` drishyam 2, - chitraloka.com | Kannada Movie News, Reviews | Image

drishyam 2,

  • ದೃಶ್ಯ 2 : ರಾಜೇಂದ್ರ ಪೊನ್ನಪ್ಪನ ಹೊಸ ಹೋರಾಟದ ಝಲಕ್

    ದೃಶ್ಯ 2 : ರಾಜೇಂದ್ರ ಪೊನ್ನಪ್ಪನ ಹೊಸ ಹೋರಾಟದ ಝಲಕ್

    ದೃಶ್ಯ. ಕುಟುಂಬವನ್ನು ಉಳಿಸಿಕೊಳ್ಳೋಕೆ ಪತ್ನಿ ಮತ್ತು ಮಗಳು ಮಾಡಿದ್ದ ಕೊಲೆಯನ್ನು ಮುಚ್ಚಿ ಹಾಕುವ ರಾಜೇಂದ್ರ ಪೊನ್ನಪ್ಪ, ನ್ಯಾಯಲಾಯದ ಕಣ್ಣಿನಲ್ಲಿ ನಿರಪರಾಧಿ. ಆದರೆ, ಆತನನ್ನು ಅಷ್ಟಕ್ಕೇ ಬಿಡಲು ಮಗನನ್ನು ಕಳೆದುಕೊಂಡ ತಾಯಿ ಸುಮ್ಮನಿಲ್ಲ. ಆದ ಅವಮಾನವನ್ನು ಮರೆಯಲು ಪೊಲೀಸರೂ ಸುಮ್ಮನಿಲ್ಲ. ಅವರು ರಾಜೇಂದ್ರ ಪೊನ್ನಪ್ಪನ ಬೇಟೆಗೆ ಹೊಂಚು ಹಾಕುತ್ತಲೇ ಇದ್ದಾರೆ. ಹಾಗೆ ಹೊಂಚು ಹಾಕಿದವರು ರಾಜೇಂದ್ರ ಪೊನ್ನಪ್ಪನನ್ನು ಸುಮ್ಮನೆ ಬಿಡುತ್ತಾರಾ? ಪೊಲೀಸ್ ಠಾಣೆಯ ಕೆಳಗೆ ಹೂತಿದ್ದ ಆ ಶವ ಪೊಲೀಸರಿಗೆ ಸಿಕ್ಕುತ್ತಾ? ಹೇಗೆ? ಅದಾದ ನಂತರ ಏನಾಗುತ್ತೆ?

    ಇಂತಹ ಅನೇಕ ಪ್ರಶ್ನೆಗಳಿಗೆ ಉತ್ತರ ನೀಡೋಕೆ ಬರುತ್ತಿದೆ ದೃಶ್ಯ 2. ಚಿತ್ರದ ಟ್ರೇಲರ್ ಹೊರಬಿದ್ದಿದೆ. ಮಲಯಾಳಂ ಹಾಗೂ ತೆಲುಗು ದೃಶ್ಯ 2ಗಿಂತ ಭಿನ್ನ ಎನಿಸುತ್ತಿದೆ. ಚಿತ್ರಕಥೆಯನ್ನೂ ಯಥಾವತ್ ಇಟ್ಟಿದ್ದಾರಾ? ಸ್ವಲ್ಪ ವಿಶೇಷತೆಯಂತೂ ಇದೆ ಎನ್ನಿಸುವ ಸುಳಿವು ಟ್ರೇಲರ್ನಲ್ಲಿ ಕೊಟ್ಟಿದ್ದಾರೆ ವಾಸು.

    ಚಿತ್ರದ ಟ್ರೇಲರ್ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದ ಸುದೀಪ್, ಈ ಚಿತ್ರವನ್ನು ರವಿಚಂದ್ರನ್ ಅವರ ಹೆಗಲೇರಿಸಿದ್ದು ತಾವೇ ಎಂಬ ಸತ್ಯವನ್ನೂ ಬಿಚ್ಚಿಟ್ಟರು. ತಾವು ದೃಶ್ಯಂನ್ನು ನೋಡಿದ್ದು ಕನ್ನಡದಲ್ಲಿ ಮಾತ್ರ. ದೃಶ್ಯ 2 ಚಿತ್ರವನ್ನೂ ನಾನೂ ಕನ್ನಡದಲ್ಲಿ ಮಾತ್ರ ನೋಡುತ್ತೇನೆ ಎಂದರು. ರವಿಚಂದ್ರನ್, ನವ್ಯಾ ನಾಯರ್, ಅನಂತ್ ನಾಗ್, ಪ್ರಮೋದ್ ಶೆಟ್ಟಿ ನಟಿಸಿರೋ ಚಿತ್ರ ಡಿಸೆಂಬರ್ನಲ್ಲಿ ರಿಲೀಸ್ ಆಗುವ ನಿರೀಕ್ಷೆ ಇದೆ.

  • ದೃಶ್ಯ 2 ಅಂತೂ ಪಕ್ಕಾ ಆಯ್ತು..!

    ದೃಶ್ಯ 2 ಅಂತೂ ಪಕ್ಕಾ ಆಯ್ತು..!

    ದೃಶ್ಯ. ವಿ.ರವಿಚಂದ್ರನ್ ಅವರಿಗೆ ಒಂದು ರೀತಿಯಲ್ಲಿ ಕಮ್ ಬ್ಯಾಕ್ ಸಿನಿಮಾ. ಅತ್ತ ದೃಶ್ಯ ಚಿತ್ರದ ಒರಿಜಿನಲ್ ಮಲಯಾಳಂನಲ್ಲಿ ದೃಶ್ಯ 2 ಸೀಕ್ವೆಲ್ ಸಂಚಲನ ಮೂಡಿಸಿದ ದಿನದಿಂದಲೇ ಕನ್ನಡದಲ್ಲಿ ಯಾವಾಗ ಅನ್ನೋ ಪ್ರಶ್ನೆ ಕೇಳುತ್ತಿದ್ದರು ಅಭಿಮಾನಿಗಳು.

    ದೃಶ್ಯ 2ವನ್ನು ಮಲಯಾಳದಲ್ಲಿ ನೋಡಿದವರೂ ಕೂಡಾ, ಇದನ್ನು ಕನ್ನಡದಲ್ಲಿ ಮಾಡಿ, ರವಿಚಂದ್ರನ್-ಪಿ.ವಾಸು ಜೋಡಿಯೇ ಇರಲಿ ಎನ್ನುತ್ತಿದ್ದರು. ಆ ಬೇಡಿಕೆಗೆ ಈಗ ಫಲ ಸಿಕ್ಕಿದೆ. ಪಿ.ವಾಸು ಮತ್ತು ವಿ.ರವಿಚಂದ್ರನ್ ಇಬ್ಬರೂ ಒಟ್ಟಗೂಡಿ ದೃಶ್ಯ-2 ಗೆ ಸೈ ಎಂದಿದ್ದಾರೆ.

    ಒನ್ಸ್ ಎಗೇಯ್ನ್, ದೃಶ್ಯ ನಿರ್ಮಿಸಿದ್ದ ಇ4 ಎಂಟರ್‍ಟೈನ್‍ಮೆಂಟ್ ಸಂಸ್ಥೆಯೇ ದೃಶ್ಯ-2ಗೂ ಬಂಡವಾಳ ಹೂಡುತ್ತಿದೆ. ಸದ್ಯಕ್ಕೆ ಸಿಕ್ಕಿರೋ ಡೀಟೈಲ್ಸ್ ಇಷ್ಟು ಮಾತ್ರ.

  • ದೃಶ್ಯಂ 2 ಕನ್ನಡದಲ್ಲಿ ರೀಮೇಕ್ ಮಾಡ್ತಾರಾ ರವಿಚಂದ್ರನ್..?

    ದೃಶ್ಯಂ 2 ಕನ್ನಡದಲ್ಲಿ ರೀಮೇಕ್ ಮಾಡ್ತಾರಾ ರವಿಚಂದ್ರನ್..?

    ದೃಶ್ಯ, ಮೂಲತಃ ಮಲಯಾಳಂ ಸಿನಿಮಾ. ಜೀತು ಜೋಸೆಫ್ ನಿರ್ದೇಶನದ ಆ ಸಿನಿಮಾ ಇಂಡಿಯನ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಟ್ರೆಂಡ್ ಸೃಷ್ಟಿಸಿದ್ದು ಸುಳ್ಳಲ್ಲ. ಕನ್ನಡ, ತೆಲುಗು, ತಮಿಳು, ಹಿಂದಿ ಅಷ್ಟೇ ಏಕೆ, ಚೈನೀಸ್ ಭಾಷೆಯಲ್ಲೂ ರೀಮೇಕ್ ಆಗಿ ಗೆದ್ದ ಚಿತ್ರವಿದು. ಈಗ ದೃಶ್ಯಂ 2 ರಿಲೀಸ್ ಆಗಿ ಒಟಿಟಿಯಲ್ಲಿ ಮೋಡಿ ಮಾಡಿದೆ.

    20 ಕೋಟಿ ಬಜೆಟ್‍ನಲ್ಲಿ ತಯಾರಾದ ದೃಶ್ಯಂ 2, ಈಗಾಗಲೇ 45 ಕೋಟಿಗೂ ಹೆಚ್ಚು ಲಾಭದಲ್ಲಿದೆ. ಇನ್ನೂ ಹೆಚ್ಚು ಲಾಭ ಗಳಿಸುವ ಸೂಚನೆಗಳೂ ಇವೆ.

    ಹೀಗಿರುವಾಗ ಎಲ್ಲರ ಕಣ್ಣೂ ರವಿಚಂದ್ರನ್ ಅವರತ್ತ ನೆಟ್ಟಿರೋದು ಸುಳ್ಳಲ್ಲ. ಕನ್ನಡದಲ್ಲಿ ದೃಶ್ಯ ರೀಮೇಕ್‍ನಲ್ಲಿ ನಟಿಸಿದ್ದವರು ರವಿಚಂದ್ರನ್. ಪಿ.ವಾಸು ಡೈರೆಕ್ಷನ್‍ನಲ್ಲಿ ಇ4 ಸಂಸ್ಥೆ ನಿರ್ಮಾಣ ಮಾಡಿತ್ತು. ರವಿಚಂದ್ರನ್‍ಗೆ ಮತ್ತೊಮ್ಮೆ ಹಿಟ್ ಪರಿಚಯಿಸಿದ ಸಿನಿಮಾ ಅದು. ಆ ಸಿನಿಮಾವನ್ನು ರವಿಚಂದ್ರನ್ ರೀಮೇಕ್ ಮಾಡಲಿ ಅನ್ನೋ ಕೂಗು ಸೋಷಿಯಲ್ ಮೀಡಿಯಾದಲ್ಲಿ ಶುರುವಾಗಿದೆ. ವಿಶೇಷವೆಂದರೆ ಮಲಯಾಳಂನಲ್ಲಿ ಸಿನಿಮಾ ನೋಡಿ ಮೆಚ್ಚಿದವರೇ ಇದನ್ನು ಕನ್ನಡದಲ್ಲಿ ರೀಮೇಕ್ ಮಾಡಬೇಕು, ಮತ್ತು ಅದರಲ್ಲಿ ರವಿಚಂದ್ರನ್ ಅವರೇ ನಟಿಸಬೇಕು ಎನ್ನುತ್ತಿರೋದು.

    ಇ4 ಸಂಸ್ಥೆ ಕೇಳಿಸಿಕೊಳ್ಳುತ್ತಾ..? ಅಥವಾ ರವಿಚಂದ್ರನ್ ಅವರೇ ಮನಸ್ಸು ಮಾಡ್ತಾರಾ..? 

  • ದೃಶ್ಯಂ 2 ರಿಲೀಸ್ ಯಾವಾಗ..?

    ದೃಶ್ಯಂ 2 ರಿಲೀಸ್ ಯಾವಾಗ..?

    ದೃಶ್ಯಂ 2 ರಿಲೀಸ್ ಆಗಲಿದೆ. ಡಿಸೆಂಬರಿನಲ್ಲೇ ತೆರೆಗೆ ಬರಲಿದೆ. ಚಿತ್ರಮಂದಿರಗಳಲ್ಲೆ ತೆರೆ ಕಾಣಲಿದೆ. ಎಲ್ಲವೂ ಈಗ ಅಂತಿಮವಾಗಿದೆ. ಆದರೆ.. ಯಾವಾಗ.. ಈ ಪ್ರಶ್ನೆ ಕಾಡೋಕೆ ಕಾರಣವೂ ಇದೆ. ದೃಶ್ಯಂ 2 ಚಿತ್ರದ ಮೇಲೆ ಭಾರಿ ನಿರೀಕ್ಷೆ ಇದೆ. ರವಿಚಂದ್ರನ್ ಯಶಸ್ವಿಯಾಗಿ ಕಮ್‍ಬ್ಯಾಕ್ ಮಾಡಿದ್ದ ಚಿತ್ರವಿದು. ದೇಶದ 7 ಭಾಷೆಗಳಲ್ಲಿ ರಿಲೀಸ್ ಆಗಿ, ಎಲ್ಲ ಕಡೆಯೂ ಸೂಪರ್ ಸಕ್ಸಸ್ ಕಂಡಿದ್ದ ಸಿನಿಮಾ ದೃಶ್ಯಂ. ಮಲಯಾಳಂನಲ್ಲಿ ದೃಶ್ಯಂನ ಸೀಕ್ವೆಲ್ ಒಟಿಟಿಗೆ ಬಂದು ಅಲ್ಲಿಯೂ ಹಿಟ್ ಆದ ನಂತರ ಕನ್ನಡಕ್ಕೆ ರೀಮೇಕ್ ಆಗಿದೆ.

    ದೃಶ್ಯಂನಲ್ಲಿದ್ದ ಟೀಂ ದೃಶ್ಯಂ 2ನಲ್ಲಿಯೂ ಇದೆ. ರವಿಚಂದ್ರನ್ ಜೊತೆ ಈ ಬಾರಿ ಅನಂತ್‍ನಾಗ್ ಕೂಡಾ ಇದ್ದಾರೆ. ಪಿ.ವಾಸು ಡೈರೆಕ್ಷನ್ ಕಂಟಿನ್ಯೂ ಆಗಿದೆ. ಆದರೆ, ಡಿಸೆಂಬರ್‍ನಲ್ಲಿ ಯಾವ ವಾರ ಸಿನಿಮಾ ರಿಲೀಸ್ ಮಾಡಬೇಕು ಅನ್ನೋ ಪ್ರಶ್ನೆ ಚಿತ್ರತಂಡವನ್ನೂ ಕಾಡುತ್ತಿದೆ.

    ಡಿಸೆಂಬರ್ 3ಕ್ಕೆ ಶ್ರೀಮುರಳಿ-ಮಹೇಶ್ ಕಾಂಬಿನೇಷನ್‍ನ ಮದಗಜ, ಡಿಸೆಂಬರ್ 10ಕ್ಕೆ ಶರಣ್-ಪುಷ್ಕರ್ ಮಲ್ಲಿಕಾರ್ಜುನಯ್ಯ ಜೋಡಿಯ ಅವತಾರ್ ಪುರುಷ, ಡಿಸೆಂಬರ್ 31ಕ್ಕೆ ರಕ್ಷಿತ್ ಶೆಟ್ಟಿಯವರ ಚಾರ್ಲಿ 777 ರಿಲೀಸ್ ಆಗುತ್ತಿದೆ. ಇದರ ಗ್ಯಾಪಿನಲ್ಲಿ ಇನ್ನೂ ಕೆಲವು ಚಿತ್ರಗಳಿವೆ. ಅಲ್ಲಿಗೆ ದೃಶ್ಯಂ 2ಗೆ ಬಾಕಿ ಉಳಿಯೋದು ಡಿ.10 ಮತ್ತು ಡಿ.17. ಆ ದಿನವೇ ಸಿನಿಮಾ ರಿಲೀಸ್ ಆಗಬಹುದು.

  • ದೃಶ್ಯ 2ಗೆ ಅನಂತ್ ನಾಗ್ ಎಂಟ್ರಿ..!

    ದೃಶ್ಯ 2ಗೆ ಅನಂತ್ ನಾಗ್ ಎಂಟ್ರಿ..!

    ದೃಶ್ಯ. ಮಲಯಾಳಂನ ಈ ಸಿನಿಮಾ ದೇಶದಲ್ಲೇ  ಹಲವು ಭಾಷೆಗಳಿಗೆ ರೀಮೇಕ್ ಆದ ಸಿನಿಮಾ. ಕನ್ನಡದಲ್ಲಿ ರವಿಚಂದ್ರನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಸೂಪರ್ ಹಿಟ್ ಆಗಿತ್ತು. ದೃಶ್ಯಂ 2 ಸಿನಿಮಾ ಬಂದಾಗ ಒಟಿಟಿಯಲ್ಲಿ ಭಾರಿ ಸದ್ದು ಮಾಡಿತ್ತು. ಈಗಾಗಲೇ ತಮಿಳು, ತೆಲುಗಿನಲ್ಲಿ ರೀಮೇಕ್ ಆಗುತ್ತಿದೆ. ಕನ್ನಡದಲ್ಲೂ ಅದೇ ಟೀಂ ರಿಪೀಟ್ ಆಗಿದೆ.

    ರವಿಚಂದ್ರನ್, ನವ್ಯಾ ನಾಯರ್, ಆರೋಹಿ ನಾರಾಯಣ್, ಶಿವಾಜಿ ಪ್ರಭು, ಆಶಾ ಶರತ್ ಎಲ್ಲರೂ ಇರುತ್ತಾರೆ. ಪ್ರಮೋದ್ ಶೆಟ್ಟಿ ಹೊಸ ಸೇರ್ಪಡೆ. ಈಗ ಇದೇ ಚಿತ್ರದಲ್ಲಿ ಅನಂತ್ ನಾಗ್ ನಟಿಸುತ್ತಿದ್ದಾರಂತೆ. ಅನಂತ್ ಓಕೆ ಎಂದಿದ್ದಾರೆ. ಆದರೆ.. ಪಾತ್ರ ಯಾವುದು? ಕಾದಂಬರಿಕಾರನ ಪಾತ್ರ ಇರಬಹುದು ಎನ್ನುವುದು ಒಂದು ಊಹೆ. ಪಿ.ವಾಸು ಅನಂತ್ ಅವರಿಗೆ ಯಾವ ಪಾತ್ರ ಕೊಟ್ಟಿದ್ದಾರೋ ಗೊತ್ತಿಲ್ಲ.  

  • ರವಿಚಂದ್ರನ್ 2ನೇ ಕುಟುಂಬದ ಶೂಟಿಂಗ್ 38 ದಿನಕ್ಕೆ ಮುಗೀತು

    ರವಿಚಂದ್ರನ್ 2ನೇ ಕುಟುಂಬದ ಶೂಟಿಂಗ್ 38 ದಿನಕ್ಕೆ ಮುಗೀತು

    ರವಿಚಂದ್ರನ್ ಅವರಿಗೆ ದೃಶ್ಯ ಚಿತ್ರತಂಡ ಅವರಿಗೆ 2ನೇ ಕುಟುಂಬದಂತೆ ಭಾಸವಾಗುತ್ತಿದೆಯಂತೆ. ಪತ್ನಿಯ ಪಾತ್ರದಲ್ಲಿ ನವ್ಯಾ ನಾಯರ್, ಮಕ್ಕಳಾಗಿ ಆರೋಹಿ ನಾರಾಯಣ್, ಉನ್ನತಿ ನಟಿಸಿದ್ದರು. ಅದು ನನಗೆ ಇನ್ನೊಂದು ಕುಟುಂಬದಂತೆಯೇ ಫೀಲ್ ಆಗುತ್ತದೆ. ಎಷ್ಟೋ ಸಿನಿಮಾಗಳಲ್ಲಿ ನಟಿಸಿದ್ದರೂ, ಈ ಕುಟುಂಬದ ಜೊತೆಗಿನ ಅನುಭವ ಮಾತ್ರ ಡಿಫರೆಂಟ್. ಶೂಟಿಂಗ್ ಇಷ್ಟು ಮುಗಿದಿರೋದಕ್ಕೆ ಬೇಸರವಾಗುತ್ತಿದೆ ಎಂದಿದ್ದಾರೆ ರವಿಚಂದ್ರನ್.

    ದೃಶ್ಯ ನಿರ್ದೇಶಿಸಿದ್ದ ಪಿ.ವಾಸು ಅವರೇ ದೃಶ್ಯ 2 ಚಿತ್ರವನ್ನೂ ಡೈರೆಕ್ಟ್ ಮಾಡಿದ್ದಾರೆ. ಕೇವಲ 38 ದಿನದಲ್ಲಿ ಚಿತ್ರೀಕರಣವನ್ನೂ ಮುಗಿಸಿದ್ದಾರೆ. ಇನ್ನೇನಿದ್ದರೂ ಪೋಸ್ಟ್ ಪ್ರೊಡಕ್ಷನ್ ಕೆಲಸ. ದೃಶ್ಯದಲ್ಲಿದ್ದ ಟೀಂ ಬಹುತೇಕ ಕಂಟಿನ್ಯೂ ಆಗಿದೆ. ಸಂಗೀತ ನಿರ್ದೇಶಕರ ಜಾಗಕ್ಕೆ ಇಳಯರಾಜ ಬದಲು, ಅಜನೀಶ್ ಲೋಕನಾಥ್ ಬಂದಿದ್ದಾರೆ. ಅನಂತ್ ನಾಗ್, ಯತಿರಾಜ್, ಪ್ರಮೋದ್ ಶೆಟ್ಟಿ, ಲಾಸ್ಯ ನಾಗರಾಜ್ ಈ ಚಿತ್ರದಲ್ಲಿ ಸೇರಿರುವ ಹೊಸ ಟೀಂ.

    ಕೊರೊನಾ ಪ್ಯಾನ್‍ಡೆಮಿಕ್ ಬಹುತೇಕ ಮುಗಿಯುವ ಹಂತ ತಲುಪಿದೆ. ಹೀಗಾಗಿ ಕೊರೊನಾ ಸಂಕಷ್ಟ ಮುಗಿಯುವ ಹೊತ್ತಿಗೆ ದೃಶ್ಯ 2 ಕೂಡಾ ರೆಡಿಯಾಗಬಹುದು. ಪಿ.ವಾಸು ಟೈಂ ವೇಸ್ಟ್ ಮಾಡುವವರಲ್ಲ. ಗೆಟ್ ರೆಡಿ ಟು ದೃಶ್ಯ 2.

  • ರಾಜೇಂದ್ರ ಪೊನ್ನಪ್ಪನ ದೃಶ್ಯ 2ನಲ್ಲಿ ಪ್ರಮೋದ್ ಶೆಟ್ಟಿ

    ರಾಜೇಂದ್ರ ಪೊನ್ನಪ್ಪನ ದೃಶ್ಯ 2ನಲ್ಲಿ ಪ್ರಮೋದ್ ಶೆಟ್ಟಿ

    ದೃಶ್ಯ 2 ಚಿತ್ರ ಕನ್ನಡಕ್ಕೆ ಬರುತ್ತಿದ್ದು, ದೃಶ್ಯ ತಂಡವೇ ಕಂಟಿನ್ಯೂ ಆಗುತ್ತಿದೆ. ರವಿಚಂದ್ರನ್, ಪಿ.ವಾಸು ಜೊತೆಯಾಗಿದ್ದು, ಇನ್ನೊಂದು ಪ್ರಮುಖ ಪಾತ್ರಕ್ಕೆ ಖಡಕ್ ವಿಲನ್ ಎಂಟ್ರಿ ಕೊಟ್ಟಿದ್ದಾರೆ. ಉಳಿದವರು ಕಂಡಂತೆ, ಹೀರೋ, ಅವನೇ ಶ್ರೀಮನ್ನಾರಾಯಣ.. ಹೀಗೆ ಸಾಲು ಸಾಲು ಚಿತ್ರಗಳಲ್ಲಿ ಗಮನ ಸೆಳೆದಿರುವ ಪ್ರಮೋದ್ ಶೆಟ್ಟಿ, ಈಗ ದೃಶ್ಯ 2ಗೆ ಎಂಟ್ರಿ ಕೊಟ್ಟಿದ್ದಾರೆ. ರವಿಚಂದ್ರನ್‍ರಂತಾ ಸೀನಿಯರ್ ಜೊತೆಗೆ ಅವರಿಗಿದು ಮೊದಲ ಸಿನಿಮಾ.

    ಮೊದಲ ಭಾಗದಲ್ಲಿ ನವ್ಯಾ ನಾಯರ್, ಆರೋಹಿ ನಾರಾಯಣ್, ಆಶಾ ಶರತ್, ಪ್ರಭು.. ಮೊದಲಾದವರೆಲ್ಲ ಕಂಟಿನ್ಯೂ ಆಗುತ್ತಿದ್ದು, ಒಂದಷ್ಟು ಹೊಸಬರು ಬರಲಿದ್ದಾರೆ ಎಂದಿದ್ದಾರೆ ವಾಸು. ಮಲಯಾಳಂನಲ್ಲಿ ಮುರಳಿ ಗೋಪಿ ನಟಿಸಿದ್ದ ಪಾತ್ರಕ್ಕೆ ಪ್ರಮೋದ್ ಶೆಟ್ಟಿ ಬಂದಿದ್ದಾರೆ.

    ನನಗೆ ದೃಶ್ಯಂ 2ನಲ್ಲಿರೋ ಥ್ರಿಲ್ಲರ್ ಅಂಶಗಳು ಇಷ್ಟವಾದವು. ರವಿಚಂದ್ರನ್ ಜೊತೆಗೆ ನನಗಿದು ಮೊದಲ ಸಿನಿಮಾ. ಇಡೀ ಚಿತ್ರದಲ್ಲಿ ನಾನಿರುತ್ತೇನೆ ಎಂದಿದ್ದಾರೆ ಪ್ರಮೋದ್ ಶೆಟ್ಟಿ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery