ಕ್ರಿಕೆಟ್ ಆಟಗಾರ ಗಣೇಶ್ ಎಂದರೆ ಕನ್ನಡಿಗರಿಗೆ ನೆನಪಾಗೋದು ವೇಗದ ಬೌಲರ್ ದೊಡ್ಡ ಗಣೇಶ್. ಅವರ ವೇಗದ ಎಸೆತಗಳು ಬ್ಯಾಟ್ಸ್‍ಮನ್`ಗಳ ನಿದ್ದೆಕೆಡಿಸಿದ್ದವು. ಅವರನ್ನು ಬಿಟ್ಟರೆ ಇನ್ನೊಬ್ಬ ಗಣೇಶ್ ಹೆಸರಿನ ಕ್ರಿಕೆಟ್ ಆಟಗಾರ ಗಣೇಶ್ ಸತೀಶ್. ಆದರೆ, ಈಗ ಇನ್ನೊಬ್ಬ ಆಟಗಾರ ಬಂದಿದ್ದಾರೆ. ಅವರು ಗಣೇಶ್. ಬ್ಯಾಟ್ಸ್‍ಮನ್. ಅವರನ್ನು ಫ್ಯಾನ್ಸ್ ಗೋಲ್ಡನ್ ಸ್ಟಾರ್ ಎಂದು ಕರೆಯುತ್ತಾರೆ.

ಗಣೇಶ್ ಅವರನ್ನು ಕ್ರಿಕೆಟರ್ ಮಾಡಿರೋ ಕೋಚ್ ಹೆಸರು ಪ್ರೀತಂಗುಬ್ಬಿ. ಬಾನದಾರಿಯಲ್ಲಿ ಗಣೇಶ್ ಅವರಿಗೆ ಕ್ರಿಕೆಟ್ ಆಟಗಾರನ ವೇಷ ಹಾಕಿಸುತ್ತಿದ್ದಾರೆ ಪ್ರೀತಂ. ಅದಕ್ಕಾಗಿ ಈಗಾಗಲೇ ಗಣೇಶ್ ಪ್ರಾಕ್ಟೀಸ್ ಕೂಡಾ ಮಾಡುತ್ತಿದ್ದಾರಂತೆ.

ಸದ್ಯಕ್ಕೆ 15 ದಿನಗಳ ಶೂಟಿಂಗ್ ಮುಗಿದಿದೆ. ಉಳಿದ ಭಾಗದ ಶೂಟಿಂಗ್ ದ.ಆಫ್ರಿಕಾದಲ್ಲಿ ನಡೆಯಬೇಕು. ಇದರ ನಡುವೆ ಗಣೇಶ್ ಅವರ ಗಾಳಿಪಟ 2 ರಿಲೀಸ್ ಇದೆ. ಹೀಗಾಗಿ ಆಗಸ್ಟ್‍ನಲ್ಲಿ ಅಲ್ಲಿ ಚಿತ್ರೀಕರಣ ಶುರುವಾಗಲಿದೆ. ಗಣೇಶ್`ಗೆ ಜೋಡಿಯಾಗಿ ರುಕ್ಮಿಣಿ ವಸಂತ್ ಹಾಗೂ ರೀಷ್ಮಾ ನಾಣಯ್ಯ ನಟಿಸುತ್ತಿದ್ದಾರೆ. ಪ್ರೀತಂ ಗುಬ್ಬಿ ಜೊತೆಯಲ್ಲಿ ಈ ಬಾರಿ ಸಂಗೀತ ನೀಡುವುದಕ್ಕೆ ಹರಿಕೃಷ್ಣ ಕೂಡಾ ಜೊತೆಗೂಡಿದ್ದಾರೆ.

ಬಾನ ದಾರಿಯಲ್ಲಿ ಚಿತ್ರತಂಡ ಮೊದಲಿಗೆ ಗಣೇಶ್ ಅವರ ಪಾತ್ರದ ಲುಕ್ ತೋರಿಸಿತ್ತು. ಕಾಡಿನ ನಡುವೆ ಇರುವ ಗಣೇಶ್ ಮತ್ತು  ಸರ್ಫಿಂಗ್ ಮಾಡುತ್ತಿರುವ ಗಣೇಶ್ ಅವರ ಪೋಸ್ಟರ್ ಹೊರಬಿಟ್ಟಿದ್ದರು ಪ್ರೀತಮ್ ಗುಬ್ಬಿ.

ಅದಕ್ಕೆ ಮ್ಯಾಚ್ ಆಗುವಂತೆ ಚಿತ್ರದ ನಾಯಕಿ ರುಕ್ಮಿಣಿ ವಸಂತ್ ಅವರ ಪಾತ್ರ ಲೀಲಾ ಅವರನ್ನು ಪರಿಚಯಿಸಿದ್ದರು ಪ್ರೀತಮ್. ಲೀಲಾ ಹೆಸರಿನ ಪಾತ್ರದಲ್ಲಿ ರುಕ್ಮಿಣಿ ಸರ್ಫಿಂಗ್ ಮಾಡುವ ಪೋಸ್ಟರ್ ಬಿಟ್ಟು ಕುತೂಹಲ ಹೆಚ್ಚಿಸಿದ್ದರು. ಈಗ ಚಿತ್ರದ ಇನ್ನೊಬ್ಬ ನಾಯಕಿ ರೀಷ್ಮಾ ನಾಣಯ್ಯ ಅವರ ಪೋಸ್ಟರ್ ಬಿಟ್ಟಿದ್ದಾರೆ.

ರೀಷ್ಮಾ ಚಿತ್ರದಲ್ಲಿ ವೈಲ್ಡ್ ಲೈಫ್ ಫೋಟೋಗ್ರಾಫರ್ ಆಗಿ ನಟಿಸುತ್ತಿದ್ದಾರೆ. ಪಾತ್ರದ ಹೆಸರು ಕಾದಂಬರಿ.

ಶ್ರೀವಾರಿ ಟಾಕೀಸ್‍ನಲ್ಲಿ ನಿರ್ಮಾಣವಾಗುತ್ತಿರೋ ಚಿತ್ರದ ಶೂಟಿಂಗ್ ಶೀಘ್ರದಲ್ಲೇ ಶುರುವಾಗುತ್ತಿದೆ. ಪ್ರೀತಾ ಜಯರಾಮನ್ ಅವರ ಕಥೆಗೆ ಪ್ರೀತಮ್ ಗುಬ್ಬಿಯವರೇ ಚಿತ್ರಕಥೆ ಬರೆದಿದ್ದಾರೆ. ಬೆಂಗಳೂರು, ಚೆನ್ನೈ, ವಾರಾಣಸಿಯ ಕಥೆ ಆಫ್ರಿಕಾಗೂ ಹೋಗಲಿದೆ. ಮೇ 25ರಂದು ಶೂಟಿಂಗ್ ಸ್ಟಾರ್ಟ್.

ಗೋಲ್ಡನ್ ಸ್ಟಾರ್ ಗಣೇಶ್, ಪ್ರೀತಂ ಗುಬ್ಬಿ ಕಾಂಬಿನೇಷನ್ನಿನ 4ನೇ ಸಿನಿಮಾ ಬಾನ ದಾರಿಯಲ್ಲಿ.. ನೋಡು ಎಂಥ ಚೆಂದ.  ಚಿತ್ರಕ್ಕೀಗ ಚಾಲನೆ ಸಿಕ್ಕಿದೆ. ಮಹಾಗಣಪತಿ ದೇವಸ್ಥಾನದಲ್ಲಿ ಚಿತ್ರದ ಮುಹೂರ್ತ ನೆರವೇರಿದೆ.

ಪ್ರೀತಂ ಅವರ ತಾಯಿ ಚಿತ್ರದ ಮೊದಲ ದೃಶ್ಯಕ್ಕೆ ಆ್ಯಕ್ಷನ್ ಕಟ್ ಹೇಳಿದರೆ, ನಿರ್ಮಾಪಕರು ಮೊದಲ ದೃಶ್ಯಕ್ಕೆ ಕ್ಲಾಪ್ ಮಾಡಿದರು.

ಗಣೇಶ್ ಎದುರು ರುಕ್ಮಿಣಿ ವಸಂತ್ ಲೀಲಾ ಆಗಿ, ರೀಷ್ಮಾ ನಾಣಯ್ಯ ಕಾದಂಬರಿಯಾಗಿ ನಟಿಸುತ್ತಿದ್ದಾರೆ. ಚಿತ್ರ ವಿದೇಶದಲ್ಲಿ ಹೆಚ್ಚು ಚಿತ್ರೀಕರಣಗೊಳ್ಳಲಿದೆ. ಪ್ರೀತಾ ಜಯರಾಮನ್ ಅವರ ಕಥೆಯ ಚಿತ್ರಕ್ಕೆ ಪ್ರೀತಂ ಅವರದ್ದೇ ಚಿತ್ರಕಥೆ. ನಿರ್ದೇಶನ.

ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ಪ್ರೀತಮ್ ಗುಬ್ಬಿ ಮತ್ತೊಮ್ಮೆ ಒಂದಾಗುತ್ತಿರೋದು ಗೊತ್ತಿರೋ ವಿಷಯ. ಅವರ ಚಿತ್ರಕ್ಕೀಗ ಟೈಟಲ್ ಫಿಕ್ಸ್ ಆಗಿದೆ. ಬಾನದಾರಿಯಲ್ಲಿ.. ಅನ್ನೋದೇ ಚಿತ್ರದ ಟೈಟಲ್.

ಬಾನದಾರಿಯಲ್ಲಿ.. ಎಂದ ಕೂಡಲೇ ಪುನೀತ್ ರಾಜಕುಮಾರ್ ನೆನಪಾಗುತ್ತಾರೆ. ಬಾನದಾರಿಯಲ್ಲಿ ಸೂರ್ಯ ಜಾರಿ ಹೋದ.. ಹಾಡು ಕಣ್ಣೆದುರು ನಿಲ್ಲುತ್ತೆ. ಚಿತ್ರದ ಸ್ಕ್ರಿಪ್ಟ್ ಮುಗಿದ ಮೇಲೆ ಅಚಾನಕ್ಕಾಗಿ ಹೊಳೆದ ಟೈಟಲ್ ಅದು. ಚಿತ್ರದ ಕಥೆಗೆ ಅದು ಅತ್ಯಂತ ಚೆನ್ನಾಗಿ ಸೂಟ್ ಆಗುತ್ತದೆ. ಪುನೀತ್ ಅವರ ನೆನಪೂ ಕೂಡಾ ಇದೆ ಎಂದಿದ್ದಾರೆ ಪ್ರೀತಮ್ ಗುಬ್ಬಿ.

ಸಂಗೀತ ನಿರ್ದೇಶನಕ್ಕೆ ಹರಿಕೃಷ್ಣ ಓಕೆ ಎಂದಿದ್ದಾರೆ. ಮೇ ತಿಂಗಳಲ್ಲಿ ಚಿತ್ರೀಕರಣ ಶುರುವಾಗಲಿದ್ದು, ವರ್ಷದ ಕೊನೆಗೆ ರಿಲೀಸ್ ಮಾಡುವ ಯೋಜನೆಯಲ್ಲಿದ್ದಾರೆ ಪ್ರೀತಮ್ ಗುಬ್ಬಿ.

ಮುಂಗಾರು ಮಳೆಗೆ ಕಥೆ ಬರೆದಿದ್ದ ಪ್ರೀತಮ್ ಗುಬ್ಬಿ, ನಂತರ ಗಣೇಶ್ ಅವರಿಗಾಗಿ ಮಳೆಯಲಿ ಜೊತೆಯಲಿ, ದಿಲ್ ರಂಗೀಲಾ ಮತ್ತು 99 ಚಿತ್ರಗಳನ್ನು ನಿರ್ದೇಶಿಸಿದ್ದರು. ಆ ಎಲ್ಲ ಚಿತ್ರಗಳೂ ಹಿಟ್ ಆದ ನಂತರ ಮತ್ತೊಮ್ಮೆ 4ನೇ ಬಾರಿಗೆ ಡೈರೆಕ್ಟರ್-ಹೀರೋ ಆಗಿ ಜೋಡಿಯಾಗುತ್ತಿದ್ದಾರೆ ಪ್ರೀತಮ್-ಗಣಿ.