` pooja gandhi, - chitraloka.com | Kannada Movie News, Reviews | Image

pooja gandhi,

  • ಜೈ ಮುಂಗಾರು ಮಳೆ.. ಜೈ ಜನತೆ.. ಜೈ ಜೀವನ.. : ಗಣಪ-ಯೋಗ್ರಾಜ್ ಭಟ್

    Mungaru Male Completes 14 Years

    ಡಿಸೆಂಬರ್ 29, 2004. ಆ ಚಿತ್ರವೂ ರಿಲೀಸ್ ಆಗಿತ್ತು. ಇಬ್ಬರು ಸ್ಟಾರ್‍ಗಳೂ ಉದಯಿಸಿದ್ದರು. ಆ ಚಿತ್ರಕ್ಕೀಗ 14ನೇ ವರ್ಷದ ಮುಂಗಾರು. ಕನ್ನಡ ಚಿತ್ರರಂಗದಲ್ಲಿ ಸಿಡಿಲು, ಗುಡುಗು ಇಲ್ಲದೆಯೇ ಮಿಂಚು ಹರಿಸಿದ, ದಾಖಲೆಗಳ ಪ್ರವಾಹ ಸೃಷ್ಟಿಸಿದ ಮುಂಗಾರು ಮಳೆಯ 14ನೇ ಹುಟ್ಟುಹಬ್ಬವನ್ನು ಯೋಗರಾಜ್ ಭಟ್ ಮತ್ತು ಗಣೇಶ್ ಇಬ್ಬರೂ ಭಾವನಾತ್ಮಕವಾಗಿ ಹಂಚಿಕೊಂಡಿದ್ದಾರೆ.

    ನಾವಿಬ್ಬರೂ.. ಜೊತೆಗೆ ಇಡೀ ತಂಡ

    ಆಗ ತಾನೇ ಕಣ್ತೆರೆದ

    ಶಿಶುಗಳಂತೆ ಮಂಗಾರು ಮಳೆ

    ಚಿತ್ರ ಮಾಡಿ, ಜನತೆಗೆ ಅರ್ಪಿಸಿ

    ಇಂದಿಗೆ 14 ವರ್ಷಗಳಾಗಿವೆ.

    ಚಿತ್ರಕ್ಕಷ್ಟೇ ಅಲ್ಲದೆ.. ನಮ್ಮಿಬ್ಬರಿಗೂ

    ಇದು ಒಂದು ರೀತಿಯ ಹುಟ್ಟುಹಬ್ಬ

    ಕೆಲಸ ಕಲಿಸಿದ, ಬದುಕು ಕೊಟ್ಟ

    ಪ್ರೀತಿ ತಿಳಿಸಿದ, ನಾಡು ನಲಿಸಿದ

    ಈ ಪ್ರೇಕ್ಷಕರ ಆಸ್ತಿಯಂತಹ

    ಮಹಾನ್ ಚಿತ್ರಕ್ಕೆ ನಮ್ಮಿಬ್ಬರ

    ದೀರ್ಘದಂಡ ನಮಸ್ಕಾರಗಳು

    ಜೈ ಮುಂಗಾರು ಮಳೆ..

    ಜೈ ಜನತೆ..

    ಜೈ ಜೀವನ..

    ಗಣಪ-ಯೋಗ್ರಾಜ್ ಭಟ್

  • ದಂಡುಪಾಳ್ಯ.. 3ಕ್ಕೆ ಮುಕ್ತಾಯ

    dandupalya 3 is the end of series

    ದಂಡುಪಾಳ್ಯದಿಂದ ಶುರುವಾದ ಹಂತಕರ ಚಿತ್ರದ ಸರಣಿಯ ಕೊನೆಯ ಕಂತು ರಿಲೀಸ್ ಆಗುತ್ತಿದೆ. ಈ ಸರಣಿಯಲ್ಲಿ ಇದೇ ಕೊನೆಯ ಸಿನಿಮಾ ಎಂದು ಸ್ಪಷ್ಟವಾಗಿ ಹೇಳಿಬಿಟ್ಟಿದ್ದಾರೆ ನಿರ್ದೇಶಕ ಶ್ರೀನಿವಾಸ ರಾಜು. ಮೊದಲ ಎರಡು ಚಿತ್ರಗಳಿಗೆ ಹೋಲಿಸಿದರೆ, ಈ ಭಾಗದಲ್ಲಿ ಪ್ರತಿಯೊಬ್ಬರೂ ಅಚ್ಚರಿ ಪಡುವಂತಾ ವಿಷಯಗಳಿವೆ ಎಂದಿದ್ದಾರೆ ಶ್ರೀನಿವಾಸ ರಾಜು.

    ಈ ಮೊದಲಿನ ಎರಡೂ ಭಾಗದಲ್ಲಿ ಹುಟ್ಟಿಕೊಂಡಿದ್ದ ಸಂಶಯಗಳಿಗೆ, ಗೊಂದಲಗಳಿಗೆ ಈ ಚಿತ್ರದಲ್ಲಿ ಉತ್ತರವೂ ಸಿಗಲಿದೆ. ಮೊದಲ ಎರಡು ಭಾಗಗಳನ್ನು ನೋಡಿದ್ದವರು ಈ ಸಿನಿಮಾ ನೋಡಲೇಬೇಕು. ಆಗ ಮಾತ್ರ ಚಿತ್ರದ ತಾತ್ಪರ್ಯ ಅರ್ಥವಾಗುತ್ತೆ ಅಂತಾರೆ ಶ್ರೀನಿವಾಸ ರಾಜು.

    11 ಜನ ವಿಕೃತರು, 5 ವರ್ಷಗಳ ಕಾಲ 3 ರಾಜ್ಯಗಳ ಪೊಲೀಸರ ನಿದ್ದೆಗೆಡಿಸಿದ್ದರ ಕುರಿತು ನಡೆದ ಸಂಪೂರ್ಣ ತನಿಖೆಯ ಬಗ್ಗೆ ಈ ಸರಣಿಯ ಕೊನೆ ಕಂತಿನಲ್ಲಿ ಉತ್ತರ ಸಿಗಲಿದೆ. 

  • ನನ್ನನ್ನು ಅವಮಾನಿಸಬೇಡಿ. ನಾನು ತಪ್ಪು ಮಾಡಿಲ್ಲ - ಪೂಜಾಗಾಂಧಿ

    dont drag me into controversies says pooja gandhi

    ಪೂಜಾ ಗಾಂಧಿ ಮತ್ತೊಮ್ಮೆ ವಿವಾದಕ್ಕೆ ಸಿಲುಕಿದ್ದಾರೆ. ಪೂಜಾ ಗಾಂಧಿ, ಹೋಟೆಲ್ ಲಲಿತ್ ಅಶೋಕ್‍ನಲ್ಲಿ ಬಾಡಿಗೆ ತೆಗೆದುಕೊಂಡಿದ್ದ ರೂಮ್‍ನ ಬಾಡಿಗೆ ಕಟ್ಟಿಲ್ಲ ಎಂದು ಹೋಟೆಲ್‍ನವರು ದೂರು ಕೊಟ್ಟಿದ್ದಾರೆ. 3 ಲಕ್ಷ, 53 ಸಾವಿರ ರೂ.ಗಳ ಬಿಲ್ ಕಟ್ಟಿಲ್ಲ ಎನ್ನುವುದು ಹೋಟೆಲ್‍ನವರ ದೂರು. ದೂರು ದಾಖಲಾಗುತ್ತಿದ್ದಂತೆ, ಹಣವನ್ನು ಪಾವತಿ ಮಾಡಿದ್ದಾರೆ ಪೂಜಾ ಗಾಂಧಿ.

    ಇದೊಂದು ಮಿಸ್ ಕಮ್ಯುನಿಕೇಷನ್ನಿನಿಂದಾಗಿ ಆಗಿರುವ ಪ್ರಕರಣ ಅಷ್ಟೆ. ನನ್ನ ಪ್ರೊಡಕ್ಷನ್ ಹೌಸ್ ಚಿತ್ರಗಳ ಚರ್ಚೆಗಾಗಿ ಹೋಟೆಲ್ ರೂಂ ಬಾಡಿಗೆ ಪಡೆದಿದ್ದೆ. ಅದರ ಬಗ್ಗೆ ಇಲ್ಲಸಲ್ಲದ ವಿಚಾರಗಳೆಲ್ಲ ವರದಿಯಾಗುತ್ತಿವೆ. ನಾನು ಯಾವುದೇ ತಪ್ಪು ಮಾಡಿಲ್ಲ. ನನ್ನ ಕ್ಯಾರೆಕ್ಟರ್‍ಗೆ ಮಸಿ ಬಳಿಯಬೇಡಿ ಎಂದಿದ್ದಾರೆ ಪೂಜಾ ಗಾಂಧಿ.

    ಪದೇ ಪದೇ ನನ್ನನ್ನೇ ಏಕೆ ವಿವಾದಕ್ಕೆ ಗುರಿ ಮಾಡಲಾಗುತ್ತಿದೆ. ನಾನೇನು ತಪ್ಪು ಮಾಡಿದ್ದೇನೆ. ನಾನೂ ಕೂಡಾ ಮದುವೆಯಾಗಬೇಕಿದೆ. ಹೀಗೆ ವಿವಾದಗಳಾದರೆ ನನ್ನ ಜೀವನ ಏನಾಗಬೇಕು ಎಂದು ಪ್ರಶ್ನಿಸಿದ್ದಾರೆ ಪೂಜಾ ಗಾಂಧಿ.

    ಹೋಟೆಲ್ ಲಲಿತ್ ಅಶೋಕ್‍ನವರು ದೂರು ಕೊಟ್ಟಿರುವ ಬಗ್ಗೆ ಯಾವುದೇ ಸ್ಪಷ್ಟನೆ ಕೊಟ್ಟಿಲ್ಲ. ಮಾಧ್ಯಮಗಳಲ್ಲಿ ಈ ಬಗ್ಗೆ ವರದಿಯಾಗಿ ಬಿಜೆಪಿ ಮುಖಂಡ ಅನಿಲ್ ಮೆಣಸಿನಕಾಯಿ, ಬಿಡಿಎ ಆಯುಕ್ತ ರಾಕೇಶ್ ಸಿಂಗ್ ಹೆಸರು ಕೂಡಾ ಪೂಜಾ ಜೊತೆ ಪ್ರಸ್ತಾಪವಾಗಿತ್ತು. ಇದೆಲ್ಲವನ್ನೂ ಪೂಜಾ ನಿರಾಕರಿಸಿದ್ದಾರೆ.

  • ಪೂಜಾ ಗಾಂಧಿ COME BACK SOON

    pooja gandhi to make a come back with action film

    ಮಳೆ ಹುಡುಗಿ ಪೂಜಾ ಗಾಂಧಿ ಸುದೀರ್ಘ ವಿರಾಮದ ನಂತರ ಮತ್ತೆ ಬೆಳ್ಳಿತೆರೆಗೆ ಪ್ರವೇಶಿಸುತ್ತಿದ್ದಾರೆ. ದಂಡುಪಾಳ್ಯ3 ನಂತರ ಬೇರಾವುದೇ ಚಿತ್ರಗಳಲ್ಲಿ ಕಾಣಿಸಿಕೊಳ್ಳದೆ ಸುಮಾರು ಒಂದು ವರ್ಷ ಬೇರೆ ಬೇರೆ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದ ಪೂಜಾ ಗಾಂಧಿ, ಪ್ರತಿ ಹಂಸರಾಗಿ ಬರುತ್ತಿದ್ದಾರೆ. ಹ್ಞಾಂ.. ಪ್ರತಿ ಹಂಸ ಅನ್ನೋದು ಪೂಜಾ ಗಾಂಧಿ ಅವರ ಹೊಸ ಸಿನಿಮಾದ ಹೆಸರು.

    ಕೆ.ಜನಾರ್ದನ್ ನಿರ್ದೇಶಿಸುತ್ತಿರುವ ಚಿತ್ರಕ್ಕೆ ಕೆ.ವಿ.ಶಬರೀಶ್ ನಿರ್ಮಾಪಕರು. ಸಚಿನ್, ರಾಹುಲ್ ದೇವ್, ರವಿಕಾಳೆ ಸೇರಿದಂತೆ ಹಲವರು ಚಿತ್ರದಲ್ಲಿದ್ದಾರೆ. ಇದೊಂದು ಪಕ್ಕಾ ಆ್ಯಕ್ಷನ್ ಮೂವಿಯಾಗಿದ್ದು, ಪೂಜಾ ಗಾಂಧಿ ಸಿಕ್ಕಾಪಟ್ಟೆ ಫೈಟ್ ಮಾಡಲಿದ್ದಾರಂತೆ.

  • ಪೂಜಾ ಗಾಂಧಿ ತಂದೆ ವಿರುದ್ಧ ಅರೆಸ್ಟ್ ವಾರೆಂಟ್

    pooja gandhi's father gets arrest warrant

    ಚಿತ್ರನಟಿ ಪೂಜಾಗಾಂಧಿ ಅವರ ತಂದೆ ಪವನ್ ಗಾಂಧಿ ಅವರಿಗೆ ಬೆಂಗಳೂರಿನ 27ನೇ ಎಸಿಎಂಎಂ ಕೋರ್ಟ್ ಬಂಧನ ವಾರೆಂಟ್ ಜಾರಿ ಮಾಡಿದೆ. ಪೂಜಾ ಅವರ ತಂದೆ ಪವನ್, ಕೆಲವು ತಿಂಗಳ ಹಿಂದೆ ಆದೀಶ್ವರ್ ಎಲೆಕ್ಟ್ರಾನಿಕ್ ಶೋರೂಂನಲ್ಲಿ ಸುಮಾರು 8 ಲಕ್ಷ ಮೌಲ್ಯದ ಉಡುಗೊರೆ ವಸ್ತುಗಳನ್ನು ಖರೀದಿ ಮಾಡಿದ್ದರು. ಅಷ್ಟೂ ಹಣಕ್ಕೆ ಚೆಕ್ ಕೊಟ್ಟಿದ್ದರು.

    ಆದರೆ, ಬ್ಯಾಂಕ್‍ಗೆ ಹಾಕಿದಾಗ, ಚೆಕ್ ಬೌನ್ಸ್ ಆಗಿತ್ತು. ಫೋನ್ ಮಾಡಿದಾಗ, ಪವನ್ ಫೋನ್ ತೆಗೆಯಲೇ ಇಲ್ಲ. ಅಪಾರ್ಟ್‍ಮೆಂಟ್‍ಗೆ ಹೋಗಿ ವಿಚಾರಿಸಿದರೆ, ಅವರು ಮನೆ ಖಾಲಿ ಮಾಡಿ ಆಗಲೇ 3 ತಿಂಗಳಾಗಿತ್ತಂತೆ. ಪೊಲೀಸರಿಗೆ ದೂರು ನೀಡಿ, ಪೊಲೀಸರು ಹೋದಾಗಲೂ ಪವನ್ ಸಿಕ್ಕಿಲ್ಲ. 

    ಹೀಗಾಗಿ ಈಗ ಪವನ್ ಅವರ ವಿರುದ್ಧ ನ್ಯಾಯಾಲಯವೇ ಬಂಧನ ವಾರೆಂಟ್ ಜಾರಿ ಮಾಡಿದೆ.

  • ಪೂಜಾ ಗಾಂಧಿ ಮತ್ತೆ ರಾಜಕೀಯಕ್ಕೆ

    pooja gandhi back to politics

    ಮಳೆ ಹುಡುಗಿ ಪೂಜಾ ಗಾಂಧಿ, ಮತ್ತೊಮ್ಮೆ ರಾಜಕೀಯಕ್ಕೆ ಕಾಲಿಟ್ಟಿದ್ದಾರೆ. 2013ರಲ್ಲಿ ರಾಜಕೀಯ ರಂಗಪ್ರವೇಶ ಮಾಡಿದ್ದ ಪೂಜಾಗಾಂಧಿ, ತಮ್ಮ ರಾಜಕೀಯ ಜೀವನ ಆರಂಭಿಸಿದ್ದೇ ಜೆಡಿಎಸ್‍ನಿಂದ. ಆದರೆ, ಅದಾದ ಕೆಲದಿನಗಳ ನಂತರ ಕೆಜೆಪಿ (ಯಡಿಯೂರಪ್ಪ ಪಕ್ಷ) ಸೇರಿದರು.ಅದಾದ ಸ್ವಲ್ಪವೇ ಸ್ವಲ್ಪ ದಿನಗಳಲ್ಲಿ ಬಿಎಸ್‍ಆರ್  (ಶ್ರೀರಾಮುಲು ಪಕ್ಷ) ಸೇರಿದರು. ರಾಯಚೂರು ಕ್ಷೇತ್ರದಲ್ಲಿ ಸ್ಪರ್ಧಿಸಿ 4ನೇ ಸ್ಥಾನ ಪಡೆದಿದ್ದರು ಪೂಜಾ ಗಾಂಧಿ.

    ಈಗ ಮತ್ತೆ ಜೆಡಿಎಸ್ ಸೇರುತ್ತಿದ್ದಾರೆ. 

  • ಪೂಜಾ ಗಾಂಧಿಯ ತಂಗಿ, ದೇಶಕ್ಕೇ ಹೆಮ್ಮೆ..!

    poja gandhi's sister suhani

    ಪೂಜಾ ಗಾಂಧಿ. ಕನ್ನಡಿಗರಿಗೆ ಮಳೆ ಹುಡುಗಿ. ನಟಿ, ನಿರ್ಮಾಪಕಿ. ಅವರ ತಂಗಿ ರಾಧಿಕಾ ಕೂಡಾ ಚಿತ್ರನಟಿ. ಆದರೆ, ಇವರಿಬ್ಬರನ್ನೂ ಮೀರಿಸಿರುವುದು ಇನ್ನೊಬ್ಬ ತಂಗಿ ಸುಹಾನಿ ಗಾಂಧಿ. ಅವರು ಇಡೀ ದೇಶಕ್ಕೇ ಹೆಮ್ಮೆ ತಂದಿದ್ದಾರೆ. ಪೂಜಾ ಗಾಂಧಿಯವರ ತಂಗಿ ಸುಹಾನಿ, ರಷ್ಯಾದಲ್ಲಿ ನಡೆದ ಅಂತಾರಾಷ್ಟ್ರೀಯ ವೇಟ್‍ಲಿಫ್ಟಿಂಗ್‍ನಲ್ಲಿ ಸ್ಟ್ರಾಂಗೆಸ್ಟ್ ವುಮೆನ್ ಇನ್ ಇಂಡಿಯಾ ಅಭಿದಾನ ಪಡೆದಿದ್ದಾರೆ. 3 ಚಿನ್ನದ ಪದಕ ಗೆದ್ದಿದ್ದಾರೆ.

    ನನ್ನ ತಂಗಿ ನನ್ನ ಹೆಮ್ಮೆ. ನಾವು ಸಿನಿಮಾ ಎನ್ನುತ್ತಿದ್ದರೆ, ಅವಳು ಆಟ, ಪವರ್‍ಲಿಫ್ಟಿಂಗ್ ಎನ್ನುತ್ತಿದ್ದಳು. ಅವಳ ಸಾಧನೆ ಖುಷಿ ಕೊಟ್ಟಿದೆ ಎಂದಿದ್ದಾರೆ ಪೂಜಾ ಗಾಂಧಿ.

  • ಮತ್ತೆ ದಂಡುಪಾಳ್ಯ ಗ್ಯಾಂಗ್ ಜೊತೆ ಪೂಜಾ

    ಮತ್ತೆ ದಂಡುಪಾಳ್ಯ ಗ್ಯಾಂಗ್ ಜೊತೆ ಪೂಜಾ

    ಮಳೆ ಹುಡುಗಿ ಪೂಜಾ ಗಾಂಧಿಯನ್ನು ರಗಡ್ ಆಗಿ ತೋರಿಸಿ ಗೆದ್ದವರು ಶ್ರೀನಿವಾಸ ರಾಜು. ದಂಡುಪಾಳ್ಯ ಸಿರೀಸ್‍ನಲ್ಲಿ ಬೇರೆಯದ್ದೇ ಅವತಾರದಲ್ಲಿ ಕಾಣಿಸಿಕೊಂಡು ಬೆಚ್ಚಿ ಬೀಳಿಸಿದ್ದ ಪೂಜಾ ಗಾಂಧಿ ಈಗ ಮತ್ತೊಮ್ಮೆ ದಂಡುಪಾಳ್ಯ ಗ್ಯಾಮಗ್ ಸೇರಿದ್ದಾರೆ.

    ಶ್ರೀನಿವಾಸ ರಾಜು ನಿರ್ದೇಶನದ ಹೊಸ ಚಿತ್ರಕ್ಕೆ ಸೇರಿಕೊಂಡಿದ್ದಾರೆ ಪೂಜಾ ಗಾಂಧಿ. ಈಗಾಗಲೇ ಆ ಚಿತ್ರದ ಶೇ.50ರಷ್ಟು ಶೂಟಿಂಗ್ ಮುಗಿದಿದ್ದು, ಪೂಜಾ ಗಾಂಧಿ ಈಗ ಟೀಂ ಸೇರಿಕೊಂಡಿದ್ದಾರೆ.

    ಸದ್ಯಕ್ಕೆ ಪೂಜಾ ಕೈಲಿ ಸಂಹಾರಿಣಿ, ಕರ್ವ ಟೀಂ ಜೊತೆ ಒಂದು ಸಿನಿಮಾ ಹಾಗೂ ಈಗ ಶ್ರೀನಿವಾಸ ರಾಜು ಜೊತೆ ಮತ್ತೊಂದು ಸಿನಿಮಾ, ಹೊಸಬರ ಜೊತೆಗೊಂದು ಸಿನಿಮಾ ಸೇರಿದಂತೆ ಹಲವು ಚಿತ್ರಗಳಿವೆ.

  • ಮಳೆ ಹುಡುಗಿ ಮುಖದಲ್ಲೀಗ ಅದೃಷ್ಟ ಲಕ್ಷ್ಮಿಯ ಕಳೆ..!

    pooja gandhi gets her lucky mole

    ಮುಂಗಾರು ಮಳೆ, ಪೂಜಾ ಗಾಂಧಿ ಎಂಬ ಪಂಜಾಬಿ ಸುಂದರಿಯನ್ನು ಕನ್ನಡಿಗರ ಮನೆ ಹುಡುಗಿಯಾಗಿಸಿದ ಚಿತ್ರ. ಆದರೆ, ನೀವು ಸರಿಯಾಗಿ ಗಮನವಿಟ್ಟು ನೋಡಿದರೆ, ಒಂದು ವ್ಯತ್ಯಾಸ ಖಂಡಿತಾ ಗೊತ್ತಾಗುತ್ತೆ. ಮಳೆ ಸಿನಿಮಾದಲ್ಲಿ ಪೂಜಾ ಅವರ ಕೆನ್ನೆಯ ಮೇಲೊಂದು ಮಚ್ಚೆಯಿತ್ತು. ಅದಾದ ಮೇಲೆ ಅಂದರೆ ಮುಂಗಾರು ಮಳೆ ಚಿತ್ರದ ನಂತರ ಅದು ನಾಪತ್ತೆಯಾಗಿತ್ತು.

    ಈಗ ನೋಡಿದರೆ, ಪೂಜಾ ಮುಖದ ಮೇಲೆ ಮತ್ತೊಮ್ಮೆ ಅದೃಷ್ಟ ಲಕ್ಷ್ಮಿ ಕಾಣಿಸಿಕೊಂಡಿದ್ದಾರೆ. ಪೂಜಾ ಅವರ ಮುಖದ ಇನ್ನೊಂದು ಭಾಗದಲ್ಲಿ ಮಚ್ಚೆ ಪ್ರತ್ಯಕ್ಷವಾಗಿದೆ. ಸ್ಸೋ.. ಪೂಜಾಗೆ ಮತ್ತೆ ಲಕ್ಕು ತಿರುಗಿತು ಎನ್ನುತ್ತಿದೆ ಗಾಂಧಿನಗರ.

    ಹಾಗೆ ಲಕ್ಕು ತಿರುಗಿರುವ ಹೊತ್ತಿನಲ್ಲೇ ಅವರ ಅಭಿನಯದ 3 ಸಿನಿಮಾ ರಿಲೀಸ್ ಆಗುತ್ತಿರುವುದು ವಿಶೇಷ.

    Related Articles :-

    Pooja Gandhi Getting Back Her Lucky Mole - Exclusive

  • ಮುಂಗಾರು ಮಳೆಯ `ಚುಮ್ಮಾ' ಕಥೆ

    ಮುಂಗಾರು ಮಳೆಯ `ಚುಮ್ಮಾ' ಕಥೆ

    ಮುಂಗಾರು ಮಳೆ. 2006ರಲ್ಲಿ ರಿಲೀಸ್ ಆದ ಸಿನಿಮಾ ಒಂದು ಕಡೆ ದಾಖಲೆಗಳ ಮೇಲೆ ದಾಖಲೆ ಬರೆದಿದ್ದು ಗೊತ್ತೇ ಇದೆ. ಗಣೇಶ್ ಎಂಬ ನಟ ಗೋಲ್ಡನ್ ಸ್ಟಾರ್ ಆಗಿದ್ದ್ದು, ಯೋಗರಾಜ್ ಭಟ್ ಎಂಬ ನಿರ್ದೇಶಕ ಸ್ಟಾರ್ ಡೈರೆಕ್ಟರ್ ಆಗಿದ್ದು, ಪೂಜಾ ಗಾಂಧಿ, ಕ್ಯಾಮೆರಾಮನ್ ಕೃಷ್ಣ, ಕಥೆಗಾರ ಪ್ರೀತಂ.. ಹೀಗೆ ಆ ಚಿತ್ರದಲ್ಲಿ ನಟಿಸಿದ್ದವರು, ತಂತ್ರಜ್ಞರು ಎಲ್ಲರಿಗೂ ಹೊಸ ಭವಿಷ್ಯವನ್ನೇ ಕಟ್ಟಿಕೊಟ್ಟಿತು. ಅಂತಾ ಚಿತ್ರದ ಹೊಸದೊಂದು ರೋಚಕ ಸಂಗತಿ ಈಗ ಬಯಲಾಗಿದೆ.

    ಮುಂಗಾರು ಮಳೆ ಕಥೆಯನ್ನು ಮೊದಲಿಗೆ ಪುನೀತ್-ರಮ್ಯಾ ಮಾಡಬೇಕಿತ್ತು ಎಂಬ ಸುದ್ದಿ ಚಿತ್ರರಂಗದ ಹಲವರಿಗೆ ಗೊತ್ತಿದ್ದ ವಿಷಯವೇ. ಆದರೆ, ಈ ಚಿತ್ರದ ಕಥೆ ಹೊಸಬರಿಗೇ ಸೂಟ್ ಆಗುತ್ತೆ. ಹೊಸಬರನ್ನೇ ಹಾಕಿಕೊಂಡು ಮಾಡಿ ಎಂದು ಸಲಹೆ ಕೊಟ್ಟಿದ್ದವರು ರಾಘಣ್ಣ ಮತ್ತು ಅಪ್ಪು ಅನ್ನೋ ಸತ್ಯವನ್ನು ಸ್ವತಃ ಯೋಗರಾಜ್ ಭಟ್ ರಿಯಾಲಿಟಿ ಶೋವೊಂದರಲ್ಲಿ ಹೇಳಿಕೊಂಡಿದ್ದಾರೆ. ನಂತರ ಎಂಟ್ರಿ ಕೊಟ್ಟಿದ್ದು ಗಣೇಶ್.

    ಮುಂಗಾರು ಮಳೆಗೆ ಮೊದಲು ನಾವಿಟ್ಟುಕೊಂಡಿದ್ದ ಟೈಟಲ್ ಚುಮ್ಮಾ. ಈಗೇನಾದರೂ ಅದೇ ಚಿತ್ರವನ್ನು ಚುಮ್ಮಾ ಅನ್ನೋ ಟೈಟಲ್ಲಿನಲ್ಲಿ ತೋರಿಸಿದರೆ ಇದೇ ಜನ ಏನು ಮಾಡ್ತಾರೋ ಗೊತ್ತಿಲ್ಲ ಎಂದಿದ್ದಾರೆ ಭಟ್ಟರು.

  • ಸಂಹಾರಿಣಿ ಪೂಜಾ ಗಾಂಧಿ

    pooja gandhi back in action mode

    ಮಳೆ ಹುಡುಗಿ ಪೂಜಾ ಗಾಂಧಿ, ರಗಡ್ ಪಾತ್ರಗಳಲ್ಲಿಯೂ ಮಿಂಚಿದ ಹೀರೋಯಿನ್. ಅವರೀಗ ಮಹಿಳಾ ಸಾಹಸ ಪ್ರಧಾನ ಚಿತ್ರ ಮಾಡಿದ್ದಾರೆ. ಹೌದು, ಶೂಟಿಂಗ್‍ನ್ನೇ ಮುಗಿಸಿದ್ದಾರೆ. ಕೈಯ್ಯಲ್ಲಿ ಪಿಸ್ತೂಲು, ಬಾಕು ಹಿಡಿದ ಪೂಜಾ ಗಾಂಧಿ ಲುಕ್ಕು ರೋಮಾಂಚನ ಹುಟ್ಟಿಸುವಂತಿದೆ. ಚಿತ್ರದ ಹೆಸರು ಸಂಹಾರಿಣಿ.

    ಕೆ.ಜವಾಹರ್ ನಿರ್ದೇಶನದ ಸಂಹಾರಿಣಿ ಸಿನಿಮಾಗೆ ಕೆ.ಶಬರೀಶ್ ನಿರ್ಮಾಪಕರು. ಥ್ರಿಲ್ಲರ್ ಕಥಾ ಹಂದರ ಇರುವ ಚಿತ್ರದಲ್ಲಿ ಬಾಲಿವುಡ್‍ನ ರಾಹುಲ್ ದೇವ್, ರವಿಕಾಳೆ, ಹ್ಯಾರಿ ಜೋಶ್ ಮೊದಲಾದವರೂ ನಟಿಸಿದ್ದಾರೆ. ಕಿಶೋರ್ ಪ್ರಧಾನ ಪಾತ್ರದಲ್ಲಿದ್ದಾರೆ. ಮಹಿಳೆಯೊಬ್ಬಳು ಮನಸ್ಸು ಮಾಡಿದರೆ ಏನು ಬೇಕಾದರೂ ಮಾಡುತ್ತಾಳೆ ಎನ್ನುವ ಥೀಮ್‍ನಲ್ಲಿಯೇ ಇಡೀ ಸಿನಿಮಾ ಮಾಡಲಾಗಿದೆಯಂತೆ.