` kiraaka 2, - chitraloka.com | Kannada Movie News, Reviews | Image

kiraaka 2,

  • ನಿರ್ಮಾಪಕ ಜಯಣ್ಣಗೆ ದುಡ್ಡು ವಾಪಸ್ ಕೊಟ್ಟ ಯಶ್

    ನಿರ್ಮಾಪಕ ಜಯಣ್ಣಗೆ ದುಡ್ಡು ವಾಪಸ್ ಕೊಟ್ಟ ಯಶ್

    ನಿರ್ಮಾಪಕ ಜಯಣ್ಣ ಮತ್ತು ಯಶ್ ಅವರದ್ದು ಬೇರೆಯದೇ ರೀತಿಯ ಸಂಬಂಧ. ಯಶ್ ಸ್ಟಾರ್ ಆಗುವ ಹಾದಿಯಲ್ಲಿ ಯಶ್ ಅವರಿಗೆ ಅತೀ ಹೆಚ್ಚು ಸಿನಿಮಾ ಮಾಡಿದವರು ಜಯಣ್ಣ. ಜಾನು, ಡ್ರಾಮಾ, ಗೂಗ್ಲಿ, ಗಜಕೇಸರಿ, ಮಿ & ಮಿಸಸ್ ರಾಮಾಚಾರಿ.. ಹೀಗೆ ಯಶ್ ಜಯಣ್ಣ ಭೋಗೇಂದ್ರ ನಿರ್ಮಾಣದಲ್ಲಿ ಒಟ್ಟು 5 ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಆದರೆ, ಈಗ ಕಿರಾತಕ 2 ಚಿತ್ರಕ್ಕೆ ಜಯಣ್ಣ ಖರ್ಚು ಮಾಡಿದ್ದ ಅಷ್ಟೂ ಹಣವನ್ನು ಹಿಂದಿರುಗಿಸಿದ್ದಾರೆ.

    ಕೆಜಿಎಫ್ ಮುಗಿದ ನಂತರ ಯಶ್ ಕಿರಾತಕ 2ಗೆ ಬಣ್ಣ ಹಚ್ಚಿದ್ದರು. ಗಡ್ಡ, ಕೂದಲಿಗೆ ಕತ್ತರಿಯೂ ಬಿದ್ದಿತ್ತು. 20 ದಿನಗಳ ಶೂಟಿಂಗ್ ಕೂಡಾ ಆಗಿತ್ತು. ಆದರೆ, ಕೆಜಿಎಫ್ ಚಾಪ್ಟರ್ 1 ರಿಲೀಸ್ ಆಗುವುದರೊಂದಿಗೆ ಯಶ್ ಪ್ಯಾನ್ ಇಂಡಿಯಾ ಸ್ಟಾರ್ ಆದರು. ಕಿರಾತಕ 2 ನೆನೆಗುದಿಗೆ ಬಿತ್ತು.

    ಕೆಲವು ಕಡೆ ಯಶ್ ಜಯಣ್ಣ ಅವರಿಗೆ 13 ಕೋಟಿ ವಾಪಸ್ ಕೊಟ್ಟಿದ್ದಾರೆ ಎಂದೆಲ್ಲ ವರದಿಯಾಗಿತ್ತು. ಈ ಹಿನ್ನೆಲೆಯಲ್ಲಿ ಸ್ವತಃ ಜಯಣ್ಣ ಸ್ಪಷ್ಟನೆ ಕೊಟ್ಟಿದ್ದಾರೆ.

    ಯಶ್ ಆ 20 ದಿನಗಳ ಒಟ್ಟು ಖರ್ಚನ್ನೂ ವಾಪಸ್ ಕೊಟ್ಟಿದ್ದಾರೆ. ಸ್ವಲ್ಪ ಹಣವನ್ನ ಸೇರಿಸಿಯೂ ಕೊಟ್ಟಿದ್ದಾರೆ. 13 ಕೋಟಿ ಅನ್ನೋದೆಲ್ಲ ಸುಳ್ಳು. ನಾನು ಬೇಡ ಎಂದರೂ ಯಶ್ ವಾಪಸ್ ಕೊಟ್ಟಿದ್ದಾರೆ. ಹಾಗಂತ ನಮ್ಮಿಬ್ಬರ ಬಾಂಧವ್ಯ ಹಾಳಾಗಿಲ್ಲ. ಮಂಡ್ಯ ನೇಟಿವಿಟಿ ಇರೋ ಕಿರಾತಕ 2 ಪ್ಯಾನ್ ಇಂಡಿಯಾಗೆ ಸೆಟ್ ಆಗಲ್ಲ ಎನ್ನುವುದಷ್ಟೇ ಕಾರಣ ಎಂದಿದ್ದಾರೆ ಜಯಣ್ಣ.

    ಸದ್ಯಕ್ಕೆ ಜಯಣ್ಣ ಭಜರಂಗಿ 2 ರಿಲೀಸ್ ಮಾಡೋಕೆ ರೆಡಿಯಾಗಿ ನಿಂತಿದ್ದಾರೆ. ಅತ್ತ ಯಶ್ ಕೆಜಿಎಫ್ 2 ನಂತರ ಮುಂದೇನು ಅನ್ನೋ ಗುಟ್ಟನ್ನು ಗುಟ್ಟಾಗಿಯೇ ಇಟ್ಟಿದ್ದಾರೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery