` golden star ganesh, - chitraloka.com | Kannada Movie News, Reviews | Image

golden star ganesh,

  • Zoom Trailer To Be Released On The 12th Of June

    zoom movie image

    Ganesh starrer ‘Zoom’ is scheduled for a July 01st release worldwide. Meanwhile, director Prashanth Raj is all set to release the trailer of the film on the 12th of June. The trailer release is organized in the Urvashi Theater in Bangalore at 6 PM and many stars including Ganesh, Radhika Pandith, Prem and others are expected to be a part of this trailer release function.

     ‘Zoom’ is being written and directed by Prashanth Raj. S S Thaman has composed the songs for the film, while Santhosh Rai Pathaje is the cameraman

  • `ಆರೆಂಜ್'ಧಾರಿಯಾಗಲಿದ್ದಾರೆ ಗಣೇಶ್ 

    ganesh's next is orange

    ಚಮಕ್ ನಂತರ ಗಣೇಶ್ ಮುಂದಿನ ಚಿತ್ರ ಯಾವುದು ಎಂಬ ಸಸ್ಪೆನ್ಸ್‍ಗೆ ಈಗ ಉತ್ತರ ಸಿಕ್ಕಿದೆ. ಪ್ರಶಾಂತ್ ರಾಜ್ ನಿರ್ದೇಶನದ ಆರೆಂಜ್ ಚಿತ್ರ ಸೆಟ್ ಏರಲು ಸಿದ್ಧವಾಗಿದೆ. ಫೆ.11ರಂದು ಗಣೇಶ್ ಪಾಲಿಗೆ ವಿಶೇಷ ದಿನ. ಆ ದಿನ ಗಣೇಶ್ ಮದುವೆಯ 10ನೇ ವಾರ್ಷಿಕೋತ್ಸವ.  ಆ ದಿನವೇ ಚಿತ್ರದ ಮುಹೂರ್ತ ನಡೆಸಲು ನಿರ್ದೇಶಕ ಪ್ರಶಾಂತ್ ರಾಜ್ ಸಿದ್ಧತೆ ನಡೆಸಿದ್ದಾರೆ.

    `ಝೂಮ್' ಚಿತ್ರದಲ್ಲಿ ಗಣೇಶ್ ಹೇರ್‍ಸ್ಟೈಲ್ ಬದಲಿಸಿದ್ದ ಪ್ರಶಾಂತ್ ರಾಜ್, ಈ ಚಿತ್ರದಲ್ಲಿ ಗಣೇಶ್‍ರನ್ನು ಇನ್ನಷ್ಟು ಸ್ಟೈಲಿಷ್ ಹಾಗೂ ರೊಮ್ಯಾಂಟಿಕ್ ಆಗಿ ತೋರಿಸಲಿದ್ದಾರೆ. ನಾಯಕಿ ಹಾಗೂ ಸಂಗೀತ ನಿರ್ದೇಶಕರ ಆಯ್ಕೆ ಅಂತಿಮವಾಗಿಲ್ಲ. ಉಳಿದಂತೆ ಕಥೆ, ಚಿತ್ರಕಥೆ, ಸಂಭಾಷನೆ, ಕ್ಯಾಮೆರಾ ಎಲ್ಲವನ್ನೂ ಫೈನಲ್ ಮಾಡಿದ್ದಾರೆ ಪ್ರಶಾಂತ್ ರಾಜ್.

     

  • ಅಂದು ಶಿವಣ್ಣ.. ಇಂದು ಗಣೇಶ್..

    ganesh's daughter in chamak

    ಇದು ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಚಮಕ್ ಚಿತ್ರದ ಕಥೆ. ಚಿತ್ರದಲ್ಲಿ ಗಣೇಶ್ ಮಗಳು ಚಾರಿತ್ರ್ಯ ನಟಿಸುತ್ತಿರುವ ಸುದ್ದಿ ಹಳೆಯದು. ಈಗ ಆ ಪಾತ್ರದ ಶೂಟಿಂಗ್ ಮುಗಿದಿದೆ. ಚಿತ್ರದಲ್ಲಿ ಚಾರಿತ್ರ್ಯ ಗಣೇಶ್ ಮಗಳಾಗಿ ನಟಿಸುತ್ತಿದ್ದಾರೆ.

    ಚಿತ್ರದಲ್ಲಿ ಚಾರಿತ್ರ್ಯ ಕೆಲವೇ ದೃಶ್ಯಗಳಲ್ಲಿ ಬಂದು ಹೋಗುತ್ತಾರಾದರೂ ಚಿತ್ರದಲ್ಲಿ ಅವು ಪ್ರಮುಖ ದೃಶ್ಯಗಳಂತೆ. ಉದಯರವಿ ಬಂದನು ಎನ್ನುತ್ತಾ ಎಂಟ್ರಿ ಕೊಡುತ್ತಾಳಂತೆ ಚಾರಿತ್ರ್ಯ. ಈ ಹಿಂದೆ ಅಂಡಮಾನ್ ಚಿತ್ರದಲ್ಲಿ ಶಿವರಾಜ್ ಕುಮಾರ್ ಮಗಳು, ಸಿನಿಮಾದಲ್ಲೂ ಮಗಳಾಗಿಯೇ ನಟಿಸಿದ್ದರು. ಈಗ ಗಣೇಶ್ ಟೈಂ.

    Related Articles :-

    Ganesh's Daughter Acts In Chamak

  • ಅರೆರೇ ಗಣೇಶ್.. ಇದೆಂಥಾ ಶಾಕ್..?

    ganesh gives sweet shock to his fans in geetha

    ಗೀತಾ ಚಿತ್ರ ರಿಲೀಸ್ ಆಗಿದೆ. ಗೋಕಾಕ್ ಕನ್ನಡ ಚಳವಳಿಯ ಹಿನ್ನೆಲೆಯಲ್ಲಿ ಅರಳುವ ಪ್ರೇಮ ಕಥೆ ಪ್ರೇಕ್ಷಕರಿಗೆ ಇಷ್ಟವಾಗಿದೆ. ಒಳ್ಳೆಯ ವಿಮರ್ಶೆಯನ್ನೂ ಪಡೆದಿದೆ. ಒಂದು ನವಿರಾದ ಪ್ರೇಮಕಥೆ, ಕನ್ನಡದ ಐತಿಹಾಸಿಕ ಹೋರಾಟ.. ಈ ಎರಡನ್ನೂ ಅದ್ಭುತವಾಗಿ ಬೆರೆಸಿಕೊಟ್ಟು ಗೆದ್ದಿರುವುದು ವಿಜಯ್ ನಾಗೇಂದ್ರ. ಇಷ್ಟೆಲ್ಲದರ ನಡುವೆಯೂ ಪ್ರೇಕ್ಷಕರಿಗೆ ಹಿತವಾದ ಶಾಕ್ ಕೊಟ್ಟಿದ್ದಾರೆ ನಿರ್ದೇಶಕ ವಿಜಯ್.

    ಚಿತ್ರದಲ್ಲಿ ಗಣೇಶ್ ಪಾತ್ರದ ಹೆಸರು ಶಂಕರ್ ಎನ್ನುವುದು ಗೊತ್ತಾಗಿತ್ತು. ಆದರೆ, ಅಪ್ಪಿ ತಪ್ಪಿಯೂ ಗಣೇಶ್ ಈ ಸಿನಿಮಾದಲ್ಲಿ ಎರಡು ಪಾತ್ರದಲ್ಲಿ ನಟಿಸಿದ್ದಾರೆ ಎಂದು ಹೇಳಿರಲಿಲ್ಲ. ಸಿನಿಮಾ ನೋಡುವಾಗ ಅದೊಂದು ಅಚ್ಚರಿ ಪ್ರೇಕ್ಷಕನಿಗೆ ಆಗದೇ ಇರದು. ತಂದೆ-ಮಗ ಎರಡೂ ಪಾತ್ರಗಳಲ್ಲಿ ಮಿಂಚಿರುವ ಗಣೇಶ್, ಕನ್ನಡ ಹೋರಾಟಗಾರನ ಪಾತ್ರದಲ್ಲಂತೂ ಪರಕಾಯ ಪ್ರವೇಶ ಮಾಡಿದ್ದಾರೆ. ಹಿತವಾದ ಶಾಕ್‍ನ್ನು ಖುಷಿಯಿಂದಲೇ ಸಂಭ್ರಮಿಸುತ್ತಿದ್ದಾರೆ ಪ್ರೇಕ್ಷಕರು.

  • ಅಲ್ಲಿ 96.. ಇಲ್ಲಿ 99.. ಅಲ್ಲಿ ವಿಜಯ್.. ಇಲ್ಲಿ ಗಣೇಶ್

    tamil 96 movie to be remade in kannada

    ಇತ್ತೀಚೆಗೆ ಬಿಡುಗಡೆಯಾದ ವಿಜಯ್ ಸೇತುಪತಿ-ತ್ರಿಷಾ ಅಭಿನಯದ ತಮಿಳು ಸಿನಿಮಾ 96, ದೊಡ್ಡ ಮಟ್ಟದ ಬ್ಲಾಕ್‍ಬಸ್ಟರ್ ಎನಿಸಿಕೊಂಡಿತು. ಈ ಮಧುರ ಪ್ರೇಮಕಥೆ ಪ್ರೇಕ್ಷಕರಿಗೆ ಸಿಕ್ಕಾಪಟ್ಟೆ ಇಷ್ಟವಾಗಿ, ಸಿನಿಮಾ ಹಿಟ್ ಆಗಿದ್ದು ಈಗ ಇತಿಹಾಸ. ಆ ಚಿತ್ರವನ್ನು ಕನ್ನಡದಲ್ಲಿ ಮಾಡಲು ಮುಂದಾಗಿದ್ದಾರೆ ನಿರ್ಮಾಪಕ ರಾಮು.

    ಕನ್ನಡದಲ್ಲಿ 96 ರೀಮೇಕ್‍ಗೆ ನಿರ್ದೇಶನದ ಹೊಣೆ ಹೊತ್ತಿರುವುದು ಪ್ರೀತಂ ಗುಬ್ಬಿ. ಚಿತ್ರಕ್ಕೆ 96 ಬದಲು, 99 ಅನ್ನೋ ಹೆಸರಿಡಲಾಗಿದೆ. ವಿಜಯ್ ಸೇತುಪತಿ ಪಾತ್ರದಲ್ಲಿ ಗಣೇಶ್ ನಟಿಸುತ್ತಿದ್ದಾರೆ. ನಾಯಕಿಯ ಆಯ್ಕೆ ಇನ್ನಷ್ಟೇ ಆಗಬೇಕಿದೆ. ಅರ್ಜುನ್ ಜನ್ಯ, ಸಂಗೀತ ನಿರ್ದೇಶನದ ಜವಾಬ್ದಾರಿ ವಹಿಸಿಕೊಂಡಿದ್ದಾರೆ.

  • ಅಲ್ಲಿ ತಂದೆ ಸಾವು.. ಇಲ್ಲಿ ಕಾಮಿಡಿಯ ನೋವು.. ಗಣೇಶ್ ಹೇಳಿದ ಕಣ್ಣೀರ ಕಥೆ 

    gimmick team reveals heart touching story

    ಒಬ್ಬ ನಟನ ವೃತ್ತಿಪರತೆಗೆ ಆಗಾಗ್ಗೆ ಸವಾಲುಗಳು ಎದುರಾಗುತ್ತಲೇ ಇರುತ್ತವೆ. ಗಿಮಿಕ್ ಚಿತ್ರದ ಚಿತ್ರೀಕರಣದ ವೇಳೆ ನಾಗಣ್ಣ ಹೇಳಿದ ಕಥೆ ಕೇಳಿದರೆ.. ಕಣ್ಣೀರು ಬಾರದೇ ಇರದು. ಗಿಮಿಕ್ ಚಿತ್ರವನ್ನು ದೊಡ್ಡಬಳ್ಳಾಪುರದ ಬಳಿಯ ಬಂಗಲೆಯೊಂದರಲ್ಲಿ ಶೂಟ್ ಮಾಡುತ್ತಿದ್ದಾಗ, ಗಣೇಶ್ ಅವರಿಗೆ ತಂದೆಯ ಸಾವಿನ ಸುದ್ದಿ ಗೊತ್ತಾಯಿತು. ಆದರೆ, ಗಣೇಶ್ ಆ ದಿನದ ತಮ್ಮ ದೃಶ್ಯಗಳ ಶೂಟಿಂಗ್‍ನ್ನು ಮುಗಿಸಿಯೇ ಹೊರಟರಂತೆ.

    ಅದಕ್ಕೆ ಕಾರಣವಿತ್ತು. ನಮಗೆ ಆ ಬಂಗಲೆ ಶೂಟಿಂಗ್‍ಗೆ ನೀಡಿದ್ದ ಕೊನೆಯ ದಿನವಾಗಿತ್ತು. ಎಲ್ಲ ಕಲಾವಿದರೂ ಅಲ್ಲಿಯೇ ಇದ್ದರು. ಅದನ್ನು ಮುಂದೂಡಿದರೆ.. ಇಡೀ ಚಿತ್ರತಂಡಕ್ಕೆ ಲಕ್ಷಾಂತರ ರೂಪಾಯಿ ನಷ್ಟವಾಗುತ್ತಿತ್ತು. ಇದನ್ನೆಲ್ಲ ತಿಳಿದುಕೊಂಡಿದ್ದ ಗಣೇಶ್ ತಮ್ಮ ಪಾಲಿನ ದೃಶ್ಯಗಳನ್ನು ಮುಗಿಸಿಯೇ ತಂದೆಯ ಅಂತ್ಯ ಸಂಸ್ಕಾರಕ್ಕೆ ಹೊರಟರು ಎನ್ನುತ್ತಾರೆ ನಾಗಣ್ಣ.

    ತಂದೆಯ ಸಾವಿನ ನೋವಿನ ನಡುವೆ ಆ ದಿನ ಗಣೇಶ್ ನಟಿಸಿದ್ದು ಕಾಮಿಡಿ ದೃಶ್ಯಗಳಲ್ಲಿ ಎನ್ನುವಾಗ ಭಾವುಕರಾಗಿದ್ದರು ನಾಗಣ್ಣ. ಆ ದಿನ ನಟಿಸುವುದು ಸುಲಭವಾಗಿರಲಿಲ್ಲ. ಕಲಾವಿದರ ಮನಸ್ಸು ಡಿಸ್ಟರ್ಬ್ ಆದರೆ ನಟಿಸುವುದು ಎಷ್ಟು ಕಷ್ಟ ಎನ್ನುವುದು ನನಗೆ ಆ ದಿನ ಅರಿವಾಯಿತು ಎಂದಿದ್ದಾರೆ ಗಣೇಶ್. 

    ಗಣೇಶ್ ಅವರ ಈ ಘಟನೆ, ಈ ಹಿಂದೆ.. ಪ್ರೀತಿಯ ಮಗು ಮೃತಪಟ್ಟ ಸುದ್ದಿ ಕೇಳಿಯೂ, ರೊಮ್ಯಾಂಟಿಕ್ ದೃಶ್ಯದಲ್ಲಿ ನಟಿಸಿದ್ದ ಎನ್‍ಟಿಆರ್ ವೃತ್ತಿಪರತೆ ನೆನಪಿಸಿದೆ. ಗಿಮಿಕ್ ಇದೇ ವಾರ ಬಿಡುಗಡೆಯಾಗುತ್ತಿದೆ.

    ನಿರ್ದೇಶಕರಿಗೆ ತಿಳಿದರೂ ಸೀನ್‍ಗೆ ಆ್ಯಕ್ಷನ್ ಕಟ್ ಹೇಳೋಕೆ ಆಗಲ್ಲ ಎಂದು ನಿರ್ದೇಶಕ ನಾಗಣ್ಣರಿಂದಲೂ ವಿಷಯ ಮುಚ್ಚಿಟ್ಟಿದ್ದರಂತೆ ಗಣೇಶ್. ನಿರ್ಮಾಪಕ ದೀಪಕ್ ಸಾಮಿ ಹಾಗೂ ನಟ ರವಿಶಂಕರ್ ಅವರಿಗೆ ಮಾತ್ರ ಗಣೇಶ್ ತಂದೆಯ ಸಾವಿನ ವಿಷಯ ಗೊತ್ತಿತ್ತಂತೆ.

  • ಅವಲಕ್ಕಿ.. ಬುವಲಕ್ಕಿ.. ಚಮಕ್ಕು..ಚಮಕ್ಕು..

    avalakki buvalakki

    ಅವಲಕ್ಕಿ ಪವಲಕ್ಕಿ.. ಕಾಂಚಣ ಮಿಣಮಿಣ.. ಏನ್ ನೆನಪಾಗುತ್ತೆ..? ಕಣ್ಣಾಮುಚ್ಚೆ ಕಾಡೇಗೂಡೆ.. ಉದ್ದಿನಮೂಟೆ.. ಉರುಳೇಹೋಯ್ತು.. ಕಣ್ಣ ಮುಂದೆ ಏನ್ ಬಂತು..? 

    ಗೇರ್ ಗೇರ್ ಮಂಗಣ್ಣ.. ಒಂದೂ ಎರಡು.. ರತ್ತೋ ರತ್ತೋ ರಾಯನ ಮಗಳೇ.. ಅರೆ ಇವೆಲ್ಲ ನಾವು ಚಿಕ್ಕ ವಯಸ್ಸಿನಲ್ಲಿದ್ದಾಗ ಹಾಡುತ್ತಿದ್ದ ಹಾಡುಗಳು ಅಂದ್ಕೊಂಡ್ರಾ..? ನಾವು ಕೇಳಿ, ಹಾಡಿ ಮರೆತಿರಬಹುದು. ಆದರೆ, ಸಿಂಪಲ್ ಸುನಿ ಮರೆತಿಲ್ಲ. ಅವರು ಅವುಗಳನ್ನೇ ಇಟ್ಟುಕೊಂಡು ಹಾಡು ಹೊಸೆದು ಒಂದು ಚಮಕ್ ಕೊಟ್ಟೇಬಿಟ್ಟಿದ್ದಾರೆ.

    ಈ ಎಲ್ಲ ಹಾಡುಗಳನ್ನೂ ಇಟ್ಟುಕೊಂಡು ಒಂದು ಹಾಡು ಮಾಡೋದು ಹೇಗೆ ಸಾಧ್ಯ..? ಅನ್ನೋದು ನಿಮ್ಮ ಪ್ರಶ್ನೆಯಾದರೆ, ಸಿಂಪಲ್ ಸುನಿಗೆ ಸಿಂಪಲ್ಲಾಗಿ ಹೇಳೋಕೆ ಬರೊಲ್ವಾ ಅನ್ನೋ ರೀತಿ ನಕ್ಕಿದ್ದಾರೆ ಸುನಿ. ಹಾಡು ಕೇಳಿದರೆ, ಹೀರೋ-ಹೀರೋಯಿನ್ ಒಬ್ಬರಿಗೊಬ್ಬರು ಸವಾಲು ಹಾಕಿಕೊಳ್ಳೋ ಸ್ಟೈಲ್‍ನಲ್ಲಿರೋ ಹಾಗಿದೆ.

    ಗಣೇಶ್-ರಶ್ಮಿಕಾ ಅದೆಂಥಾ ಚಮಕ್ ಕೊಟ್ಟಿದ್ದಾರೆ ನೋಡೋಣ. ಪೊಗರಿನ ಮೂಟೆ.. ನಮ್ಮ ಚಿಟ್ಟೆ.. ಬಿಟ್ಟೆ ಬಿಟ್ಟೆ.. ಬಿಟ್ಟೆ.. ಬಿಟ್ಟೆ ಡಿ.29ಕ್ಕೆ..

  • ಆಗ ಅಣ್ಣಾಬಾಂಡ್.. ಈಗ 99.. ಏನಿದು ಸ್ಪೆಷಲ್..?

    connection between anna bond and 99

    ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ 99 ಚಿತ್ರದಲ್ಲಿ ಹಲವು ವಿಶೇಷಗಳಿವೆ. ಎಲ್ಲಕ್ಕಿಂತ ಹೆಚ್ಚಾಗಿ ಈ ಮ್ಯೂಸಿಕಲ್ ಲವ್ ಸ್ಟೋರಿ ಮೂಲಕ ಅರ್ಜುನ್ ಜನ್ಯಾ ಸೆಂಚುರಿ ಸ್ಟಾರ್ ಆಗಿದ್ದಾರೆ. ಗಣೇಶ್‍ಗೆ ಹೀರೋಯಿನ್ ಆಗಿ ನಟಿಸಿರುವುದು ಜಾಕಿ ಭಾವನಾ. ಗಣೇಶ್ ಜೊತೆ ಇದು ಅವರ 2ನೇ ಸಿನಿಮಾ. ನಿರ್ದೇಶಕ ಪ್ರೀತಂ ಗುಬ್ಬಿ ಚಿತ್ರಕ್ಕೆ ಕನ್ನಡದ ಸ್ಪರ್ಶ ಕೊಟ್ಟಿದ್ದಾರೆ.

    ಇದೆಲ್ಲದರ ಜೊತೆಗೆ 99, ಬೇರೆಯದೇ ದಾಖಲೆ ಬರೆಯುತ್ತಿದೆ. 99 ರಿಲೀಸ್ ಆಗುತ್ತಿರುವುದು ಮೇ 1ರಂದು. ಅಂದು ಬುಧವಾರ.

    ಸಾಮಾನ್ಯವಾಗಿ ಕನ್ನಡ ಚಿತ್ರಗಳು ಗುರುವಾರ ಇಲ್ಲವೇ ಶುಕ್ರವಾರ ರಿಲೀಸ್ ಆಗುತ್ತವೆ. 2012ರಲ್ಲಿ ಪುನೀತ್-ಸೂರಿ ಕಾಂಬಿನೇಷನ್ನಿನ ಅಣ್ಣಾಬಾಂಡ್ ಸಿನಿಮಾ ಇದೇ ರೀತಿ, ಮೇ 1ರಂದು, ಬುಧವಾರವೇ ರಿಲೀಸ್ ಆಗಿತ್ತು. ಅದು ಬಿಟ್ಟರೆ, ಈಗ 99 ಅದೇ ದಾಖಲೆ ಬರೆಯುತ್ತಿದೆ. 

  • ಆರೆಂಜ್ ಆರಂಭ

    orange movie starts

    ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ಪ್ರಶಾಂತ್ ರಾಜ್ ಮತ್ತೊಮ್ಮೆ ಒಂದಾಗಿದ್ದಾರೆ. ಚಮಕ್ ಯಶಸ್ಸಿನ ಝೂಮ್‍ನಲ್ಲಿರುವ ಗಣೇಶ್‍ಗೆ, ಪ್ರಶಾಂತ್ ರಾಜ್ ಜೊತೆ ಇದು 2ನೇ ಚಿತ್ರ. ಸಿನಿಮಾಗೆ ಗಣೇಶ್ ಅವರ ವಿವಾಹ ವಾರ್ಷಿಕೋತ್ಸವದ 10ನೇ ವರ್ಷಾಚರಣೆಯಂದೇ ಮುಹೂರ್ತ ಮಾಡಿರುವುದು ವಿಶೇಷ.

    ರಾಜರಾಜೇಶ್ವರಿ ನಗರದ ದೇವಸ್ಥಾನದಲ್ಲಿ ನಡೆದ ಮುಹೂರ್ತದಲ್ಲಿ ಚಿತ್ರದ ಬಗ್ಗೆ ಯಾವುದೇ ಮಾಹಿತಿ ನೀಡಲಿಲ್ಲ ಚಿತ್ರತಂಡ. ಚಿತ್ರಕ್ಕೆ ತಂತ್ರಜ್ಞರ ಆಯ್ಕೆಯಷ್ಟೇ ಅಗಿದ್ದು, ಉಳಿದ ಕಲಾವಿದರ ಆಯ್ಕೆ ಅಂತಿಮ ಹಂತದಲ್ಲಿದೆ. 

    ಅಂದಹಾಗೆ ಗಣೇಶ್-ಶಿಲ್ಪಾ ವಿವಾಹ ವಾರ್ಷಿಕೋತ್ಸವಕ್ಕೆ ಗಣೇಶ್ ಅವರ ಖುಷಿಗೆ ಇನ್ನೂ ಒಂದು ಕಾರಣವಿತ್ತು. ಗಣೇಶ್ ಅವರ ಮಗಳು ತಮ್ಮ ಕೈಯ್ಯಾರೆ ರೂಪಿಸಿದ ಗ್ರೀಟಿಂಗ್‍ವೊಂದನ್ನು ತಂದೆ,ತಾಯಿಗೆ ಉಡುಗೊರೆಯಾಗಿ ನೀಡಿದ್ದು ಎಲ್ಲರ ಗಮನ ಸೆಳೆಯಿತು.

     

  • ಆರೆಂಜ್ ಕೂಡಾ ರಾಜಕುಮಾರನಂತೆ ಹಿಟ್ ಆಗಲಿದೆ  - ರಾಜಕುಮಾರಿ ಪ್ರಿಯಾ ಹೇಳ್ತಾರೆ ನೋಡಿ

    orange will be hit like rajakaumara

    ಆರೆಂಜ್. ರಾಜಕುಮಾರಿ ಪ್ರಿಯಾ ಆನಂದ್ ನಟಿಸಿರುವ 2ನೇ ಕನ್ನಡ ಸಿನಿಮಾ. ಈ ಚಿತ್ರದಲ್ಲಿ ಪ್ರಿಯಾ ಅಪ್ಪಟ ಮನೆ ಮಗಳು ಹಾಗೂ ಗ್ಲಾಮರ್ ಗೊಂಬೆ. ಎರಡೂ ರೀತಿಯಲ್ಲಿ ಕಾಣಿಸಿಕೊಳ್ತಾರೆ.

    `ಕನ್ನಡದಲ್ಲಿ ಕಥೆ ಚೆನ್ನಾಗಿರುತ್ತೆ. ಹೀಗಾಗಿಯೇ ನಾನು ಕನ್ನಡ ಚಿತ್ರಗಳನ್ನು ಒಪ್ಪಿಕೊಳ್ತೇನೆ. ಆರೆಂಜ್‍ನಲ್ಲೂ ಅಷ್ಟೆ, ಸುಂದರ ಮತ್ತು ಅರ್ಥಪೂರ್ಣ ಕತೆ ಇದೆ. ಆರೆಂಜ್ ಕೂಡಾ ರಾಜಕುಮಾರನಂತೆಯೇ ಹಿಟ್ ಆಗಲಿದೆ' ಇದು ಪ್ರಿಯಾ ಆನಂದ್ ನಿರೀಕ್ಷೆ.

    ಚಿತ್ರದ ಟೈಟಲ್ ಆರೆಂಜ್‍ಗೂ, ನಾಯಕಿಗೂ ಸಿಕ್ಕಾಪಟ್ಟೆ ಸಂಬಂಧವಿದೆ. ಅದೇನು ಅನ್ನೋದನ್ನ ಚಿತ್ರದಲ್ಲಿಯೇ ನೋಡಿ ಅಂತಾರೆ ಪ್ರಿಯಾ ಆನಂದ್. ಗಣೇಶ್ ಮತ್ತು ಪ್ರಶಾಂತ್ ರಾಜ್ ಜೋಡಿ ಮತ್ತೊಮ್ಮೆ ಝೂಮ್ ಮ್ಯಾಜಿಕ್ ಮಾಡುವ ಉತ್ಸಾಹದಲ್ಲಿದೆ.

  • ಇರೋವ್ರು ಮೂರು : ಗಣೇಶ್ ಹೃದಯ ಗೆಲ್ಲೋ ಚೆಲುವೆ ಯಾರು..?

    3 beauties race to win ganesh's heart in geetha

    ರಿಲೀಸ್ ಆಗೋಕೆ ರೆಡಿಯಾಗಿ ನಿಂತಿರೋ ಗೀತಾ ಚಿತ್ರದಲ್ಲಿ ಒಬ್ಬರಲ್ಲ.. ಇಬ್ಬರಲ್ಲ.. ಮೂರು ಮೂರು ಹೀರೋಯಿನ್ಸ್. ಮೂರು ಪಾತ್ರಗಳೂ ಸಿನಿಮಾದ ಒಂದೊಂದು ಪಿಲ್ಲರ್ ಎನ್ನುತ್ತಿದ್ದಾರೆ ನಿರ್ದೇಶಕ ವಿಜಯ್ ನಾಗೇಂದ್ರ. ಮೂವರು ನಾಯಕಿಯರ ಪೈಕಿ ಕನ್ನಡಿಗರಿಗೆ ಚಿರಪರಿಚಿತವಾಗಿರುವ ಮುಖ ಶಾನ್ವಿ ಶ್ರೀವಾಸ್ತವ್.

    ಶಾನ್ವಿಯದ್ದು ಚಿತ್ರದಲ್ಲಿ 2 ಶೇಡ್ ಪಾತ್ರವಿದೆ. 80ರ ದಶಕದಲ್ಲಿ ವೆಸ್ಟರ್ನ್ ಕಲ್ಚರ್‍ಗೆ ಮಾರು ಹೋದ ಹುಡುಗಿಯಾಗಿ ಒಂದು ಪಾತ್ರ ಮತ್ತು ಈಗಿನ ಜನರೇಷನ್ನಿನ ಸಾಫ್ಟ್‍ವೇರ್ ಎಂಜಿನಿಯರ್ ಪಾತ್ರ.

    ಇನ್ನು ಪ್ರಯಾಗ ಮಾರ್ಟಿನ್ ಅವರೇ ಚಿತ್ರದ ಗೀತಾ. ಅವರ ಪಾತ್ರದ ಹೆಸರು. ಚಿತ್ರದ ಟೈಟಲ್ ಪಾತ್ರವಾದ್ದರಿಂದ ಕುತೂಹಲ ಹೆಚ್ಚೇ ಇದೆ.

    ಇನ್ನು ಪಾರ್ವತಿ ಅರುಣ್ ಹೆಸರು ಗೀತಾಂಜಲಿ ಅನ್ನೋ ಪಾತ್ರ. ಬೇರೆ ಭಾಷೆಯ ಹುಡುಗಿ.

    ಮೂರು ಬೇರೆ ಬೇರೆ ಭಾಷೆಯ ಹುಡುಗಿಯರು ಇರೋದು ಯಾಕೆ ಅನ್ನೋದು ಕೂಡಾ ಒಂದು ಸಸ್ಪೆನ್ಸ್. ಭಾಷೆ, ಪ್ರೀತಿ ಎರಡರ ನಡುವೆ ಏನ್ ಕಥೆ..? ಗಣೇಶ್ ಯಾರಿಗೆ ಒಲಿತಾರೆ.. ಇನ್ನೊಂದು ವಾರ ಕುತೂಹಲ ಕಾಯ್ದಿಟ್ಟುಕೊಂಡರೆ ಉತ್ತರ ಸಿಗಲಿದೆ.

  • ಎಂಗೇಜ್ ಹುಡ್ಗೀರ್ ಹಿಂದೆ ಬೀಳೋ ಗಣೇಶ್ ಪಾಡು

    orange is typical ganesh style movie

    ಎಂಗೇಜ್‍ಮೆಂಟ್ ಆದ ಹುಡುಗಿಯನ್ನು ನೋಡೋದು, ಇಷ್ಟಪಡೋದು ಗೋಲ್ಡನ್ ಸ್ಟಾರ್ ಗಣೇಶ್ ಟ್ರೇಡ್‍ಮಾರ್ಕ್ ಆಗಿಬಿಟ್ಟಿದೆ. ಸುಮ್ಮನೆ ನೆನಪಿಸಿಕೊಳ್ಳಿ, ಮುಂಗಾರು ಮಳೆ - ಎಂಗೇಜ್‍ಮೆಂಟ್ ಆಗಿದ್ದ ನಂದಿನಿ ಪೂಜಾ ಗಾಂಧಿ ಮೇಲೆ ಲವ್ವು. ಹುಡುಗಾಟ -

    ಗಣೇಶ್‍ನ ಇಷ್ಟ ಪಡೋ ಹೊತ್ತಿಗೆ ರೇಖಾಗೆ ಇನ್ನೊಂದು ಲವ್ವಾಗಿರುತ್ತೆ.ಗಾಳಿಪಟ - ಗಣಿ ಲವ್ ಮಾಡೋ ಡೈಸಿ ಬೋಪಣ್ಣ ಅವರದ್ದು ವಿಧವೆಯ ಪಾತ್ರಅರಮನೆ - ಗಣೇಶ್‍ಗೆ ಹೀರೋಯಿನ್ ಸಿಗೋದೇ ಇಲ್ಲಶ್ರಾವಣಿ ಸುಬ್ರಹ್ಮಣ್ಯ - ಅಮೂಲ್ಯ ಗಣೇಶ್‍ಗೆ ಸಿಕ್ಕೊದೇ ಲವ್ವರ್ ಜೊತೆ ಓಡಿ ಬಂದಾಗ..ಮಳೆಯಲಿ ಜೊತೆಯಲಿ - ಅವರೇ ನಿರ್ದೇಶಿಸಿದ ಚಿತ್ರದಲ್ಲೂ ಅಷ್ಟೆ.. ನೋ ಚೇಂಜ್ ಸರ್ಕಸ್, ಉಲ್ಲಾಸ ಉತ್ಸಾಹ, ಮಳೆಯಲಿ ಜೊತೆಯಲಿ, ಏನೋ ಒಂಥರಾ, ಮದುವೆ, ದಿಲ್ ರಂಗೀಲಾ, ಖುಷಿ ಖುಷಿಯಾಗಿ, ಮುಗುಳುನಗೆ .. ಹೀಗೆ ಗಣೇಶ್ ಚಿತ್ರಗಳಲ್ಲಿ ಅವರ ಪಾತ್ರದ ಸ್ಟೈಲೇ ಹಾಗೆ..

    ಆರೆಂಜ್ ಚಿತ್ರದಲ್ಲೂ ಹಾಗೇ.. ಹೀರೋಯಿನ್ ಚೆಲುವೆ ಪ್ರಿಯಾ ಆನಂದ್. ಈ ರಾಜಕುಮಾರಿಗೂ ಚಿತ್ರದಲ್ಲಿ ಆಗಲೇ ಎಂಗೇಜ್‍ಮೆಂಟ್ ಆಗಿ, ಆರೆಂಜ್‍ನಿಂದ ಏನೇನೋ ಆಗಿ.. ಲವ್ವಾಗುತ್ತೆ. ಪ್ರಶಾಂತ್ ರಾಜ್ ಕಾಮಿಡಿ ಲವ್ ಸ್ಟೋರಿ ಹೇಳಿದ್ದಾರೆ. ಜಸ್ಟ್ ಎಂಜಾಯ್.

  • ಕಥೆಯಲ್ಲೇ ಇದೆ ಚಮಕ್ ಥ್ರಿಲ್..!

    producer liked chamak's story

    ಚಮಕ್ ಚಿತ್ರ, ಪ್ರೇಕ್ಷಕರಿಗೆ ಚಮಕ್ ಕೊಡೋಕೆ ರೆಡಿಯಾಗಿ ನಿಂತಿದೆ. ಚಮಕ್ ಕೊಡೋರ್ಯಾರು..? ಗಣೇಶ್‍ಗೆ ರಶ್ಮಿಕಾ ಕೊಡ್ತಾರಾ..? ರಶ್ಮಿಕಾಗೆ ಗಣೇಶ್ ಕೊಡ್ತಾರಾ..? ಗೊತ್ತಾಗೋದು ಶುಕ್ರವಾರ. ಸುನಿಯವರಂತೂ ಚಮಕ್ ಕೊಟ್ಟಾಗಿದೆ. ಆದ್ರೆ ಸುನಿ ನಿಜಕ್ಕೂ ಮೊದಲು ಚಮಕ್ ಕೊಟ್ಟಿದ್ದು ಚಿತ್ರದ ನಿರ್ಮಾಪಕರಿಗೆ. 

    ಚಿತ್ರದ ನಿರ್ಮಾಪಕ ಚಂದ್ರಶೇಖರ್, ಉದ್ಯಮಿಯಷ್ಠೇ ಅಲ್ಲ, ಸಾಹಿತ್ಯ, ಸಂಘಟನೆಗಳಲ್ಲೂ ಸಕ್ರಿಯರಾಗಿರುವವರು. ಚಂದ್ರಶೇಖರ್ ಅವರಿಗೆ ಮೊದಲು ಇಷ್ಟವಾಗಿದ್ದೇ ಚಿತ್ರದ ಕಥೆ. ಚಿತ್ರದ ಕಥೆ ಹೇಗಿತ್ತೋ.. ಅದನ್ನು ಅಷ್ಟೇ ಚೆಂದವಾಗಿ ತೆರೆಯ ಮೇಲೆ ತಂದಿದ್ದಾರಂತೆ ಸುನಿ. ಅದನ್ನು ಪ್ರೀತಿಯಿಂದ ಹೇಳಿಕೊಳ್ಳುವ ಚಂದ್ರಶೇಖರ್, ಇದು ಕನ್ನಡದ ಸಿನಿಮಾ ಎಂದು ಹೆಮ್ಮೆಯಿಂದ ಬಣ್ಣಿಸುತ್ತಾರೆ. 

    ಇತ್ತೀಚೆಗೆ ಸಿನಿಮಾದ ಹಾಡುಗಳನ್ನು ಪರಭಾಷೆಯ ಗಾಯಕರ ಕೈಲಿ ಹಾಡಿಸುವುದು ಟ್ರೆಂಡ್ ಆಗಿಬಿಟ್ಟಿದೆ. ಆದರೆ, ಈ ಚಿತ್ರದಲ್ಲಿ ಅದನ್ನು ಮುರಿದಿದ್ದಾರೆ ಚಂದ್ರಶೇಖರ್. ಚಿತ್ರದ ಎಲ್ಲ ಹಾಡುಗಳನ್ನು ಕನ್ನಡದವರಿಂದಲೇ ಹಾಡಿಸಿದ್ದಾರೆ. ಚಿತ್ರದಲ್ಲಿ ಪರಭಾಷಿಕರಿಲ್ಲ ಎನ್ನುವುದು ವಿಶೇಷ.

    ಉತ್ತಮ ಮನರಂಜನೆ, ಉತ್ತಮ ಸಂದೇಶ ಎರಡೂ ಇರುವ ಚಮಕ್, ಪ್ರೇಕ್ಷಕರಿಗೆ ಖಂಡಿತಾ ಇಷ್ಟವಾಗಲಿದೆ ಎನ್ನುವುದು ನಿರ್ಮಾಪಕರ ವಿಶ್ವಾಸ.

  • ಕನ್ನಡ ಪ್ರೇಮಿ.. ಪರಭಾಷಾ ದ್ವೇಷಿಯಲ್ಲ ಈ ಶಂಕರ್

    ganesh clarifies on geetha doubts

    ಗೀತಾ ಸಿನಿಮಾ ಬಿಡುಗಡೆಯಾಗುತ್ತಿರುವ ಹೊತ್ತಿನಲ್ಲಿ ಎದ್ದಿರುವ ಪ್ರಶ್ನೆ ಇದು. ಚಿತ್ರದಲ್ಲಿ ಗೋಕಾಕ್ ಚಳವಳಿಯ ಪ್ರಸ್ತಾಪ, ಗಣೇಶ್ ಅವರ ಸಿಡಿಲಿನಂತಾ ಮಾತುಗಳು.. ಇವೆಲ್ಲವನ್ನೂ ಕೇಳಿದವರಿಗೆ ಇದು ಪರಭಾಷಾ ದ್ವೇಷಿ ಸಿನಿಮಾನ ಎಂಬ ಅನುಮಾನ ಮೂಡಿರಲಿಕ್ಕೂ ಸಾಕು. ಇದೆಲ್ಲ ಅನುಮಾನಗಳಿಗೂ ಗಣೇಶ್ ಅವರೇ ಉತ್ತರ ಕೊಟ್ಟಿದ್ದಾರೆ.

    `ಚಿತ್ರದ ನಾಯಕ ಶಂಕರ್, ಅಪ್ಪಟ ಕನ್ನಡ ಪ್ರೇಮಿ. ಆದರೆ, ಪರಭಾಷಾ ದ್ವೇಷಿಯಲ್ಲ. ಪರಭಾಷೆಗಳನ್ನು ದ್ವೇಷಿಸುವ ಸಣ್ಣ ಅಂಶವೂ ಚಿತ್ರದಲ್ಲಿಲ್ಲ. ಭಾಷೆಯ ವಿಚಾರ ಬಂದಾಗ ಅಭಿಮಾನವನ್ನೇ ಹೋರಾಟವಾಗಿ ಬದಲಿಸುವಂತಹ ಸೂಕ್ಷ್ಮ ಶಕ್ತಿ ಚಿತ್ರದ ಕಥೆಯಲ್ಲಿದೆ ಎಂದಿದ್ದಾರೆ ಗಣೇಶ್.

    ವಿಜಯ್ ನಾಗೇಂದ್ರ ನಿರ್ದೇಶಿಸಿರುವ ಚಿತ್ರಕ್ಕೆ ಶಿಲ್ಪಾ ಗಣೇಶ್, ಸೈಯದ್ ಸಲಾಂ ನಿರ್ಮಾಪಕರು.

  • ಕನ್ನಡದ ಚಮಕ್, ತೆಲುಗಿನಲ್ಲಿ ಗೀತಾ ಚಲೋ

    chamak is geetha chalo in telugu

    ಕನ್ನಡದಲ್ಲಿ ಯಶಸ್ವಿಯಾದ ಸಿನಿಮಾ ಚಮಕ್. ಸಿಂಪಲ್ ಸುನಿ ನಿರ್ದೇಶನದ ಚಮಕ್ ಮೂಲಕ ಗಣೇಶ್-ರಶ್ಮಿಕಾ ಜೋಡಿ ಹಿಟ್ ಆಗಿತ್ತು. ಈಗ ಅದೇ ಸಿನಿಮಾವನ್ನು ತೆಲಗಿನಲ್ಲಿ ತರಲು ಹೊರಟಿದ್ದಾರೆ. ತೆಲುಗಿನಲ್ಲಿ ಚಿತ್ರದ ಹೆಸರು ಗೀತಾ ಚಲೋ.

    ಅಂದಹಾಗೆ ರಶ್ಮಿಕಾ ಮಂದಣ್ಣ ತೆಲುಗಿನಲ್ಲಿ ನಟಿಸಿದ ಮೊದಲ ಸಿನಿಮಾ ಚಲೋ. ಸೂಪರ್ ಡ್ಯೂಪರ್ ಹಿಟ್ ಚಿತ್ರ ಗೀತಗೋವಿಂದಂ. ಎರಡೂ ಚಿತ್ರಗಳ ಟೈಟಲ್‍ನ್ನು ಮಿಕ್ಸ್ ಮಾಡಿ ಗೀತಾ ಚಲೋ ಎಂದು ನಾಮಕರಣ ಮಾಡಿ, ತೆಲುಗಿನಲ್ಲಿ ರಿಲೀಸ್ ಮಾಡಲಾಗುತ್ತಿದೆ.

    ಅಂದಹಾಗೆ ಏಪ್ರಿಲ್ 26ರಂದು ಗಣೇಶ್ ಅಭಿನಯದ 99 ತೆರೆಗೆ ಬರುತ್ತಿದೆ. ಅದೇ ದಿನ, ತೆಲುಗಿನ ಗೀತಾ ಚಲೋ ಚಿತ್ರವೂ ರಿಲೀಸ್ ಆಗುತ್ತಿದೆ.

  • ಕನ್ನಡವೇ ಸತ್ಯ ಎಂದ ಗೀತಾಗೆ ಸ್ಟಾರ್ಸ್ ಚಪ್ಪಾಳೆ

    sandalwood stars appreciate geetha movie song

    ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನದಯ ಗೀತಾ ರಿಲೀಸ್‍ಗೆ ರೆಡಿಯಾಗುತ್ತಿದೆ. ಸಿನಿಮಾ ರಿಲೀಸ್‍ಗೂ ಮೊದಲೇ ದೊಡ್ಡ ಸಂಚಲನ ಸೃಷ್ಟಿಸಿರುವುದು ಸಿನಿಮಾದ ಕನ್ನಡವೇ ಸತ್ಯ ಎಂಬ ಹಾಡು. ಸಂತೋಷ್ ಆನಂದರಾಮ್ ಬರೆದಿರುವ ಹಾಡನ್ನು ಪುನೀತ್ ರಾಜ್‍ಕುಮಾರ್ ಹಾಡಿದ್ದಾರೆ. ಹಾಡಿಗೆ ಪ್ರೇಕ್ಷಕರು ಶಿಳ್ಳೆ ಹೊಡೆಯುತ್ತಿದ್ದರೆ, ಚಿತ್ರರಂಗದ ಸ್ಟಾರ್‍ಗಳು ಚಪ್ಪಾಳೆ ಹೊಡೆಯುತ್ತಿದ್ದಾರೆ.

    ಚಿತ್ರದ ಹಾಡಿಗೆ ನಿರ್ದೇಶಕರಾದ ಯೋಗರಾಜ್ ಭಟ್, ರಿಷಬ್ ಶೆಟ್ಟಿ, ಸಿಂಪಲ್ ಸುನಿ, ರಘುರಾಮ್, ಪೈಲ್ವಾನ್ ಕೃಷ್ಣ, ಎ.ಪಿ.ಅರ್ಜುನ್, ತರುಣ್ ಸುಧೀರ್, ನಾಗಶೇಖರ್, ಪವನ್ ಒಡೆಯರ್, ಚೇತನ್, ಆರ್.ಜೆ.ಮಯೂರ್ ಸೇರಿದಂತೆ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

    ನಟರಾದ ಕಿಚ್ಚ ಸುದೀಪ್, ಜಗ್ಗೇಶ್, ರಮೇಶ್ ಅರವಿಂದ್, ಶರಣ್, ಪ್ರೇಮ್, ಯುವರಾಜ್‍ಕುಮಾರ್, ಅಶಿಕಾ ರಂಗನಾಥ್, ಡಾಲಿ ಧನಂಜಯ್, ಹರ್ಷಿಕಾ ಪೂಣಚ್ಚ, ಬಾಲಾಜಿ, 

    ರವಿಶಂಕರ್ ಗೌಡ, ಜುಡಾನ್ ಸ್ಯಾಂಡಿ, ಧೀರನ್ ರಾಮ್‍ಕುಮಾರ್ ಹಾಗೂ ನಿರ್ಮಾಪಕರಾದ ವಿಜಯ್ ಕಿರಗಂದೂರು, ಕಾರ್ತಿಕ್ ಗೌಡ, ಕೆ.ಪಿ.ಶ್ರೀಕಾಂತ್ ಹಾಡನ್ನು ಬಹಳವಾಗಿ ಮೆಚ್ಚಿಕೊಂಡಿದ್ದಾರೆ.

  • ಕಾಡಿದ್ದ ಸಿನಿಮಾವನ್ನೇ ನಿರ್ದೇಶಿಸಿದ ಪ್ರೀತಂ ಗುಬ್ಬಿ

    preetham gubbi talks about 99 movie

    96, ಕಳೆದ ವರ್ಷ ತೆರೆ ಕಂಡಿದ್ದ ತಮಿಳು ಸಿನಿಮಾ. ವಿಜಯ್ ಸೇತುಪತಿ, ತ್ರಿಷಾ ಅಭಿನಯದ ಚಿತ್ರ, ನಿರ್ದೇಶಕ ಪ್ರೀತಂ ಗುಬ್ಬಿಯವರನ್ನು ಬಹುವಾಗಿ ಕಾಡಿತ್ತಂತೆ. ಸಿನಿಮಾ ನೋಡಿದ ಮೇಲೆ, ಇದನ್ನು ಕನ್ನಡದಲ್ಲಿ ಮಾಡಿದರೆ ಯಾರು ನಟಿಸಬಹುದು ಎಂದುಕೊಂಡಾಗ, ಮನಸ್ಸಿಗೆ ಬಂದವರೇ ಗಣೇಶ್. ತಕ್ಷಣ ಗಣೇಶ್ ಅವರಿಗೆ ಫೋನ್ ಮಾಡಿದ ಪ್ರೀತಂ,  ಈ ಸಿನಿಮಾವನ್ನು ಯಾರಾದರೂ ಕನ್ನಡದಲ್ಲಿ ಮಾಡುತ್ತೇನೆ ಎಂದು ಬಂದರೆ, ಸುಮ್ಮನೆ ಒಪ್ಪಿಕೊಂಡು ಬಿಡಿ, ನಿಮಗೆ ಈ ಕ್ಯಾರೆಕ್ಟರ್ ಅದ್ಭುತವಾಗಿ ಸೂಟ್ ಆಗುತ್ತೆ ಎಂದಿದ್ದರಂತೆ. 

    ಇಲ್ಲಿ ಒಂದು ವಿಷಯ ಹೇಳಬೇಕು, ಇದೆಲ್ಲ ಆಗುವಾಗ 96 ಚಿತ್ರವನ್ನು ಕನ್ನಡದಲ್ಲಿ ರೀಮೇಕ್ ಮಾಡುವ ಐಡಿಯಾ ರಾಮು ಅವರಿಗಾಗಲೀ, ನಿರ್ದೇಶಿಸುತ್ತೇನೆ ಎಂಬ ಕಲ್ಪನೆ ಪ್ರೀತಂ ಗುಬ್ಬಿಯವರಿಗಾಗಲೀ ಇರಲಿಲ್ಲ.

    ಅನಂತರದ ದಿನಗಳಲ್ಲಿ ಎಲ್ಲವೂ ನಡೆದು ಹೋಗಿ, ಗಣೇಶ್ ಹೀರೋ ಆಗಿ, ಭಾವನಾ ನಾಯಕಿಯಾಗಿ, ಪ್ರೀತಂ ಗುಬ್ಬಿಯವರೇ ನಿರ್ದೇಶಕರಾಗಿ 99 ಚಿತ್ರವನ್ನು ಸಿದ್ಧಪಡಿಸಿದ್ದಾರೆ. ಈಗ ಸಿನಿಮಾ ತೆರೆಗೆ ಸಿದ್ಧವಾಗಿದೆ. ದಟ್ ಈಸ್ ಮ್ಯಾಜಿಕ್.

  • ಕಾಮಿಡಿ ಕಿಲಾಡಿಗಳ ಜೊತೆ ಗೋಲ್ಡನ್ ಸ್ಟಾರ್

    ganesh talks about geetha movie

    ಗೋಲ್ಡನ್ ಸ್ಟಾರ್ ಗಣೇಶ್ ಕಾಮಿಡಿಗೆ ಫೇಮಸ್. ಗಣೇಶ್ ಅವರ ಟೈಮಿಂಗಿಗೆ ಸರಿಸಾಟಿಯಾಗುವುದು ಸುಲಭವಲ್ಲ. ಅಂತಹ ಗಣೇಶ್ ಕಾಮಿಡಿ ಕಿಲಾಡಿಗಳಿಗೆ ಹೋದರೆ ಹೇಗಿರುತ್ತೆ..?

    ಗೀತಾ ಚಿತ್ರದ ರಿಲೀಸ್ ಸಂಭ್ರಮದಲ್ಲಿರುವ ಗಣೇಶ್, ಕಾಮಿಡಿ ಕಿಲಾಡಿಗಳು ಶೋಗೆ ಹಾಜರಿ ಹಾಕಿದ್ದಾರೆ. ಯೋಗರಾಜ್ ಭಟ್, ಜಗ್ಗೇಶ್, ರಕ್ಷಿತಾ ಪ್ರೇಮ್ ಜಡ್ಜ್ ಆಗಿರುವ ಶೋನಲ್ಲಿ ಆನಂದ್ ನಿರೂಪಕ. ಪ್ರತಿ ವರ್ಷ ಹೊಸ ಹೊಸ ಪ್ರತಿಭೆಗಳನ್ನು ಬೆಳಕಿಗೆ ತರುವ ಕಾಮಿಡಿ ಶೋನಲ್ಲಿ ಗಣೇಶ್ ಉಪಸ್ಥಿತಿ, ಸ್ಪರ್ಧಿಗಳಿಗೆ ಸ್ಫೂರ್ತಿ ತುಂಬುವುದೂ ಪಕ್ಕಾ.

    ಶೋನಲ್ಲಿ ತಮ್ಮ ಗೀತಾ ಚಿತ್ರದ ಹಲವು ಸ್ಪೆಷಲ್ ಸಂಗತಿ ಹೇಳಲಿದ್ದಾರೆ ಗಣೇಶ್. ಗೋಕಾಕ್ ಚಳವಳಿ, ಕನ್ನಡಿಗರ ಹೋರಾಟ, ಪ್ರೀತಿ, ಭಾಷಾಭಿಮಾನ.. ಹೀಗೆ ಹಲವು ವಿಚಾರಗಳನ್ನಿಟ್ಟುಕೊಂಡು ಬರುತ್ತಿರುವ ಗೀತಾ ಚಿತ್ರ, ಕುತೂಹಲ ಸೃಷ್ಟಿಸಿದೆ. ವಿಜಯ್ ನಾಗೇಂದ್ರ ನಿರ್ದೇಶನದ ಚಿತ್ರದಲ್ಲಿ ಶಾನ್ವಿ ಶ್ರೀವಾಸ್ತವ್, ಪ್ರಯಾಗ ಮಾರ್ಟಿನ್, ಪಾರ್ವತಿ ನಾಯಕಿಯರು. ಸುಧಾರಾಣಿ ಪ್ರಮುಖ ಪಾತ್ರದಲ್ಲಿದ್ದಾರೆ.

  • ಕಾಶಿ ಕುಮಾರಿ ಕನ್ನಡತಿಯಾಗೇಬಿಟ್ರು..!

    shanvi srivatsav dubs in kannada for the first time

    ಶಾನ್ವಿ ಶ್ರೀವಾಸ್ತವ್ ಕನ್ನಡಿಗರಿಗೆ ಚಿರಪರಿಚಿತ ಮುಖ. ಈಗಾಗಲೇ ದರ್ಶನ್, ಯಶ್, ಶ್ರೀಮುರಳಿ, ರಮೇಶ್, ಚಿರಂಜೀವಿ ಸರ್ಜಾ.. ಹೀಗೆ ಹಲವು ನಾಯಕರ ಜೊತೆ ನಟಿಸಿದ್ದಾರೆ.ಆದರೆ ಶಾನ್ವಿಯವರ ಮೂಲ ಕರ್ನಾಟಕ ಅಲ್ಲ. ಉತ್ತರ ಪ್ರದೇಶದ ಪುಣ್ಯಸ್ಥಳ ಕಾಶಿ, ಶಾನ್ವಿಯವರ ಹುಟ್ಟೂರು.

    ಈ ಕಾಶಿ ಕುಮಾರಿ ಕನ್ನಡಕ್ಕೆ ಬಂದಿದ್ದು ಚಂದ್ರಲೇಖ ಚಿತ್ರದ ಮೂಲಕ. ಅದಾದ ಮೇಲೆ ಹಲವು ಚಿತ್ರಗಳಲ್ಲಿ ನಟಿಸಿದ ಶಾನ್ವಿ, ಕನ್ನಡ ಕಲಿತರಾದರೂ.. ಕನ್ನಡದಲ್ಲಿಯೇ ಡಬ್ ಮಾಡುವಷ್ಟು ವಿಶ್ವಾಸ ಬಂದಿಲ್ಲ. ಆದರೆ ಮುಂದೊಂದು ದಿನ ಕನ್ನಡದಲ್ಲಿ ಡಬ್ ಮಾಡಿಯೇ ಮಾಡ್ತೀನಿ ಎಂದಿದ್ದರು. ಈಗ ಆ ಮಾತು ಉಳಿಸಿಕೊಂಡಿದ್ದಾರೆ.

    ಗಣೇಶ್ ಜೊತೆಗೆ ಗೀತಾ ಚಿತ್ರದಲ್ಲಿ ಶಾನ್ವಿಯವರದ್ದು ಮೇಯ್ನ್ ರೋಲ್. ಪ್ರಿಯಾ ಅನ್ನೋ ಸಾಫ್ಟ್‍ವೇರ್ ಎಂಜಿನಿಯರ್ ಆಗಿ ನಟಿಸಿರುವ ಶಾನ್ವಿ, ತಮ್ಮ ಪಾತ್ರಕ್ಕೆ ತಾವೇ ಡಬ್ ಮಾಡಿದ್ದಾರೆ. ಗೀತಾ ಚಿತ್ರದಲ್ಲಿ ಕನ್ನಡ ಚಳವಳಿಯ ಪಾತ್ರವೂ ದೊಡ್ಡದು. ವಿಜಯ ನಾಗೇಂದ್ರ ನಿರ್ದೇಶನದ ಗೀತಾ ಇದೇ ವಾರ ರಿಲೀಸ್ ಆಗುತ್ತಿದೆ.

  • ಕಿಚ್ಚನೂ, ಗಣಿನೂ.. ಸಂಬಂಧಿಕರಂತೆ..!

    sudeep, ganesh are relatives

    ಕಿಚ್ಚ ಸುದೀಪ್ ಮತ್ತು ಗಣೇಶ್ ಬಂಧುಗಳು. ಅದರಲ್ಲೇನಿದೆ ವಿಶೇಷ. ಚಿತ್ರರಂಗದಲ್ಲಿರೋವ್ರೆಲ್ಲ ಹಾಗೆಯೇ ಇದ್ದಾರೆ ಅಂದ್ಕೊಂಡ್ರೆ ಅದು ತಪ್ಪು. ಇದು ಬಂಧು ಬಳಗದ ಬಂಧುತ್ವದ ಕಥೆ. ಇತ್ತೀಚೆಗೆ ಕೆಸಿಸಿ ಟೂರ್ನಿಯಲ್ಲಿ ಜೊತೆಯಲ್ಲಿದ್ದ ವೇಳೆ, ಸುದೀಪ್‍ಗೆ ಗೊತ್ತಾಗಿರುವ ಸತ್ಯ ಇದು.

    ಗಣೇಶ್, ಸುದೀಪ್ ಅವರಿಗೆ ದೂರದ ಸಂಬಂಧಿಯಾಗಬೇಕಂತೆ. ಅದನ್ನು ಖುಷಿಯಿಂದ ಹಂಚಿಕೊಂಡಿರೋ ಸುದೀಪ್, ನನ್ನ ಮನೆಯಲ್ಲೀಗ ಗೋಲ್ಡ್ ಇದೆ. ನಾನೀಗ ಶ್ರೀಮಂತ ಎಂದಿದ್ದಾರೆ.

Adhyaksha In America Success Meet Gallery

Ellidhe Illitanaka Movie Gallery