` poorna, - chitraloka.com | Kannada Movie News, Reviews | Image

poorna,

  • 100 ಟೈಟಲ್ ಹಿಂದೊಂದು ಕಥೆ ಇದೆ..!

    100 ಟೈಟಲ್ ಹಿಂದೊಂದು ಕಥೆ ಇದೆ..!

    100. ಸಂಖ್ಯೆಗಳನ್ನೇ ಸಿನಿಮಾ ಟೈಟಲ್ ಆಗಿಟ್ಟುಕೊಂಡು ಬಂದ ಸಿನಿಮಾಗಳು ಅಪರೂಪದಲ್ಲಿ ಅಪರೂಪ. ಅಂತಾದ್ದೊಂದು ಪ್ರಯೋಗ ಮಾಡಿದ್ದಾರೆ ರಮೇಶ್ ಅರವಿಂದ್. 100 ಅನ್ನೋ ಟೈಟಲ್ಲೇ ಏಕೆ..? ಈ ಪ್ರಶ್ನೆಗೆ ರಮೇಶ್ ಉತ್ತರಿಸೋದು ಹೀಗೆ.

    100 ಅನ್ನೋದು ಯುನಿವರ್ಸಲ್ ನಂಬರ್. ಏನಾದರೂ ಅಪರಾಧವಾದರೆ, ಅದನ್ನು ಕಂಡ ಜನ ಮೊದಲು ಕಾಲ್ ಮಾಡೋ ನಂಬರ್ 100. ಒಬ್ಬ ಕ್ರಿಕೆಟ್ ಆಟಗಾರ ಸೆಂಚುರಿ ಹೊಡೆದಾಗ ಅಥವಾ ಹೊಡೆಯುವಾಗ ಮೈಲ್ ಸ್ಟೋನ್ 100. ಒಬ್ಬ ವಿದ್ಯಾರ್ಥಿಯ ಗುರಿ 100. ಅದನ್ನು ಟೀಚರ್ ಒಬ್ಬರು ವಿದ್ಯಾರ್ಥಿಗೆ ಹೇಳುವಾಗ 100ಕ್ಕೆ 100 ತೆಗೀಬೇಕು. ಅಲ್ಲಿಯೂ 100. ಅಷ್ಟೇ ಅಲ್ಲ, ಮುಂದೊಂದು ದಿನ ಈ ಚಿತ್ರವನ್ನು ನಮಗೆ ಗೊತ್ತೇ ಇಲ್ಲದ ಸ್ಪಾನಿಷ್ ಭಾಷೆಗೆ ಡಬ್ ಮಾಡಿದರೂ ಚಿತ್ರದ ಟೈಟಲ್ ಅಲ್ಲಿಯೂ ರೀಚ್ ಆಗುತ್ತೆ. ಇಷ್ಟೆಲ್ಲಕ್ಕೂ ಮಿಗಿಲಾಗಿ ಆ ಟೈಟಲ್ನ ಹಿಂದೆ ಒಂದು ಸಸ್ಪೆನ್ಸ್ ಇದೆ. ಅದನ್ನು ನೀವು ಚಿತ್ರದಲ್ಲಿಯೇ ನೋಡಬೇಕು ಎನ್ನುತ್ತಾರೆ ರಮೇಶ್.

    ಎಲ್ಲವೂ ಪಕ್ಕಾ ಆಗಿದ್ದರೆ ಶಿವಾಜಿ ಸುರತ್ಕಲ್ ಚಿತ್ರದ 50ನೇ ದಿನದಂದು 100 ರಿಲೀಸ್ ಆಗಬೇಕಿತ್ತು. ಎಲ್ಲಕ್ಕೂ ಬ್ರೇಕ್ ಹಾಕಿದ್ದು ಕೊರೊನಾ ಮತ್ತು ಲಾಕ್ಡೌನ್. ಜೊತೆಗೆ ಕೊರೊನಾ ನಮಗೆ ಒಂದಿಷ್ಟು ಸಂಕಷ್ಟಗಳನ್ನೂ ಕೊಟ್ಟಿದೆ. ಈ ಚಿತ್ರದ ಸಂಭಾಷಣೆಯಲ್ಲಿ ಜೊತೆಗಿದ್ದ ಗುರು ಕಶ್ಯಪ್ ಮತ್ತು 20 ವರ್ಷದಿಂದ ನನಗೆ ಮೇಕಪ್ ಮ್ಯಾನ್ ಆಗಿದ್ದ ಸೂರಿ ಬಾಬು ಇಬ್ಬರನ್ನೂ ಇದೇ ಟೈಮ್ನಲ್ಲಿ ಕಳೆದುಕೊಂಡಿದ್ದೇನೆ ಎನ್ನುವ ರಮೇಶ್, ಈ ಚಿತ್ರ ಖಂಡಿತಾ ಪ್ರತಿಯೊಬ್ಬರಿಗೂ ಕನೆಕ್ಟ್ ಆಗುತ್ತೆ ಮತ್ತು ಇಷ್ಟವಾಗುತ್ತೆ ಎನ್ನುತ್ತಾರೆ. ಅವರ ಕಾನ್ಫಿಡೆನ್ಸ್ ಗೆಲ್ಲಲಿ.

     

  • 100 ನೋಡಿದ ಹೋಮ್ ಮಿನಿಸ್ಟರ್ ಹೇಳಿದ್ದೇನು..?

    100 ನೋಡಿದ ಹೋಮ್ ಮಿನಿಸ್ಟರ್ ಹೇಳಿದ್ದೇನು..?

    100. ರಮೇಶ್ ಅವರು ಮೊದಲೇ ಹೇಳಿರುವಂತೆ ಇದು ಸೈಬರ್ ಕ್ರೈಂ ಬ್ಯಾಕ್ ಗ್ರೌಂಡ್ ಇರೋ ಫ್ಯಾಮಿಲಿ ಥ್ರಿಲ್ಲರ್. ಸೋಷಿಯಲ್ ಮೀಡಿಯಾ ಮೂಲಕ ಆಗಂತುಕನೊಬ್ಬ ನಮಗೇ ಗೊತ್ತಿಲ್ಲದಂತೆ ಮೊಬೈಲ್ನಲ್ಲಿ ಮನೆಯೊಳಗೆ ಎಂಟ್ರಿ ಕೊಡ್ತಾನೆ. ಆಗ ಏನೇನೆಲ್ಲ ಸಮಸ್ಯೆ ಸೃಷ್ಟಿಯಾಗುತ್ತೆ ಅನ್ನೋದನ್ನ ಥ್ರಿಲ್ಲಿಂಗ್ ಆಗಿ ಹೇಳಿದ್ದಾರಂತೆ ರಮೇಶ್ ಅರವಿಂದ್. ಚಿತ್ರವನ್ನೀಗ ಗೃಹ ಸಚಿವ ಅರಗ ಜ್ಞಾನೇಂದ್ರ ಕೂಡಾ ನೋಡಿ ಮೆಚ್ಚಿ ಮಾತನಾಡಿದ್ದಾರೆ.

    ಸೋಷಿಯಲ್ ಮೀಡಿಯಾ ಅನ್ನೋದು ಒಂದು ವರ. ಆದರೆ, ಯುವಜನತೆ ಅದನ್ನೇ ಶಾಪವಾಗಿ ಮಾಡಿಕೊಳ್ಳುತ್ತಿದೆ. 100 ನಿಜಕ್ಕೂ ಉತ್ತಮ ಸಿನಿಮಾ. ಸಿನಿಮಾ ಅನ್ನೋದು ಮನರಂಜನೆಯ ಜೊತೆ ಜೊತೆಗೇ ಒಂದೊಳ್ಳೆ ಸಂದೇಶವನ್ನೂ ನೀಡಬೇಕು. ಸಮಾಜದ ಕಣ್ಣು ತೆರೆಸಬೇಕು. ಆ ಕೆಲಸವನ್ನು 100 ಮಾಡಿದೆ. ಇದು ಎಲ್ಲರೂ ಅದರಲ್ಲೂ ಯುವ ಜನತೆ ನೋಡಿ ತಿಳಿದುಕೊಳ್ಳಬೇಕಾದ ಸಿನಿಮಾ ಎಂದಿದ್ದಾರೆ ಗೃಹ ಸಚಿವ ಅರಗ ಜ್ಞಾನೇಂದ್ರ.

    ರಮೇಶ್ ಅವರೇ ನಿರ್ದೇಶಿಸಿರೋ ಚಿತ್ರದಲ್ಲಿ ಅವರೇ ಹೀರೋ. ಪೊಲೀಸ್ ಪಾತ್ರದಲ್ಲಿದ್ದಾರೆ. ಅವರಿಗೆ ತಂಗಿಯಾಗಿ ರಚಿತಾ ರಾಮ್, ಪತ್ನಿಯಾಗಿ ಪೂರ್ಣ ನಟಿಸಿದ್ದಾರೆ. ರಮೇಶ್ ರೆಡ್ಡಿ ನಿರ್ಮಾಣದ 100 ಈಗ ಥಿಯೇಟರಿನಲ್ಲಿದೆ.

  • ಫೆ.4ರಿಂದ 100 ಮನೆ ಮನೆಗೆ..

    ಫೆ.4ರಿಂದ 100 ಮನೆ ಮನೆಗೆ..

    2021ರಲ್ಲಿ ರಿಲೀಸ್ ಆಗಿ ಸೈಬರ್ ಕ್ರೈಂ ಬಗ್ಗೆ ಜಾಗೃತಿ ಮೂಡಿಸಿದ ಸಿನಿಮಾ 100. ರಮೇಶ್ ಅರವಿಂದ್ ನಿರ್ದೇಶನದ ಸಿನಿಮಾ ಪ್ರೇಕ್ಷಕರ ಜೊತೆ ಪೊಲೀಸರನ್ನೂ ಸೆಳೆದಿದ್ದ ಸಿನಿಮಾ. ರಮೇಶ್, ರಚಿತಾ ರಾಂ, ಪೂರ್ಣ, ವಿಶ್ವಕರ್ಣ, ಪ್ರಕಾಶ್ ಬೆಳವಾಡಿ, ಶೋಭರಾಜ್, ಮಾಲತಿ ಸುಧೀರ್ ಮೊದಲಾದವರು ನಟಿಸಿದ್ದ ಸಿನಿಮಾದ ಕಂಟೆಂಟ್ ಪ್ರೇಕ್ಷಕರಿಗೆ ಇಷ್ಟವಾಗಿತ್ತು. ಈಗ ಸಿನಿಮಾ ಒಟಿಟಿಗೆ ಬರುತ್ತಿದೆ.

    ರಮೇಶ್ ರೆಡ್ಡಿ ನಿರ್ಮಾಣದ 100 ಝೀ 5ನಲ್ಲಿ ರಿಲೀಸ್ ಆಗುತ್ತಿದ್ದು, ಫೆಬ್ರವರಿ 4ರಿಂದ ಪ್ರೇಕ್ಷಕರಿಗೆ ಸಿಗಲಿದೆ.

  • ರಚಿತಾ ರಾಮ್`ರ 100 ಅತ್ತಿಗೆ ಯಾರು ಗೊತ್ತಾ..? ಘೋಸ್ಟ್ ಕ್ವೀನ್

    ರಚಿತಾ ರಾಮ್`ರ 100 ಅತ್ತಿಗೆ ಯಾರು ಗೊತ್ತಾ..? ಘೋಸ್ಟ್ ಕ್ವೀನ್

    100. ಇದೇ ವಾರ ರಿಲೀಸ್ ಆಗುತ್ತಿರೋ ರಮೇಶ್ ನಟಿಸಿ ನಿರ್ದೇಶಿಸಿರುವ ಸಿನಿಮಾ. ಈ ಚಿತ್ರದಲ್ಲಿ ಸೈಬರ್ ಕ್ರೈಂ ಕಥೆ ಇದೆ. ಫ್ಯಾಮಿಲಿ ಥ್ರಿಲ್ಲರ್ ಸ್ಟೋರಿ ಎಂದು ರಮೇಶ್ ಹೇಳಿಕೊಂಡಿದ್ದಾರೆ. ಚಿತ್ರದಲ್ಲಿ ರಮೇಶ್ ಅವರಿಗೆ ತಂಗಿಯಾಗಿರೋದು ರಚಿತಾ ರಾಮ್. ಪುಷ್ಪಕವಿಮಾನದಲ್ಲಿ ಮಗಳಾಗಿದ್ದ ರಚಿತಾ, ಈಗ ತಂಗಿಯಾಗಿ ಪ್ರಮೋಷನ್ ಪಡೆದಿದ್ದಾರೆ. ಅವರಿಗೆ ಅತ್ತಿಗೆಯಾಗಿ ಬಂದಿರೋದು ಪೂರ್ಣ.

    ಈ ಪೂರ್ಣ ಮೂಲತಃ ಕೇರಳದವರು. ವೊರಿಜಿನಲ್ ಹೆಸರು ಶಮ್ನಾ ಕಾಸಿಮ್. ಹೆಚ್ಚು ಪ್ಯಾಪುಲರ್ ಆಗಿದ್ದು ತೆಲುಗಿನಲ್ಲಿ. ಅಲ್ಲಿ ಪೂರ್ಣ ಅವರನ್ನು ಘೋಸ್ಟ್ ಕ್ವೀನ್ ಎಂದೇ ಬ್ರಾಂಡ್ ಮಾಡಿದ್ದರು. ಕೆಲವು ದೆವ್ವದ ಚಿತ್ರಗಳಲ್ಲಿ ನಟಿಸಿ, ಅವೆಲ್ಲವೂ ಹಿಟ್ ಆದ ಕಾರಣ ಪೂರ್ಣ ಘೋಸ್ಟ್ ಕ್ವೀನ್ ಆಗಿದ್ದರು. ಕನ್ನಡದಲ್ಲಿ ಜೋಶ್ ಮತ್ತು ರಾಧನ್ ಗಂಡ ಚಿತ್ರದಲ್ಲಿ ನಟಿಸಿ ಹೋಗಿದ್ದವರು. ಈಗ 100 ಮೂಲಕ ಮತ್ತೆ ಬಂದಿದ್ದಾರೆ.

    ಚಿತ್ರದಲ್ಲಿ ನನ್ನದು ಗೃಹಿಣಿಯ ಪಾತ್ರ. ರಮೇಶ್ ಅವರಿಗೆ ಪತ್ನಿ. ಹಳ್ಳಿ ಬ್ಯಾಕ್‍ಗ್ರೌಂಡ್‍ನಿಂದ ಬಂದಿರೋ ಮುಗ್ಧೆ. ಗಂಡನಿಗಿಂತ ಹೆಚ್ಚು ನಾದಿನಿ ರಚಿತಾ ರಾಮ್ ಜೊತೆ ಒಳ್ಳೆ ಬಾಂಧವ್ಯ ಇರೋ ಅತ್ತಿಗೆಯ ಪಾತ್ರ. ಚಿತ್ರದ ಕಥೆ ಮತ್ತು ನನ್ನ ಪಾತ್ರ ಚೆನ್ನಾಗಿದೆ. ಥ್ರಿಲ್ ಆಗಿದ್ದೇನೆ ಎನ್ನುವ ಪೂರ್ಣ, ಅವಕಾಶ ಕೊಟ್ಟ ರಮೇಶ್ ಅವರಿಗೆ ಥ್ಯಾಂಕ್ಸ್ ಹೇಳಿದ್ದಾರೆ. ರಮೇಶ್ ರೆಡ್ಡಿ ನಿರ್ಮಾಣದ 100 ಇದೇ ವಾರ ರಿಲೀಸ್ ಆಗುತ್ತಿದೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery