` shivaji suratkal 2, - chitraloka.com | Kannada Movie News, Reviews | Image

shivaji suratkal 2,

  • ರಮೇಶ್ ಜೊತೆಗೆ ನಾಜರ್ ಸುರತ್ಕಲ್

    ರಮೇಶ್ ಜೊತೆಗೆ ನಾಜರ್ ಸುರತ್ಕಲ್

    ಶಿವಾಜಿ ಸುರತ್ಕಲ್ ಚಿತ್ರದ ಸೀಕ್ವೆಲ್‍ನಲ್ಲಿ ಹೊಸದೊಂದು ಪಾತ್ರ ಎಂಟ್ರಿ ಕೊಡ್ತಿದೆ. ಅದು ವಿಜಯೇಂದ್ರ ಸುರತ್ಕಲ್ ಪಾತ್ರ. ಶಿವಾಜಿ ಸುರತ್ಕಲ್ ತಂದೆ. ಈ ಪಾತ್ರದಲ್ಲಿ ನಟಿಸುತ್ತಿರೋದು ನಾಜರ್.

    ಶಿವಾಜಿಯಂತೆಯೇ ವಿಜಯೇಂದ್ರ ಕೂಡಾ ಪೊಲೀಸ್. ಐಜಿಯಾಗಿ ರಿಟೈರ್ ಆಗಿರುತ್ತಾರೆ. ಅವರ ಪಾತ್ರ ಇಲ್ಲಿ ಬಂದಿದ್ದು ಹೇಗೆ ಅನ್ನೋಕೆ ಕಥೆಯಲ್ಲಿ ಕಾರಣ ಸಿಗುತ್ತೆ. ಅಪ್ಪ ಮಗನಾಗಿದ್ದರೂ ಅವರಿಬ್ಬರೂ ಮಾತು ಬಿಟ್ಟಿರುತ್ತಾರೆ. ಯಾಕೆ.. ಅನ್ನೋದಕ್ಕೆಲ್ಲ ಉತ್ತರ ಒಂದು ಸ್ಪೆಷಲ್ ಸ್ಟೋರಿಯೊಂದಿಗೆ ಇಲ್ಲಿ ಸಿಗಲಿದೆ ಎನ್ನುತ್ತಾರೆ ಡೈರೆಕ್ಟರ್ ಆಕಾಶ್ ಶ್ರೀವತ್ಸ.

    ರಮೇಶ್ ಮತ್ತು ನಾಜರ್ ಅವರದ್ದು ದಶಕಗಳ ಗೆಳೆತನ. ಆದರೆ ಒಟ್ಟಿಗೇ ನಟಿಸುತ್ತಿರುವುದು ಇದೇ ಮೊದಲ ಬಾರಿ. ಶಿವಾಜಿ ಸುರತ್ಕಲ್ ಸೀಕ್ವೆಲ್‍ನಲ್ಲಿ ರಾಧಿಕಾ ನಾರಾಯಣ್ ಅವರಷ್ಟೇ ಅಲ್ಲದೆ ಮೇಘನಾ ಗಾಂವ್ಕರ್ ಕೂಡಾ ನಟಿಸುತ್ತಿದ್ದಾರೆ. ಅನೂಪ್ ಗೌಡ ಮತ್ತು ರೇಖಾ ಕೆ.ಎಸ್. ನಿರ್ಮಾಪಕರಾಗಿರುವ ಚಿತ್ರದ ಒಂದು ಹಂತದ ಶೂಟಿಂಗ್ ಈಗಾಗಲೇ ಮುಗಿದಿದೆ.

  • ಶಿವಾಜಿ ಸುರತ್ಕಲ್ -2 ಆರಂಭ

    ಶಿವಾಜಿ ಸುರತ್ಕಲ್ -2 ಆರಂಭ

    ಲಾಕ್ ಡೌನ್ ಶುರುವಾಗುವ ಮುನ್ನ ರಿಲೀಸ್ ಆಗಿ ಹಿಟ್ ಆಗಿದ್ದ ಚಿತ್ರ ಶಿವಾಜಿ ಸುರತ್ಕಲ್. ರಮೇಶ್ ವಿಭಿನ್ನವಾಗಿ ಕಾಣಿಸಿಕೊಂಡಿದ್ದ ಚಿತ್ರವೀಗ 2ಭಾಗದಲ್ಲಿ ತೆರೆಗೆ ಬರುತ್ತಿದೆ. ಶಿವಾಜಿ ಸುರತ್ಕಲ್ 2 ಚಿತ್ರ ಶುರುವಾಗಿದೆ. ಬೆಂಗಳೂರಿನ ಮಲ್ಲೇಶ್ವರದಲ್ಲಿರೋ ಬಂಡೆ ಗಣೇಶ ದೇವಸ್ಥಾನದಲ್ಲಿ ಚಿತ್ರದ ಮುಹೂರ್ತ ನೆರವೇರಿದೆ.

    ರಮೇಶ್, ರಾಧಿಕಾ ನಾರಾಯಣ್ ಜೊತೆಗೆ ಈ ಬಾರಿ ಮೇಘನಾ ಗಾಂವ್ಕರ್, ವಿನಾಯಕ್ ಜೋಷಿ, ರಾಕೇಶ್ ಸೇರ್ಪಡೆಗೊಂಡಿದ್ದಾರೆ. ಎಲ್ಲರದ್ದೂ ಪೊಲೀಸ್ ಪಾತ್ರಗಳೇ ಎನ್ನುವುದು ವಿಶೇಷ. ಆಕಾಶ್ ಶ್ರೀವತ್ಸ ನಿರ್ದೇಶನದ ಶಿವಾಜಿ ಸುರತ್ಕಲ್ 2 ಚಿತ್ರೀಕರಣ ಡಿಸೆಂಬರ್‍ನಲ್ಲಿ ಶುರುವಾಗಲಿದೆ.

  • ಶಿವಾಜಿ ಸುರತ್ಕಲ್ ಮಗಳಾಗಿ ಆರಾಧ್ಯ..!

    ಶಿವಾಜಿ ಸುರತ್ಕಲ್ ಮಗಳಾಗಿ ಆರಾಧ್ಯ..!

    ಆರಾಧ್ಯ. ಬಾಲನಟಿ. ಚುರುಕು ಮಾತಿನ ಚಿನಕುರುಳಿ. ಅವರೀಗ ಶಿವಾಜಿ ಸುರತ್ಕಲ್ ಮಗಳಾಗುತ್ತಿದ್ದಾರೆ. ಶಿವಾಜಿ ಸುರತ್ಕಲ್ ಚಿತ್ರದ ಸೀಕ್ವೆಲ್ ಚಿತ್ರೀಕರಣ ಭರದಿಂದ ಸಾಗುತ್ತಿದ್ದು, ಈ ಭಾಗದಲ್ಲಿ ಶಿವಾಜಿಯ ಮಗಳು ಸಿರಿ ಸುರತ್ಕಲ್ ಪಾತ್ರದಲ್ಲಿ ಆರಾಧ್ಯ ನಟಿಸುತ್ತಿದ್ದಾಳೆ.

    ಆಕಾಶ್ ಶ್ರೀವತ್ಸ ನಿರ್ದೇಶನದ ಶಿವಾಜಿ ಸುರತ್ಕಲ್ ದಿ ಮಿಸ್ಟೀರಿಯಸ್ ಕೇಸ್ ಆಫ್ ಮಾಯಾವಿ ಚಿತ್ರದಲ್ಲಿ ರಮೇಶ್ ಅರವಿಂದ್ ಹೀರೋ. ಈ ಚಿತ್ರಕ್ಕೆ ರಾಧಿಕಾ ನಾರಾಯಣ್ ಜೊತೆ ಮೇಘನಾ ಗಾಂವ್ಕರ್ ಎಂಟ್ರಿ ಕೊಟ್ಟಿದ್ದಾರೆ. ನಾಜರ್ ಇದ್ದಾರೆ. 21 ದಿನಗಳ ಶೂಟಿಂಗ್ ಮುಗಿದು, ಮುಂದಿನ ಚಿತ್ರೀಕರಣ ಬೆಂಗಳೂರಿನಲ್ಲಿಯೇ ನಡೆಯಲಿದೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery