್ಲ ಒಂದೇ ಕಡೆ ಸೇರಿಬಿಟ್ಟರು..!

    success stars

    ನವರಸ ನಾಯಕ ಜಗ್ಗೇಶ್. ಗೋಲ್ಡನ್ ಸ್ಟಾರ್ ಗಣೇಶ್. ನಿರ್ದೇಶಕ ಪಿ.ವಾಸು. ನಿರ್ಮಾಪಕ ಕೆ.ಎ.ಸುರೇಶ್. ಇವರೆಲ್ಲರೂ ಒಟ್ಟಿಗೇ ಸೇರುತ್ತಿದ್ದಾರೆ. ಒಂದೇ ಚಿತ್ರದಲ್ಲಿ. ಸುರೇಶ್ ನಿರ್ಮಾಣದ ಚಿತ್ರದಲ್ಲಿ ನಿರ್ದೇಶನ ಮಾಡುತ್ತಿರುವುದು ಪಿ.ವಾಸು. ನಟಿಸೋಕೆ ಜಗ್ಗೇಶ್ ಮತ್ತು ಗಣೇಶ್ ಒಪ್ಪಿಕೊಂಡಾಗಿದೆ. ಸಕ್ಸಸ್ ಸರದಾರರೆಲ್ಲ ಒಟ್ಟಿಗೇ ಸೇರಿದಾಗ ಅದ್ಭುತವೊಂದು ಸೃಷ್ಟಿಯಾದರೆ ಅಚ್ಚರಿ ಪಡಬೇಕಿಲ್ಲ.

    ಆಪ್ತಮಿತ್ರ, ದೃಶ್ಯ, ಶಿವಲಿಂಗದಂತಹ ಹಿಟ್ ಕೊಟ್ಟಿದ್ದ ಪಿ.ವಾಸುಗೆ ಗಣೇಶ್, ಜಗ್ಗೇಶ್ ಜೊತೆ ಇದು ಮೊದಲ ಸಿನಿಮಾ. ಶ್ರಾವಣಿ ಸುಬ್ರಹ್ಮಣ್ಯ, ಇನ್ನೇನು ಬಿಡುಗಡೆಯಾಗಲಿರುವ ರಾಜು ಕನ್ನಡ ಮೀಡಿಯಂನಂತಹ ಸಿನಿಮಾ ಕೊಟ್ಟಿರುವ ಸುರೇಶ್‍ಗೂ ಇದು ಬಿಗ್ ಚಾಲೆಂಜ್. ಅಂದಹಾಗೆ ಕನ್ನಡದ ಬಹುದೊಡ್ಡ ಸ್ಟಾರ್ ಜೊತೆ ನಟಿಸಲಿದ್ದೇನೆ ಎಂದು ಜಗ್ಗೇಶ್ ಹೇಳಿದ್ದುದು ಇದೇ ಚಿತ್ರದ ಬಗ್ಗೆ. ಶುಭವಾಗಲಿ ಎಂದು ಹಾರೈಸೋಣ.

    Related Articles :-

    Jaggesh To Act With Ganesh In P Vasu's New Film

  • ಸನ್ ಆಫ್ ಗೋಲ್ಡನ್ ಸ್ಟಾರ್ ಸಿನಿಮಾ ಎಂಟ್ರಿ

    ganesh son vihaan's debut

    ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಮಗಳು ಚಾರಿತ್ರ್ಯಾಳನ್ನು ಚಮಕ್ ಚಿತ್ರದಲ್ಲಿ ಈಗಾಗಲೇ ನೋಡಿದ್ದೀರಿ. ಗಣೇಶ್-ರಶ್ಮಿಕಾ ಜೋಡಿಯ ಮಗಳಾಗಿ ಕ್ಲೈಮಾಕ್ಸ್‍ನಲ್ಲಿ ಕಾಣಿಸಿಕೊಂಡಿದ್ದಳು ಚಾರಿತ್ರ್ಯಾ. ಈಗ ಅವರ ಮಗನ ಸರದಿ.

    ಗಣೇಶ್ ಅಭಿನಯದ ಗೀತಾ ಚಿತ್ರದ ಮೂಲಕ ಗಣೇಶ್ ಅವರ ಪುತ್ರ ವಿಹಾನ್ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡಿದ್ದಾನೆ. ವಿಜಯ್ ನಾಗೇಂದ್ರ ನಿರ್ದೇಶನದ ಚಿತ್ರದಲ್ಲಿ ವಿಹಾನ್, ಅಪ್ಪನ ಜೊತೆ ಕಾಣಿಸಿಕೊಂಡಿದ್ದಾನೆ. ಶಾನ್ವಿ ಶ್ರೀವಾಸ್ತವ್, ಪಾರ್ವತಿ ಮತ್ತು ಪ್ರಯಾಗ ಎಂಬ ಮೂವರು ನಾಯಕಿಯರಿರುವ ಚಿತ್ರ ಗೀತಾ. ಗೀತಾ ಚಿತ್ರದ ಮೂಲಕ ಗಣೇಶ್ ಪುತ್ರ ಎಂಟ್ರಿ ಕೊಟ್ಟಿರುವುದು ಚಿತ್ರದ ವಿಶೇಷ.

  • ಸಭ್ಯ ತುಂಟ ಪ್ರೇಮಿಗಳ ಮನಸು ಕದ್ದ ಮುಗುಳುನಗೆ ಹಾಡುಗಳು

    mugulunage

    ಅದೊಂಥರಾ ಹಾಗೆ. ಯೋಗರಾಜ ಭಟ್ಟರು ಮತ್ತು ಜಯಂತ್ ಕಾಯ್ಕಿಣಿ ಸೇರಿದರೆ, ತುಂಟತನ, ಅಮರ ಪ್ರೇಮ, ಪೋಲಿತನ, ಸಜ್ಜನಿಕೆಯ ಪ್ರೇಮ.. ಎಲ್ಲವೂ ಒಂದಕ್ಕೊಂದು ಬೆಸೆದುಕೊಂಡು ಬಿಡುತ್ತವೆ. ಮುಗುಳುನಗೆಯಲ್ಲೂ ಅದೇ ಆಗಿದೆ.

    ಮುಗುಳುನಗೆಯ ಹಾಡುಗಳು ಆನ್‍ಲೈನ್‍ನಲ್ಲಿ ಸದ್ದಿಲ್ಲದೇ ಸದ್ದು ಮಾಡುತ್ತಿವೆ. ಸಭ್ಯ ಪ್ರೇಮಿಗಳಿಗೆ ನಿರ್ಮಲ ಏಕಾಂತದಲ್ಲಿ ಇಷ್ಟವಾಗುವಂತಹ ಹಾಡುಗಳನ್ನು ಬರೆದ ಭಟ್ಟರು, ಕಾಯ್ಕಿಣಿ ಮೊದಲ ಸವಾಲು ಗೆದ್ದುಬಿಟ್ಟಿದ್ದಾರೆ.

    ರೂಪಸಿ ಹಾಡಿನಲ್ಲಿ ಪ್ರಿಯತಮೆಯನ್ನು ಹುಡುಕುವ ಸಾಚಾತನ, ಕೆರೆ ಏರಿ ಮ್ಯಾಲ್ ಹಾಡಿನಲ್ಲಿ ಕನಸಿನಲ್ಲಿ ಯಾರೊಬ್ಬರ ಮೈಮೇಲೂ ಬಟ್ಟೆ ನೋಡಿಲ್ಲ, ಕ್ಷಮಿಸಿ ಎನ್ನುವ ಪೋಲಿತನ... ನೋಡುಗರಿಗೆ ಇಷ್ಟವಾಗುತ್ತಿದೆ. ಹಾಡು ನೋಡಿದವರು, ಕೇಳಿದವರು ಮುಗುಳ್ನಗುತ್ತಲೇ ಎಂಜಾಯ್ ಮಾಡುತ್ತಿದ್ದಾರೆ.

    ಬಹುಶಃ, ಮುಗುಳುನಗೆಯ ಮೇಲೊಂದು ಹಾಡು ಬರೆಯುವ ಧೈರ್ಯವನ್ನು ಇದುವರೆಗೆ ಯಾರೂ ಮಾಡಿರಲಿಕ್ಕಿಲ್ಲವೇನೋ..ಅಂಥಾದ್ದೊಂದು ಧೈರ್ಯ ಮಾಡಿ ಗೆದ್ದಿದ್ದಾರೆ ಯೋಗರಾಜ್ ಭಟ್.

    ಇನ್ನು ಗಣೇಶ್ ಮತ್ತು ಭಟ್ಟರ ಕಾಂಬಿನೇಷನ್ 10 ವರ್ಷಗಳ ನಂತರ ಬರುತ್ತಿರುವುದೇ ಪ್ರೇಕ್ಷಕರಲ್ಲಿ ಏನೋ ರೋಮಾಂಚನ. ಆ ರೋಮಾಂಚನ ಥಿಯೇಟರಲ್ಲೂ ಸಿಕ್ಕುಬಿಟ್ಟರೆ, ಮತ್ತೊಂದು ಮುಂಗಾರು ಮಳೆ ಗ್ಯಾರಂಟಿ.

  • ಸ್ಮಶಾನದಲ್ಲಿ ಗೋಲ್ಡನ್ ಸ್ಟಾರ್ ಗಿಮಿಕ್

    ganesh's gimmick first look revealed

    ಗಣೇಶ್ ಎಂದರೆ ಕಾಮಿಡಿ.. ಗಣೇಶ್ ಎಂದರೆ ಸೆಂಟಿಮೆಂಟ್.. ಆ್ಯಕ್ಷನ್ ಸಿನಿಮಾ ಮಾಡಿದ್ದರೂ, ಗಣೇಶ್ ಚಿತ್ರರಸಿಕರ ಪಾಲಿಗೆ ನಮ್ಮನೆ ಹುಡ್ಗ. ಇಂತಹ ಗಣೇಶ್ ಇದೇ ಮೊದಲ ಬಾರಿಗೆ ಭಯ ಹುಟ್ಟಿಸೋಕೆ ಬರುತ್ತಿದ್ದಾರೆ. ಗಿಮಿಕ್ ಚಿತ್ರದ ಫಸ್ಟ್ ಲುಕ್ ಹೊರಬಿದ್ದಿದ್ದು, ದೆವ್ವ ಭೂತದ ಕಥೆ ಹೇಗಿದೆ ಎಂಬ ಕುತೂಹಲ ಹುಟ್ಟಿಸಿದೆ.

    ಸ್ಮಶಾನದಲ್ಲಿ, ಸಮಾಧಿಗಳ ಪಕ್ಕ ಲಾಟೀನು ಹಿಡಿದಿರುವ ಗಣೇಶ್.. ಬೆನ್ನ ಹಿಂದೆ ಆತ್ಮಗಳ ಆಕ್ರಮಣ.. ಫಸ್ಟ್‍ಲುಕ್‍ನಲ್ಲಿ ಕಾಣ್ತಿರೋದು ಇಷ್ಟೆ. ನಿರ್ದೇಶಕ ನಾಗಣ್ಣ ಅವರಿಗೂ ಹಾರರ್ ಸಿನಿಮಾ ಹೊಸ ಅನುಭವ.ಶ್ರೀಲಂಕಾ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ, ಶೂಟಿಂಗ್ ಅಂತಿಮ ಹಂತದಲ್ಲಿದೆ. ದೀಪಕ್ ಸಾಮಿ ನಿರ್ಮಾಣದ ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತವಿದೆ.

  • ಹಾಡು ರಿಲೀಸ್‍ನಲ್ಲೇ ಮುಗುಳುನಗೆ ಕರ್ನಾಟಕ ಯಾತ್ರೆ

    mugulunage movie image

    ಯೋಗರಾಜ್ ಭಟ್ ಮತ್ತು ಗಣೇಶ್ ಪುನರ್ ಮಿಲನದ ಚಿತ್ರ ಮುಗುಳುನಗೆ. ಚಿತ್ರೀಕರಣ ಪೂರೈಸಿರುವ ಚಿತ್ರ, ಈಗ ರಾಜ್ಯಾದ್ಯಂತ ಟೂರ್ ಹೊಡೆಯಲು ಸಿದ್ಧವಾಗಿದೆ. ಅದು ಹಾಡುಗಳ ಬಿಡುಗಡೆಗಾಗಿ. ಈಗಾಗಲೇ ಹೊಡಿ ಒಂಭತ್ತ್ ಹಾಡನ್ನು ಹುಬ್ಬಳ್ಳಿಯಲ್ಲಿ ರಿಲೀಸ್ ಮಾಡಲಾಗಿತ್ತು.

    ಇನ್ನೊಂದು ಹಾಡು ಬೆಂಗಲೂರಿನಲ್ಲೇ ಬಿಡುಗಡೆಯಾಗಿದೆ. ಗಣೇಶ್ ಮನೆಯಲ್ಲಿ. ಜುಲೈ 14ರಂದು ಶಿಲ್ಪಾ ಗಣೇಶ್ ಹುಟ್ಟುಹಬ್ಬ. ಆ ದಿನವೇ ಎರಡನೇ ಹಾಡು ರಿಲೀಸ್ ಆಗಲಿದೆ. 3ನೇ ಹಾಡು ಜುಲೈ 16ಕ್ಕೆ ದಾವಣಗೆರೆಯಲ್ಲಿ ಬಿಡುಗಡೆಯಾದರೆ, ನಾಲ್ಕನೇ ಹಾಡು ಜುಲೈ 18ಕ್ಕೆ ಬಿಡುಗಡೆಯಾಗಲಿದೆ.

    ಈ ನಾಲ್ಕನೇ ಹಾಡಿನ ಬಿಡುಗಡೆಯ ಸ್ಥಳ ನಿರ್ಧಾರವಾಗಿಲ್ಲ. 5 & 6ನೇ ಹಾಡು ಬೆಂಗಳೂರಿನಲ್ಲಿ ಬಿಡುಗಡೆಯಾಗಲಿವೆ. ಒಟ್ಟಿನಲ್ಲಿ ಹಾಡು ಬಿಡುಗಡೆಯ ಮೂಲಕವೇ ಚಿತ್ರಕ್ಕೆ ವಿಭಿನ್ನ ರೀತಿಯ ಪ್ರಚಾರ ನೀಡುತ್ತಿದೆ ಚಿತ್ರತಂಡ.

    Related Articles :-

    Hodi Ombatt Of Mugulu Nage Released In Hubli

    Mugulu Nage Shooting Completed With A Song

    Mugulu Nage Audio In July First Week

    Sharan Sings A Goan Song For Mugulu Nage

    Mugulu Nage Shooting Completed 

    Ganesh's New Look In Mugulu Nage Revealed

  • ಹೆಣ್ಮಕ್ಕಳಿಗಾಗಿ..ಹೆಣ್ಮಕ್ಕಳಿಗೆ ಮಾತ್ರ - ಮುಗುಳುನಗೆ ಸ್ಪೆಷಲ್

    mugulnage special

    ಹೆಣ್ಮಕ್ಳೇ ಸ್ಟ್ರಾಂಗು ಗುರು ಎಂದು ಬರೆದ ಯೋಗರಾಜ್ ಭಟ್ಟರು, ಮುಗುಳುನಗೆ ಚಿತ್ರದಲ್ಲಿ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗುತ್ತಿದ್ದಾರೆ. ಮುಗುಳುನಗೆ ಚಿತ್ರದ ಸ್ಪೆಷಲ್ ಶೋವೊಂದನ್ನು ಹೆಣ್ಣು ಮಕ್ಕಳಿಗಾಗಿಯೇ ಆಯೋಜಿಸುವ ಪ್ಲಾನ್ ಮಾಡಿದ್ದಾರೆ. 

    ಚಿತ್ರದಲ್ಲಿ ನಾಲ್ವರು ಹೆಣ್ಣುಮಕ್ಕಳ ಪಾತ್ರಗಳಿವೆ. ಭಟ್ಟರ ಮೇಲಿರೋ ಕಂಪ್ಲೇಂಟು ಎಂದರೆ, ಅವರ ಚಿತ್ರಗಳಲ್ಲಿ ಪಾತ್ರಗಳಿರುತ್ತವೆ, ಕಥೆಗಳಿರಲ್ಲ ಅನ್ನೋದು. ಅದೆಲ್ಲ ಸೇಡು ತೀರಿಸಿಕೊಳ್ಳುವವರ ಹಾಗೆ, ಈ ಚಿತ್ರದಲ್ಲಿ 5 ಕಥೆ ಹೇಳುತ್ತಾರಂತೆ ಭಟ್ಟರು.

    ಅದೇನೇ ಇರಲಿ, ಭಟ್ಟರ ಸ್ಟ್ರಾಂಗ್ ಹೆಣ್ಮಕ್ಕಳ ಪ್ರೀತಿಗೆ ಜಯವಾಗಲಿ.

#

I Love You Movie Gallery

Rightbanner02_butterfly_inside

Yaana Movie Gallery