` duniya vijay, - chitraloka.com | Kannada Movie News, Reviews | Image

duniya vijay,

  • ಆಗಲ್ಲ ಎಂದಿದ್ದವರು ಮತ್ತೆ ಬಂದಿದ್ದು ಹೇಗೆ..?

    rachitha ram in johnny johnny yes papa

    ಜಾನಿ ಜಾನಿ ಯೆಸ್ ಪಪ್ಪಾ.. ಚಿತ್ರದ ಶೂಟಿಂಗ್ ಶುರುವಾಗಿಬಿಟ್ಟಿದೆ. ಹೊಸ ಪದ್ಮಾವತಿ ಹಾಡಿನ ಶೂಟಿಂಗ್ ನಡೆಯುತ್ತಿದೆ. ಹೊಸ ಪದ್ಮಾವತಿ ಹಾಡಿನಲ್ಲಿ ದುನಿಯಾ ವಿಜಿ ಜೊತೆ ಹೆಜ್ಜೆ ಹಾಕಿರುವುದು ರಚಿತಾ ರಾಮ್.

    ಆದರೆ ಕುತೂಹಲ ಅದಲ್ಲ. ಚಿತ್ರಕ್ಕೆ ಮೊದಲು ನಾಯಕಿಯಾಗಿ ಆಯ್ಕೆಯಾಗಿದ್ದವರು ರಚಿತಾ ರಾಮ್. ಆದರೆ, ಈ ಗುಳಿಗೆನ್ನೆ ಹುಡುಗಿ ಡೇಟ್ಸ್ ಸಮಸ್ಯೆ ಎಂದು ಹೇಳಿ ಚಿತ್ರದಿಂದ ಹಿಂದೆ ಸರಿದಿದ್ದರು. ಆ ನಂತರ ಆ ಜಾಗಕ್ಕೆ ಶ್ರದ್ಧಾ ಶ್ರೀನಾಥ್ ಬಂದಿದ್ದರು. ಶ್ರದ್ಧಾ ಹೀರೋಯಿನ್ ಎಂಬುದೂ ದೊಡ್ಡ ಸುದ್ದಿಯಾಗಿತ್ತು. ಆದರೆ, ಶೂಟಿಂಗ್ ಶುರುವಾಗುವ ವೇಳೆ ಶ್ರದ್ಧಾ ಹೋಗಿ ಮತ್ತೆ ರಚಿತಾ ಬಂದಿದ್ದಾರೆ.

    ಏನ್ ಕಥೆ ಅಂದ್ರೆ, ಗೊತ್ತಾಗಿರೋದು ಮತ್ತದೇ ಡೇಟ್ ಸಮಸ್ಯೆ. ಈಗ ಶ್ರದ್ಧಾಗೆ ಡೇಟ್ ಸಮಸ್ಯೆಯಂತೆ. ರಚಿತಾ ಅವರ ಡೇಟ್ಸ್ ಕ್ಲಿಯರ್ ಆಗಿದೆಯಂತೆ. ಪ್ರೀತಮ್ ಗುಬ್ಬಿ ನಿರ್ದೇಶನದ ಚಿತ್ರ ಆರಂಭದಲ್ಲೇ ಇಷ್ಟೆಲ್ಲ ಸದ್ದು ಸುದ್ದಿ ಮಾಡಿದೆ.

    Related Articles :-

    Rachita Ram Is The Heroine For Johnny Johnny Yes Papa

    Rachita Ram For Johnny Johnny Yes Papa

    Duniya Vijay And Preetham Gubbi Back With Johnny Johnny Yes Papa

  • ಆಟೋ ಕನಕಂಗೂ ಡಾಕ್ಟರ್‍ಗೂ ಲವ್ವಾಗುತ್ತಂತೆ..!

    kanaka movie image

    ಆಟೋ ಡ್ರೈವರ್ ಮತ್ತು ಡಾಕ್ಟರ್ ಒಬ್ಬರಿಗೊಬ್ಬರು ಲವ್ ಮಾಡೋದು ಉಂಟಾ..? ಪ್ರಳಯ ಆಗುತ್ತೆ ಬಿಡ್ರಿ ಅನ್ಬೇಡಿ. ಪ್ರೀತಿಯಲ್ಲಿ ಎಲ್ಲವೂ ಸಾಧ್ಯ. ಅಂದಹಾಗೆ ನಾವ್ ಹೇಳ್ತಾ ಇರೋದು ಕನಕ ಚಿತ್ರದ ಬಗ್ಗೆ. ಜನವರಿ 26ಕ್ಕೆ ಟಾಕೀಸಿಗೆ ಬರುತ್ತಿರುವ ಕನಕ ಚಿತ್ರದ ಸಣ್ಣದೊಂದು ಎಳೆ ಹೊರಬಿದ್ದಿದೆ. 

    ಚಿತ್ರದಲ್ಲಿ ಇಬ್ಬರು ನಾಯಕಿಯರು. ಒಬ್ಬರು ಹರಿಪ್ರಿಯಾ, ಮತ್ತೊಬ್ಬರು ಮಾನ್ವಿತಾ ಹರೀಶ್. ಇವರಿಬ್ಬರಲ್ಲಿ ಮಾನ್ವಿತಾ ಹರೀಶ್ ಅವರು ನಿರ್ವಹಿಸಿರುವುದು ಡಾಕ್ಟರ್ ಪಾತ್ರ. ಈ ಡಾಕ್ಟರ್ ಪಾತ್ರಕ್ಕೂ, ಆ ಆಟೋ ಡ್ರೈವರ್ ಪಾತ್ರಕ್ಕೂ ಪ್ರೀತಿ ಹುಟ್ಟುತ್ತೆ.

    ಡಾ.ರಾಜ್ ಕುಮಾರ್ ಅಭಿಮಾನಿಯಾಗಿ ನಟಿಸಿರುವ ದುನಿಯಾ ವಿಜಯ್, ಡಾ.ರಾಜ್ ಸಂದೇಶಗಳಿಂದಲೇ ಜೀವನ ರೂಪಿಸಿಕೊಂಡಿರುವ ವ್ಯಕ್ತಿ. ಹೀಗೆ ವಿಭಿನ್ನವಾದ ಎಳೆಯನ್ನಿಟ್ಟುಕೊಂಡೇ ಕಥೆ ಹೆಣೆದಿರುವ ಆರ್.ಚಂದ್ರು, ಕನಕ ಚಿತ್ರದ ನಿರೀಕ್ಷೆಯನ್ನು ಹೆಚ್ಚಿಸುತ್ತಲೇ ಇದ್ದಾರೆ.

  • ಇದೆಲ್ಲ ಬೇಕಿತ್ತಾ ವಿಜಿ..?

    duniya vijay controversy

    ದುನಿಯಾ ವಿಜಯ್. ಈಗ ಪರಪ್ಪನ ಅಗ್ರಹಾರ ಜೈಲಿನಲ್ಲಿದ್ದಾರೆ. ಗೆಳೆಯರೊಂದಿಗೆ. ಪಾನಿಪುರಿ ಕಿಟ್ಟಿಯ ಅಣ್ಣನ ಮಗ ಮಾರುತಿ ಗೌಡನ ಮೇಲೆ ಹಲ್ಲೆ ಮಾಡಿರೋ ಕೇಸ್‍ನಲ್ಲಿ ಜಾಮೀನು ಕೂಡಾ ಸಿಗದೆ ಜೈಲು ಪಾಲಾಗಿದ್ದಾರೆ ದುನಿಯಾ ವಿಜಿ. ಮಿಸ್ಟರ್ ಬೆಂಗಳೂರು ಕಾಂಪಿಟೇಷನ್ ಮುಗಿದ ಮೇಲೆ ನಡೆದಿರೋ ಘಟನೆ ಇದು. ದುನಿಯಾ ವಿಜಿ ಮಗನನ್ನು ಕಿಟ್ಟಿ ಕಡೆಯ ಹುಡುಗರು ಏನೋ ಅಂದರಂತೆ. ಅದಕ್ಕೆ ವಿಜಿ ಮಾರುತಿ ಗೌಡನನ್ನು ಕಾರ್‍ನಲ್ಲಿ ಕಿಡ್ನಾಪ್ ಮಾಡಿ, ಸುಮಾರು ಎರಡು ಗಂಟೆ `ಪ್ರೀತಿಯಿಂದ ಬುದ್ದಿ ಹೇಳಿ' ಕಳಿಸಿಕೊಟ್ಟಿದ್ದಾರಂತೆ. ಅದು ಸ್ಟೇಷನ್ ಮೆಟ್ಟಿಲೇರಿ ಕೇಸ್ ಆಗಿ ಈಗ ಜೈಲು ಸೇರಿದ್ದಾರೆ ದುನಿಯಾ ವಿಜಿ.

    ದುನಿಯಾ ವಿಜಿ ಏಕಾಏಕಿ ಸ್ಟಾರ್ ಆದವರಲ್ಲ. ಸಣ್ಣ ಪುಟ್ಟ ಪಾತ್ರಗಳನ್ನು ಮಾಡಿಕೊಂಡಿದ್ದ ವಿಜಿಯ ಹಣೆಬರಹ ಬದಲಿಸಿದ್ದು ದುನಿಯಾ. ಒಂದೇ ಚಿತ್ರದಿಂದ ಸ್ಟಾರ್ ಆದ ದುನಿಯಾ ವಿಜಿಗೆ ಆ ಸ್ಟಾರ್‍ಡಂನ್ನು ಉಳಿಸಿಕೊಳ್ಳಲು ಆಗಲಿಲ್ಲ. ಅದಕ್ಕೆ ಸಾಕ್ಷಿ 

    ಪದೇ ಪದೇ ಮಾಡಿಕೊಂಡ ಗಲಾಟೆಗಳು. ಸ್ಟಾರ್ ಆದ ಮೇಲೆ ಸಾರ್ವಜನಿಕ ಜೀವನದಲ್ಲಿ   ಇರಬೇಕಾದ ರೀತಿಯೇ ಬೇರೆ. ಆದರೆ ಅದಕ್ಕೆ ಸಂಪೂರ್ಣ ವ್ಯತಿರಿಕ್ತವಾಗಿದ್ದವರು ವಿಜಿ.

    ದುನಿಯಾ ವಿಜಿಯ ಸಿನಿಮಾಗಳಿಗಿಂತ ಹೆಚ್ಚಾಗಿ ಅವರ ವಿವಾದಗಳೇ ಅತೀ ಹೆಚ್ಚು ಸದ್ದು ಮಾಡಿದವು. ಮೊದಲ ಪತ್ನಿ ನಾಗರತ್ನ ಜೊತೆ ಗಲಾಟೆ, ಜೀವ ಬೆದರಿಕೆ, ವೃದ್ಧರೊಬ್ಬರಿಗೆ ಹೊಡೆದ ಘಟನೆ, ಮಾಸ್ತಿಗುಡಿ ದುರಂತದ ವೇಳೆ ನಿರ್ಮಾಪಕರನ್ನು ಬಂಧಿಸಲು ಹೋದ ಪೊಲೀಸರಿಗೆ ಯಾಮಾರಿಸಿದ ಘಟನೆ, ದಾವಣಗೆರೆ ಶಾಸಕರೊಬ್ಬರ ಮಗಳ ಮದುವೆ ಮಾಡಿಸಿದ ಪ್ರಕರಣ, ಕೀರ್ತಿಗೌಡ ಜೊತೆ 2ನೇ ಮದುವೆ.. ಹೀಗೆ ಸಾಲು ಸಾಲು ಪ್ರಕರಣಗಳಿವೆ. ಇಂತಹ ಗಲಾಟೆಗಳು, ದುನಿಯಾ ವಿಜಿಯ ಒಳ್ಳೆಯ ಕೆಲಸಗಳನ್ನೆಲ್ಲ ಸೈಡಿಗೆ ತಳ್ಳಿಬಿಟ್ಟವು. ದಂಡ ಕಟ್ಟಲೂ ಹಣವಿಲ್ಲದೆ ಜೈಲು ಸೇರಿದ್ದ ಎಷ್ಟೋ ಜನ ನಿರಪರಾಧಿ ಖೈದಿಗಳಿಗೆ ಜೀವನ ಕೊಟ್ಟಿರುವ ವಿಚಾರವಾಗಲೀ, ಗೆಳೆಯರಿಗೆ ಬದುಕು ಒದಗಿಸಿಕೊಟ್ಟ ವಿಚಾರವಾಗಲೀ.. ಯಾರಿಗೂ ಗೊತ್ತಾಗಲೇ ಇಲ್ಲ. 

    ಈಗ ಮತ್ತೊಮ್ಮೆ.. ನೆಗೆಟಿವ್ ಸುದ್ದಿಯಿಂದಲೇ ಸುದ್ದಿಯಾಗಿದ್ದಾರೆ ವಿಜಿ. ಮಗನನ್ನು ದೊಡ್ಡ ಮಟ್ಟದಲ್ಲಿ ಲಾಂಚ್ ಮಾಡೋಕೆ ಕುಸ್ತಿ ಸಿನಿಮಾಗೆ ತಯಾರಾಗುತ್ತಿರುವ ವಿಜಿ, ಇನ್ನು ಮುಂದಾದರೂ ಸಾರ್ವಜನಿಕ ಜೀವನದಲ್ಲಿ ಹೇಗಿರಬೇಕು ಅನ್ನೋದನ್ನ ಕಲಿತುಕೊಳ್ತಾರಾ..? ಅದು ಎಲ್ಲರನ್ನೂ ಕಾಡುವ ಪ್ರಶ್ನೆಯೂ ಹೌದು. ನಿರೀಕ್ಷೆಯೂ ಹೌದು. 

    Related Articles :-

    Duniya Vijay In Trouble

  • ಎಣ್ಣೆ ಹಾಡು ಕನಕಂದು.. ವಿಡಿಯೋ ಅಭಿಮಾನಿಗಳದ್ದು..!

    kanaka movie song

    ದುನಿಯಾ ವಿಜಯ್ ಅಭಿನಯದ, ಆರ್.ಚಂದ್ರು ನಿರ್ದೇಶನದ ಕನಕ ಚಿತ್ರ 2018ರಲ್ಲಿ ಭರ್ಜರಿ ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ. ಕಾಂಬಿನೇಷನ್ ಕಾರಣಕ್ಕೇ ಕುತೂಹಲ ಕೆರಳಿಸಿರುವ ಸಿನಿಮಾಗೆ ಹರಿಪ್ರಿಯಾ, ಮಾನ್ವಿತಾ ಹರೀಶ್ ನಾಯಕಿಯರು. ಚಿತ್ರದ ಟ್ರೇಲರ್ ಹವಾ ಎಬ್ಬಿಸಿದ ನಂತರ ಈಗ ಟ್ರೆಂಡ್ ಕನಕ ಚಿತ್ರದ ಎಣ್ಣೆ ಹಾಡು ಟ್ರೆಂಡ್ ಆಗಿದೆ. 

    ಎಣ್ಣೆ ನಮ್ದು, ಊಟ ನಿಮ್ದು.. ಅನ್ನೋ ಹಾಡು ವೈರಲ್ ಆಗಿಬಿಟ್ಟಿದೆ. ವೈರಲ್ ಆಗೋಕೆ ಕಾರಣ ಅದು ಕುಡುಕರ ಹಾಡು ಎಂಬುದಷ್ಟೇ ಅಲ್ಲ ಚಿತ್ರದ ಹಾಡಿಗೆ ಅಭಿಮಾನಿಗಳು ತಮ್ಮ ತಮ್ಮ ಶೈಲಿಯಲ್ಲೇ ವಿಡಿಯೋ ಹಾಕಿ ಆನ್‍ಲೈನ್‍ಗೆ ಅಪ್‍ಲೋಡ್ ಮಾಡುತ್ತಿದ್ದಾರೆ.

    ಸಿನಿಮಾ ರಿಲೀಸ್ ಆದ 2 ವಾರಗಳ ನಂತರ ಹಾಡು ಸೇರಿಸುವ ಐಡಿಯಾ ಆರ್.ಚಂದ್ರು ಅವರಿಗಿತ್ತು. ಹಾಡು ಹಿಟ್ ಆದ ಹಿನ್ನೆಲೆಯಲ್ಲಿ ಚಂದ್ರು ಪ್ಲಾನ್ ಬದಲಾಗಿದೆ. ಸಿನಿಮಾ ರಿಲೀಸ್ ಆಗುವ ಸಮಯದಲ್ಲೇ ಹಾಡನ್ನೂ ಸೇರಿಸಿ ರಿಲೀಸ್ ಮಾಡಲಾಗುತ್ತಿದೆ.

  • ಒಟ್ಟಿಗೇ ನಟಿಸೋಕೆ ಗಣೇಶ್-ವಿಜಿ ರೆಡಿ

    duniya viji ganesh in preetham gubbi's next

    ಮುಂಗಾರು ಮಳೆ ಮತ್ತು ದುನಿಯಾ. ದಶಕದ ಹಿಂದೆ ಏಕಕಾಲದಲ್ಲಿ ಬಿಡುಗಡೆಯಾಗಿದ್ದ ಎರಡೂ ಚಿತ್ರಗಳು ಕನ್ನಡ ಚಿತ್ರರಂಗದ ದಿಕ್ಕನ್ನೇ ಬದಲಿಸಿಬಿಟ್ಟವು. ಹಲವು ಸ್ಟಾರ್‍ಗಳನ್ನು ಉಡುಗೊರೆಯಾಗಿ ಕೊಟ್ಟವು. ಮಳೆ ಗಣೇಶ್‍ಗೆ ವರವಾದರೆ, ವಿಜಿಗೆ ದುನಿಯಾ, ಅದೃಷ್ಟದ ಬಾಗಿಲು ತೆರೆದಿತ್ತು.

    ಈಗ.. ಆ ಎರಡೂ ಚಿತ್ರಗಳ ಸ್ಟಾರ್‍ಗಳು ಒಟ್ಟಿಗೇ ನಟಿಸೋಕೆ ಮನಸ್ಸು ಮಾಡಿದ್ದಾರೆ. ವಿಜಿ ನನಗೆ ಒಂದು ರೀತಿ ಗಾಡ್‍ಫಾದರ್ ಇದ್ದಂತೆ ಎಂದು ಹೇಳಿಕೊಳ್ಳುವ ಗಣೇಶ್, ತಮ್ಮದೇ ಬ್ಯಾನರ್‍ನಲ್ಲಿ ಚಿತ್ರ ನಿರ್ಮಿಸುವ ಉತ್ಸಾಹ ತೋರಿಸಿದ್ದಾರೆ.

    ಈ ಮಲ್ಟಿ ಸ್ಟಾರ್ ಚಿತ್ರಕ್ಕೆ ನಿರ್ದೇಶಕರಾಗಿರುವುದು ಪ್ರೀತಮ್ ಗುಬ್ಬಿ. ಇಬ್ಬರಿಗೂ ಗೆಳೆಯ. ಮುಂಗಾರು ಮಳೆ ತಂಡದಲ್ಲಿದ್ದವರು. ಈಗಾಗಲೇ ಗಣೇಶ್‍ಗೆ ಒಂದು, ದುನಿಯಾ ವಿಜಯ್‍ಗೆ ಒಂದು ಚಿತ್ರ ನಿರ್ದೇಶಿಸಿದ್ದಾರೆ. ಈಗ ದುನಿಯಾ ವಿಜಯ್ ಜೊತೆ ಎರಡನೇ ಚಿತ್ರ ಜಾನಿ ಜಾನಿ ಯೆಸ್ ಪಪ್ಪಾ ಚಿತ್ರ ನಿರ್ದೇಶಿಸುತ್ತಿರುವ ಪ್ರೀತಮ್, ಅದು ಮುಗಿದ ನಂತರ ಈ ಚಿತ್ರ ಕೈಗೆತ್ತಿಕೊಳ್ಳಲಿದ್ದಾರಂತೆ.

    ಗಣೇಶ್ ಮತ್ತು ವಿಜಯ್ ಒಪ್ಪಿದ್ದಾರೆ ಎನ್ನುವುದನ್ನು ಹೊರತುಪಡಿಸಿ, ಚಿತ್ರದ ಕಥೆ, ಕಲಾವಿದರು, ತಂತ್ರಜ್ಞರು ಯಾರೊಬ್ಬರ ಆಯ್ಕೆಯೂ ಇನ್ನೂ ಆಗಿಲ್ಲ. ವಿಜಿ ಹಾಗೂ ಗಣೇಶ್ ಇಬ್ಬರೂ ಒಟ್ಟಿಗೇ ನಟಿಸುತ್ತಿರುವುದನ್ನು ಕಲ್ಪನೆ ಮಾಡಿಕೊಂಡೇ ಥ್ರಿಲ್ ಆಗಿದ್ದಾರೆ.

  • ಕನಕ ಟೈಟಲ್ ಸ್ಪೆಷಾಲಿಟಿ ಗೊತ್ತಾ..?

    kanaka movie specialties

    ಕನಕ. ಆರ್. ಚಂದ್ರು ನಿರ್ದೇಶನದ, ದುನಿಯಾ ವಿಜಯ್ ನಾಯಕತ್ವದ ಚಿತ್ರ. ಇದು ಅಪ್ಪಟ ಡಾ. ರಾಜ್ ಅಭಿಮಾನಿಯ ಕಥೆ. ಅದು ಟ್ರೇಲರ್‍ನಲ್ಲಿ ಈಗಾಗಲೇ ಸಾಕ್ಷಿ ಸಮೇತ ಸಿಕ್ಕುಬಿಟ್ಟಿದೆ. ಆದರೆ, ಚಿತ್ರಕ್ಕೆ ಕನಕ ಎಂದು ಟೈಟಲ್ ಇಟ್ಟಿದ್ದೇಕೆ..? ಅಲ್ಲಿದೆ ಒಂದು ಸ್ವಾರಸ್ಯ.

    ಕನಕ ಎಂದರೆ ಬಂಗಾರ. ಬಂಗಾರ ಎಂದರೆ ಬಂಗಾರದ ಜೊತೆಯಲ್ಲೇ ಬಂಗಾರದ ಮನುಷ್ಯ ಕೂಡಾ ನೆನಪಾಗ್ತಾರೆ. ಇನ್ನು ಕನಕ ಎಂದರೆ ಕನಕದಾಸರು. ಇಬ್ಬರು ಮಹಾನ್ ಚೇತನಗಳ ಹೆಸರೂ ಒಟ್ಟಿಗೇ ಇದ್ದ ಕಾರಣಕ್ಕೆ ಕನಕ ಎಂಬ ಟೈಟಲ್ ಇಟ್ಟೆವು ಅನ್ನೋದು ಆರ್.ಚಂದ್ರು ವಿವರಣೆ.

    ಆ ಮಾತು ಬಿಡಿ,ಕನಕದಾಸ ಎಂದರೂ ಕನ್ನಡಿಗರ ಕಣ್ಮುಂದೆ ಬರುವ ಮೊದಲ ಚಿತ್ರ ಭಕ್ತ ಕನಕದಾಸ ರಾಜ್‍ಕುಮಾರ್ ಅವರದ್ದೇ. ಹರಿಪ್ರಿಯಾ, ಮಾನ್ವಿತಾ ಹರೀಶ್ ನಾಯಕಿಯರಾಗಿರುವ ಚಿತ್ರದಲ್ಲಿ ಅಣ್ಣಾವ್ರ ಸಿನಿಮಾದ ಕಥೆಗಳ ಸಾರವಿದೆಯಂತೆ. 

    ರಿಪಬ್ಲಿಕ್ ಡೇ ದಿನ ತೆರೆಗೆ ಬರುತ್ತಿರುವ ಕನಕನನ್ನು ಆ ದಿನವೇ ನೋಡೋಣ.

  • ಕನಕನ ಪೋರಿಗೆ ಚಾನ್ಸ್ ಮೇಲೆ ಚಾನ್ಸ್

    joshika of kanaka fame

    ಜ್ಯೋಷಿಕಾ. ಈಗಿನ್ನೂ 9ನೇ ಕ್ಲಾಸ್ ಓದುತ್ತಿರುವ ಹುಡುಗಿ. ಕನಕ ಚಿತ್ರದಲ್ಲಿ ಮಾನ್ವಿತಾ ಹರೀಶ್ ತಂಗಿಯ ಪಾತ್ರದಲ್ಲಿ ನಟಿಸಿರುವ ಹುಡುಗಿ. ಚಿತ್ರದಲ್ಲಿನ ಜ್ಯೋಷಿಕಾ ಅವರ ನಟನೆ ಸ್ವತಃ ದುನಿಯಾ ವಿಜಯ್‍ಗೆ ಇಷ್ಟವಾಗಿಬಿಟ್ಟಿದೆ. ಹೀಗಾಗಿದ್ದೇ ತಡ, ಜ್ಯೋಷಿಕಾಗೆ ಈಗ ಆಫರ್‍ಗಳ ಸುರಿಮಳೆ.

    ನಿಖಿಲ್ ಕುಮಾರ್ ಅಭಿನಯದ ಸೀತಾರಾಮ ಕಲ್ಯಾಣ ಚಿತ್ರದಲ್ಲಿ ನಟಿಸುವುದು ಪಕ್ಕಾ ಆಗಿದೆ. ಜೊತೆಯಲ್ಲೇ ದುನಿಯಾ ವಿಜಿ ಅಭಿನಯದ ಜಾನಿ ಜಾನಿ ಯೆಸ್ ಪಪ್ಪಾ ಹಾಗೂ ಕುಸ್ತಿ ಚಿತ್ರಗಳಲ್ಲೂ ನಟಿಸಲು ಸಿದ್ಧರಾಗಿದ್ದಾರೆ ಜ್ಯೋಷಿಕಾ.

    ಕನಕ ಚಿತ್ರದ ಶೂಟಿಂಗ್ ವೇಳೆ, ದುನಿಯಾ ವಿಜಯ್ ಅವರಿಂದ ಬಹಳಷ್ಟು ಕಲಿತೆ ಎನ್ನುವ ಜ್ಯೋಷಿಕಾ, ಜಿಮ್, ನೃತ್ಯ ತರಬೇತಿ ವಿಚಾರಗಳಲ್ಲಿ ದುನಿಯಾ ವಿಜಿ ಸಲಹೆಗಳನ್ನು ಚಾಚೂ ತಪ್ಪದೆ ಪಾಲಿಸುತ್ತಿದ್ದಾರಂತೆ. ಇನ್ನೂ ದೊಡ್ಡದಾಗಿ ಬೆಳೆಯುವ ಆಸೆ ಇದೆ. ಆದರೆ, ಡಿಗ್ರಿ ಮುಗಿಸಲೇಬೇಕು ಎಂದಿದ್ದಾರೆ ಜ್ಯೋಷಿಕಾ.

  • ಕಾಗಿನೆಲೆ ಕನಕದಾಸರಿಗೂ, ಆರ್.ಚಂದ್ರು ಕನಕನಿಗೂ ಎತ್ತಣಿಂದೆತ್ತಣ ಸಂಬಂಧ..?

    kanaka dasa, kanaka movie link

    ಒಮ್ಮೊಮ್ಮೆ ಹೀಗೆಲ್ಲ ಆಗಿಬಿಡುತ್ತೆ. ಅದರಲ್ಲೂ ಸಿನಿಮಾಗಳಲ್ಲಿ. ಈಗ ನೋಡಿ..ದುನಿಯಾ ವಿಜಯ್ ಅಭಿನಯದ ಕನಕ ಚಿತ್ರದ ಮೊದಲ ಟ್ರೇಲರ್ ಬಿಡುಗಡೆಯಾಗಿದೆ. ಹಾಗೆ ಕನಕ ಚಿತ್ರದ ಟ್ರೇಲರ್ ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ ಕನಕ ಜಯಂತಿ ಬಂದುಬಿಟ್ಟಿದೆ. 

    ಕನಕ ಎಂಬ ಹೆಸರು ಬಿಟ್ಟರೆ, ಕಾಗಿನೆಲೆ ಕನಕದಾಸರಿಗೂ, ಆರ್.ಚಂದ್ರು ಸೃಷ್ಟಿಯ ಕನಕನಿಗೂ ಯಾವ ಸಂಬಂಧವೂ ಇಲ್ಲ. ಕನಕದಾಸರು ಕಾಗಿನೆಲೆ ಕೇಶವನ ಭಕ್ತರಾಗಿದ್ದರೆ, ಚಂದ್ರು ಅವರ ಕನಕ ಡಾ.ರಾಜ್ ಭಕ್ತ.

    ಕನಕದಾಸರೆಂದರೆ, ಕನ್ನಡಿಗರ ಕಣ್ಣ ಮುಂದೆ ಬಂದು ನಿಲ್ಲೋದು ಡಾ.ರಾಜ್ ಚಿತ್ರ ಎನ್ನುವುದನ್ನು ಬಿಡಿಸಿ ಹೇಳಬೇಕಿಲ್ಲ. ಕನಕದಾಸರ ಪಾತ್ರದಲ್ಲಿ ಡಾ.ರಾಜ್ ಪರಕಾಯ ಪ್ರವೇಶ ಮಾಡಿ ನಟಿಸಿದ್ದರು. ಈಗ ಬರುತ್ತಿರುವ ಕನಕ ಚಿತ್ರದಲ್ಲಿ ಕನಕ ಪಾತ್ರಧಾರಿ ದುನಿಯಾ ವಿಜಿ, ಡಾ.ರಾಜ್ ಭಕ್ತ.

    ಇಷ್ಟೆಲ್ಲ ಸಂಭ್ರಮದ ಮಧ್ಯೆ ಕನಕ ಜಯಂತಿ. ನಾಡಿನ ಸಮಸ್ತ ಜನತೆಗೆ ಕನಕ ಜಯಂತಿಯ ಶುಭಾಶಯಗಳು.

  • ಕಿಚ್ಚನ ಹಾದಿಯಲ್ಲಿ ದುನಿಯಾ ವಿಜಯ್

    duniya vijay turns director with salaga

    ದುನಿಯಾ ಚಿತ್ರದ ಮೂಲಕ ಹೀರೋ ಆದ, ಸ್ಟಾರ್ ಆದ ನಟ ದುನಿಯಾ ವಿಜಯ್, ಅದಕ್ಕೂ ಮುನ್ನ ಸಣ್ಣ ಸಣ್ಣ ರೋಲ್‍ಗಳಲ್ಲಿ ನಟಿಸಿದ್ದವರು. ಪೋಷಕ, ಖಳ ಪಾತ್ರಗಳಲ್ಲಿ ಗುರುತಿಸಿಕೊಂಡಿದ್ದವರು. ಸ್ಟಾರ್ ಆದ ಮೇಲೆ ನಿರ್ಮಾಪಕರೂ ಆಗಿದ್ದ ವಿಜಿ, ಈಗ ನಿರ್ದೇಶಕರಾಗುತ್ತಿದ್ದಾರೆ. ಅಲ್ಲಿಗೆ ಹೀರೋ ಆದ ಮೇಲೆ ನಿರ್ದೇಶಕರಾದ ಸುದೀಪ್, ವಿಜಯ್ ರಾಘವೇಂದ್ರ, ಗಣೇಶ್ ಸಾಲಿಗೆ ಸೇರುತ್ತಿದ್ದಾರೆ ದುನಿಯಾ ವಿಜಯ್.

    ಇತ್ತೀಚೆಗೆ ವಿಜಿ ಸಲಗ ಚಿತ್ರ ಮಾಡುತ್ತಿದ್ದಾರೆ ಎಂದು ಸುದ್ದಿಯಾಗಿತ್ತಲ್ಲ. ಆ ಚಿತ್ರಕ್ಕೆ ವಿಜಿ ಅವರದ್ದೇ ಕಥೆಯಿತ್ತು. ಈಗ ಅವರಿಗೇ ನಿರ್ದೇಶಕರ ಪಟ್ಟ ಕೊಟ್ಟಿದ್ದಾರೆ ನಿರ್ಮಾಪಕ ಕೆ.ಪಿ.ಶ್ರೀಕಾಂತ್. ಟಗರು ಚಿತ್ರದ ಬಹುತೇಕ ತಂತ್ರಜ್ಞರು, ಕಲಾವಿದರನ್ನು ಸಲಗ ಚಿತ್ರದಲ್ಲಿ ನೋಡಬಹುದು. 

    ಮೊದಲ ನಿರ್ದೇಶನದ ಚಿತ್ರವಾದ್ದರಿಂದ ವಿಜಿ, ಶಿವಣ್ಣನ ಮನೆಗೆ ತೆರಳಿ, ಡಾ.ರಾಜ್ ಭಾವಚಿತ್ರದ ಸಮ್ಮುಖದಲ್ಲಿ ಶಿವಣ್ಣನ ಆಶೀರ್ವಾದ ಪಡೆದುಕೊಂಡಿದ್ದಾರೆ. ಜೂನ್ 6ರಂದು ಚಿತ್ರದ ಮುಹೂರ್ತ ಇಟ್ಟುಕೊಳ್ಳಲಾಗಿದೆ.

  • ಕುಸ್ತಿ ಕೈಬಿಟ್ಟ ದುನಿಯಾ ವಿಜಿ

    duniya vijay drops kusthi movie

    ದುನಿಯಾ ವಿಜಯ್ ಅಭಿನಯದ ಕುಸ್ತಿ ಸಿನಿಮಾಗೆ ಬ್ರೇಕ್ ಬಿದ್ದಿದೆ. ತಮ್ಮ ಪುತ್ರ ಸಾಮ್ರಾಟ್‍ನನ್ನು ತೆರೆಗೆ ಪರಿಚಯಿಸಲು ದೊಡ್ಡ ಮಟ್ಟದಲ್ಲೇ ಸಿದ್ಧತೆ ಮಾಡಿಕೊಳ್ಳುತ್ತಿದ್ದ ವಿಜಿ, ಈಗ ಪ್ರಾಜೆಕ್ಟ್‍ನ್ನೇ ಕೈಬಿಟ್ಟಿದ್ದಾರೆ. ನಿರ್ದೇಶಕ ರಾಘು ಶಿವಮೊಗ್ಗ, ಈಗ ಬೇರೊಂದು ಸಿನಿಮಾ ಕೈಗೆತ್ತಿಕೊಂಡಿದ್ದಾರೆ.

  • ಕುಸ್ತಿ ಕೈಬಿಟ್ಟಿಲ್ಲ.. - ನಿರ್ದೇಶಕ ಚೂರಿಕಟ್ಟೆ ರಾಘು

    duniya vijay's kusthi postponed

    ದುನಿಯಾ ವಿಜಯ್ ಅವರ ಮನೆಯಲ್ಲಿನ ಕೌಟುಂಬಿಕ ಕಲಹಗಳು, ಹೆಚ್ಚಾದ ಬಜೆಟ್‍ಗಳಿಂದಾಗಿ ದುನಿಯಾ ವಿಜಯ್ ಕುಸ್ತಿ ಚಿತ್ರವನ್ನು ಕೈಬಿಡಲಾಗಿದೆ ಎಂಬ ಸುದ್ದಿಗೆ ನಿರ್ದೇಶಕ ಚೂರಿಕಟ್ಟೆ ರಾಘು ಸ್ಪಷ್ಟನೆ ನೀಡಿದ್ದಾರೆ.

    ಕುಸ್ತಿ ಸಿನಿಮಾ ಕೈಬಿಟ್ಟಿಲ್ಲ. ಆದರೆ, ಚಿತ್ರ ಮುಂದಕ್ಕೆ ಹೋಗಿರುವುದು ನಿಜ. ಅದಕ್ಕೆ ಕಾರಣ ಬಜೆಟ್ ಅಲ್ಲ..ತಯಾರಿ. ದುನಿಯಾ ವಿಜಯ್ ಅವರ ಕುಟುಂಬದಲ್ಲಿನ ಕಲಹಗಳಿಂದಾಗಿ ದುನಿಯಾ ವಿಜಿ ಕುಸ್ತಿಯ ತರಬೇತಿಯಲ್ಲಿ ಪಾಲ್ಗೊಳ್ಳಲು ಆಗಲಿಲ್ಲ. ಈ ಗ್ಯಾಪ್‍ನಿಂದಾಗಿ ಇಷ್ಟು ದಿನದ ಅವರ ತಯಾರಿ ಕೈಕೊಟ್ಟಿತು. ಹೀಗಾಗಿ ಅವರು ಮತ್ತೊಮ್ಮೆ ತಮ್ಮ ತಯಾರಿಯನ್ನು ಓಂನಿಂದ ಶುರುಮಾಡಬೇಕು. ಅದಕ್ಕೆ ಕನಿಷ್ಟ 6 ತಿಂಗಳು ಬೇಕು. ನಂತರ ಕುಸ್ತಿ ಶುರುವಾಗಲಿದೆ ಎಂದು ಸ್ಪಷ್ಟನೆ ನೀಡಿದ್ದಾರೆ.

    ಚೂರಿಕಟ್ಟೆ ಚಿತ್ರದಿಂದ ಪ್ರತಿಭಾವಂತ ನಿರ್ದೇಶಕ ಎಂದು ಹೆಸರು ಗಳಿಸಿರುವ ಶಿವಮೊಗ್ಗ ರಾಘವೇಂದ್ರ, ಕುಸ್ತಿಗೂ ಮುನ್ನ ಇನ್ನೊಂದು ಚಿತ್ರ ಕೈಗೆತ್ತಿಕೊಳ್ಳಲಿದ್ದಾರಂತೆ. ಈ ಕುರಿತು ಚಿತ್ರಲೋಕಕ್ಕೆ ಹೇಳಿಕೆ ನೀಡಿರುವ ರಾಘು, ಕುಸ್ತಿ ತಯಾರಿಯ ಮಧ್ಯೆಯೇ ಹೊಸ ಚಿತ್ರಕ್ಕೆ ಸ್ಕ್ರಿಪ್ಟ್ ಕೆಲಸ ಶುರುವಾಗಿದೆ. ದುನಿಯಾ ವಿಜಯ್ ಅವರೇ ಆ ಚಿತ್ರವನ್ನೂ ನಿರ್ಮಿಸಲಿದ್ದಾರೆ ಎಂದು ಹೇಳಿದ್ದಾರೆ.

    ದುನಿಯಾ ವಿಜಯ್ ಕುಸ್ತಿ ಸಿನಿಮಾ ಮಾಡುವುದು ನಿಜ. ಆದರೆ, ಅದು ಶುರುವಾಗುವುದು 6 ತಿಂಗಳ ನಂತರ. ಏಕೆಂದರೆ, ದುನಿಯಾ ವಿಜಯ್ ಈಗ ತಮ್ಮ ಕುಸ್ತಿಯನ್ನು ಮತ್ತೆ ಆರಂಭದಿಂದ ಶುರು ಮಾಡಬೇಕು. ದೇಹವನ್ನು ಮತ್ತೆ ಕುಸ್ತಿ ಪೈಲ್ವಾನ್‍ಗೆ ತಕ್ಕಂತೆ ಹುರಿಗೊಳಿಸಬೇಕು. ಅದಕ್ಕೆ 6 ತಿಂಗಳು ಸಮಯ ಬೇಕೇಬೇಕು.

  • ಜನವರಿ 12ಕ್ಕೆ ಕನಕ ರಿಲೀಸ್..?

    will kanaka release on jan 12th

    ಕನಕ. ಆರ್.ಚಂದ್ರು-ದುನಿಯಾ ವಿಜಿ ಕಾಂಬಿನೇಷನ್‍ನ ಸಿನಿಮಾ. ದುನಿಯಾ ವಿಜಿ ಆಟೋ ಡ್ರೈವರ್ ಆಗಿ ನಟಿಸಿರುವ ಚಿತ್ರದ ಟ್ರೇಲರ್,ಹಾಡು ಭರ್ಜರಿ ಸದ್ದು ಮಾಡುತ್ತಿವೆ. ಚಿತ್ರದಲ್ಲಿ ಹರಿಪ್ರಿಯಾ ಹಾಗೂ ಮಾನ್ವಿತಾ ಹರೀಶ್ ನಾಯಕಿಯರು. 

    ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ, ಇಷ್ಟೊತ್ತಿಗೆ ಕನಕ ಚಿತ್ರ ಥಿಯೇಟರಿನಲ್ಲಿರುತ್ತಿತ್ತು. ಆದರೆ ಅಂಜನೀಪುತ್ರ ರಿಲೀಸ್‍ಗೆ ರೆಡಿಯಾದ ಕಾರಣ, ಸ್ಟಾರ್‍ವಾರ್‍ನಿಂದ ಹಿಂದೆ ಸರಿದರು ಆರ್.ಚಂದ್ರು. ಚಿತ್ರದ ಪೋಸ್ಟ್ ಪ್ರೊಡಕ್ಷನ್ಸ್ ಕೆಲಸಗಳನ್ನು ಸ್ವಲ್ಪ ನಿಧಾನವಾಗಿಯೇ ಮುಗಿಸಿದರು. 

    ಈಗ ಚಿತ್ರ ಸೆನ್ಸಾರ್ ಬೋರ್ಡ್‍ನಲ್ಲಿದೆ. ಬಹುಶಃ ಈ ವಾರ್ ಸೆನ್ಸಾರ್ ಮುಗಿಸಿ ಬರಬಹುದು. ಅದಾದ ನಂತರ ಚಿತ್ರದ ಪ್ರೊಮೋಷನ್ಸ್ ಶುರುವಾಗಲಿದೆ. ಜನವರಿ 12ಕ್ಕೆ ಚಿತ್ರವನ್ನು ತೆರೆಗೆ ತರಲು ಆರ್.ಚಂದ್ರು ಸಕಲ ತಯಾರಿಯನ್ನೂ ನಡೆಸಿದ್ದಾರಂತೆ. ಡಾ.ರಾಜ್ ಅಭಿಮಾನಿ ಕನಕನ ಕರಾಮತ್ತು ನೋಡಲು ತಯಾರಾಗಿ.

     

  • ಜಾನಿ ಜಾನಿ ಜೊತೆ ಗಡ್ಡಪ್ಪ

    gadappa joins johnny's team

    ಜಾನಿ ಜಾನಿ ಯೆಸ್ ಪಪ್ಪಾ... ಚಿತ್ರ ತಂಡಕ್ಕೆ ಈಗ ಇನ್ನೊಂದು ಸೇರ್ಪಡೆಯಾಗಿದೆ. ಅದು ತಿಥಿ ಖ್ಯಾತಿಯ ಗಡ್ಡಪ್ಪ. ಗಡ್ಡಪ್ಪನವರಿಗೆ ಸಿನಿಮಾಗಳಲ್ಲಿ ನಟನೆ ಈಗ ಹೊಸದೇನೂ ಅಲ್ಲ. ಆದರೆ, ಸ್ಟಾರ್ ನಟರೊಬ್ಬರ ಜೊತೆ ನಟಿಸುತ್ತಿರುವುದು ಮಾತ್ರ ಇದೇ ಮೊದಲು. ಹೀಗಾಗಿಯೇ ಜಾನಿ ಜಾನಿ ಯೆಸ್ ಪಪ್ಪಾ, ಗಡ್ಡಪ್ಪಗೂ ಹೊಸ ಅನುಭವವಾಗಲಿದೆ.

    ಚಿತ್ರದಲ್ಲಿ ರಚಿತಾ ರಾಮ್ ನಾಯಕಿ. ಫಾರಿನ್ನಿಂದ ಬರುವ ಎನ್‍ಆರ್‍ಐ. ಸೇಮ್ ಜಾನಿ ಮೇರಾ ನಾಮ್ ಚಿತ್ರದಲ್ಲಿನ ರಮ್ಯಾರಂತೆಯೇ. ವಿಜಿ ಜೊತೆ ಈ ಚಿತ್ರದಲ್ಲೂ ರಂಗಾಯಣ ರಘು ಇರುತ್ತಾರೆ. ಇದೊಂದು ಔಟ್ & ಔಟ್ ಎಂಟರ್‍ಟೇನರ್ ಎಂದಿದ್ದಾರೆ ನಿರ್ದೇಶಕ ಪ್ರೀತಮ್ ಗುಬ್ಬಿ.

    Related Articles :-

    Rachita Ram Is The Heroine For Johnny Johnny Yes Papa

    Shraddha Srinath For Johnny Johnny Yes Papa

    Rachita Ram For Johnny Johnny Yes Papa

    Duniya Vijay And Preetham Gubbi Back With Johnny Johnny Yes Papa

  • ಜಾನಿ ಜಾನಿ ಯೆಸ್ ಪಪ್ಪಾ.. ರಿಲೀಸ್‍ಗೆ ರೆಡಿಯಪ್ಪಾ

    johnny johnny yes papa ready to release

    ಜಾನಿ ಜಾನಿ ಯೆಸ್ ಪಪ್ಪಾ. ಪ್ರೀತಂ ಗುಬ್ಬಿ ಸಿನಿಮಾ. ದುನಿಯಾ ವಿಜಯ್ ಹಾಗೂ ರಚಿತಾ ರಾಮ್ ಮೊದಲ ಬಾರಿಗೆ ಒಟ್ಟಿಗೇ ಕಾಣಿಸಿಕೊಂಡಿದ್ದಾರೆ. ನಟಿ ರಮ್ಯಾರನ್ನು ಪದ್ಮಾವತಿಯಾಗಿಸಿದ್ದ ಪ್ರೀತಮ್, ರಚಿತಾ ರಾಮ್ ಅವರನ್ನು ಹೊಸ ಪದ್ಮಾವತಿಯಾಗಿಸಿರುವ ಸಿನಿಮಾ ಜಾನಿ ಜಾನಿ ಯೆಸ್ ಪಪ್ಪಾ.

    ಜಾನಿ ಮೇರಾ ನಾಮ್ ನಂತರ ಚಿಜಿ & ಪ್ರೀತಂ ಒಟ್ಟಿಗೇ ಸೇರಿರುವ ಸಿನಿಮಾದಲ್ಲಿ ಟೈಟಲ್ ಟ್ರ್ಯಾಕ್ ಹಾಡಿರೋದು ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್. ರಂಗಾಯಣ ರಘು, ಸಾಧುಕೋಕಿಲ ಹಾಗೂ ಗಡ್ಡಪ್ಪ ಪ್ರಮುಖ ಪಾತ್ರದಲ್ಲಿದ್ದಾರೆ. 

    ಚಿತ್ರದ ಚಿತ್ರೀಕರಣ ಹಾಗೂ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಮುಗಿದಿದ್ದು ಸಿನಿಮಾ ರಿಲೀಸ್‍ಗೆ ರೆಡಿಯಾಗಿದೆ.

  • ಜಾನಿ ವಿಜಯ್.. ಪಾಪಾ ಯಾರು..?

    johnny to come with papa

    ಜಾನಿ ಜಾನಿ ಯೆಸ್ ಪಾಪಾ ಸಿನಿಮಾ ರಿಲೀಸಾಗುತ್ತಿದೆ. ಇದು ಜಾನಿ ಮೇರಾ ನಾಮ್ ಪ್ರೀತಿ ಮೇರಾ ಕಾಮ್‍ನ ಸೀಕ್ವೆಲ್ ಎಂದರೂ ತಪ್ಪೇನಿಲ್ಲ. ವಿಜಯ್-ರಮ್ಯಾ-ರಂಗಾಯಣ ರಘು-ಪ್ರೀತಂ ಗುಬ್ಬಿ ಕಾಂಬಿನೇಷನ್‍ನ ಆ ಸಿನಿಮಾ ಸೂಪರ್ ಹಿಟ್. ಈಗ ಅದೇ ಜೋಡಿ.. ರಿಪೀಟ್ ಆಗಿದೆ. ಪದ್ಮಾವತಿ ಜಾಗಕ್ಕೆ ಹೊಸ ಪದ್ಮಾವತಿಯಾಗಿ ಬಂದಿರೋದು ರಚಿತಾ ರಾಮ್.

    ಎಲ್ಲ ಓಕೆ.. ಜಾನಿ ಅಂದ್ರೆ ದುನಿಯಾ ವಿಜಯ್. ಪಾಪಾ ಅಂದ್ರೆ ಯಾರು..? ಅದು ಬೇರ್ಯಾರೂ ಅಲ್ಲ. ರಂಗಾಯಣ ರಘು. ಜಾನಿ ಮೇರಾ ನಾಮ್‍ನಲ್ಲಿ ಸ್ತ್ರೀ ವೇಷ ತೊಟ್ಟು, ದತ್ತಣ್ಣನನ್ನು ಮೋಡಿ ಮಾಡಿದ್ದ ರಘು, ಇಲ್ಲಿ ಪಾಪಾ ಆಗಿದ್ದಾರೆ. ಏನೇನೆಲ್ಲ ತರಲೆ ಮಾಡ್ತಾರೆ ಅನ್ನೋದನ್ನ ನೋಡೋಕೆ, ನೀವು ಥಿಯೇಟರ್‍ಗೇ ಹೋಗಬೇಕು.

    ಡಾ.ಹಾಲಪ್ಪ ಅವತಾರದಲ್ಲಿ ಸಾಧು ಮತ್ತೊಮ್ಮೆ ಪ್ರತ್ಯಕ್ಷರಾಗಿದ್ದರೆ, ಹೊಸ ಪದ್ಮಾವತಿಗೂ ಅಪ್ಪನಾಗಿರೋದು ಅಚ್ಯುತ್ ಕುಮಾರ್. ಅಲ್ಲಿ ಶರಣ್, ರಮ್ಯಾಗೆ ಕಾಳು ಹಾಕುವ ಫಾರಿನ್ ಹುಡುಗನಾಗಿದ್ದರು. ಇಲ್ಲಿ ವಿದೇಶಿ ನಟ ಜಾಕ್ ಎಂಬುವವರೇ ಇದ್ದಾರೆ. ಇವರೆಲ್ಲರ ಜೊತೆ ಗಡ್ಡಪ್ಪ ಇದ್ದಾರೆ. ತಿಥಿ ಸ್ಟೈಲ್‍ನಲ್ಲೇ ಇರೋ ಗಡ್ಡಪ್ಪನವರದ್ದು ಸಿನಿಮಾದಲ್ಲಿ ಮುಖ್ಯ ಪಾತ್ರವಂತೆ.

  • ಡಿ.1ಕ್ಕೆ ಬರ್ತಾನೆ ಕನಕ. ಶಿವಣ್ಣ ಬಂದರೆ..?

    kanaka movie image

    `ಕನಕ'. ಆರ್. ಚಂದ್ರು ನಿರ್ಮಾಣ ಮತ್ತು ನಿರ್ದೇಶನದ, ದುನಿಯಾ ವಿಜಿ ಅಭಿನಯದ ಚಿತ್ರ ತೆರೆಗೆ ಬರೋಕೆ ಸಿದ್ಧವಾಗಿದೆ. ರಾಜ್ಯೋತ್ಸವಕ್ಕೆ ಅದ್ಧೂರಿ ಟ್ರೇಲರ್‍ನ್ನು ಉಡುಗೊರೆಯಾಗಿ ಕೊಟ್ಟಿದ್ದರು ಆರ್.ಚಂದ್ರು. ಡಾ. ರಾಜ್ ಅಭಿಮಾನಿ ಹಾಗೂ ಆಟೋ ಚಾಲಕನ ಪಾತ್ರದಲ್ಲಿರುವ ವಿಜಯ್ ಡೈಲಾಗ್ ಭಾರಿ ಸದ್ದು ಮಾಡಿತ್ತು. ಸಿನಿಮಾ ನೋಡಿದರೆ, ಚಪ್ಪಾಳೆ, ಶಿಳ್ಳೆ ಹೊಡೆಯುವಂತಹ ಸೀನ್‍ಗಳು ಹಲವಾರಿವೆ ಎನ್ನುವುದು ಚಂದ್ರು ಭರವಸೆ.

    ಅಂದಹಾಗೆ ತಮ್ಮ ಚಿತ್ರವನ್ನು ಡಿ.1ಕ್ಕೆ ತೆರೆಗೆ ತರುವುದಾಗಿ ಘೋಷಿಸಿದ್ದಾರೆ ಚಂದ್ರು. ಅದೇ ದಿನ ಮಫ್ತಿ ರಿಲೀಸ್ ಆಗಲಿದೆ ಎನ್ನುವ ಸುದ್ದಿ ಹರಿದಾಡುತ್ತಿದೆ. ಆದರೆ, ಅದು ಇನ್ನೂ ಪಕ್ಕಾ ಆಗಿಲ್ಲ. ಮಫ್ತಿ ಕೂಡಾ ಅದೇ ದಿನ ಬಂದರೆ ಏನ್ ಮಾಡ್ತೀರಿ ಅನ್ನೋ ಪ್ರಶ್ನೆಗೆ ಚಂದ್ರು ಅಭಿಮಾನದ ಉತ್ತರ ಕೊಟ್ಟಿದ್ದಾರೆ.

    ನಾನು ಶಿವಣ್ಣನ ಅಭಿಮಾನಿ. ಮಫ್ತಿ ಚಿತ್ರ ಡಿ.1ರಂದೇ ರಿಲೀಸ್ ಆಗಲಿದೆ ಎನ್ನುವುದು ಕನ್‍ಫರ್ಮ್ ಆಗಿಲ್ಲ. ಅಕಸ್ಮಾತ್, ಮಫ್ತಿ ಅದೇ ದಿನಕ್ಕೆ ರಿಲೀಸ್ ಆಗಲಿದೆ ಎನ್ನುವುದು ಕನ್‍ಫರ್ಮ್ ಆದರೆ, ನಾನೇ ಒಂದು ವಾರ ಮುಂದಕ್ಕೆ  ಹೋಗುತ್ತೇನೆ ಎಂದಿದ್ದಾರೆ ಚಂದ್ರು. ಅದಕ್ಕೆ ಕಾರಣ, ಚಂದ್ರು ಕೂಡಾ ಶಿವಣ್ಣನ ಅಭಿಮಾನಿ.

  • ದುನಿಯಾ ವಿಜಯ್ 45ನೇ ಹುಟ್ಟುಹಬ್ಬ

    duniya vijay celebrates his 45th birthdya

    ದುನಿಯಾ ವಿಜಯ್ 45ನೇ ಹುಟ್ಟುಹಬ್ಬವನ್ನು ಅಭಿಮಾನಿಗಳ ಜೊತೆ ಅದ್ಧೂರಿಯಾಗಿ  ಆಚರಿಸಿಕೊಂಡಿದ್ದಾರೆ. ಪ್ರತಿ ವರ್ಷದಂತೆ ಈ ವರ್ಷವೂ ಮಧ್ಯರಾತ್ರಿಯಲ್ಲಿ ಸ್ಮಶಾನದಲ್ಲಿಯೇ ಹುಟ್ಟುಹಬ್ಬ ಆಚರಿಸಿದ ದುನಿಯಾ ವಿಜಯ್, ನಂತರ ಅಭಿಮಾನಿಗಳೊಂದಿಗೆ ಸೇರಿಕೊಂಡು ಸೆಲಬ್ರೇಟ್ ಮಾಡಿದ್ದಾರೆ.

    ದುನಿಯಾ ವಿಜಯ್ ನೋಡೋಕೆ ಯಾದಗಿರಿಯಿಂದ ಇಬ್ಬರು ಅಭಿಮಾನಿಗಳು ಪಾದಯಾತ್ರೆಯಲ್ಲಿ ಬಂದಿದ್ದುದು ವಿಶೇಷ. ತಮ್ಮ ಹುಟ್ಟುಹಬ್ಬವನ್ನು ಅವರಿಗೇ ಅರ್ಪಿಸಿದ್ದಾರೆ ವಿಜಯ್. ವಿಜಯ್ ಹುಟ್ಟುಹಬ್ಬಕ್ಕಾಗಿ 100 ಕೆಜಿ ತೂಕದ ಕೇಕ್‍ನ್ನು ಕ್ರೇನ್‍ನಲ್ಲಿ ತರಲಾಗಿತ್ತು.

    ಅಭಿಮಾನಿಗಳೊಂದಿಗೆ ಸಂಭ್ರಮ ಮುಗಿಸಿದ ನಂತರ ಅನಾಥಾಶ್ರಮಕ್ಕೆ ತೆರಳಿದ ವಿಜಯ್, ಅನಾಥ ಮಕ್ಕಳೊಂದಿಗೆ ಬೆರೆತರು. ಮುಸ್ಲಿಮ್ ಅಭಿಮಾನಿಗಳು ವಿಜಯ್‍ಗೆ ಬೆಳ್ಳಿ ಗದೆ, ಟಿಪ್ಪು ಪೇಟಾ ತೊಡಿಸಿ ಸಂಭ್ರಮಿಸಿದರು.

  • ದುನಿಯಾ ವಿಜಯ್ ಗಲಾಟೆ ಸಂಸಾರ 

    duniya vijay's family fight heats up

    ದುನಿಯಾ ವಿಜಯ್‍ರ ಸಂಸಾರದ ಜಗಳ ಈಗ ದಿನನಿತ್ಯ ಎನ್ನುವಂತಾಗಿ ಹೋಗಿದೆ. ಈಗ ದುನಿಯಾ ವಿಜಯ್‍ರ ಮೊದಲ ಪತ್ನಿ ನಾಗರತ್ನ, ಮಗಳು ಮೋನಿಕಾ... ವಿಜಿಯವರ 2ನೇ ಪತ್ನಿ ಕೀರ್ತಿ ಗೌಡ ಮೇಲೆ ಹಲ್ಲೆ ಮಾಡಿರುವ ವಿಡಿಯೋ ರಿಲೀಸ್ ಆಗಿದೆ. ಕೀರ್ತಿ ಮನೆಗೆ ಹೋಗಿದ್ದ ನಾಗರತ್ನ, ಕೀರ್ತಿ ಮತ್ತು ಅವರ ತಂದೆಯನ್ನು ಚಪ್ಪಲಿಯಲ್ಲಿ ಹೊಡೆದಿದ್ದಾರೆ. ವಿಡಿಯೋಗಳಲ್ಲಿ ಹೈಡ್ರಾಮಾ ದಾಖಲಾಗಿದ್ದು, ಪೊಲೀಸರಿಗೆ ನೀಡಲಾಗಿದೆ.

    ಪೊಲೀಸರು ವಿಚಾರಣೆ ಆರಂಭಿಸಿದ್ದು, ನಾಗರತ್ನ, ಮೋನಿಕಾ ಬಂಧನವಾಗುವ ಸಾಧ್ಯತೆಯೂ ಇದೆ. ಆರಂಭದಲ್ಲಿ ಪತ್ನಿ, ಮಕ್ಕಳ ವಿರುದ್ಧ ಕೆಂಡಕಾರಿದ್ದ ದುನಿಯಾ ವಿಜಿ,  ಅವರ ಪಾಲಿಗೆ ನಾನು ಸತ್ತಂತೆ ಎಂದಿದ್ದರು. ನಂತರ, ಮಕ್ಕಳು ಪೊಲೀಸ್ ಠಾಣೆ ಮೆಟ್ಟಿಲು ಹತ್ತೋದು ಬೇಡ. ಕೇಸ್ ವಾಪಸ್ ತೆಗೆದುಕೊಳ್ಳುತ್ತೇನೆ ಎಂದಿದ್ದರು. ಕೀರ್ತಿ ಕೂಡಾ ಅದೇ ಮಾತು ಹೇಳಿದ್ದರು.

    ಆದರೆ, ಕೇಸ್ ವಾಪಸ್ ತೆಗೆದುಕೊಳ್ಳಲು ಬರುವುದಿಲ್ಲ. ಒಮ್ಮೆ ದಾಖಲಾದ ಮೇಲೆ ಮುಗಿಯಿತು ಎಂದು ಹೇಳಿದ್ದಾರೆ ಪೊಲೀಸ್ ಅಧಿಕಾರಿಗಳು. ಪ್ರತಿದಿನವೂ ದುನಿಯಾ ವಿಜಯ್ ಮನೆಯೆದುರು ನಡೆಯುತ್ತಿರುವ ಗಲಾಟೆ, ಪೊಲಿಸರನ್ನೇ ಹೈರಾಣಾಗಿಸಿದೆ.

  • ದುನಿಯಾ ವಿಜಯ್ ಜೊತೆ ಆದಿತಿ ಕುಸ್ತಿ

    aditi prabhudeva in duniya vijay's kusthi

    ಧೈರ್ಯಂ ಚಿತ್ರದ ಮೂಲಕ ನಾಯಕಿಯಾಗಿ ಗುರುತಿಸಿಕೊಂಡ ಆದಿತಿ ಪ್ರಭುದೇವ, ದುನಿಯಾ ವಿಜಯ್‍ಗೆ ನಾಯಕಿಯಾಗುತ್ತಿದ್ದಾರೆ. ದುನಿಯಾ ವಿಜಯ್ ನಿರ್ಮಾಣದ ಕುಸ್ತಿ ಸಿನಿಮಾಗೆ ಆದಿತಿ ನಾಯಕಿ. ರಾಘು ಶಿವಮೊಗ್ಗ ನಿರ್ದೇಶನದ ಚಿತ್ರದಲ್ಲಿ ಆದಿತಿ ಪ್ರಭುದೇವಗೆ ಬೋಲ್ಡ್ ಪಾತ್ರವಿದೆಯಂತೆ.

    ಬಜಾರ್ ಚಿತ್ರದ ರಿಲೀಸ್‍ಗೆ ಕಾಯ್ತಿರೋ ಆದಿತಿ, ಆಪರೇಷನ್ ನಕ್ಷತ್ರ ಚಿತ್ರಕ್ಕೂ ನಾಯಕಿ. ದಾವಣಗೆರೆ ಹುಡುಗಿಯಾದ ಆದಿತಿಗೆ, ಕುಸ್ತಿ ಅಂದ್ರೆ ತುಂಬಾ ಇಷ್ಟವಂತೆ. ದಾವಣಗೆರೆಯಲ್ಲಿ ನಡೆಯೋ ಜಾತ್ರೆಗಳಲ್ಲಿ ಕುಸ್ತಿಗಳು ಕಾಮನ್. ನನಗೂ ಕುಸ್ತಿ ಬಗ್ಗೆ ಕ್ರೇಜ್ ಇದೆ. ಈಗ ಕುಸ್ತಿಯ ಕಥೆ ಆಧರಿಸಿದ ಸಿನಿಮಾದಲ್ಲಿ ನಟಿಸುತ್ತಿರುವುದು ಥ್ರಿಲ್ ಕೊಡುತ್ತಿದೆ ಎಂದಿದ್ದಾರೆ ಆದಿತಿ.

    ದುನಿಯಾ ವಿಜಯ್ ಜೊತೆಗೆ ಅವರ ಪುತ್ರ ಸಾಮ್ರಾಟ್ ಕೂಡಾ ನಟಿಸುತ್ತಿದ್ದು, ಕಲ್ಯಾಣಿ ವಿಜಿ ತಾಯಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

  • ದುನಿಯಾ ವಿಜಿ ಈಗ ಸಲಗ

    duniya vijay's new movie is salaga

    ನಿರ್ಮಾಪಕರು ಅವರೇ.. ದುನಿಯಾ ವಿಜಯ್. ನಿರ್ದೇಶಕರು ಅವರೇ.. ರಾಘು ಶಿವಮೊಗ್ಗ. ಸಿನಿಮಾ.. ಕುಸ್ತಿ ಅಲ್ಲ.. ಸಲಗ. ದುನಿಯಾ ವಿಜಯ್ ಈಗ ಸಲಗನಾಗುತ್ತಿದ್ದಾರೆ.

    ಚೂರಿಕಟ್ಟೆ ಚಿತ್ರದ ಮೂಲಕ ಗಮನ ಸೆಳೆದ ರಾಘು ಶಿವಮೊಗ್ಗ ಅವರೇ, ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿದ್ದಾರೆ. ಫೆಬ್ರವರಿಯಲ್ಲಿ ಚಿತ್ರದ ಚಿತ್ರೀಕರಣ ಶುರುವಾಗಲಿದೆ. 

    ಕನ್ನಡದಲ್ಲಿ ಸಲಗ ಎಂದರೆ ತಕ್ಷಣ ನೆನಪಾಗುವುದು ಅಂಬರೀಷ್ ಅಭಿನಯದ ಒಂಟಿ ಸಲಗ ಸಿನಿಮಾ. ಈಗ ದುನಿಯಾ ವಿಜಯ್ ಸಲಗ ಹೆಸರಲ್ಲಿ ಬರುತ್ತಿದ್ದಾರೆ.

     

#

Adi Lakshmi Purana Movie Gallery

Rightbanner02_butterfly_inside

Yaana Movie Gallery