` dhoomam, - chitraloka.com | Kannada Movie News, Reviews | Image

dhoomam,

  • ಕಾಂತಾರ ಬೆನ್ನಲ್ಲೇ ಧೂಮಂ : ಪವನ್-ಫಹಾದ್-ಹೊಂಬಾಳೆ ಸಮ್ಮಿಲನಂ

    ಕಾಂತಾರ ಬೆನ್ನಲ್ಲೇ ಧೂಮಂ : ಪವನ್-ಫಹಾದ್-ಹೊಂಬಾಳೆ ಸಮ್ಮಿಲನಂ

    ಲೂಸಿಯಾ, ಯು ಟರ್ನ್ ಖ್ಯಾತಿಯ  ಪವನ್ ಕುಮಾರ್  ಮಲಯಾಳಂ ನಟ ಫಹಾದ್ ಫಾಸಿಲ್

    ಜೊತೆ ಸಿನಿಮಾ ಮಾಡಲಿದ್ದಾರೆ ಎನ್ನಲಾಗಿತ್ತು. ಈ ಸಿನಿಮಾ ಬಗ್ಗೆ ಕುತೂಹಲಕಾರಿ ಮಾಹಿತಿಯೊಂದು ಹೊರಬಿದ್ದಿದೆ.ಹೊಂಬಾಳೆ ನಿರ್ಮಾಣದ ಕಾಂತಾರ ಚಿತ್ರವೂ ಸೂಪರ್ ಸಕ್ಸಸ್ ಕಾಣುತ್ತಿದ್ದು ಇದರ ಬೆನ್ನೇಲ್ಲೇ ಧೂಮಂ ಘೋಷಣೆಯಾಗಿದೆ.

    ಫಹಾದ್ ಫಾಸಿಲ್ ಹಾಗೂ ಪವನ್ ಕುಮಾರ್ ಸಿನಿಮಾಕ್ಕೆ ಹೊಂಬಾಳೆ ಫಿಲ್ಮ್ಸ್ ಹಣ ಹೂಡಲಿದೆ.ಈ ಚಿತ್ರದಲ್ಲಿ 'ಸೂರರೈ ಪೋಟ್ರುಗೆ ರಾಷ್ಟ್ರ ಪ್ರಶಸ್ತಿ ಪಡೆದ ಅಪರ್ಣಾ ಬಾಲಮುರಳಿ ನಾಯಕಿ.

    ಪ್ರೀತಾ ಜಯರಾಮನ್ ಕ್ಯಾಮರಾ ನಿರ್ವಹಸಿದರೆ, ಪೂರ್ಣಚಂದ್ರ ತೇಜಸ್ವಿ ಅವರ ಸಂಗೀತ ನೀಡುತ್ತಿದ್ದಾರೆ.

    ಮಲಯಾಳಂ, ಕನ್ನಡ, ತಮಿಳು, ತೆಲುಗು ಭಾಷೆಯಲ್ಲಿ ಈ ಸಿನಿಮಾ ರಿಲೀಸ್ ಆಗಲಿದೆ.

    ಹೊಂಬಾಳೆ ಕೈತುಂಬಾ ಚಿತ್ರಗಳಿವೆ. ಜಗ್ಗೇಶ್-ಸಂತೋಷ್ ಆನಂದರಾಮ್ ಕಾಂಬಿನೇಷನ್ನಿನ ರಾಘವೇಂದ್ರ ಸ್ಟೋರ್ಸ್ ತೆರೆಗೆ ಸಿದ್ಧವಾಗಿದೆ. ಪ್ರಶಾಂತ್ ನೀಲ್-ಪ್ರಭಾಸ್ ಜೊತೆಗಿನ ಚಿತ್ರ ಸಲಾರ್ ಅಂತಿಮ ಹಂತದಲ್ಲಿದೆ.  ರಕ್ಷಿತ್ ಶೆಟ್ಟಿ ಜೊತೆಗೆ ರಿಚರ್ಡ್ ಆಂಟನಿ ತೆರೆಗೆ ಸಿದ್ಧವಾಗಬೇಕಿದೆ. ಇದರ ಜೊತೆ ಫಹಾದ್ ಫಾಸಿಲ್-ಪವನ್ ಕುಮಾರ್ ಸಿನಿಮಾ ಧೂಮಂ ಸಿದ್ಧವಾಗುತ್ತಿದೆ.

    ಪವನ್ ಕುಮಾರ್ ದ್ವಿತ್ವ ಚಿತ್ರ ಮಾಡಬೇಕಿತ್ತು. ಪುನೀತ್ ಅವರಿಗೆ ಮಾಡಬೇಕಿದ್ದ ಅದೇ ಕಥೆಯನ್ನು ಪವನ್, ಫಹಾದ್ ಅವರಿಗೆ ನಿರ್ದೇಶಿಸುತ್ತಾರಾ ಎಂಬ ಕುತೂಹಲ ಅಭಿಮಾನಿಗಳಲ್ಲಿದೆ. ಪವನ್ ಅವರಿಗೂ ಗಾಳಿಪಟ 2 ನಟರಾಗಿ ಸಕ್ಸಸ್ ಆದ ನಂತರ ಸಿದ್ಧವಾಗುತ್ತಿರುವ ಸಿನಿಮಾ ಧೂಮಂ.

  • ಮೂರೇ ತಿಂಗಳಲ್ಲಿ ಧೂಮಂ ಚಿತ್ರೀಕರಣ ಪೂರ್ಣ

    ಮೂರೇ ತಿಂಗಳಲ್ಲಿ ಧೂಮಂ ಚಿತ್ರೀಕರಣ ಪೂರ್ಣ

    ಹೊಂಬಾಳೆಯವರ ಮತ್ತೊಂದು ಸಿನಿಮಾ ಪೋಸ್ಟ್ ಪ್ರೊಡಕ್ಷನ್ ಹಂತಕ್ಕೆ ಬಂದಿದೆ. ಹೊಂಬಾಳೆಯವರ ಹಲವು ಚಿತ್ರಗಳು ವಿವಿಧ ಹಂತಗಳಲ್ಲಿವೆ. ಇದೀಗ ಪವನ್ ಕುಮಾರ್ ನಿರ್ದೇಶನದ ಧೂಮಂ ಚಿತ್ರ ಚಿತ್ರೀಕರಣ ಮುಗಿಸಿದೆ. ಧೂಮಂ ಚಿತ್ರದಲ್ಲಿ ಮಲಯಾಳಂ ಸ್ಟಾರ್ ನಟ ಫಹಾದ್ ಫಾಸಿಲ್ ಹೀರೋ. ತಮಿಳಿನ ಸ್ಟಾರ್ ನಟಿ, ರಾಷ್ಟ್ರಪ್ರಶಸ್ತಿ ಪುರಸ್ಕøತ ಕಲಾವಿದೆ ಅಪರ್ಣಾ ಬಾಲಮುರಳಿ ನಾಯಕಿ.

    ಅಕ್ಟೋಬರ್ 9, 2022ರಂದು ಶುರುವಾಗಿದ್ದ ಸಿನಿಮಾ ಇದೀಗ ಚಿತ್ರೀಕರಣ ಮುಗಿಸಿದೆ. ಲೂಸಿಯಾ, ಯು-ಟರ್ನ್ ಚಿತ್ರಗಳ ಮೂಲಕ ನಾನು ವಿಭಿನ್ನ ಎಂಬ ಮೆಸೇಜ್ ಕೊಟ್ಟಿರೋ ಪವನ್ ಕುಮಾರ್ ಅವರ ಧೂಮಂ ಚಿತ್ರದ ಮೇಲೆ ಭಾರಿ ನಿರೀಕ್ಷೆಯಿದೆ.

    ಸದ್ಯಕ್ಕೆ ಹೊಂಬಾಳೆಯವರ ಮಡಿಲಲ್ಲಿ ಸಲಾರ್, ಬಘೀರ, ಟೈಸನ್, ರಿಚರ್ಡ್ ಆಂಟನಿ ಚಿತ್ರಗಳಿವೆ. ಪ್ರಭಾಸ್, ಶ್ರೀಮುರಳಿ, ಪೃಥ್ವಿರಾಜ್ ಸುಕುಮಾರನ್, ರಕ್ಷಿತ್ ಶೆಟ್ಟಿ, ಸೂರ್ಯ, ಕೀರ್ತಿ ಸುರೇಶ್ ಹಾಗೂ ಯುವ ರಾಜಕುಮಾರ್ ಚಿತ್ರಗಳು ಲಿಸ್ಟಿನಲ್ಲಿವೆ. ಜಗ್ಗೇಶ್-ಸಂತೋಷ್ ಆನಂದರಾಮ್ ಜೋಡಿಯ ರಾಘವೇಂದ್ರ ಸ್ಟೋರ್ಸ್ ಸಿನಿಮಾ ರಿಲೀಸ್ ಡೇಟ್ ಘೋಷಿಸಿ, ಆನಂತರ ಮುಂದಕ್ಕೆ ಹೋಗಿತ್ತು. ಆ ಚಿತ್ರದ ಅಪ್ ಡೇಟ್ ಏನಾಯ್ತು ಎಂಬುದು ಗೊತ್ತಿಲ್ಲ. ಉಳಿದಂತೆ ಹೊಂಬಾಳೆ ರೇಸ್ ಭರ್ಜರಿಯಾಗಿಯೇ ಇದೆ.

  • ಹೊಂಬಾಳೆಯವರ ಧೂಮಂ ಆರಂಭ

    ಹೊಂಬಾಳೆಯವರ ಧೂಮಂ ಆರಂಭ

    ದೇಶದ ಪ್ರತಿಷ್ಠಿತ ಸಿನಿಮಾ ಸಂಸ್ಥೆ ಹೊಂಬಾಳೆ ಹೊಸ ಸಿನಿಮಾ ಆರಂಭಿಸಿದೆ. ಧೂಮಂ ಚಿತ್ರಕ್ಕೆ ಮುಹೂರ್ತ ನೆರವೇರಿದ್ದು ವಿಶೇಷ. ಕಂಠೀರವ ಸ್ಟುಡಿಯೋದಲ್ಲಿ ಮುಹೂರ್ತ ನಡೆಯಿತು. ಮೊದಲ ದೃಶ್ಯಕ್ಕೆ ಮಂಜುನಾಥ ಕಿರಗಂದೂರು ಕ್ಲಾಪ್ ಮಾಡಿದರೆ, ಶೈಲಜಾ ಕಿರಗಂದೂರು ಕ್ಯಾಮೆರಾಗೆ ಚಾಲನೆ ನೀಡಿದರು. ವಿಜಯ್ ಕಿರಗಂದೂರು ನಿರ್ಮಾಣದ ಧೂಮಂ ಚಿತ್ರದ ಮುಹೂರ್ತಕ್ಕೆ ಎಂದಿನಂತೆ ಹೊಂಬಾಳೆ ಕುಟುಂಬದವರೆಲ್ಲ ಹಾಜರಿದ್ದರು.

    ಲೂಸಿಯಾ ಖ್ಯಾತಿಯ ಪವನ್ ಕುಮಾರ್ ನಿರ್ದೇಶನದ ಚಿತ್ರಕ್ಕೆ ಫಹಾದ್ ಫಾಸಿಲ್ ನಾಯಕ. ಮಲಯಾಳಂ ಚಿತ್ರಗಳಲ್ಲಿ ಈಗ ಸ್ಟಾರ್. ಮಲಯಾಳಂ ಸಿನಿಮಾ ನೋಡದವರ ಗಮನಕ್ಕೆ : ಇತ್ತೀಚೆಗೆ  ಕಮಲ್ ಹಾಸನ್ ಅಭಿನಯದ ವಿಕ್ರಂನಲ್ಲಿ ಪೊಲೀಸ್ ಆಫೀಸರ್ ಪಾತ್ರ ಮಾಡಿದ್ದರಲ್ಲ... ಅವರೇ ಫಹಾದ್ ಫಾಸಿಲ್. ನಾಯಕಿ ಅಪರ್ಣ ಬಾಲಮುರಳಿ. ಸೂರರೈ ಪೋಟ್ರು ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದ ರಾಷ್ಟ್ರಪ್ರಶಸ್ತಿ ವಿಜೇತ ಕಲಾವಿದೆ.

    ಅಂದಹಾಗೆ ಇದು ಹೊಂಬಾಳೆಯವರ 12ನೇ ಸಿನಿಮಾ.