2021ರಲ್ಲಿ ಬಿಡುಗಡೆಯಾದ ಕೊನೆಯ ಸಿನಿಮಾ ಬಡವ ರಾಸ್ಕಲ್. ಡಾಲಿ ಧನಂಜಯ ಮತ್ತು ಅಮೃತಾ ಅಯ್ಯಂಗಾರ್ ಪ್ರಧಾನ ಪಾತ್ರದಲ್ಲಿದ್ದ ಸಿನಿಮಾದೊಂದಿಗೆ 2021 ಮುಗಿದಿತ್ತು. ಜೊತೆಯಲ್ಲೇ ಡಾಲಿಯ ಅದೃಷ್ಟದ ಬಾಗಿಲೂ ತೆರೆದಿತ್ತು. ನಿರ್ಮಾಪಕರಾಗಿಯೂ ಗೆದ್ದಿದ್ದರು ಡಾಲಿ ಧನಂಜಯ. ಈಗ 2022ರ ಕೊನೆ ಹತ್ತಿರವಾಗುತ್ತಿದೆ. ಈ ಬಾರಿಯೂ ಕೊನೆಯ ಸಿನಿಮಾ ಡಾಲಿ ಧನಂಜಯ್ ಅವರದ್ದೇ. ಡಿ.30ರಂದು ಇದೇ ಮೊದಲ ಬಾರಿಗೆ ಡಾಲಿ ಮತ್ತು ಆದಿತಿ ಪ್ರಭುದೇವ ಜೊತೆಯಾಗಿ ನಟಿಸಿರೋ ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ ಸಿನಿಮಾ ರಿಲೀಸ್ ಆಗಲಿದೆ. ಕನ್ನಡ ಮತ್ತು ತೆಲುಗು ಎರಡೂ ಭಾಷೆಯಲ್ಲಿ ರಿಲೀಸ್ ಆಗಲಿದೆ.

ಕನ್ನಡಕ್ಕಾಗಿ ಒಂದನ್ನು ಒತ್ತಿ ಖ್ಯಾತಿಯ ಕುಶಾಲ್ ಗೌಡ ಆಕ್ಷನ್ ಕಟ್ ಹೇಳಿದ್ದು ನಿಹಾರಿಕ ಮೂವಿಶ್ ಲಾಂಛನದಡಿ ಶ್ರೀ ಹರಿ ಬಂಡವಾಳ ಹೂಡಿದ್ದಾರೆ. ಚಿತ್ರಕ್ಕೆ ಅರ್ಜುನ್ ಜನ್ಯಾ ಸಂಗೀತ ಸಂಯೋಜಿಸಿದ್ದು ಹಿನ್ನೆಲೆ ಸಂಗೀತವನ್ನ ಅನೂಪ್ ಸೀಳಿನ್ ಸಂಯೋಜಿಸಿದ್ದಾರೆ.

ಡಾಲಿ, ಆದಿತಿ ಜೊತೆಗೆ ಚಿತ್ರದಲ್ಲಿ ಭಾವನಾ ರಾಮಯ್ಯ, ಬಾಲನಟಿ ಪ್ರಾಣ್ಯ ರಾವ್, ಯಶ್ ಶೆಟ್ಟಿ ಕೂಡಾ ನಟಿಸಿದ್ದಾರೆ. ಹಿರೋಶಿಮಾ, ನಾಗಸಾಕಿ, ಕಾರು, ಮತ್ತೇ ಅವ್ಳು ..! ಪ್ರತಿ ಪಾತ್ರಗಳ ಹಿಂದೆ ಕಥೆಯಿದೆ, ಆ ಕಥೆಗಳ ಒಳಗೆ ಹಲವು ಕುತೂಹಲ ಘಟನೆಗಳು. ಒಂದೊಂದರ ಹಿಂದೆಯೂ ಒಂದೊಂದು ಕಥೆಯಿದೆ ಅನ್ನೋ ಸುಳಿವು ಕೊಟ್ಟಿದ್ದಾರೆ ಡಾಲಿ ಧನಂಜಯ್.

ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ ಶುರುವಾದಾಗಲೇ ಚಿತ್ರತಂಡ ಇದು ರೆಗ್ಯುಲರ್ ಸ್ಟೋರಿ ಆಗಿರಲ್ಲ ಅನ್ನೋ ಸುಳಿವು ಕೊಟ್ಟಿತ್ತು. ಟೈಟಲ್ಲೇ ಸಂಥಿಂಗ್ ಸ್ಪೆಷಲ್ ಎನ್ನುವ ಕುತೂಹಲ ಮೂಡಿಸಿತ್ತು. ಡಾಲಿ ಧನಂಜಯ, ಆದಿತಿ ಪ್ರಭುದೇವ ಲೀಡ್ ರೋಲ್‍ನಲ್ಲಿರೋ ಸಿನಿಮಾದ ವಿಶೇಷತೆಗಳ ಬಗ್ಗೆ ಝಲಕ್ ಮಾತ್ರವೇ ಸಿಕ್ಕಿತ್ತು. ಈಗ ಟೀಸರ್ ಹೊರಬಿದ್ದಿದೆ. ಕುತೂಹಲಕ್ಕೆ ಕಿರೀಟವಿಟ್ಟಂತೆ ಇನ್ನಷ್ಟು ಬೆರಗು ಹುಟ್ಟಿಸಿದೆ ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ ಟೀಸರ್.

ಟೀಸರ್‍ನ ಮೊದಲ ದೃಶ್ಯದಲ್ಲಿಯೇ ಡಾಲಿ ಜೈಲಿಗೆ ಎಂಟ್ರಿ ಕೊಡುತ್ತಾರೆ. ರಗಡ್ ಲುಕ್. ಆದರೆ.. ಆತ ಮಗುವಿನ ಜೊತೆ, ಆದಿತಿಯ ಜೊತೆ ನಗುನಗುತ್ತಾ ಇರುವ ದೃಶ್ಯಗಳು ಕಥೆ ಬೇರೆಯೇ ಇದೆ ಎಂದು ಸಾರಿ ಹೇಳುತ್ತವೆ. ಯಶಾ ಶೆಟ್ಟಿ, ಭಾವನಾ ರಾಮಣ್ಣ. ಪ್ರಕಾಶ್ ಬೆಳವಾಡಿ, ಮಯೂರಿ ನಟರಾಜ್ ಅಷ್ಟೇ ಅಲ್ಲ, ಪ್ರಾಣ್ಯ ಪಿ ರಾವ್ ಕೂಡಾ ಬೆರಗು ಹುಟ್ಟಿಸುತ್ತಾರೆ. ಕಥೆ ಬೇರೆಯದೇ ಇದೆ. ಟೀಸರ್‍ನ ಕೊನೆಯ ಸೀನ್‍ನಲ್ಲಿ ಆದಿತಿ ಪ್ರಭುದೇವ ಸಿಗರೇಟು ಸೇದುತ್ತಾ ಕೂರುತ್ತಾರೆ. ಏನಿದು.. ಯಾಕೆ.. ಡಿಸೆಂಬರ್ 30ಕ್ಕೆ ರಿಲೀಸ್ ಆಗುತ್ತಿರೋ ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ ಚಿತ್ರಕ್ಕೆ ಕುಶಾಲ್ ಗೌಡ ನಿರ್ದೇಶಕ. ಶ್ರೀಹರಿ ನಿರ್ಮಾಣದ ಸಿನಿಮಾ ವರ್ಷದ ಕೊನೆಗೆ ಬಿಡುಗಡೆಯಾಗುತ್ತಿದೆ.

ಡಾಲಿ ಧನಂಜಯ್ ಬಿಡುವೇ ಇಲ್ಲದಂತೆ ಬ್ಯುಸಿಯಾಗಿದ್ದಾರೆ. ಒಂದೆಡೆ ತೋತಾಪುರಿ ಟ್ರೇಲರ್ ರಿಲೀಸ್.. ಮತ್ತೊಂದೆಡೆ ಜಮಾಲಿಗುಡ್ಡ ಶೂಟಿಂಗ್.. ಮತ್ತೊಂದೆಡೆ ಅವರದ್ದೇ ನಿರ್ಮಾಣದ ಹೆಡ್ ಬುಷ್.. ಎಲ್ಲದರಲ್ಲೂ ತೊಡಗಿಸಿಕೊಂಡಿರುವ ಧನಂಜಯ್ ಹೀರೋ ಆಗಿರೋ ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ ಶೂಟಿಂಗ್ ಮುಕ್ತಾಯವಾಗಿದೆ. ಬಾರೊಂದರಲ್ಲಿ ಫೈಟಿಂಗ್ ಸೀನ್ ಶೂಟಿಂಗ್‍ನೊಂದಿಗೆ ಚಿತ್ರೀಕರಣಕ್ಕೆ ಕುಂಭಳಕಾಯಿ ಹೊಡೆದಿದ್ದಾರೆ ನಿರ್ದೇಶಕ ಕುಶಾಲ್ ಗೌಡ. ನಿರ್ಮಾಪಕರಾಗಿರೋದು ಶ್ರೀಹರಿ.

ಡಾಲಿ ಎದುರು ನಾಯಕಿಯಾಗಿ ಆದಿತಿ ಪ್ರಭುದೇವ ನಟಿಸಿದ್ದಾರೆ. ಪ್ರಕಾಶ್ ಬೆಳವಾಡಿ, ಭಾವನಾ ನಟಿಸಿರೋ ಚಿತ್ರಕ್ಕೆ ಈಗಾಗಲೇ ಚಿಕ್ಕಮಗಳೂರು, ಶಿವಮೊಗ್ಗ, ಗೋಕರ್ಣ ಮೊದಲಾದೆಡೆ ಶೂಟಿಂಗ್ ಮಾಡಲಾಗಿದ್ದು, ಬೆಂಗಳೂರಿನ ಎಚ್‍ಎಂಟಿಯಲ್ಲಿ ಹಾಕಿರೋ ಸೆಟ್ಟಿನಲ್ಲಿ ಶೂಟಿಂಗ್ ಮುಗಿದಿದೆ.

ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ. ಕನ್ನಡಕ್ಕಾಗಿ ಒಂದನ್ನು ಒತ್ತಿ ಚಿತ್ರವನ್ನು ಡೈರೆಕ್ಟ್ ಮಾಡಿದ್ದ ಕುಶಾಲ್ ಗೌಡ ನಿರ್ದೇಶನದ ಸಿನಿಮಾ. ಡಾಲಿ ಧನಂಜಯ್, ಅದಿತಿ ಪ್ರಭುದೇವ, ಭಾವನಾ ಮೊದಲಾದವರು ನಟಿಸಿರೋ ಚಿತ್ರದ ಚಿತ್ರೀಕರಣ ಬೆಂಗಳೂರು, ಚಿಕ್ಕಮಗಳೂರು, ಶಿವಮೊಗ್ಗದಲ್ಲಿ ನಡೆಯುತ್ತಿದೆ.

ಆಕ್ಚುಯಲಿ ಜಮಾಲಿಗುಡ್ಡ ಅನ್ನೋ ಸ್ಥಳ ಇಲ್ಲ. ಅದು ನಮ್ಮ ಕಲ್ಪನೆಯ ಜಾಗ. ಲವ್, ಆ್ಯಕ್ಷನ್ ಎಲ್ಲವೂ ಇರೋ ಎಂಟರ್‍ಟೈನರ್. ಜಮಾಲಿಗುಡ್ಡ ಅನ್ನೋ ಸ್ಥಳದಲ್ಲಿ ಒಂದು ಕಾಲದಲ್ಲಿ ಏನೆಲ್ಲ ನಡೀತು ಅನ್ನೋದೆ ನಮ್ಮ ಕಥೆ. ಹೀಗಾಗಿ ಜಾನರ್ ಹೇಳಲ್ಲ ಎನ್ನುತ್ತಾರೆ ಕುಶಾಲ್ ಗೌಡ.

ಶ್ರೀಹರಿ ರೆಡ್ಡಿ ನಿರ್ಮಾಣದ ಸಿನಿಮಾ ಈಗಾಗಲೇ 45 ದಿನದ ಶೂಟಿಂಗ್ ಮುಗಿಸಿದೆ. ಮೇಕಿಂಗ್ ಅದ್ಧೂರಿಯಾಗಿಯೇ ಇದೆ. ಸತತವಾಗಿ ಸಕ್ಸಸ್ ಕಾಣುತ್ತಿರೋ ಡಾಲಿ ಧನಂಜಯ್ ಸಿನಿಮಾ, ಇನ್ನೊಂದೆರಡು ತಿಂಗಳಲ್ಲಿ ರಿಲೀಸ್‍ಗೆ ರೆಡಿಯಾಗುವ ನಿರೀಕ್ಷೆ ಇದೆ.

ರೌಡಿ, ರಫ್ & ಟಫ್ ಪಾತ್ರಗಳಲ್ಲೇ ಇತ್ತೀಚೆಗೆ ಹೆಚ್ಚಾಗಿ ನಟಿಸಿದ್ದ ಡಾಲಿ ಧನಂಜಯ್ ರೊಮ್ಯಾಂಟಿಕ್ ಟ್ರ್ಯಾಕ್ಗೆ ವಾಪಸ್ ಆಗಿದ್ದಾರೆ. ಅವರಿಗೆ ಜೊತೆಯಾಗಿರೋದು ಆದಿತಿ ಪ್ರಭುದೇವ. ಒನ್ಸ್ ಅಪಾನ್ ಎ ಟೈಂ ಜಮಾಲಿಗುಡ್ಡದಲ್ಲಿ ಅವರಿಬ್ಬರ ರೊಮ್ಯಾನ್ಸ್ಗೆ ಌಕ್ಷನ್ ಕಟ್ ಹೇಳ್ತಿರೋದು ಕುಶಾಲ್ ಗೌಡ.

ಕನ್ನಡಕ್ಕಾಗಿ ಒಂದನ್ನು ಒತ್ತಿ ಅನ್ನೋ ವಿಭಿನ್ನ ಶೀರ್ಷಿಕೆಯ ಸಿನಿಮಾದಿಂದ ಗಮನ ಸೆಳೆದಿದ್ದ ಕುಶಾಲ್ ಗೌಡ, ಈ ಬಾರಿಯೂ ಡಿಫರೆಂಟ್ ಟೈಟಲ್ನ್ನೇ ಇಟ್ಟಿದ್ದಾರೆ.  ಒನ್ಸ್ ಅಪಾನ್ ಎ ಟೈಂ ಜಮಾಲಿಗುಡ್ಡದಲ್ಲಿ ಮಾಸ್ ಎಂಟರ್ಟೈನರ್ ರೊಮ್ಯಾಂಟಿಕ್ ಸ್ಟೋರಿ ಇದೆಯಂತೆ.

ಜಮಾಲಿಗುಡ್ಡ ಅನ್ನೋದು ನಾವೇ ಸೃಷ್ಟಿಸಿರೋ ಒಂದು ಕಾಲ್ಪನಿಕ ಜಾಗ. ಅಲ್ಲಿ ನಡೆಯೋ ಲವ್ ಸ್ಟೋರಿಯನ್ನು ನಾವು ವಿಭಿನ್ನವಾಗಿ ಹೇಳ್ತೇವೆ ಅನ್ನೋದು ಕುಶಾಲ್ ಗೌಡ ಮಾತು. ಚಿತ್ರಕ್ಕೆ ಈಗಾಗಲೇ ಭಾವನಾ ರಾಮಣ್ಣ, ಪ್ರಕಾಶ್ ಬೆಳವಾಡಿ, ಯಶ್ ಶೆಟ್ಟಿ, ತ್ರಿವೇಣಿ, ಪ್ರಕಾಶ್ ಶೆಣೈ, ನಂದಗೋಪಾಲ್ ಎಂಟ್ರಿ ಕೊಟ್ಟಿದ್ದಾರೆ. ಶ್ರೀಹರಿ ಚಿತ್ರದ ನಿರ್ಮಾಪಕರು.

ಅಲ್ಲಿ ಪುಟ್ಟ ಮಗು ಮತ್ತು ಮಾಮನ ಪ್ರೀತಿಯಿದೆ.. ಅಲ್ಲಿ ಹಿರೋಶಿಮಾ ಮತ್ತು ನಾಗಸಾಕಿ ಅನ್ನೋ ಗೆಳೆಯರ ಸ್ನೇಹವಿದೆ. ಆದಿತಿ ಮತ್ತು ಕೃಷ್ಣರ ನಡುವಿನ ಪ್ರೀತಿಯ ಕಥೆಯೂ ಇದೆ..

ಹೋರಾಟವಿದೆ.. ಭಾವನೆಗಳಿವೆ. ಕೊಲೆಗಳಿವೆ..ಕ್ರೈಂ ಇದೆ.. ಇವೆಲ್ಲವುಗಳ ಜೊತೆ ಜೊತೆಯಲ್ಲೇ ಭಾವನೆಗಳ ತಾಕಲಾಟವಿದೆ. ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ ಚಿತ್ರದ ಟ್ರೇಲರಿನಲ್ಲಿ ಈ ಎಲ್ಲವುಗಳ ಸ್ಪರ್ಶವಿದೆ.

ಕನ್ನಡಕ್ಕಾಗಿ ಒಂದನ್ನು ಒತ್ತಿ ಚಿತ್ರವನ್ನು ನಿರ್ದೇಶಿಸಿದ್ದ ಕುಶಾಲ್ ಗೌಡ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದಾರೆ. ಡಾಲಿ ಧನಂಜಯ, ಆದಿತಿ ಪ್ರಭುದೇವ, ಪ್ರಾಣ್ಯ ಪಿ.ರಾವ್, ಭಾವನಾ ರಾಮಣ್ಣ, ಪ್ರಕಾಶ್ ಬೆಳವಾಡಿ, ಮಯೂರಿ ನಟರಾಜ್.. ಹೀಗೆ ಘಟಾನುಘಟಿಗಳ ದಂಡೇ ಚಿತ್ರದಲ್ಲಿದೆ. ಎಲ್ಲರ ನಿರೀಕ್ಷೆಯೂ ಇರುವುದು ಬಾಲನಟಿ ಪ್ರಾಣ್ಯ ಪಿ.ರಾವ್ ಅವರ ಮೇಲೆ. ಇಡೀ ಕಥೆ ನಡೆಯುವುದು ಅವರ ಸುತ್ತಲೇ ಎನ್ನುವುದು ವಿಶೇಷ.

ನಿಹಾರಿಕಾ ಮೂವೀಸ್‍ನಲ್ಲಿ ಶ್ರೀಹರಿ ನಿರ್ಮಾಣ ಮಾಡಿರುವ ಚಿತ್ರ ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ. ಈ ಚಿತ್ರಕ್ಕೆ ಇಬ್ಬರು ಮ್ಯೂಸಿಕ್ ಡೈರೆಕ್ಟರ್ಸ್ ಇದ್ದಾರೆ. ಹಿನ್ನೆಲೆ ಸಂಗೀತ ಅನೂಪ್ ಸಿಳೀನ್ ಅವರದ್ದಾದರೆ ಚಿತ್ರದ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯಾ ಅವರದ್ದು. ಡಾಲಿ ಧನಂಜಯ್ ಅವರ ಬೇರೆಯದೇ ತೆರನಾದ ಲುಕ್ ನೋಡೋಕೇ ವಿಭಿನ್ನವಾಗಿಯೂ ಇದೆ. ಅಂದಹಾಗೆ ಈ ವರ್ಷವೇ ರಿಲೀಸ್ ಆಗುತ್ತಿರುವ ಈ ಚಿತ್ರ, ಈ ವರ್ಷದ ಧನಂಜಯ್ ನಟನೆಯ 6ನೇ ಸಿನಿಮಾ. ಡಿ.30ರಂದು ಸಿನಿಮಾ ತೆರೆ ಕಾಣಲಿದೆ.

ಡಾಲಿ ಧನಂಜಯ್ ಮತ್ತು ಆದಿತಿ ಪ್ರಭುದೇವ ಒಟ್ಟಿಗೇ ನಟಿಸಿರುವ ಮೊದಲ ಸಿನಿಮಾ ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ. ಸೆಪ್ಟೆಂಬರ್ 9ಕ್ಕೆ ರಿಲೀಸ್ ಆಗುತ್ತಿದೆ.

ಕುಶಾಲ್ ಗೌಡ ನಿರ್ದೇಶನದ ಚಿತ್ರವಿದು.

ಬಾಬಾ ಬುಡನ್‍ಗಿರಿ, ಕುದುರೆಮುಖ, ಚಿಕ್ಕಮಗಳೂರಿನಲ್ಲೆ ಹೆಚ್ಚು ಚಿತ್ರೀಕರಣಗೊಂಡಿರುವ ಚಿತ್ರದಲ್ಲಿ ವಿಭಿನ್ನ ಕಥೆಯಂತೂ ಇದೆ. ಡಾಲಿ ಬಾರ್ ಸಪ್ಲೈಯರ್ ಪಾತ್ರದಲ್ಲಿದ್ದರೆ, ಆದಿತಿ ಮಸಾಜ್ ಪಾರ್ಲರ್‍ನಲ್ಲಿ ಕೆಲಸ ಮಾಡೋ ಹುಡುಗಿಯ ಪಾತ್ರ ಮಾಡಿದ್ದಾರೆ. ಇವರಿಬ್ಬರ ಮಧ್ಯೆ ಪ್ರೀತಿಯಾಗುತ್ತದೆ. ಚಿತ್ರದ ಮೊದಲ ಪೋಸ್ಟರ್‍ನಲ್ಲಿ ಡಾಲಿ ಪುಟ್ಟ ಮಗುವಿನ ಜೊತೆ ಕುಳಿತಿರುವ ಪೊಸ್ಟರ್ ತೋರಿಸಿದ್ದರು. ಹಾಗಾದರೆ.. ಕಥೆ ಏನು..? ಆ ಕುತೂಹಲಕ್ಕೆ ಉತ್ತರ ಸೆಪ್ಟೆಂಬರ್ 9ಕ್ಕೆ ದೊರೆಯಲಿದೆ.

ನಟಿ ಭಾವನಾ ರಾಮಣ್ಣ ಈ ಚಿತ್ರದ ಮೂಲಕ ಕಮ್‍ಬ್ಯಾಕ್ ಮಾಡುತ್ತಿರೋದು ವಿಶೇಷ. ತ್ರಿವೇಣಿ ರಾವ್, ಪ್ರಕಾಶ್ ಬೆಳವಾಡಿ, ಯಶ್ವಂತ್ ಶೆಟ್ಟಿ ಮೊದಲಾದವರು ನಟಿಸಿರೊ ಚಿತ್ರಕ್ಕೆ ಶ್ರೀಹರಿ ನಿರ್ಮಾಪಕರು.

ಹಿರೋಷಿಮಾ ಮತ್ತು ನಾಗಸಾಕಿ. ಈ ಎರಡೂ ಹೆಸರನ್ನು ಜಗತ್ತು ಮರೆಯುವಂತೆಯೇ ಇಲ್ಲ. ಅಮೆರಿಕ ಸೃಷ್ಟಿಸಿದ್ದ ವಿಧ್ವಂಸಕ ಪರಮಾಣು ಬಾಂಬ್ ಪ್ರಯೋಗಕ್ಕೆ ಬಲಿಯಾದ ಜಪಾನ್‍ನ ನಗರಗಳಿವು. ಆ ದುರಂತದ ತೀವ್ರತೆ.. ಭಯಾನಕತೆ.. ಈಗ ನೋಡಿದರೂ ಎದೆ ನಡುಗುತ್ತದೆ. ಆದರೆ.. ಜಮಾಲಿಗುಡ್ಡದಲ್ಲಿ ಹಾಗಾಗಿಲ್ಲ. ಅವು ಪಾತ್ರಗಳಾಗಿ ಬಂದಿವೆ.

ಹೀರೋ ಡಾಲಿ ಧನಂಜಯ್ ಹಿರೋಷಿಮಾ ಅಂತೆ. ವಿಲನ್ ಯಶ್ ಶೆಟ್ಟಿ ನಾಗಸಾಕಿಯಂತೆ. ಅವರಿಬ್ಬರೂ ಖೈದಿಗಳೇ ಇರಬೇಕು ಅನ್ನೋ ಅರ್ಥ ಡಾಲಿಯ ಸ್ಟೇಟ್`ಮೆಂಟ್`ನಲ್ಲಿದೆ. ಅವಳಿ ಖೈದಿಗಳು ಅವಳಿ ನಗರಗಳ ಹೆಸರಲ್ಲಿ ಅಂದಿದ್ದಾರೆ ಡಾಲಿ.

ಡಾಲಿ ಜಮಾಲಿಗುಡ್ಡ ಒನ್ಸ್ ಅಪಾನ್ ಎ ಟೈಂ ಚಿತ್ರದಲ್ಲಿ ಬಾರ್ ಸಪ್ಲೈಯರ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಆದಿತಿ ಪ್ರಭುದೇವ ಹೀರೋಯಿನ್. ಕುಶಾಲ್ ಗೌಡ ನಿರ್ದೇಶನದ ಚಿತ್ರಕ್ಕೆ ಶ್ರೀಹರಿ ನಿರ್ಮಾಪಕರು.